Pai da mentira

44 तुम अपना बाप सैतान से हइ, अरु अपना बाप की लालसाहोन खे पूरो करणो चाहस हइ उ ते सुरुवात से खुनी हइ, अरु सच्चीचाइ पर स्थिर नी र्हे, क्युकी सच्ची ओमे हइ ही नी. जब उ झूठ बोलस, ते अपना स्वभाव मे से बोलस हइ. क्युकी उ झूठो हइ, क्युकी झूठ को बाप हइ.

2 अरु जब सैतान शमौन को बेटो यहूदा इस्करियोती का मन मे यो डाली चुक्यो थो, कि ओखे पकडनो हइ ते खाना का टेम मे.

9 जब व्हा बडो अजिगर, अगर उ जुन्नो साप जो इब्लीस अरु सैतान बोल्यो जास हइ अरु सब जगत को भरमानवालो हइ जमीन पर गिरय दियो गयो, अरु वोको दूत वोका सात गिरय दिया गया.

10 फिर मे ने स्वर्ग से यो उच्चो आवाज आते हुयो सुन्यो, "आब हमारो परमेश्वर को उध्दार अरु सामर्थ्य अरु राज अरु वोकि मसीह को राज को अधिकार प्रकट हुयोस हइ, क्युकि हमारो भैइहोन पर दोष लगानवालो, जो दिन-रात हमारो परमेश्वर का सामने वोका पर दोष लगायो करतो थो,

14 अरु यो कुछ अचम्भ की बात नी क्युकि सैतान आप भी तेजस्वी स्वर्गदूत को भेस धारण करस हइ.

4 अरु वे अविश्वासीहोन का लियेका जेकी बुध्दि यो जगत को परमेश्वर ने अंधी करी दी हइ, ताकि मसीह जो परमेश्वर को रुप हइ, ओका तेजमय सुसमाचार को उजालो उनका पर नी चमक्ये.

19 जो कोय राज्य को वचन सुनीखे नी समझस, ओका मन मे जो कुछ बोयो गयो थो, ओखे उ दुष्ट अयखे छुड्य ली जास हइ. यो उ हइ, जो रस्ता का किनारा पर बोयो गयो हइ.

38 खेत जगत हइ, अरु अच्छो बीज राज्य को बेटो हइ, अरु जंगली बीज दुष्ट को बेटो हइ. 39 जो दुसमन ने ओखे बोयो उ सैतान हइ. काटना से जगत को अन्त: हइ अरु काटन वलो स्वर्गदूत हइ.

8 सचेत हुये अरु जागा र्हेव, क्युकि तुम्हारा विरुध सैतान एक गर्जन आलो सेर का जसो या इदर उदर घुमते हुयो या तक मी रेस हइ कि कोय खे फाडी खाये.

9 उ दुष्ट को आनो सैतान कि शक्ति से हुये तथा उ भोत बडि शक्ति झुटो सामर्थ्य अरु अर्चाय चिन्ह का काम से गया.

30 मी अब से तुमारा साथ अरु भोत बातहोन कर्यु क्युकी यो जगत को मुखियो आस हइ, अरु मरा पर ओको कुछ अधिकार नी.

8 जो कोय पाप करस हइ उ सैतान का तरफ से हइ क्युकि सैतान पहिले हि से पाप करतो आयो हइ परमेश्वर को बेटो एका लिये प्रगट हुयो कि सैतान काम होन खे नाश करस.

18 हम जानस हइ कि जो कोय परमेश्वर से पइदा हुयो हइ उ पाप नी कर्‍हे. पर जो परमेश्वर से पइदा हुयो, ओखे उ बच्य रखस हइ अरु उ दुष्ट ओखे छि नी पाये.

19 हम जानस हइ कि हम परमेश्वर से हइ अरु पुरो संसार सैतान का कब्जामे पड्यो हइ.

18 कि तु उनका आखहोन खोल कि वे अंधारा से सैतान को अधिकार उजाला का तरफ फिरनु. ताकी उनका विश्वास का वजेसे जो उन पर हइ वे उनका पापहोन की माफी अरु परमेश्वर खे चुन्या हुया दुन्या का साथ जगा पाये.

10 वो को भरमानवालो सैतान अंगार अरु गन्धक की वु नाला मे जेमे वु जनवर अरु झुटो भविष्यव्दक्ता भी हुये डाली दिह्ये जाह्ये. अरु वे रात दिन पिडमपिडि से दुख मे तडपते र्‍हिये.

7 येकालिये परमेश्वर का अधीन हुये जाए अरु सैतान को सामनो कर, ते वो तुमारा पास से भाग निकलस.

6 यीशु ने ओकासे बोल्यो, "रस्ता अरु सच्ची अरु जिवन मी ही हइ. बिना मरा वजेसे कोय बाप का पास नी पहुचे सक्ये.