Pais
Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.
O Pai celestial
Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.
Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.
Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.
Pawccecize nanning nynh bua a rihthyapaw see thinlung kha Pachia kyate mue leite, ccaaw thinlung kha nynh na mue oh. "Ka Paaw! Ka Paaw!" cite aening nynh ah sia vae oh ze, aening tuh Pachia ccaaw hae nynh ah thua oh cipaw Muisaw amaw ccaccei nynh aening muisaw ryte ccaekia a khan.
Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae.
Ah Paaw Pachia te Bawipaw Jesu Khri kyate thawccinaw te daenaw tuh nae kya la um sah.
Paaw nynh a ccaaw tungvaw
thawccinaw a hoi hawte,
Bawipaw nynh amaw
rawrih hae paw tungvaw
thawccinaw a hoi vae.
Paaw nynh a ccaaw tungvaw
thawccinaw a hoi hawte,
Bawipaw nynh amaw
rawrih hae paw tungvaw
thawccinaw a hoi vae.
Pawccecize aening hynh
pawtemou rae ah thua oh
cipaw kha nyh zah,
aening tuh laenoi nynh
ah thua oh cipaw kha mah a nythui.
Ngawraw hae paaw thua zah,
nomae hae kha
a thungkhaw hae paw tuh
a beikinnthyaa kya a umpaw
Pachia nynh thua.
Tuhzemah, pou Bawipaw ,
nang tuh kae Paaw nynh na thua,
kaening tuh anglae kae thua zah,
nang tuh kaening oun raetupaw
ang raetu nynh na thua;
kaening balyn tuh na kuih te
nae raekupaw nynh kae thua.
Abraham nynh kaening kha
oun nyh khyh zah,
Israel nynh mah oun ny khyh zemah
nang tuh kae Paaw nynh na thua.
Pou Bawipaw , nang tuh
kae Paaw nynh na thua;
langmawlya mawte kaening
oun Shawkhawtu tuh na min nynh thua.
Pawccecize aening hanlan
imua lu kheit a pui vae,
ccapaw lu kheit pya ah thua oh;
aning tuh uknaw kaw a hoi cih;
amaw kha Ngaeang lan umpaw
Tuanaw pyatu, Athungpaw Pachia,
Zungzae tynpaw Paaw,
Daenaw Siapharan
cite minphu athua cih.
Pawccecize aening hanlan
imua lu kheit a pui vae,
ccapaw lu kheit pya ah thua oh;
aning tuh uknaw kaw a hoi cih;
amaw kha Ngaeang lan umpaw
Tuanaw pyatu, Athungpaw Pachia,
Zungzae tynpaw Paaw,
Daenaw Siapharan
cite minphu athua cih.
O cuidado paterno de Deus
O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.
Vaawlang e pavaw hae khuh dotua oh! Minmin tuh ccacii vuakuh khyh hae, looh mah rue khyh hae, byng kya mah ruinkuh khyh hae; tuhzemah vaawlang umpaw nae Paaw nynh minmin kha looh a dang hae. Nanning tuh minmin laeze patae na sunghua khyh oh tou?
Rithya sa ning kha phuapia pia kheit lang zua khyh hae tou? Tuh-e rithya sa kheit sanmah nae Paaw kaw leite laekhu lang ccah lan khyh. Nae lu kya-e nae sangrua kha heize marya ria athua. Tukeiccuze rih nan oh, nanning tuh rithya patae laeze nae phutehua.
Thuasalama saw na sang vae oh ze nae khaan lungkhu lang tee oh lah nae thuakaw kha khaw oh lah, muih kho leipaw kya a umpaw nae Paaw kalan khe sawsang oh; te aphirute cyipaw a muihtupaw nae Paaw nynh amee kha ae pya cih oh.
Thuasalama nanning tuh looh-ae na sung vae oh ze nae lu kha chitui thuhkuh oh lah, nae maelahkuh oh. Tuhteze tuh ming hae nynh looh-ae na sung oh paw kha ae nyh lan khyh oh; thuasalama muih kho leinaw kya a umpaw nae Paaw nynh ae nyh cih oh; te aphirute cyipaw a muihtupaw nae Paaw nynh amee kha ae pya cih oh.
Nanning lakuze nae ccaaw nynh ngasaw ae ngiaku oh ze ngasaw hanpaw huparepaw a pyapaw a um cih tou? Tuhkhyhze awtui kha a ngiaku ze zekang kha a pya cih tou? Ccungccaw hoy leipaw mang na thua oh pite nae ccaaw hae kha lasung hoypaw pya lan na ny oh ze, vaawlang umpaw nae Paaw nynh amaw kalan a ngiakuh hae paw kha Thyaa Muisaw tuh houh a pya cih hae!" cite a hopya hae.
"Tuuphu taraw hae, rih nan oh; pawccecize peenaw kha nanning pya lanpaw tuh nae Paaw a lungrypaw nynh thua.
