A paixão de Cristo
A paixão de Cristo é o ato de amor supremo da história. Jesus sofreu voluntariamente a cruz, carregando os pecados da humanidade para nos dar vida eterna.
O caminho da cruz
Jesus sabia o que o aguardava. Mesmo em agonia, submeteu-se à vontade do Pai e caminhou resolutamente para o Calvário.
ଜିସୁନ୍ ଆ ରନବୁବରନ୍ ଡ ଆ ୟନର୍ମେଙ୍ବରନ୍ ବର୍ରନେ
ତି ସିଲଡ୍ଲ୍ଲନ୍ ଜିସୁନ୍ ଆ ଞଙ୍ନେମରଞ୍ଜିଆଡଙ୍ ବରେଞ୍ଜି, "ଞେନ୍ ଜିରୁସାଲମନ୍ ଅନିୟନ୍ ଡେତେ, ଆରି ପାପୁର୍ମରଞ୍ଜି, ସୋଡ଼ା ରାଓଡ଼ାଞ୍ଜି ଡ ସାସ୍ତ୍ରିଞ୍ଜି ପରାନ୍ଡଣ୍ଡନ୍ ଏମ୍ମେତିଁୟ୍ଜି କି ରବ୍ବୁତିଁୟ୍ଜି, ସିଲଡ୍ଲ୍ଲନ୍ ୟାଗି ଡିନ୍ନାଲୋଙ୍ ଞେନ୍ ୟର୍ମେଙ୍ଲେ ଡୋତନାୟ୍ ।"
ତିଆଡିଡ୍ ଜିସୁନ୍ ଆନିଞ୍ଜିଆଡଙ୍ ବରେଞ୍ଜି, "ଉଗର୍ଞେନ୍ ଆର୍ରବୁତେନ୍ ଅନ୍ତମ୍ ମାଡ୍ଡ ଡୁକ୍କତନେ, ଆମ୍ୱେଞ୍ଜି କେନ୍ତେନ୍ନେ ଡକୋଡାଲନ୍ ଞେନ୍ ସରିନ୍ ମବ୍ଡ଼େଲନ୍ ଡକୋନାବା ।"
ଆରି ରନବୁନ୍ ଜାୟ୍,
ଆଅକ୍କାଡଙ୍ଲୋଙନ୍ ଆର୍ରବୁଏନ୍ ଜାୟ୍ ବର୍ନେନ୍ ମାନ୍ନେଡାଲେ ଆନିନ୍ ଲବ୍ଡୁୟ୍ଡମ୍ଲନେ ।
ଆନିନ୍ ଆନାଜିଆଡଙ୍ ପସିୟ୍ଜି ଗାମ୍ଲେ ଓଡ୍ଡେତଜି, ଆନିଞ୍ଜି ଜେଲୁ ମିଞାମ୍ ଡଅଙ୍ଡାଗୋ ମନ୍ରାନ୍ ଆସନ୍ ଜିସୁନ୍ ନିୟ୍ ଆନିଞ୍ଜି ଅନ୍ତମ୍ ଗନଡ଼େନ୍ ଡେଏନ୍ । ଏତ୍ତେଲ୍ଡେନ୍ ଆନିନ୍ ଆ ରନବୁନ୍ ବାତ୍ତେ ସନୁମନ୍ଆଡଙ୍ ଅବ୍ନାରେତେ, ଇନିଆସନ୍ଗାମେଣ୍ଡେନ୍ ରନବୁଲୋଙନ୍ ସନୁମନ୍ ରାଜାଲନ୍ । ଆରି, ରନବୁନ୍ ଆ ବନ୍ତଙ୍ଲୋଙ୍ ଆନାଜି ଆମେଙ୍ମତ୍ତାନ୍ ଜାୟ୍ ବନ୍ତଙନ୍ ଆ ଜନିବାଡ୍ଲୋଙ୍ ଡକୋଏଞ୍ଜି, ଆନିନ୍ ଆନିଞ୍ଜିଆଡଙ୍ ଅନୁରନ୍ ତିୟେଞ୍ଜି ।
O sacrifício voluntário
Ninguém tirou a vida de Jesus — Ele a deu voluntariamente. Ele veio para servir e dar a sua vida em resgate por muitos.
