Pais
Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.
O Pai celestial
Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.
देखो बाह आपणी ह़ाते केवो मोंग करलो से, के आपणु भगवान नी अवल्यात केवाड़या, अने आपणु से बी: एम करीन आहयी कळी ना माणहु आपणु ने नी ओळखता, काहाके तीहया भगवान ने बी नी ओळख्या।
देखो बाह आपणी ह़ाते केवो मोंग करलो से, के आपणु भगवान नी अवल्यात केवाड़या, अने आपणु से बी: एम करीन आहयी कळी ना माणहु आपणु ने नी ओळखता, काहाके तीहया भगवान ने बी नी ओळख्या।
काहाके तमने पावोर नी आत्मा नी जड़ी, के अळी बीह जाय पण तीनी अवल्यात हयवा नी आत्मा जड़ली से, जीनी सी आमु ओ डायला बाह, ओ बाह कीन आड़ीया। आत्मा खुद अमारी आत्मा ह़ाते गवाय देय, के आमु भगवान ना अवल्यात से।
पण जेतरा बी माणहु तीने आपणा जीव मे मानीन तीना नाम पोर भरहो करे, तीहयो तीहया आखा ने भगवान ना सोरा-सोरी बणवा नो हक आपे।
अमारा भगवान बाह अने मालीक ईसु मसी नी भणी गेथी तमने दया अने सांती जड़ती रेय।
O cuidado paterno de Deus
O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.
वादळा मेना चड़ा ने देखो! तीहया नी वेरे, नी वाडे, अने नी मोहटी मे भेळु करे, ते बी तमारो ह़रग वाळो बाह तीमने खवाड़े। ह़ु तमु तीमनी सी जादा कीमत नी राखो?
एक पय्हा मे बे घंचड़ी वेचाय, ते बी तमारा बाह नी मरजी वगर तीमनी माय्न एक बी धरती पोर पड़ीन नी मरे। तमारा मुंडा ना एक-एक नीम्बाळा गणायला से। एतरे ना बीहो। तमु ढेरेत घंचड़ा गेथा मोगा से।
पण जत्यार तु वीन्ती करे, ता आह़फा ना घोर मे जा अने झापलु दीन ह़ताय्न आपणा भगवान बाह सी वीन्ती कर। तत्यार तारो बाह जे ह़ताय्न देखे, तने फोळ आपहे।
पण जत्यार तु उपाह़ करे ता आह़फा ना मुंडे तेल लगाड़ अने मोडु धोव, काहाके माणहु नी पण तारो बाह जे ह़रग मे से, तने उपाह़ वाळो जाणे। ईसम रेवा मे जे तारो बाह ह़ताय्न देखे, तने तीनो फोळ आपहे।
"मान लेवो, तमु एक बाह से अने तमारो सोरो तमारी पांह माछला मांगे, ता तमु तीने गड़हो आपह़ु? कदीम तीहयो तमारी पांह ईन्डु मांगे, ता ह़ु तमु तीने वीसो आपह़ु? कदीम तमु कुहर्या हय्न बी तमारा सोरा ने वारली चीज आपवा जाणो, ता ह़रग नो भगवान बाह मांगवा वाळा ने चोखली आत्मा काहा नी आपे।"
ह़रग नु धन
ए नान्ला टोळा ना माणहु, बीहो ना, काहाके तमारो बाह तमने राज आपवा करीन खुस से।
काहाके आखी वारली चीज अने वारलो वाटो अने एक वारलो दान उपर सी जड़े, वीजाळा ना बाह भणी गेथु जड़े, जीनी मे नी ते कंय बदलाव हय सके, अने नी अदल-बदल ना कारण सी तीनी पोर छाञो पड़े।
भगवान आह़फा ना बेटा ने लग आपणीन करते मरवा करीन आप देदो: ता तीनी ह़ाते आपणु ने अळी आखु कंय काहा नी आपे? आपहेन आपहे।
Conhecer o Pai
Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.
ईसु थोमास ने केदो, "वाट, खराय, अने जीवाय मेत से। मारी वगर कोयने बी बाह ने तां नी जवाय।"
मारा बाह ना घोर मे ढेरेत कोपरा से; अने नी हता, ता मे तमने पेलेत की देतो। मे तमारी जुगु जागो तीयार करवा जवा बाज र्यो।
अने तमु जे कंय मारा नाम सी भगवान पांह मांगहु, तीहयुत मे करही। जीनी सी बेटा नी लारे बाह ने ईज्जत जड़े।
मने मोंग करन्यो तीहयोत से, जे मारा हुकम जाणे अने तीमने पाळे। अने जे मने मोंग करे तीने मारो बाह बी मोंग करहे, अने तीने मे बी मोंग करही, अने मे आह़फा ने तीनी अगळ उजन्तो करही।
ईसु तीहया यहुदा ने केदो, "कदी कोय मने मोंग करहे, ता तीहयो मारा हुकम ने मानहे, अने मारो बाह तीने मोंग करहे" अने आमु तीनीन्तां आवहु, अने तीनी मे रेहु।
भगवान ने आज लग कोय नी देख्यु; एक-खोळ्यो बेटो जे बाह ना खोळा मे से, तीहयोत तीने उजन्तो कर्यो।
अने मे तीमने अमर जीवाय आपु, अने तीहयी कदी जलमकी खुटे नी, अने कोय हीमने मारा हात मे गेथा हापकी नी सके। मारो बाह, जे हीमने मारा सुपरत करलो से, तीहयो आखा गेथो मोटो से, एतरे हीमने बाह ना हात मे गेथा हापकी नी सके। मे अने मारो बाह एक से।
"ए बाह, मे चाहु के जीमने तु मने आपलो से, जां मे से तां तीहया बी मारी ह़ाते रेय, के तीहया मारी तीहयी बड़ाय ने देख सके, जे तु मने आपलो से, काहाके तु कळ नी घड़ायी तीनी पेले गेथो मारी सी मोंग कर्यो।
"मारो बाह, मने आखु कंय आप देदलो से। बाह ने सोड़ीन कोय बी बेटा ने नी जाणतु। आहयीत रीते बेटा ने सोड़ीन बाह ने कोय नी जाणतु। अने तीहयो एतरोत बाह ने जाणे, जीमनी पोर बेटो बाह ने उजन्तो करे।"
एतरे तमु पुरा पाका बणो, जीसम तमारो ह़रग वाळो बाह पुरो पक्को से।
"तमु ‘गुरु’ केवायवा करीन ना हुकारो, काहाके तमारो एकीत गुरु से, अने तमु आखान-आखा भाय से।" धरती पोर वाळा ने कोयने "बाह" नी केजो, काहाके तमारो एकीत बाह से जे ह़रग मे से।
तमने आहयी वात ह़मज नी आवती ह़ु, के मे मारा बाह सी वीन्ती करही ता, तीहयो ह़रगदुत ना बारे टोळा गेथा बी जादा टोळा मोकली देहे?