Ahoypaw lasung miakaw te accingpaw lasung miakaw tuh aluki langte, awnaw hae mih Paaw kyate nynh oun thua hae. Amaw kya tuh rulaekunaw um khyh zah apaleihkuhpaw mynlyh cipaw um boi khyh.
A Ccapaw heize haang leite aening balyn hanlan oun pyatupaw Pachia nynh Ccapaw ryte pawpaw balyn kha alakawte oun pya lan khyh tou?
Conhecer o Pai
Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.
Jesu nynh, "Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.
Ka Paaw inn kya umnaw khaan patae a um; a um khyh lanze um khyh cipaw phe kae hopah vae cih oh. Nanning hanlan umnaw paccyn khylan ka la cceih cih.
Paaw tuh Ccapaw liate a phu-e nawlan ka min te nae ngia oh paw miakaw kha kae cyipah cih oh.
Ka kawbya hae kha ccou zah a zuipaw tuh kae yn sungsahpaw nynh thua, kae yn sungsahpaw kha ka Paaw nynh a sungsah cih, kae nynh mah ka sungsah cih zah a kya ka phykuh cih," a ci.
Jesu nynh, "Kae yn sungsahpaw tuh ka bya kha a ngae cih; ka Paaw nynh amaw kha a sungsah cih, kaening nynh amaw kalan kae thua cih zah amaw ryte umnaw kae raekuh cih.
Hum nynh sanmah Pachia tuh muih boi khyh, Paaw by vaw kya a umpaw, lu kheit kyalyapaw Ccapaw nynh Pachia kha a langsah vae.
Minmin kha zungzae hiinnaw ka pya hae zah, minmin tuh papin chih vae lan khyh hae. Hum nynh sanmah minmin kha ka kuih kyate yn lua kho vae lan khyh. Minmin kha ka kalan yn pyatupaw ka Paaw tuh pawpaw balyn laeze a lesaehua; hum nynh sanmah minmin kha ka Paaw kuih kyate lua kho lan khyh. Kae te ka Paaw tuh ccangkheit nynh kae thua," a ci.
Apang, laephi a um mawze nae sungsah zah nae pyapaw ka phu-enaw hynh nae pyapaw ccungccaw hae nynh a muih ccaw hae, ka umnaw kya kamaw ryte um hae sah ci ka ry.
Ka Paaw nynh pawpaw balyn kha marya yn ap vae; Paaw laelan hum nynh sanmah Ccapaw kha nyh khyh; Ccapaw te Ccapaw nynh amaw kong phy lan a popaw ccungccaw laelan hum nynh sanmah Paaw kha nyh khyh.
Tukeiccuze vaawlang umpaw nae Paaw tuh accing hawte nanning mah la ccing oh.
Thuasalama nanning tuh ‘Sazae’ cite la kokuh ry nan oh; pawccecize nanning nynh sazae lu kheit rou nynh na hoi oh; nanning balyn tuh siaimua hae nynh na thua oh. Laephi vawlan hum sanmah ‘Apang’ cite ko nan oh; pawccecize vaawlang umpaw nae Paaw lu kheit rou nynh Paaw na hoi oh.
Ka Paaw nynh vaaw hae kha rhawkawphu haw lae ning lae alung lan palou yn sawpya nawlan ka Paaw kalan ngiakuh kho lan khyh cite tou na tua?
Tukeiccuze nae Paaw nynh ngaethyaumsahnaw a hoi hawte nanning mah ngaethyaumsahnaw hoi oh.
Ah Paaw Pachia tuh zungzae te zungzae cia a phu-e sah. Amen.
Disciplina e amor paterno
O Pai disciplina os filhos que ama. A correção divina produz fruto de justiça e paz para aqueles que foram exercitados por ela.
Thuiheinaw kha na ngaesang oh ze, Pachia nynh ccaaw hae hawte ae ccuepe cih oh; pawccecize paaw nynh a thuihei leipaw ccaaw a um zawtou? Thuasalama ccungccaw miakaw nynh a mue hae paw thuiheinaw kha na muebua khyh oh ze, ccaaw ccaccing na thua khyh oh, ccalah nynh na thua oh. Tuhlaeze aening oun thuiheipaw pynsaw lante paaw hae ah hoi oh zah, minmin kha saw ah tua oh; tuhlaeze muisaw lante ah Paaw kaw kha houh ngaete ah hiin lan khyh oh tou? Pawccecize tuh-e paaw hae nynh ahoy cite a tua hae thyhte sosoh nynh oun thuihei hae; thuasalama Pachia nynh tuh amaw kya-e thyaararihnaw kha ah neethungku bua nawlan oh, aening thanenaw hanlan nynh oun thuihei.
Ka ccaaw, Bawipaw thuiheinaw kha
pawlangria leite um nan,
ae thuihei ze na lungroh nan sah,
pawccecize paaw nynh
a lunglahpaw a ccapaw kha
a thuihei hawte
Bawipaw nynh a sungsahpaw kha a thuihei.
