A paixão de Cristo

आपणीं मौते बारै ईशूओ पैहलै ई खोज़णअ

21 तेखअ लागअ होर बी ईशू आपणैं च़ेल्‍लै का खोज़दअ, "मुंह लागणअ एरुशलेम नगरी लै ज़रूर डेऊणअ कि सैणैं, बडै प्रोहत अर शास्त्री लोगे हाथै हुंह दुख ज़िरे अर तिन्‍नें हाथै मरूं अर हुंह चिऊथै धैल़ै हुंह भिई ज़िऊंदअ होए।"

38 तेखअ बोलअ ईशू, "मेरअ ज़िऊ आसा भितरा का इहअ दुखी कि मेरै च़ाल्‍लअ शाह डेऊई, तम्हैं खल़्हिया इधी संघा रहै बिहुदै।"

8 मणछे रुपै प्रगट हई हुअ सह मानदार

अर परमेशरे हर गल्‍ला मनी मरनै तैणीं, इधी तैणीं कि ज़ुल्म करनै आल़ै ज़ेही ज़िरी तेऊ क्रूसे मौत बी।

14 ज़ै कि परमेशर ज़हा लै आपणैं लान्हैं बोला तिंयां बी आसा मणछ अर ईशू बी बणअ तिन्‍नां ई ज़िहअ मास्सा-लोहू आल़अ मणछ। राख्सा का आसा शगती कि मौते डअर रहैऊई करै डरैओए पर मसीहा बणअ मणछ एते तैणीं कि तेऊए मौत होए अर मौता हारी करै सह राख्से शगती खतम करे

15 अर ज़ेतरै मौतै डरा संघै सारी ज़िन्दगी गलामा ज़िहै तै, सह तिन्‍नां आज़ाद करे।✝

17 "तैही डाहा बाब मुंह संघै झ़ूरी, किल्हैकि हुंह दैआ आपणअ प्राण कि भिई बापस लई सकूं। 18 एता निं कोहै मुखा छ़ड़ैऊई सकदअ, पर हुंह दैआ एता आप्पै। मुंह आसा एता दैणैंओ हक बी अर बापस लणेंओ हक बी। मुल्है आसा परमेशरै अह हुकम दैनअ द।"

45 "हुंह मणछो पूत निं एते तैणीं आथी आअ द कि कुंण मेरी च़ाकरी करे पर हुंह आसा एते तैणीं आअ द कि हुंह होरीए च़ाकरी करे अर सोभी लोगे छ़ुटकारै लै आपणैं प्राण दैए।"

55 बडै प्रोहत अर सारी यहूदी सभा आल़ै तै पैहलै ई इहै लोगा लोल़ै लागै दै ज़ुंण ईशूए खलाफ झ़ुठी शाजत दैए। ताकि तिंयां तेऊ मारी पाए पर तिंयां निं इहअ करी सकै।

8 पर परमेशर करा हाम्हां संघै एतरी झ़ूरी कि ज़ेभै हाम्हैं पापी तै, ईशू मसीहा दैनी म्हारी तैणीं आपणीं ज़ान।

21 तम्हां शादणेंओ आसा परमेशरो एक मकसद इहअ बी कि तम्हैं भलै काम करनै पिछ़ू बी तेऊ लै दुख ज़िरे। मसीहा ज़ुंणी थारी तैणीं दुख ज़िरै, सह आसा तम्हां लै आदर्श। तैही लागा तम्हां तिहअ करनअ ज़िहअ तेऊ किअ।

22 "पबित्र शास्त्र बोला इहअ,

"तेऊ निं कधि पाप किअ, नां तेऊ किज़ै झ़ुठअ बोलअ।✝

23 "ज़ेभै लोग ईशूए बेइज़ती करा तै, सह निं तिन्‍नां बापस बेइज़ती करदअ त। ज़ेभै लोग तेऊ लै दुख दैआ तै सह निं तिन्‍नां लै बापस धमकी दैंदअ त। पर सह करा त आपणीं मज़ती लै परमेशरा दी भरोस्सअ। तेऊ का थिअ थोघ कि परमेशर आसा सदा शुचअ नसाफ करनै आल़अ।✝

24 "ज़ेभै ईशू क्रूसा दी मूंअ, तेऊए देही दी दैनी म्हारै पापा पिछ़ू सज़ा। तेऊ किअ अह एते तैणीं कि पाप हाम्हां दी आजू राज़ नां करे, पर ऐबै हाम्हैं तिन्‍नां धर्मीं गल्‍ला करे ज़ुंण परमेशर च़ाहा। ज़ुंण कोल़े मार तेऊ ज़िरी, हाम्हैं हुऐ तेता करै नरोगै।"✝

3 हाम्हैं किई तेऊ लै नफरत अर हाम्हैं समझ़अ सह बृथा,

तेऊ ज़िरै दाह-दुख अर

हाम्हैं किअ सह इहअ भाल़अ नां भाल़अ कि

तेऊए निं कोई बुगत ई आथी!✝

4 पर तेऊ ज़िरै तिंयां दुख ज़ुंण हाम्हां पल़णै तै भुगतणै,

अर ज़ुंण दाहे शूल़ हाम्हां लागणै तै दैणैं।

हाम्हैं रहै तेऊ लै इहअ सोठदै लागी कि

अह मार आसा एऊ लै परमेशरे हुणाकार।✝

5 पर तेऊ लै पल़ै म्हारै पापा पिछ़ू ज़खम,

म्हारै पापी कामां पिछ़ू पल़ी तेऊ मार।

तेऊ ज़िरी सह सज़ा कि म्हारअ मेल़-ज़ोल़ होए,

तेऊ ज़िरै घोर दाह-दुख कि हाम्हैं ताज़ै-नरोगै होए।✝