Orgulho
O orgulho é um dos pecados mais condenados na Bíblia. Deus resiste aos soberbos, mas dá graça aos humildes. A humildade é o caminho da honra verdadeira.
Deus resiste ao soberbo
A soberba precede a ruína e o orgulho antecede a queda. Deus abomina o coração altivo e promete humilhar quem se exalta.
Humildade como caminho
Humilhai-vos diante do Senhor e Ele vos exaltará. A grandeza no Reino vem pelo serviço humilde, não pela autopromoção.
Ana nono ege mere nomane kide imga ba God mitno podo goglsre, ake ple di noragledi prukwa. Mabuno i pre ye kamo mina bage ta yegl dugwa,
Yoba ta mogl mitna edenabuka i, God ye ake atne edenabuka ba yoba ta mogl atne edenabuka i, God ye ere wakai ere tenabiwe
dugwa.
Ene yegl ersre, Yaglno Kade moglmara mogl atne edibi, yene ere mogl, ene ake mitna edenabuka.
Goduglme ya yoba taragl mere kan neigwa pre dugwa
Ana nono agro goduglme ta morabuka i, God na ake mitna edumedi prisre, gun yenabuka paugwa. Ba agro ta mige moni mere kan nenabuka i, God ye ta ake atne edenan, gun yenabuka paugwa. I siragl pre kugl kwie ege sugunagle ta padre, tabre goglmere yegl, agro i ama ege sugunagle yegl moglsre, goraglka pamedi prabuka paugwa.
Nono mogl atne edidre, God no suglno morabedi pramga paugwa
Ene yagl gakamugl ta meglkwa i, ene suglno yoba ta moraiglmara mogl atne ede molo. Te, ene mudu ikne ikne mogl atne edenaiglkwa paugwa. I siragl pre God kamo bage ta yegl dugwa,
Yoba ta mogl mitna edenabuka i, God ye ake atne edenabuka ba yoba ta mogl atne edenabuka i, God ere wakai ere tenabiwe
dugwa. Yegl pre ene mudu God yobuglomo podo pamedi prisre, ye moglmara mogl atne ede molo. Ene yegl eribi, ege swara ta God wakai prumere ene ake mitna edenabuka. Te, ene yubuno i, pra pra pia si God ogo mina yenaiglkwa paugwa. I siragl pre God ene mitno goglkwa yagle moglkwa.
I siragl pre yoba ta yene mogl mitna edenabuka i, God ye ake atne edenabuka. Ba yoba ta yene mogl atne edenabuka i, God ye ake mitna edenabiwe dugwa.
Ene swara swarade moraiglmara i, ene enene we di prikre, te ene kagno kade inamnedi pre taragl swara kaima ta erekrio. Ene yegl ta erekre, enene pre i atne edidre, agroma abaroma tau moraiglkwa i pre i mitna edio. Te, ene enene keme wakai moramnedi prikre, agroma abaroma tau i ama wakai moraiglmedi prio.
Ene Krais Jisas nomanemo pamere yegl, nomane inaiglkwa paugwa. Ye nomanemo paugwa i, yegl paugwa,
Os perigos do orgulho
O orgulho cega, gera contendas e afasta de Deus. A Escritura adverte contra a soberba da vida e a vã glória mundana.
I siragl pre yoba mabuno kide deno muduno mina pogglau boglko, eramnedi prisre, taragl kane kane bubuno gogl, yene kagno ake mitna ede, yoba kan atne edidre, erikwa i, makadigle mabunono yegl paugwa ba Neno Kade ta tekrukwa.
Ana ene adigl gigledi moledi pratnga ba tadaglme mina yage si dinatnga pre kan kun ero!
Te, yoba ta ere mogl, yoba goduglme meglkwa i ake ple di tenagledi mige moni ya bonaganamo mudu tenabo mo ye God kogonmo erukwa i pre yoba ye si gagl tege eramnedi eribi, ye kudugl goglkre, God kogonmo ere pai morabuka ba ye dem muduo yoba ta tekran, ye kogon podo erumara i, taragl wakai swara to ikrabuka.
