1 Ana Israel yoba yugobuno pere pere mudu ede u Devit dumo Hebron moglmara udre, ye yegl di teigwa, Nono we, nono bormai swara munga. 2 Okna Sol no kingno moglkwa igne, ene swara ami sugl moglsre, ami agre ingo, kuda wagle eigwa. Te, Yawe ene di togwa i, Ene yoba sipsip sugl meglmere mere yegl Israel yoba sugl moglsre, ye bitno moratniwe di, Yawe yegl dume digwa. 3 Yegl digo, Israel yagl kade ye Devit dumo Hebron moglmara wigwa i, Devit Yawe gumuglo wagle ye ka kaima di te paduglko, ye Israel yoba kingno morabuka i, i nogugl edinamnedi kugo nuglo ye bre mina toide edigwa. 4 Devit king morabedi edigwa igne i ye bugla yugu 30 ne kodugwa. Ye bugla yugu 30 nedre, king moglkwa. Moglsre, bugla yugu 40-pela king moglkwa.