Pais e filhos

12 Honora patrem tuum et matrem tuam, ut sis longævus super terram, quam Dominus Deus tuus dabit tibi.(Exodus 20:12)

1 Filii, obedite parentibus vestris in Domino : hoc enim justum est. 2 Honora patrem tuum, et matrem tuam, quod est mandatum primum in promissione : 3 ut bene sit tibi, et sis longævus super terram.(ad Ephesios 6:1-3)

20 Filii, obedite parentibus per omnia : hoc enim placitum est in Domino.(ad Colossenses 3:20)

22 Audi patrem tuum, qui genuit te,

et ne contemnas cum senuerit mater tua.(Proverbia 23:22)

26 Qui affligit patrem, et fugat matrem,

ignominiosus est et infelix.(Proverbia 19:26)

20 Qui maledicit patri suo et matri,

extinguetur lucerna ejus in mediis tenebris :(Proverbia 20:20)

4 Si qua autem vidua filios, aut nepotes habet : discat primum domum suam regere, et mutuam vicem reddere parentibus : hoc enim acceptum est coram Deo.(ad Timotheum 1 5:4)

6 Proverbium est : adolescens juxta viam suam ;

etiam cum senuerit, non recedet ab ea.(Proverbia 22:6)

6 Eruntque verba hæc, quæ ego præcipio tibi hodie, in corde tuo : 7 et narrabis ea filiis tuis, et meditaberis in eis sedens in domo tua, et ambulans in itinere, dormiens atque consurgens.(Deuteronomium 6:6,7)

8 Audi, fili mi, disciplinam patris tui,

et ne dimittas legem matris tuæ :

9 ut addatur gratia capiti tuo,

et torques collo tuo.(Proverbia 1:8,9)

4 Et vos patres, nolite ad iracundiam provocare filios vestros : sed educate illos in disciplina et correptione Domini.(ad Ephesios 6:4)

21 Patres, nolite ad indignationem provocare filios vestros, ut non pusillo animo fiant.(ad Colossenses 3:21)

15 Virga atque correptio tribuit sapientiam ;

puer autem qui dimittitur voluntati suæ confundit matrem suam.(Proverbia 29:15)

24 Qui parcit virgæ odit filium suum ;

qui autem diligit illum instanter erudit.(Proverbia 13:24)

7 In disciplina perseverate. Tamquam filiis vobis offert se Deus : quis enim filius, quem non corripit pater ?(ad Hebræos 12:7)

3 Uxor tua sicut vitis abundans

in lateribus domus tuæ ;

filii tui sicut novellæ olivarum

in circuitu mensæ tuæ.

4 Ecce sic benedicetur homo

qui timet Dominum.

5 Benedicat tibi Dominus ex Sion,

et videas bona Jerusalem omnibus diebus vitæ tuæ.(Psalmi 127:3-5)

6 Corona senum filii filiorum,

et gloria filiorum patres eorum.(Proverbia 17:6)

24 Exsultat gaudio pater justi ;

qui sapientem genuit, lætabitur in eo.(Proverbia 23:24)

1 Filius sapiens lætificat patrem,

filius vero stultus mœstitia est matris suæ.(Proverbia 10:1)

11 Quis autem ex vobis patrem petit panem, numquid lapidem dabit illi ? aut piscem, numquid pro pisce serpentem dabit illi ? 12 aut si petierit ovum, numquid porriget illi scorpionem ? 13 Si ergo vos, cum sitis mali, nostis bona data dare filiis vestris : quanto magis Pater vester de cælo dabit spiritum bonum petentibus se ?(Lucas 11:11-13)

8 Si quis autem suorum, et maxime domesticorum, curam non habet, fidem negavit, et est infideli deterior.(ad Timotheum 1 5:8)

15 Sin autem malum vobis videtur ut Domino serviatis, optio vobis datur : eligite hodie quod placet, cui servire potissimum debeatis : utrum diis, quibus servierunt patres vestri in Mesopotamia, an diis Amorrhæorum, in quorum terra habitatis : ego autem et domus mea serviemus Domino.(Josue 24:15)

24 Quam ob rem relinquet homo patrem suum, et matrem, et adhærebit uxori suæ : et erunt duo in carne una.(Genesis 2:24)

16 Non occidentur patres pro filiis, nec filii pro patribus, sed unusquisque pro peccato suo morietur.(Deuteronomium 24:16)