1 इतिहास 1

आबरामा तैणीं आदमो खिंब

1 आदम, शेत, एनोश, 2 कनान, महलेल, जेरेद, 3 हणोक, मतूशेलह, लेमेक, 4 नूह, शेम, हाम, ज़बेद।

5 ज़बेदे शोहरू: गोमेर, मागोग, मादी, ज़ाबण, तूबल, मेशक, तीरस।

6 गोमेरे शोहरू: अशकनाज, दीपत अर तोगर्मा।

7 ज़ाबणे शोहरू: एलीशाह, तरशीश, कित्ती, रोदानी।

8 हामे शोहरू: कूश, मिसर, पुत अर कनान।

9 कूशे शोहरू: सबा, हबीला, सेबता, रामाह अर सबतका।

रामाहे शोहरू: शेबा अर ददान।

10 कूशो हुअ निम्रोद नाओं शोहरू, सह थिअ पृथूई दी पैहलअ जोधअ।

11 मिसरे आद-लुआद आसा, लूदी, अनामी, लहाबी, नपतूही, 12 पत्रूसी, कसलूही ज़हा का पलिश्ती निखल़ै अर कप्तोरी।

13 कनानो ज़ेठअ शोहरू थिअ सदोन अर तेखअ हुऐ हित्ती, 14 जबेशी, अमोरी, गिर्गाशी 15 हिब्बी, अरेकी, सीनी, 16 अर्बादी, समारी अर हमाती बी थिऐ कनाने ई आद-लुआद।

17 शेमे शोहरू: एलाम, अश्शूर, अर्पक्षद, लूद, अराम, ऊज़, हूल, गतेर अर मेशक।

18 अर्पक्षदो शोहरू त शेलाह अर तेऊओ शोहरू त एबेर। 19 एबेरे हुऐ आजू दूई शोहरू। ज़ेठै शोहरू नाअं थिअ पेलेग किल्हैकि अह त सह ज़मानअ, ज़धू धरती दी लोग बांढुऐ। एबेरो कान्हअ शोहरू थिअ ज़गतान।

20 ज़गताना का हुऐ अलमोदाद, शेलप, हसरामाबेथ, ज़ारा, 21 हादोराम, उजेल, दिकला, 22 एबल, अबीमीएल, शेबा, 23 ओपीर, हबीला अर जोबाब। ईंयां सोभै तै ज़गताने आद-लुआद।

24 शेमे खिंबा दी थिऐ अब्रामा तैणीं ईंयां: शेम, अर्पक्षद, शेलाह, 25 एबेर, पेलेग, रऊ, 26 सरूग, नाहोर, तेराह अर 27 अब्राम ज़हा लै आबराम बी बोला।

आबरामे आद-लुआद

28 आबरामे शोहरू तै इशमाईल अर इसहाक। 29 दासी हागारा का हुऐ दै इशमाईले आद-लुआद आसा एही: तेऊओ सोभी का ज़ेठअ थिअ नबयोत, तेऊ बाद हुऐ कदार, अदबेल, मिबसाम, 30 मिशमा, दुमा, मासा, हदाद, तेमा, 31 जतूर, नपीश अर कदमा।

कतूरा का आबरामे लुआद

32 आबरामे ती कतूरा नाओंए एक होर डाही दी बेटल़ी तैहा का हुऐ तेऊए छ़ह शोहरू: ज़िमरान, जोकशान, मदान, मिद्यान, ईशबाक अर शूहा। जोकशाने तै आजू दूई शोहरू शेबा अर ददान। 33 मिद्याने हुऐ पांज़ शोहरू: एपा, एपेर, हणोक, अबीदा अर एल्दा। ईंयां सोभै तै कतूरा का आजू लुआद।

साराईए आद-लुआद

34 आबरामे शोहरू इसहाके थिऐ दूई शोहरू एसाब अर याकब ज़हा लै इज़राईल बी बोला। 35 एसाब ज़हा लै एदोम बी बोला, तेऊए आद-लुआद तै: एलीपज, रूएल, जेऊश, ज़ालम अर कोराह। 36 एलीपजे आद-लुआद तै: तेमान, ओमार, सपो, गताम, कनज, तिम्ना अर अमोलक। 37 रूएले शोहरू तै, नाहत, जेराह, शमाह अर मिज़ा।

सेईरे आद-लुआद

38 सेईरे तै छ़ह शोहरू लोतान, शोबाल, सबोन, अना, दशोन, एसार अर दशान।

39 लोताने शोहरू तै हूरी अर होमाम अर लोताने बैहण ती तिम्ना।

40 शोबाले तै पांज़ शोहरू अलियान, मनाहत, एबल, शेपी, ओनाम। सबोने हुऐ दूई शोहरू आया अर अना।

41 अनो त एक शोहरू दशोन। दशोने हुऐ आजू च़ार शोहरू हम्रान, एशबान इतरान अर करान।

42 एसारे तै चअन शोहरू बिल्हान, जाबण, जाकान। दशोने शोहरू तै ऊज़ अर अरान।

एदोम देशे राज़ै

43 ज़हा ज़मानै इज़राईली प्रैंदै कोहै राज़अ निं हंदअ त, तेऊ ज़मानै तै एदोम देशै ईंयां राज़ै शोहरू बेला-बेन-बोर राज़अ, तेऊए राज़धानी ती दिन्हाबा नगरी। 44 ज़ांऊं बेला राज़अ मूंअ, तेऊ बाद बणअ बोज़रा नगरीओ जेराहो शोहरू जोबाब तेऊए ज़ैगा राज़अ। 45 जोबाबा मरनै का बाद बणअ तेऊए ज़ैगा, तेमानी ज़ातीए मांझ़ा का हुशाम राज़अ। 46 ज़ांऊं राज़अ हुशाम मूंअ, तेखअ बणअ बदादो शोहरू हदाद राज़अ, ज़ुंण मोआब देशै मिद्यानी ज़ातीए लोग जुधा दी हारै तै। तेऊए राज़धानी ती अबीत नगरी। 47 हदादा बाद बणअ मसरेका नगरीओ समला सदोमो राज़अ। 48 समला मरनै बाद बणअ फरात दरैऊए बाढै रोहबोत नगरीओ रहणैं आल़अ शाऊल तेऊए ज़ैगा राज़अ। 49 शाऊला मरनै का बाद किअ अकबोरे शोहरू बालहानणै तेऊए ज़ैगा राज़। 50 अकबोरे शोहरू बालहानणा मरनै का बाद बणअ हदाद राज़अ। तेऊए राज़धानी ती पाऊ नगरी। तेऊए लाल़ी महेटबेल थिई मटरेदे शोहरी अर मेजाहबे पोची।

51 ज़ांऊं हदाद मूंअ, तेऊ बाद हुऐ एदोमे खिंबा का ईंयां सैणैं: तिम्ना, अल्बा, ज़तेत, 52 आलीबामा, एला, पीनोन, 53 कनज, तेमान, मिबसार, 54 मगदीएल अर ईरम।

ईंयां टोली आसा एदोमे खिंबा का।