Ka ccaaw, Bawipaw thuiheinaw kha
pawlangria leite um nan,
ae thuihei ze na lungroh nan sah,
pawccecize paaw nynh
a lunglahpaw a ccapaw kha
a thuihei hawte
Bawipaw nynh a sungsahpaw kha a thuihei.
Pais terrenos
A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.
Ccaaw hae te Nungpaaw hae
Imua hae, Bawipaw kya nae nung nae paaw hae bya kha ngae oh, pawccecize tuh-e tuh ahmepaw nynh thua. "Na nung te na paaw kha sawtua"—hynh-e hynh byakinpyakupaw te asekuhpaw masaty kawbya nynh thua, tuh-e byakinpyakunaw tuh, "tuhteze nynh hiinhoy te na um cih zah laephi vawlan na hiinshe sae cih," acikuh.
Paaw hae, nae ccaaw hae kha thinriasah nan oh, thuasalama Bawipaw kya-e ccangpyanaw te thuiheinaw khate minmin kha cciakhae thung oh.
Paaw hae, nae ccaaw hae kha thinriasah nan oh, thuasalama Bawipaw kya-e ccangpyanaw te thuiheinaw khate minmin kha cciakhae thung oh.
Bawipaw na Pachia nynh ae pyapaw ram kya na hiinshe a sae nawlan, na nung te na paaw kha sawtua hae.
Ruiban Hoy leipaw Raeringkunaw.
Ka ccaaw, na paaw thuiheinaw kha ngae lah,
na nung ccangpyanaw kha vua nan;
pawccecize tuh-e hae tuh na lu hanlan
apuithyapaw pungde athua cih zah,
na nging hanlan si alungmung athua cih.
Midingpaw a paaw tuh
myaryamaw a lungtua cih;
ahawpaw ccapaw a saahkuhpaw tuh
a ccapaw tungvaw kya
a lungtua cih.
Mingaee nynh tuh
nungpaaw thuiheinaw kha
pawlangria khyh,
thuasalama thuiheinaw
a ngaepaw tuh
a hawpaw nynh thua.
Mintaw hae tuh
ataw hae paw kya-e
bawilukhung nynh athua hae,
ccaaw hae phu-enaw tuh
mih nung mih paaw hae kha nynh thua.
A nung te a paaw kha
thya a lawpaw tuh
mohkaraepaw kyakhe
a maeekhua tuh a chih cih.
Ccaaw hae, pawpaw kya balyn nae nung nae paaw hae kaw la ngae oh, pawccecize tuh-e tuh Bawipaw lungrypaw nynh thua. Paaw hae, nae ccaaw hae kha thinriasah nan oh, mih lung oun rohsei cih.
Ccaaw hae tuh Bawipaw kyate
ccoupaw rho ccaccing thua hae zah,
lasung nynh thua hae.
Lukhakheit nynh a no lyaze
a saahkupaw ccaaw hae tuh
rhawkaw kuih kya umpaw
the te nynh a loku hae.
Tuhcihawpaw the te phe abeihpaw
the bawng a hoipaw tuh
lungtuapaw nynh thua.
A rhaw hae ryte koikua kya
bya a hoku hae ze,
maethyanaw mue lan khyh.
Atunin kae nynh
kae thehoysah hawte
ahiin hae paw,
ahiin hae paw rou nynh
ae thehoysah cih hae;
paaw hae nynh ccaaw hae kya
na lungzinaw kha a nysah cih hae.
Mih ccaaw hae hanlan nungpaaw hae kha chia thua lan khyh hae, nungpaaw hae hanlan ccaaw hae kha mah chia thua lan khyh hae; mimaw seinaw hanlan rou nynh chia athua cih hae.
Pawccecize raepaw uccaw hae nynh Pachia ccaaw hae oun langku lan hae paw kha myarya ngaehoite a ngawdae hae.
Paaw hae, atakaw te
a la um vae paw amaw kha
na ny vae oh keiccuze
nae kalan ccaw ka zei.
Ccangvae hae, Satan kha
na tae vae oh keiccuze
nae kalan ccaw ka zei.
Ka ccaaw hae, Paaw kha
na ny vae oh keiccuze
nae kalan ccaw ka zei.
Paaw hae, atakaw te
a la um vae paw amaw kha
na ny vae oh keiccuze
nae kalan ccaw ka zei.
Ccangvae hae, nae thawsae zah
Pachia bya tuh nae kya
atyn keiccuze Satan kha
na tae vae oh, tukeiccuze
nae kalan ccaw ka zei.
Laephi te laephi kya a umpaw uccaw hae hynh sungsah nan oh. Ccungccaw lukhakheit nynh laephi kha a sungsah ze, Paaw sungsahnaw tuh tuh-e paw kya um khyh.