Pais
Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.
O Pai celestial
Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.
Neno Kade dem muduo podo kaima norumedi prio! Na gagrama meglmiwe dugo, nono ka kaima ye gagiglma munga. Ba makandigle yoba Neno Kade pre kan erekrikwa pre nono ye gagiglma munga i ama pre kan erekrikwa.
Neno Kade dem muduo podo kaima norumedi prio! Na gagrama meglmiwe dugo, nono ka kaima ye gagiglma munga. Ba makandigle yoba Neno Kade pre kan erekrikwa pre nono ye gagiglma munga i ama pre kan erekrikwa.
God Murubuglo nono munara ugwa i, nono ere i God gagiglma edenagledi ugwa. Nono erme God gagiglma mogl kodumga pre ye nono aglke kor kane pai, kudugl goraiglmedi prikrukwa. Te, nono God gagiglma munga i pre nono erme God agle didre, Nina yo! we dumga i, kuno erukwa. Nono God gagiglma munga i, God Murubuglo nono nomano mina di noro, Ene God gagiglma meglmiwe di, yegl di noruko, prumga.
Ba yoba tau ye ira moglkwa pre kan ersre, pre mediglkwa i, ye God gagiglma moraiglmedi ere edugwa.
No ene wakai we di tedre, Neno Kade God ya Yaglno Kade Jisas Krais ene yoko kaima ere wakai ere tedre, deno muduno wida di padigl tenabredi prumga.
O cuidado paterno de Deus
O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.
Kua pru di wan meglkwa i, ene prio. Yene kaya mokna ere yagl, si nenaiglkwa i pre nomane sikrikwa. Ba ene Neno kamin mitna moglkwa i, kua wakai moraiglmedi suglno moglkwa. Kua suglno wakai moglsre, te, no yoba munga i, siragl podo pamedi prisre, no wakai kaima suglno morabedi praiglmiwe dugwa.
Jisas yegl didre, ama yegl dugwa, Yoba kua idada suo maket ere, mige gogl swara we digwa ba kua kebra yegl mere yage makandigle sigwa i, God pre kan eruko, keme yage sigwa. God kua kebra yegl mere sugl wakai moglkwa pre ene meglkwa i, taragl kade mungo, God no bitno yugo swara swarade wakai ere, kere kan kodumedi prisre, yoba swara ta kuduglmo goglkraiglmiwe dugwa.
Ba ene kamage eraiglkwa igne, ene yugugl nene moglsre, dua yogugl kegl didre, ene Neno ta kankrikwa moglkwa i, kamage ere teo. Ene yegl eribi, ye taragl mudu teke paugwa kanugwa pre ene teke mogl, kamage eribi, ye kanabuka. Ye kandre, ene topo wakai te ikne edenabuka.
Ba ene kaya mokna mawagl eraiglmara i, ene oliv nuglo bitno yugo mina edidre, gumano drano nigl koglsre, erio. Ene yegl eribi, ene kaya mokna mawagl erikwa i, yoba ta kankraiglkwa ba ene Neno ta kankraiglkwa moglkwa i, ye taragl mudu teke erikwa kanugwa pre ene teke eribi, kanabuka. Kandre, ene topo wakai te ikne edenabiwe dugwa.
Ene gak nenoma meglkwa i, ene wano ta ere mogl, buglo bagle ta nenagledi prie dinan, ene ye toki ta tenatno? Mo, ye kodowagle muglo pre dinan, ene ere mogl, buglage kide ta no sugwa i, tenaiglmo? Ta tekraiglkwa. Ene prio, ene yoba kide meglkwa ba ene gagroma taragl wakai te kanimiwa. Yegl pre Neno Kade heven ibo moglkwa i, yoba ta ye di prabuka i, ye ka kaima Mudu Murubuglo yoba i tenabiwe di, yegl dugwa.
Taragl wakai wakai okuo inamnedi eramga paugwa
Ana Jisas ka ta ama yegl dugwa, Ene na sipsipna yugobuno kebra meglkwa i, kudugl goglkrio. I siragl pre ene Neno moglkwa i, ye king mogl, yoba suglno morabara ene tebo, inatnedi wakai prukwa.
Nono taragl wakai kane kane ta imga i, heven ibo yedre keme ede atne wigwa. Neno Kade, ye taragl kane kane kamin mitna ibo pai, abuglage sinaiglmedi ere yogwa yagle moglkwa i, ye taragl wakai keme norukwa. Nono kamga, ade ede wogwa igne, taragl kwiano ede olto sugunagle ogo, kamga. Ba God yegl ta moglkrukwa. Ye moglmere mogl pai moglsre, taragl wakai keme norukwa.