Te, yoba togl meda meglkwa i kanigwa, ene yoba tom tai, yoba yoko, kagno paikrukwa meglmedi kanigwa. Yegl kanigwa ba God ene agle dugo, ene ede suna wimara i mina ye i nogugl ede, yoba ta kagno pamedi prikwa yobamo i kagno ta paikrumedi i nogugl edugwa. God gumuglo mina yoba ye yene kagno ake mitna ede dinaiglmedi prukwa pre mabuno yegl erukwa.
God kamo dugwa i, yegl dugwa, Ene yoba ta kagie ake mitna edenagledi pitn, Yagl Kade swara kagie ake mitna edo dugwa. Yegl pre nono pramga, yoba ta yene kagie ake mitna edenabuka i, ye kagie kade kaima ta ikrabuka ba God ere mogl, yoba ta kagie ake mitna edenan, yoba i keme kagie kade inabuka.
Ye ama yegl dugwa, Yoba deno muduno mina taragl ta pogglau boglko, nomano mina poglo di pre, mabuno erikwa ya ka digwa swara i, God gumuglo wagle yoba si deglbi yogwa. I siragl pre yoba nomane kide prikwa ya, kumugl abai mo yagl abu ta bogl kunogl neigwa ya, taragl kunogl neigwa ya, yoba si geglkwa ya, taragl bubuno geglkwa ya, mabuno kide kaima kane kane beglkwa ya, ka kibi digwa ya, taragl mane pamara nogugl erikwa ya, yoba kide pre teigwa ya, kenaglno sigwa ya, yene pre i mitna edigwa ya, nomane kide kane kane pamere erikwa i, yoba deno muduno mina padre, ede meda wigwa. Mabuno kide mudu i, yoba deno muduno mina yedre, ede meda ugo, ka kaima yoba si deglbi yeimiwe di, Jisas yegl dugwa.
Ana yoba ta erme makandigle mige moni ya bona gana mere kan neigwa i, ene di to. Mige moni ya bona gana i, tabre bugl kide erabuka yogwa pre ye yene pre i mitna edekre, mige moni mina wakai moramnedi prikraiglkwa paugwa. God swara ake ple di noran, wakai moramnedi pribi, i swara kuno erabuka. God moglkwa i, ye nono wakai moglsre, gun yenaiglmedi taragl kane kane norukwa yagle moglkwa.
O olhar de Deus
O Senhor não olha como o homem. Ele vê o coração e se agrada dos quebrantados de espírito e dos que tremem diante da sua Palavra.
Yegl di prukwa ba Yawe ere mogl, Samuel yegl di togwa, Yagl i yagl olto moglkwa i ya wakai moglmedi kanga i prikro! Na ye king morabuka mane diga. Ene yoba ere mogl, yoba siragl mere meglkwa i pre yubu simere yegl na ta erekrika. Ene kan ogono gagno keme edigwa ba na we, na kan ye nomano ya deno mudno ime edie dugwa.
Ene ikne ikne deno muduno swara yei moraiglkwa. Te, ene mogl mitna edidre, yoba kade munedi prikre, yoba ta kagno paikrukwa i bogl akie wan, ye meglmere yegl, kuno moraiglkwa.
Ba yoba Mudu Murubuglo duglo beglkwa igne, ye meglmara kogon eruko, ye mogo wakai keglkwa. Ye deno muduno ikne ikne tedre, gun yei, deno muduno wida di idre, deno tabre kubrokre, yoba ere wakai ere te, ye ama ka dimara adigl moglsre, mabuno wakai beglkwa. Te, ye ama kiede mogl, deno muduno goglo i, ake atne edigwa. Mabuno wakai pra pra i, yoba lo ta ere padigl, mane dikrikwa.