जीसम तमारो ह़रग वाळो बाह गीणाळ्ळो से तेमेत तमु बी गीणाळ्ळा बणो।
अमारा भगवान अने बाह नी बड़ाय जलमकी हयतीत रेय। आमीन।
Disciplina e amor paterno
O Pai disciplina os filhos que ama. A correção divina produz fruto de justiça e paz para aqueles que foram exercitados por ela.
तमु दुख ने डाट ह़मजीन वेठ लेवो; भगवान तमारी ह़ाते सोरो जाणीन वेहवार करे। तीहयो कानो सोरो से बाह नी लारे डंड हात करे? कदीम तीहया डंड जीना साजल्या आखा रीया, तमारो नी हय, ता तमु तीना सोरा नी हय, पण छीनाळ्या नी अवल्यात ठेर्या। अने अमारो धरती पोर वाळो बाह बी आपणु ने डंड आप्या करे अने आमु तीनी ईज्जत कर्या, ता ह़ु आत्मा ना बाह ह़ाते अळी बी कब्जा मे रीन जीवत्ला रेवो। तीहया ते आह़फा-आह़फा नी ह़मज नी अनसारे थोड़ाक दाड़ा जुगु डंड आप्या करता हता, पण तीहयो ते अमारा फायदा जुगु करे, के आमु बी तीना चोखलापण ना साजल्या हय जीया।
Pais terrenos
A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.
आय्ह-बाहा अने सोरा
ए सोरा, मालीक मे आह़फाम ना आय्ह-बाहा ना हुकम ने मानवा वाळा बणो, काहाके आहयु घणु वारु से। "आह़फा ना आय्ह-बाहा नी ईज्जत करो" आहयो पेलो हुकम से जीनी ह़ाते वायदो बी से "के तारु भलु हये, अने तु धरती पोर ना जागा मे घणा दाड़ा लग जीवत्लो री सके।"
ए आय्ह-बाहा, आह़फाम ना सोरा ने नराज ना करो, पण मालीक नी ह़ीकापण अने चेतावणी आप्ता जाय्न तीमने पाळो-पोहो।
ए आय्ह-बाहा, आह़फाम ना सोरा ने नराज ना करो, पण मालीक नी ह़ीकापण अने चेतावणी आप्ता जाय्न तीमने पाळो-पोहो।
"तु आह़फा ना आय्ह-बाहा नी ईज्जत करजे, जीनी सी जे देस तारो भगवान यहोवा तने आपे तीनी मे तु घणा दाड़ा तक री सकही।
ए सोरा, आखी वात मे आपणा-आपणा आय्ह-बाहाम ना हुकम मानो, काहाके मालीक आनीत सी खुस हये।
ए आय्ह-बाहा, आपणा-आपणा सोराम ने रीह ना लगाड़ो, आसम नी हय जाय के तीमनो आह टुट जाय।
काहाके आहयी कळी घण-जबर आह करीन भगवान ना सोरा ने उजन्तो हयवा नी डोळा फाट वाट जोय र्या।
ए बाहु, मे तमारी जुगु आनीन करते लीखु के जे सुरु गेथो से तीने तमु जाणो। ए जुवान्या, मे तमारी जुगु आनीन करते लीखु के तमु तीहया वेरी सी जीक जेला से। ए सोरा, मे तमारी जुगु आनीन करते लीखु के तमु बाह ने ओळखी लेदला से।
ए बाहु, मे तमारी जुगु आनीन करते लीखलो से के जे सुरु गेथो से तमु तीने ओळखी लेदला से। ए जुवान्या, मे तमारी जुगु आनीन करते लीखलो से के तमु ताखत वाळा से, अने भगवान नो बोल तमारी मे बण्लो रेत्लो, अने तमु तीहया वेरी सी जीक जेला से।
तमु नी ते कळी सी अने नी ते कळी नी चीज सी मोंग राखो। कदीम कोय कळी सी मोंग राखे, ता तीनी मे बाह नो मोंग नी हय।