Te, ene prio! God okna ere mogl, yene Wam ake gi dikre, nono mudu pre gorabedi dedugwa. Taragl podo yegl ere kodugwa pre nono taragl kane kane ta inamga panabara i, God ama yoko kaima norabuka keme paugwa.
Conhecer o Pai
Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.
Yegl dugo, Jisas ye di te, yegl dugwa, Na konbauna moglsre, te ka kaima i, na mabuno moglsre, yoba kor moraiglkwa i, na mabuno moglsre, erika. Yoba ta ede pi na Nina moglmara enabuka i, konbauna pere ta mina ta pikrabuka. Na swara mina enabuka.
Na Nina yugumogl i, ene againo mogl pai eraiglkwa mere yogwa. Ta yekruma, ene di teigo. Na pi ene moraiglmara ere wakai eraglka.
Pre medigl mogl, God Wam moglka i, siragl kane kane na kagna mina kamage ere, di pribi, na Nina kagie kade inabedi ere wakai ere tenaglka.
Na ka tau duglo bolo diga i, yoba ta prisre, duglo borabuka i, yoba i dem muduo narukwa. Te, yoba ta dem muduo narukwa i, na Nina yoba i dem muduo tenabuka. Tenan, na ama siragl mere moglka i, yoba i obuno di tenaluwe dugwa.
Yegl dugo, Jisas di ikne ede, yegl dugwa, Yoba kane suo mere yegl meglkwa. Ta dem muduo narabuka i, na ka diga i, ama duglo borabuka. Yegl eran, na Nina yoba i dem muduo tenan, na Nina bogl akie yoba i moglmara udre, ye moglmara suna mogl tenabuglka.
Nono yoba munga i, ege swara ta gumuglno mina God kankrumga. God Wam swara ye God Nem bogl swara kaima miurko, te ye ama God moglkwa i, ye swara God Nem siragl mere moglkwa i, i nogugl ede norukwa.
Na sika sigo, ye aimadi kamin kor moraiglkwa i, teiga. Na teigo, ye idre, ta goglkraiglkwa. Te, na Nina sipsip ogona mina yogwa i, ye yobuglomo pai kawa togwa pre na ogona mina meglkwa i, yoba ta i eglke edekrisre, na Nina ogo mina yogwa i, ama i eglke edenaiglkwa ama kuno erekrukwa. Na Nina bogl swara kaima mugliwe di, Jisas yegl dugwa.
Nina yo, ene yoba ta natnga i, na moglmara bogl akie mun, na abuglagna ya kagna kade natnga ikra kanaiglmedi prika. Kagna kade natnga i, dumo makan yeikrukwa igne, ene den mudun podo natnga pre natnga.
Na Nina taragl mudu na ogona mina edugwa. Te, na God Wam kaima siragl mere moglka i, yoba ta pre kan erekrikwa ba na Nina yene pre kan erukwa. Te, na Nina siragl mere kaima moglkwa i, yoba ta pre kan erekrikwa ba na ye Wam moglka i, nana pre kan erika. Te, na yoba ta i nogugl ede tenagledi prika i keme Nina pre kan eraiglkwa.
Yegl pre ene Neno heven ibo du moglmere mere yegl, ene ama du kaima moraiglkwa pamiwe di, Jisas yegl dugwa.
Ba ene meglmara suna i, yoba ta ene Tisa yo we dinaiglkwa i, ene mane dio. I siragl pre ene meglmara mudu agigle agigle meglko, yoba swara keme ene tisano moglkwa. Te, ene meglmara suna yoba swara ta Neno yo, dikrio. I siragl pre ene Neno swara kaima heven ibo moglkwa.
Ene siragl we di pitne? Na Nina agle dibo, ye angelo mere kide 12,000 mere yegl dedenan, u na kudana erekraiglmedi pitno?
Ene Neno Kade yoba mudu mitno goglsre, ere wakai ere tomere yegl, ene ama kuno yegl erio! di, Jisas yegl dugwa.
Ana nono Neno Kade God i, nono aimadi kamin ye kagie kade tedre, ye debie si pai moramga paugwa. Kaima.
Disciplina e amor paterno
O Pai disciplina os filhos que ama. A correção divina produz fruto de justiça e paz para aqueles que foram exercitados por ela.
