Pais e filhos
A relação entre pais e filhos é uma das mais preciosas na Bíblia. Deus estabeleceu a família como escola de fé, amor e formação de caráter.
Honrar pai e mãe
Honrar os pais é o primeiro mandamento com promessa. Os filhos são chamados a obedecer, respeitar e cuidar de seus pais.
तैं आपणे माये बाओ री इज्जत करनी ताकि जो देश तेरा परमेशर यहोवा ताखे देओआ, तेते देशो रे तूँ बऊत दिनो तक जिऊँदा रई सके।
ओ बाल़को, आपणे माया-बाओ रे आज्ञाकारी बणो, एड़ा करना तुसा खे पला ए कऊँकि तुसे प्रभुए रे ए। "आपणे माया-बाओ रा आदर करो।" ये एड़ी पईली आज्ञा ए जेते साथे वादा बीए। से वादा ये ए कि, "कि तेरा पला ओ और तूँ तरतिया पाँदे बऊत दिनो तक जिऊँदा रओ।"
ओ बाल़को! सबी गल्ला रे आपणे-आपणे माया-बाओ री आज्ञा रा पालण करो, कऊँकि प्रभु इजी ते खुश ओआ।
आपणे बाओ री गल्ल मानणी,
ओर जेबे तेरी माये स्याणी ऊई जाओ, तेबे बी से नक्कमी नि जाणनी।
जो पाऊ आपणे बाओ साथे सीदे मुंए ते गल्ल नि करदा,
ओर आपणियां माया खे कअरो ते नठाई देओआ,
से सारे लोका बीचे बेज्जती ओर शर्मा री बजा ऊणा।
जो आपणे माए-बाओ खे कोसोआ, तो से छोड़ ई मरी जाणा,
ओर तेसरा जीवन एक एड़े दिऊए जेड़ा खत्म ऊई जाणा जो न्हेरे दे बिजी जाओआ।
और जे केसी बिदुआ रे बच्चे या दोईते-पोते ओ, तो सेयो पईले आपणे ई कराने साथे आपणी जिम्मेबारी नबाई की परमेशरो रा भग्त ऊणा सीखो और आपणे माए-बाओ री देखपाल़ करी की कर्ज चुकाओ। कऊँकि परमेशरो खे येई अच्छा लगोआ।
Instruir os filhos
Os pais devem instruir os filhos no caminho certo. A educação começa cedo, com disciplina amorosa e ensino constante da Palavra.
बाल़का खे सखाओ कि तिना किंयाँ जिऊणा चाईयो,
ओर सेओ इजी खे आपणियां पुरिया जिन्दगिया दे याद राखणा।
यो आज्ञा जो आऊँ आज ताखे सुणाऊँआ सेयो तुसे सदा याद राखणियां। ओर तैं यो आपणे बाल-बच्चेया खे समजयाई की सिखाणियां ओर कअरे बैठे रे, बाटा रे चलदे, लेटदे, उठदे इना री चर्चा करदे रणा।
ओ मेरे पाऊआ, आपणे बाओ रिया शिक्षा खे त्यानो साथे सुणेया,
ओर देखेया, आपणियां माया री दित्ती री शिक्षा खे छाडदा;
तिना री शिक्षा मानो तेरे सिरो रिया तँईं बांका मुकुट,
ओर तेरे गल़े खे माल़ा जेड़ी ऊणी।
ओ बाल-बच्चे वाल़ेयो! आपणे बच्चेया खे रिस नि देओ, पर प्रभुए री शिक्षा और चेतावणी देंदे ऊए, तिना खे पाल़ो-पोषो।
ओ बाल-बच्चेया वाल़ेयो! आपणे बाल़का खे तंग नि करो, एड़ा नि ओ कि तिना रा सब्र टूटी जाओ।
जेस बच्चे रे माये-बाओ तेसखे डण्डे री बाओए ओर चिड़को ए से ज्ञानी बणी जाओआ,
पर जेस बच्चे खे ईंयाँ ई छाडी देओए, से आपणी माया खे शर्मा री बजा बणोआ।
जो बाओ आपणे बच्चेया खे खरी शिक्षा नि देंदा, से आपणे बच्चेया रा बैरी ए,
पर जो तेस साथे प्यार राखोआ, से जिऊए ते तेसखे शिक्षा देओआ।
तुसे दु:खो खे पिते री डांट समजी की सयी लो। परमेशर तुसा खे पाऊ समजी की तुसा साथे बर्ताओ करोआ। से कुण जा पाऊ ए जेसरी ताड़ना पिता नि करदा?
Filhos como bênção
Os filhos são herança do Senhor. A coroa dos velhos são os filhos dos filhos, e a glória dos filhos são seus pais.
देखो, बच्चे प्रभुए रा दित्तेया दा पाअग ए,
गर्भो रा फल प्रभुए रिया तरफा ते दित्तेया रा प्रतिफल ए।
जवानिया रे पैदा ऊईरा पाऊ वीरो रे आथो रे तीरो जेड़ा ओआ।
से माणूं बऊत ई तन्य ए जेसगे एड़े कई तीर ए।
न्याय रिया जगा पाँदे आपणे दुश्मणा ते मिलदे ऊए से कदी आरना नि।
स्याणेया री शोभा तिना रे पोते-दोईतेया ते ओई,
ओर बाल-बच्चेया री शोभा तिना रे माये-बाओ ए।
तर्मी पाऊए रे माये-बाओ बऊत खुश रओए;
सेओ आपणे अक्लमंद पाऊए पाँदे कमण्ड करी सकोए।
बच्चेया रा अक्लमंद ऊणे ते तिना रे बाओ खे खुशी मिलोई,
पर मूर्ख बच्चेया रिया बजा ते तिना रिया माया खे दु:ख ओआ।
तुसा बीचा ते कुण एड़ा पिता ए कि तेसरा पाऊ तेसते रोटी माँगो और से तेसखे पात्थर देओगा या मछली माँगो और से मछलिया रे बदले साप देओ। या अण्डा माँगो और तेसखे बिच्छु देओ? तो तेबे तुसे बुरे ऊई की आपणे बच्चेया खे खरी चीजा देणा जाणोए, तो तुसा रे स्वर्गिय पिते आपणे मांगणे वाल़ेया खे पवित्र आत्मा कऊँ नि देणी?"
पर जे कोई आपणेया री और खास करी की आपणे परिवारो री देखपाल़ नि करो, तो से विश्वासो ते मुकरी गा रा और अविश्वासिया ते बी बुरा बणीगा रा।
ओर जे यहोवे री सेवा करनी तुसा खे बुरी लगो, तो आज चूणी लो कि केसरी सेवा करोगे, चाए तिना देवतेया री जिना री तुसा रे बुजुर्ग फरात नदिया रिया पच्छमा रिया जगा दे करो थे ओर चाए एमोरिया रे देवतेया री सेवा करो जिना रे देशो रे तुसे रओए, पर मां आपणे टब्बरो समेत सदा यहोवे री ई सेवा करनी।
इजी बजअ ते मर्द आपणे माए-बाओ खे छाडी की आपणियां लाड़िया साथे मिलेया रा रणा ओर सेयो एक तन बणे रे रणे।
पाऊए रे पापो रिया बजअ ते बाओ खे मौता री सजा नि देणी ओर ना ई बाओ रे पापो रिया बजअ ते पाऊ काणा, जिने पाप करी राखेया ओ, सेई तेस पापो रिया बजअ ते काया जाओ।