Pai da mentira

44 Abä e kə də djablo, â e yində kə mbrə ərə ə̂në tshelə abä e yində nə kɔ. Ətshə, tshə sə tə awowo azü kʉ pə tə̂ alɔ kə vɔtə̂ aərə. Tshə ka ka gâ pâ ə̈bə̈ djatra əpʉ alɔ bale ne, mbrə ə̂në djatra əpʉ sə sə lə ye ne. Alɔ ə̂në tshə sə kə pa əterə, tshə pa əpʉ ərə ə̂në ə sə djoko lə ye kɔ, mbrə ə̂në tshə sə tə əyïəterə â sə tə abä əterə nə.

2 Tə̂ alɔ kə zɨ rəgo, bale, ə̂në djablo zâ gâ tə̂ lɔsu Judasə, ɨrɨ Shemɔ Isəkariɔtə ndə kə pa tshə ka Jezu nə kɔ,

9 Əndje wlî ətshə gâ tʉ, ətshə əmbrʉ agia nə, əkrɔ tshe leme-e nə, ətshə ə̂në əndje ê ətshə ə pa djablo də Sataa kɔ, ətshə ə̂në tshə djingli äwä tə̂ azü tshepashɔ nɔ̂ kɔ. Əndje wlî ətshə gâ pâ ashɔ gâ ye, ətshə də atrawaya nə̂ ye nə.

10 Bale, mə djî ə̈bə̈ tshema mâ lafɔ ə̂në ə pâ əpʉ tə âgbɔ̂ ə pa:

«Kpəsəye, ə sə tə alɔ ndə kə pa Ndjapä she azü nə̂ ye lə kuzu,

də alɔ awlra nə̂ ye də alɔ əgɔngerə nə̂ ye

də alɔ ngerə nə̂ Kristə nə̂ ye nə tɔ̂ gâ ye.

Mbrə ə̂në əndje wlî awolea alaye əzə̂ nə gâ tʉ gâ ye,

ətshə nə ə̂në tshə lea əndje sɔ də tsheləbu sɔ də alɔ ətshi Ndjapä nə kɔ.

14 Ə sə sə tə əpʉ ə̂në kumu əzü ə kpe pâ əndu ye tə̂ nə ne. Mbrə ə̂në Sataa də ə̂tə̂ ye za tə̂ ye tə trawaya ə̂yîtshe.

4 tə̂ azü ə̂në əndje za lɔsu əndje za kə Ndjapä ne kɔ. Bale, ndjapä tshepashɔ səke bû lɔsu əndje gâ ye, kanika əndje wu wu ə̂yî Ə̂rɔ̂ Əpʉ nə̂ Kristə nə ə̂në ə tshe kɔ ne. Kandää, Kristə nə sə tə foto Ndjapä.

19 Azü ə̂në əndje dji əpʉ Əgɔngerə tshelafɔ ə dji tshelə nə dji ne kɔ, djablo na ə za ərə ə̂në əndje lû gâ tə̂ lɔsu əndje kɔ ə ro də nə. Əndje sə mata tshe ndʉ äwä ə̂në angwa rəgo nə yɔ̂ gâ tə̂ nə kɔ.

38 Kəndɨ nə kə də̂ tshepashɔ. Ə̂rɔ̂ angwa rəgo nə kə də̂ azü ə̂në əndje sə tə azü Əgɔngerə nə. Əmbrʉ ebe nə, kə də̂ aneshe nə̂ djablo. 39 Əyïkowɔ nə ə̂në tshə lû əmbrʉ ebe nə kɔ, kə də̂ djablo. Tshekɨ kə ko angwa rəgo nə kə də̂ kə nglɔ tshepashɔ nɔ̂. Azü kə ko angwa rəgo nə kə də̂ atrawaya nə̂ Ndjapä.

8 E sə̈ də ə̈kü ala e, ala e gbɔ̈! Əyïkowɔ nə̂ e, djablo, sə kə na djitshe djitshe mata bamara ə̂në tshə sə kə lea nə ə sə kə pra əzü ndə kə zɨ ətshə kɔ.

9 Alɔ ə̂në əmbrʉ əzü nə sə kə yi kumu ye, tshə sə kə ma tə̂ ye gashu tə̂ äwä awlra nə̂ Sataa, də adongo aərə ə̈lü də aərə kə za awa gâ lə azü gâ ndə aərə ə̂në ə ro pâ kumu azü kɔ ndə kə frɔ azü.*

30 Mə sə sə kə pa əpʉ kwatə̂mə ngbatshe kə e ne, mbrə ə̂në əyïngerə tshepashɔ səye sə kə na gu nə. Tshə sə sə də ə̈bə̈ ərə nə̂ ye bale lə əmə ne.

8 Əzü ə̂në tshə sə kə mbrə nyaka alɔnɔ̂, tshə sə tə əzü nə̂ djablo, mbrə ə̂në djablo nə sə kə mbrə nyaka kerə pə tə̂ ama nə. Kandää, Ɨrɨ Ndjapä nə nâ kɔ, tshə nâ ndə kə pa tshə ndɨ tshelə aərə ə̂në djablo nə sə kə mbrə nə kɔ.

18 A wusə̂ nə ə pa əzü nɔ̂ ə̂në tshə sə tə əgblə nə̂ Ndjapä kɔ, tshə sə sə kə mbrə nyaka alɔnɔ̂ ne. Bale, Ɨrɨ Ndjapä nə sə kə bata ətshə, â djablo sə sə kə goro ətshə ne.

19 A wusə̂ nə ə pa a sə tə azü nə̂ Ndjapä nə, â tshepashɔ nɔ̂ sə tshekudu awlra nə̂ djablo.

18 Mə wla əbə ndə kə pa bə vru ala əndje, kanika əndje tshi äwä əbutshe tʉ ə gu ndə ə̂yîəwo, ə tshi äwä awlra nə̂ Sataa tʉ ə gu gâ ndə Ndjapä, kanika tshelə anyaka nə̂ əndje gba, əndje sɔtə̂ ətshe lə takpa tə̂ azü ə̂në əndje sə tə azü nə̂ Ndjapä kɔ tə̂ äwä kə za lɔsu əndje kə əmə."»

10 Djablo nə ə̂në tshə djîngli əndje nə kɔ, əndje zâ ətshə ə wlî ətshə gâ ala âgbɔ̂ kudû əwo abadja ə̂në ə sho ətshe ə sho kɔ, tə̂ ətshe nə ə̂në agia nə də awopandəma ndjapä əterə sə̂ tə̂ nə kɔ. Əndje sə kə wu əyo sɔ də tsheləbu sɔ də alɔ, də ə̂ngû də ə̂ngû piii.

7 Rəkɔ, e mbrə̈ tə̂ e teashe gâ tshekudu Ndjapä; e wə̈ra tə̂ e tə̂ djablo, ka tshə kpe ngrʉ̂ gashe tə̂ e.

6 Jezu pâ kə ətshə ə pa: «Əmə, mə də̂ äwä nə, djatra əpʉ nə gâ ndə sorô nə. Ə̈bə̈ əzü bale sə sə kə na gâ tə̂ Abä tə̂ ə̈bə̈ äwä kpî tə̂ əmə ne.