4 ጾሳስ ዬጺቴ፤

ኢዛ ሱንስ ጋላታ ማዛሙሬ ዬጺቴ።

ሻራ ቦላራ* ሄሜቲዛይሳ

ቁ ቁ ሂስቲቴ፤

ኢዛስ ሱንይ ጎዳ፤

ኢንቴካ ኢዛ ሲንን

ኬሂ ኡፋዬቲቴ።

5 ጾሲ ባ ጌሻሶሆን ዲሼ

ኣዋይ ባይንዳይታስ ኣዋ፤

ቃሴ ኣምኤታስካ ፒርዲዛ ዳና።

9 ጎዳይ ቤቴ ኣሳታ ናጌስ።

ኣምኤታኔ ዪኦ ናይታ ማዴስ፤

ጊዶ ኣቲን ኢታታ ኦጌ ይሴስ።

3 ዎልቃይ ባይንዳይታሲኔ ዪኦታስ

ቱማ ፒርዳ ፒርዲቴ፤

ማንቆኔ ናቄቲዳ ኣሳታ

ማታ ናጊሲቴ።

18 «ኣዋይኔ ኣያ ባይንዳ ናይታ ማላ ታ ኢንቴና ጻላ ኣጊኬ፤ ታ ሲማዳ ሃ ኢንቴኮ ያና።

27 ጾሳ ኣዋ ሲንን ኢታቴ ባይንዳ ሎኦ ኣማኖይ ኣያኔ ኣዋይ ሃይቂዳ ናይታ፥ ኢስታ ኣዚናቲ ሃይቂዳ ማጫሳታ ሜቶቴቲሺን ማዶኔ ሃይሳ ኣላሜዛ ቱናቴፌ ባና ናጎ።

17 ሎኦ ኦሶ ታማርቴ፤

ሱሬ ፒርዳ ኮዪቴ፤

ቆሄቲዳይታ ሚንቴ፤

ዪኦታስ ኤቂቴ፤

ኣምኤታስ ሞቴቲቴ» ጊዴስ።

9 «ኡባፌ ዎልቃማ ጎዳይ፥ ‹ቱሙ ፒርዳ ፒርዲቴ፤ ኢንቴ ጋርሳን ኢሶይ ኢሳራ ማሬቲቴኔ ኢሶይ ኢሳስ ቃቲቴ። 10 ኣምኤታ፥ ዪኦታ፥ ቤቴ ኣሳታኔ ማንቆታ ሜቶፍቴ፤ ኢሶይ ኢሳስ ኢንቴ ዎዚናን ኢታ ቆፖፍቴ› ጌስ።

22 ኣዚናይ ሃይቂዳ ኣምኤዮኔ ኣዋይ ዎይኮ ኣያ ሃይቂዳ ና ዋዪሶፒቴ። 23 ኢንቴ ኢስታ ዋዪሲን ኢስቲ ታኮ ዋሲኮ ታኒ ኢስታ ዋሶ ቱማፔ ሲያና፤ 24 ሄ ዎዴ ታ ሃንቆይ ኢንቴ ቦላ ዴንዳና፤ ታኒ ኢንቴና ማሻን ዉርሳና፤ ኢንቴ ማቼቲ ኣምኤታ ኢንቴ ናይቲካ ኣዋይ ባይንዳ ዪኦ ናይታ ጊዳና።

12 ሃይሲካ ሃኒዳይ

ታኒ ማንቆታ ዎሳ ሲያዳ

ኢስታ ኣሺዛይሳኔ

ዪኦ ናይታ ታ ማዲዛ ጊሻሳ።

13 ሃይቃና ማቲዳ ኣሳታ

ታ ማዲዛ ጊሻስ

ታና ኢስቲ ኣንጂዳ፤

ኣምኤ ማጫሳታ

ታ ማዲዛ ጊሻስ

ኡፋይሳን ዬጺዳ።