Pais e filhos
A relação entre pais e filhos é uma das mais preciosas na Bíblia. Deus estabeleceu a família como escola de fé, amor e formação de caráter.
Honrar pai e mãe
Honrar os pais é o primeiro mandamento com promessa. Os filhos são chamados a obedecer, respeitar e cuidar de seus pais.
"तू अपणे माँ-बाप का आदर करिये, जिसतै जो देश तेरा परमेसवर यहोवा तन्नै देवै सै उस म्ह तू घणे दिन तक रहण पावै।"
पवित्र ग्रन्थ कहवै सै, के "अपणे माँ-बाप का आदर कर, तो तेरा भला होगा अर इस धरती पै तेरी उम्र भी लम्बी होवैगी।" अर यो परमेसवर की ओड़ तै दिया गया पैहला हुकम सै, जिसके गैल वादा भी सै। हे बाळकां आळो, यो थारे खात्तर सही सै, के थम जो परमेसवर पै बिश्वास करो सों, तो अपणे माँ-बाप का कहणा मान्नो।
हे बाळकों, सारी बात्तां म्ह अपणे-अपणे माँ-बाप के हुकम नै मान्नो, क्यूँके प्रभु इसतै खुश होवै सै।
अपणे जन्म देणआळे बाप की सुणिए,
अर जिब तेरी माँ बूढ़ी हो जा, तोभी उसनै तुच्छ ना जाणीए।
जो बेट्टा अपणे बाप नै उजाड़ै, अर अपणी माँ नै भगा देवै सै,
वो अपमान अर शर्म का कारण होवैगा।
जो अपणे माँ-बाप नै कोस्सै,
उसका दीवा बुझ जावै, अर घणा अन्धेरा हो जा सै।
जै किसे बिधवा के बाळक या नात्ती-पोत्ते हों, तो वे सब तै पैहल्या अपणे ए कुण्बे कै प्रति अपणे फर्ज नै पूरा करकै परमेसवर का भगत बणणा सीखै, अर अपणे माँ-बाप के उपकारां का फळ दे, क्यूँके यो परमेसवर नै भावै सै।
Instruir os filhos
Os pais devem instruir os filhos no caminho certo. A educação começa cedo, com disciplina amorosa e ensino constante da Palavra.
बाळक नै उसे राह की शिक्षा देओ जिस म्ह उसनै चालणा चाहिए,
अर वो बुढ़ापे म्ह भी उसतै न्ही मुड़ैगा।
अर ये हुकम जो मै आज तन्नै सुणाऊँ सूं वे तेरै मन म्ह बणे रहवै अर तू इननै अपणे बाळकां ताहीं समझाकै सिखाया करिये, अर घर म्ह बैठदे, राह पै चाल्दे, लेटदे, उठदे, इनका जिक्र करया करिये।
हे मेरे बेट्टे, अपणे पिता की शिक्षा पै कान लगा,
अर अपणी माँ की शिक्षा नै ना भूल्लै;
क्यूँके वे मान्नो तेरे खात्तर सिर पै सजण आळा मुकुट,
अर तेरे गळे का हार होवैंगी।
हे बाळकां आळो, अपणे बाळकां नै गुस्सा ना दुवाओ, पर शिक्षा अर चेतावनी देंदे होए उनका पालन-पोषण करो।
हे बाळकां आळो, अपणे बाळकां नै तंग ना करो, इसा ना हो के वे परेशान हो जावै।
छड़ी अर डाँट तै बुद्धि मिलै सै,
पर जो बाळक न्यूए छोड्या जावै सै वो अपणी माँ की बेजती का कारण होवै सै।
जो अपणे बेट्टे पै छड़ी न्ही चलान्दा वो उसका बैरी सै,
पर जो उसतै प्यार राक्खै, वो उसनै जतन तै शिक्षा देवै सै।
थम दुख नै पिता की ताड़ना समझकै सह ल्यो, परमेसवर थारे ताहीं बेट्टा जाणकै थारे गेल्या सलूक करै सै वो कौण सा बेट्टा सै, जिसकी ताड़ना पिता न्ही करदा?
Filhos como bênção
Os filhos são herança do Senhor. A coroa dos velhos são os filhos dos filhos, e a glória dos filhos são seus pais.
देक्खो बच्चे यहोवा का दिया होया भाग सै,
गर्भ का फळ उसकी ओड़ तै ईनाम सै।
जिस तरियां वीर कै हाथ म्ह तीर,
उसे तरियां जवान्नी के बच्चे होवैं सै।
कितना धन्य सै वो माणस जिसनै अपणे तरकश ताहीं उनतै भर लिया हो!
वो फाटक कै धोरै दुश्मनां तै बात करदे हानि कणतावैगा कोनी।
बूढ़यां की शोभा उनके द्योत्ते-पोत्ते सै;
अर बाळ-बच्चां की शोभा उनके माँ-बाप सै।
धर्मी का पिता घणा मगन होवै सै;
अर बुद्धिमान का पिता उसकै कारण राज्जी हो सै।
सुलैमान के नीतिवचन।
बुद्धिमान पिता तै बेट्टा राज्जी होवै सै,
पर बेअक्ले बाळक तै माँ दुखी होवै सै।
थारे म्ह तै इसा कौण पिता होगा, के जिब उसका बेट्टा रोट्टी माँग्गै, तो उसनै पत्थर देवै, या मच्छी माँग्गै, तो बदले म्ह उसनै साँप देवै? या अंडा माँग्गै तो उसनै बिच्छु दे? इस करकै जिब थम बुरे होकै, अपणे बाळकां नै आच्छी चीज देणा जाणो सों, तो थारा सुर्गीय पिता अपणे माँगण आळा नै पवित्र आत्मा क्यूँ न्ही देवैगा।
पर जै कोए अपणे रिश्तेदारां की अर खास करकै अपणे कुण्बे की फिक्र ना करै, तो वो बिश्वास तै मुकर गया सै अर अबिश्वासी तै भी बुरा बण गया सै।
अर जै यहोवा की सेवा करणी थमनै बुरी लाग्गे, तो आज चुण ल्यो के थम किसकी सेवा करोगे, चाहे उन देवत्यां की जिनकी सेवा थारे पुरखा फरात महानद कै उस पार करै थे, अर चाहे एमोरियां के देवत्यां की सेवा करो जिनके देश म्ह थम रहो सो; पर मै तो अपणे घरान्ने समेत यहोवा ए की सेवा रोज करया करुँगा।"
इस कारण आदमी अपणे माँ-बाप नै छोड़कै अपणी घरआळी तै मिल्या रहवैगा अर वे एक ए तन बणे रहवैगें।
"बेट्टे के कारण पिता न्ही मारया जावै, अर ना पिता कै कारण बेट्टा मारया जावै; जिसनै पाप करया सै वोए उस पाप कै कारण मारया जावै।"