Ana yubun ta ene meglmara unabuka igne i ene praiglkwa, God no mabunono ake du edenagledi erumedi prisre, adigl gigledi molo. Siragl pre God ene kanugwa i, na gagrama kra meglmedi kandre, ene ere si di yugwa. Ana nono kamga, nenoma mudu meglkwa i, ye gagroma ere si di igwa. Kuno yegl mere, God nono mudu si ake du edugwa ba ene ta ere si di ikran, ene pratnga, ye gagiglma meglmara suna i, na ta moglkriwa. Na konbauna gak mere yegl ta moliwedi pratnga. Ana nono nenoma makandigle meglkwa i prio. Nono gak munga igne, nenoma nono ere si di igo, nono ye kano prisre, mogl atne edumga. Mogl atne edumnere yegl, God nono kiano Neno moglkwa i kamo prisre, mogl atne edinamga i, taragl podo paugwa. Nono yegl erumun, kor wakai moramga paugwa. Nenoma makandigle meglkwa i, ye yene wakai primere, ege sugunagle nono mabunono ake du edinamnedi erikwa ba God nono ka kaima wakai moraiglmedi erukwa. Ye nono si ake du edenan, nono ye yoba du moglmere yegl moraiglmedi pre mabunono ake du edugwa.
Pais terrenos
A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.
Gak ye neno mano bogl siragl mere mogl pai eraiglmere
Ana ene gak meglkwa i, Yagl Kade ene eraiglmedi prukwa i, ene neno mano kano prisre, duglo boraiglmedi prukwa. Yegl pre ene yegl eraiglkwa swara i kuno erabuka. God lomo ta okna dugwa i, yegl dugwa, Ene neno mano moraiglmara mogl atne edidre, kano prio! dugwa. God lomo paimara i, lo swara i pamara God komono kana ka kaima ta ama akie di te paduglkwa. God komnayene lo swara i mina ka kaima akie di paduglkwa i, yegl paugwa, Ene neno mano moraiglmara mogl atne edidre, kano pribi, ene mogl pai eraiglmara wakai mogl, makandigle tau kanana moraiglmiwe dugwa.
Ana ene gak nenoma meglkwa i, ene gagroma deno kubraiglmedi erekrio. Yegl erekre, ene gagroma ye nono Yaglno Kade kamo praiglmedi beke tedre, mabunono ake kun ere tedre, ye wakai ere bakagl i wan, i kade edio.
Ana ene gak nenoma meglkwa i, ene gagroma deno kubraiglmedi erekrio. Yegl erekre, ene gagroma ye nono Yaglno Kade kamo praiglmedi beke tedre, mabunono ake kun ere tedre, ye wakai ere bakagl i wan, i kade edio.
Te, ene neno mano moraiglmara mogl atne edidre, kano prio! Ene yegl eribi, tabre goglkre, na dumo makan ta tenaglmara i ege oglto moraiglmiwa.
Ene gak meglkwa i, ene neno manoma kano mudu prisre, duglo bolo. I siragl pre mabuno i, nono Yaglno Kade wakai kanugwa. Te, ene gak nenoma meglkwa i, gagroma kide pre wan mogl dinaiglmedi ene ye deno muduno ere kide erekrio.
Te, God taragl kane kane ere yogwa i, God ye gagiglma siragl mere okuo wakai moraiglkwa i, ye i nogugl edenabedi sugl mogl, kwie ere meglkwa mere yegl paugwa.
Gagrama wagle, Krais kagie mina God ene tadaglmeno gugl ede togwa pre pepa i bogl teiga. Te, Neno Kade moglkwa i, ene kaima pre kan erikwa pre ka i bogl teiga.
Te, ene nenoma mere yegl ta meglkwa i, Yoba ta oknayene ibo moglkwa i, ene pre kan erikwa pre na ka i bogl teiga.
Te, ene kumugl gak meglkwa i, ene yobuglno paugo, God kamo ene meglmara kogon eruko, yagl kide yobuglo ere teigwa pre ka i ene ama bogl teiga.
Gagrama wagle, Krais kagie mina God ene tadaglmeno gugl ede togwa pre pepa i bogl teiga. Te, Neno Kade moglkwa i, ene kaima pre kan erikwa pre ka i bogl teiga.
Te, ene nenoma mere yegl ta meglkwa i, Yoba ta oknayene ibo moglkwa i, ene pre kan erikwa pre na ka i bogl teiga.
Te, ene kumugl gak meglkwa i, ene yobuglno paugo, God kamo ene meglmara kogon eruko, yagl kide yobuglo ere teigwa pre ka i ene ama bogl teiga.
Tadaglme mabuno wakai ta kankramga paugwa
Makandigle yoba mabunono i ya bona ganano i, wakai kankrio! Yoba taragl yegl ta wakai kanabuka i, ye dem muduo God ta tekrukwa paugwa.