"ଞେନ୍ ପରାନ୍ନାଞେନ୍ ତରିୟ୍ଲାଞନ୍ ଆପେୟନ୍ ଞେନ୍ଆଡଙ୍ ଡୁଙ୍ୟମ୍ତିଁୟ୍, ପରାନ୍ନାଞେନ୍ ତିୟ୍ଲାୟ୍ ଡେନ୍, ଞେନ୍ ତିଆତେ ଆରି ଞାଙ୍ତାୟ୍ । ପରାନ୍ନାଞେନ୍ ଆନ୍ନିଙ୍ ଅମଙ୍ଞେନ୍ ସିଲଡ୍ ପାଙ୍ଲେ ଅଃର୍ରପ୍ତିଏଜି, ବନ୍ଡ ଞେନ୍ଡମ୍ ତିଆତେ ତିୟ୍ତାୟ୍ । ତିଆତେ ତନିୟନ୍ ଆସନ୍ ଆରି ଆବ୍ଡିଡ୍ଲେ ପନାଙନ୍ ଆସନ୍ ଅମଙ୍ଞେନ୍ ସନୋଡ଼ାନେନ୍ ଡକୋ । ଏନ୍ନେଲେ ଲନୁମନ୍ ଆସନ୍ ଆପେୟନ୍ ଞେନ୍ଆଡଙ୍ ବାଁୟ୍ଲିଁୟ୍ ।"
ଇନିଆସନ୍ଗାମେଣ୍ଡେନ୍ ମନ୍ରା ଡାଙ୍ଗଡ଼ାଅନନ୍ ନିୟ୍ ଅନବ୍ସାକ୍କେନେବାନ୍ ଅଃନ୍ନିୟ୍ଲାୟ୍, ଆର୍ପାୟ୍ ସନାକ୍କେବାନ୍ ଆରି ଅଡ଼୍କୋ ମନ୍ରାଞ୍ଜିଆଡଙ୍ ତନାଣ୍ଡେବାନ୍ ଆ ପରାନ୍ନାନ୍ ତନିୟନ୍ ଆସନ୍ ଇୟ୍ଲାୟ୍ ।"
ସୋଡ଼ା ରାଓଡ଼ାଞ୍ଜି ଡ ଅଡ଼୍କୋ ମନ୍ରାଞ୍ଜି କଡାଡ଼ିଡାଲନ୍ ଜିସୁନ୍ଆଡଙ୍ ରନବ୍ବୁନ୍ ଆସନ୍ ଆ ବିରୁଦଲୋଙନ୍ ସାକିନ୍ ସାଜେଞ୍ଜି, ବନ୍ଡ ଅଃଞାଙ୍ଲଜି,
ବନ୍ଡ ଇନ୍ଲେଞ୍ଜି ଇର୍ସେଲୋଙନ୍ ଆଡ୍ରକୋଲଙ୍ଲନ୍ ଆଡିଡ୍ ଇନ୍ଲେଞ୍ଜି ଆସନ୍ କ୍ରିସ୍ଟନ୍ ରବୁଏନ୍, କେନ୍ ଆସନ୍ ଇସ୍ୱରନ୍ ଡିଅଙ୍ଗା ଡୁଙ୍ୟମ୍ଲଙ୍ଲନ୍ ତିଆତେ ଆନିନ୍ ଇନ୍ଲେଞ୍ଜିଆଡଙ୍ ଅବ୍ତୁୟ୍ଲଙ୍ଲନ୍ ।
ତିଆସନ୍ ମା ଇସ୍ୱରନ୍ ଆମ୍ୱେଞ୍ଜିଆଡଙ୍ ଓଡ୍ଡେଲବେନ୍, ଇନିଆସନ୍ଗାମେଣ୍ଡେନ୍ ଏଙ୍ଗାଲ୍ଡେନ୍ ଆମ୍ୱେଞ୍ଜି କ୍ରିସ୍ଟନ୍ ଆନଡ଼ିଜଙ୍ଗଡ୍ ଏତଙିୟ୍ତନ୍, ତିଆସନ୍ ଆନିନ୍ ନିୟ୍ ଆମ୍ୱେଞ୍ଜି ଆସନ୍ ଡନଣ୍ଡାୟନ୍ ଞାଙ୍ଲେ ଅବୟ୍ ଅନବ୍ଜଙନ୍ ଅବ୍ତୁୟ୍ଲବେନ୍ । ଆନିନ୍ ଆଙ୍ଗିୟ୍ ଇନ୍ନିଙ୍ ଆ ଇର୍ସେ ଅଃଲ୍ଲୁମ୍ଲୋ, ଆରି ଆନିନ୍ ଇନ୍ନିଙ୍ ଇସ୍କତ୍ତାବରନ୍ ଅଃବ୍ବର୍ରନ୍ । ଆନିନ୍ଆଡଙ୍ ଆର୍ନିଣ୍ଡୟେଞ୍ଜି ଆଡିଡ୍, ଆନିନ୍ ଆନ୍ନିଙ୍ଆଡଙ୍ ଅଃନ୍ନିଣ୍ଡୟ୍ଲୋ; ଡନଣ୍ଡାୟନ୍ ଆଞ୍ରାଙେନ୍ ଆଡିଡ୍, ଆନ୍ନିଙ୍ଆଡଙ୍ ଅଃବ୍ବବ୍ତଙ୍ଲୋ, ବନ୍ଡ ଆନିନ୍ ଇସ୍ୱରନ୍ ଆସିଲୋଙ୍ ସୋରୋପ୍ପାୟ୍ଡମ୍ଲନ୍ । ଏଙ୍ଗାଲ୍ଡେନ୍ ଇନ୍ଲେଞ୍ଜି ଇର୍ସେନ୍ ଆସନ୍ ରବୁଡାଲେ ଡରମ୍ମଗଡନ୍ ଆସନ୍ ଅମେଙ୍ଲଙ୍ନେ, ତିଆସନ୍ ଆନିନ୍ ଆଅକ୍କାଡଙ୍ଲୋଙନ୍ ଆ ଡଅଙ୍ଲୋଙନ୍ ଅଡ଼୍କୋନ୍ଲେନ୍ ଆ ଇର୍ସେ ବୋୟ୍ଲେ ପାଙେନ୍; ଆନିନ୍ ତନିଡନ୍ ଆଞ୍ରାଙେନ୍ ଇନ୍ଲେଞ୍ଜି ମନଙ୍ଲଙ୍ଲନ୍ ।
ଆନିନ୍ କେନ୍ ମନ୍ରାଞ୍ଜି ଆଡଙ୍ ଅମ୍ରେଙ୍ତେ ଆନା ୟେୟେଡାତନ୍ ଅଡ଼େ ଅମୁସୁକ୍କାଲନ୍ ଡକୋତନ୍ ଆରି ଅଙ୍ଗା ମନ୍ରା ଆମୁକାନ୍ ୟୁମ୍ତେ, ଏନ୍ନେଗନ୍ ଆମନ୍ରାଞ୍ଜି ଆନିନ୍ ଅମ୍ରେଙ୍ତେ,ଆରି ଇନ୍ଲେଞ୍ଜି ଆନିନ୍ ଆଡଙ୍ ଏମାନ୍ନେଲାୟ୍ ।
ଆଜାଡ଼ିଡମ୍ ଆନିନ୍ ଅଡ଼୍କୋ ଅସୁବବ୍ବ୍ମଲେଞ୍ଜି ଆନିନ୍ ବୋୟେନ୍ କି ବୟ୍ତ୍ତାୟ୍ଲେନ୍ ଇନ୍ଲେଞ୍ଜି ଆସନ୍ ପନାରାନ୍ ଞାଙେନ୍ । ଏଲେଜନଙ୍ ଡେନ୍ ଇସ୍ୱରନ୍ ଞେନ୍ ଆସନ୍ ସନମନ୍ ଡ ଡୁକ୍କନ୍ ଞାଙେନ୍ ଗାମ୍ଲେ ଏମାନ୍ନେଲାୟ୍ । ବନ୍ଡ ଅଡରମ୍ମଲେଞ୍ଜି ଆସନ୍ ଆନିନ୍ଆଡଙ୍ ସନମନ୍ଞାଙେନ୍ ପାରାଜେନ୍ ଡ ଇର୍ସେଲେନ୍ଞ୍ଜି ଆସନ୍ ଆନିନ୍ ଲବ୍ତିଲନ୍; ସନ୍ୟୁଲେନ୍ ଆସନ୍ ଆନିନ୍ ଡୁକ୍କା ଞାଙେନ୍ କି ତନିଡନ୍ ଆଞରାଙେନ୍ ଆସନ୍ ଞେନ୍ ମନଙ୍ଡେଲାୟ୍ ।