1 लेबी थिअ गर्शोन, कहात अर मरारीओ बाब। 2 कहाते हुऐ आजू च़ार शोहरू: अमराम, इसहार, हेब्रोन अर उज्जीएल।

3 अमरामे हुऐ आजू दूई शोहरू एक शोहरी: हारण, मोसा अर शोहरी नाअं त मिर्याम।

हारणे तै आजू च़ार शोहरू: नादाब, अबीहू, एलीआजर अर ईतामार।

4 एलीआजरे लुआद थिई आजू पोस्ती दर पोस्ती एही: एलीआजर, पिनहास, अबीशू, 5 बूकी, ऊज्जी, 6 जेराह, मरयोत, 7 अमर्या, आहीतूब, 8 सदोक, आहीमास, 9 अजर्याह, जोहनान, 10 जोहनाना का हुअ अजर्याह ज़ुंण एरुशलेम नगरी राज़ै सुलैमानै बिधाता लै बणाऐं दै भबनै प्रोहतो काम करा त। 11 अमर्या, आहीतूब, 12 सदोक, शलूम, 13 हिलकिया, अजर्याह, 14 अजर्याह का सरयाह अर सरयाह का जेहोसादक। 15 राज़ै नबूकदनेसरै निंयं त जेहोसादक माहा प्रोहत बी होरी यहूदी अर एरुशलेम नगरीए लोगा संघै कैद करी बाबेल देशा लै, तिन्‍नां दैनअ त बिधाता आपणीं ज़ैगा छ़ाडी होरी देशे गलामी दी डेऊणैं।

16 लेबीए तै चअन शोहरू: गर्शोन, कहात अर मरारी। 17 इना सोभिए बी थिई आजू लुआद। गर्शोने तै दूई शोहरू: लिब्नी अर शिमी। 18 कहाते तै आजू च़ार शोहरू हुऐ दै: अमराम, इसहार, हेब्रोन अर उज्जीएल। 19 लेबीए शोहरू मरारीए थिऐ दूई शोहरू: महली अर मूशी।

20 गर्शोने आद-लुआद ती बाब अर शोहरूए साबै पोस्ती दर पोस्ती एही: गर्शोम, लिब्नी, जहात, ज़िमा, 21 जोआह, ईदू, जेराह, जितराई।

22 कहाते आद-लुआद ती पोस्ती दर पोस्ती एही: कहात, अमीनादाब, कोराह, आशीर, 23 एलकाना, एबियासाप, आशीर, 24 ताहात, ऊरीएल, उज़ियाह अर शाऊल।

25 एलकाना का थिऐ दूई शोहरू हुऐ दै, अमासा अर आहीमोत। 26 आहीमोते आद-लुआद ती आजू पोस्ती दर पोस्ती एही: एलकाना, सोपी, नाहत, 27 एलीआब, जेरोहाम अर एलकाना।

28 शमूएले बी थिऐ दूई शोहरू हुऐ दै: ज़ेठअ जोएल अर कान्हअ अबियाह।

29 मरारीए आद-लुआद थिई पोस्ती दर पोस्ती एही: महली, लिब्नी, शिमी, उज्ज़ा, 30 शिमा, हागाया, असाया।

31 ज़ांऊं बिधाते करारो मणशू एरुशलेम बिधाते खिम्भा दी पजैल़अ, राज़ै दाबेदै डाहै तिधी लेबी गोत्रा का गाज़ै-बाज़ै आल़ै। 32 तिंयां करा तै धैल़ बारी-बारी बिधाते मेल़-ज़ोल़े खिम्भा दी च़ाकरी करी अर बादा का बणाअं राज़ै सुलैमानै राज़धानी एरुशलेम बिधाता लै भबन अर तेखअ दैआ तै ईंयां तिधी बारी-बारी हाज़री। 33 तिंयां थिऐ आपणीं-आपणीं टोलीए साबै पोस्ती-दर पोस्ती ईंयां:

कहाती टोली का: जोएलो शोहरू हमान थिअ गाणैं-बज़ाणैं आल़ैओ सैणअ। तेऊओ खिंब त पिछ़ू याकबा तैणीं इहअ: हमान, जोएल, शमूएल, 34 एलकाना, जेरोहाम, एलीएल, तोह, 35 सूप, एलकाना, महात, अमासा, 36 एलकाना, जोएल, अजर्याह, सपन्याह, 37 ताहात, आशीर, एबियासाप, कोराह, 38 इसहार, कहात, लेबी अर लेबी त याकबो शोहरू ज़हा लै इज़राईल बी बोला।

39 असाप थिअ हमानो ई टबर ज़ुंण तेऊ बाद गाज़ै-बाज़ै आल़ैओ सैणअ थिअ। तेऊओ खिंब डेऊअ तेऊए दाद-बाब लेबी तैणीं पिछ़ू इहअ: असाप, बरेक्याह, शिमा, 40 मिकाईल, बासेया, मलकिजा, 41 एतनी, जेराह, अदाया, 42 एतान, ज़िमा, शिमी, 43 जहात, गर्शोन अर तेऊओ बाब लेबी।

44 मरारी टोलीओ एतान बी थिअ हमानो टबर अर सह थिअ तेऊ बाद असापा बाद गाज़ै-बाज़ै आल़ैओ सैणअ। तेऊओ खिंब डेऊअ तेऊए दाद-बाब लेबी तैणीं पिछ़ू इहअ: एतान, किशी, अबदी, मलूक, 45 हशाबिया, अमास्या, हिलकिया, 46 अमसी, बैनी, शमेर, 47 महली, मूशी, मरारी अर तेऊओ बाब त लेबी।

48 लेबी गोत्रे होरी लोगा लै थिई बिधाते भबने होरी कामां-काज़े ज़िम्मैंबारी सभाल़ी दी।

49 बिधाता लै बेदी दी हूम बल़ीदान, धूप बेदी दी धूपा दैणैंओ हक थिअ सिधअ हारण अर आजू तेऊए आद-लुआदो। खास पबित्र ज़ैगा डेऊणे अर पूज़ा-गाज़ा करने अर सोभी इज़राईलीए पापे प्राश्त करने ज़िम्मैंबारी ती तिन्‍नें। तिंयां करा तै एऊ कामां ठीक तेऊ साबै ज़िहअ बिधाते गूर मोसा तिन्‍नां लै हुकम त किअ द। 50 हारणे आद-लुआद ती आजू पोस्ती दर-पोस्ती एही: एलीआजर, पिनहास, अबीशू, 51 बूकी, ऊज्जी, जेराह, 52 मरयोत, अमर्या, आहीतूब, 53 सदोक अर तेऊओ शोहरू त आहीमास।

54 कनान देशै ज़ुंण-ज़ुंण नगरी लेबी गोत्रे हेस्सै ती आई दी, तिन्‍नैं पाई तेता बांडणां लै परच़ी अर सोभी का आजी निखल़अ हारणे खिंबा दी कहात टोलीओ नाअं अर तिन्‍नां भेटअ हेस्सअ। 55 कहात टोलीए हेस्सै आई यहूदा मुल्खै हेब्रोन नगरी तेते फेर फिरदी घैहणीं संघी। 56 पर तैहा नगरीए खेच अर गराअं दैनै यपुन्‍नें शोहरू कालेबे हेस्सै। 57-59 हारणे खिंबे हेस्सै आई शरण नगरी हेब्रोन, फेर-फिरदी घैहणीं संघी जतीर, लिब्ना अर एश्तमो नगरी, हीलेन, दबीर, अशान अर बेथ-शमेश नगरी तिन्‍नां फेर-फिरदी घैहणीं संघी। 60 ज़ुंण ज़ैगा बिन्यामीन गोत्रे बांडै ती आई दी, तेता मांझ़ै भेटी तिन्‍नां लै गबोन, गिबा, अलमेथ, अनातोत नगरी तेता फेर-फिरदी घैहणीं संघी। इहअ करै भेटी तिन्‍नां पठी तेर्हा नगरी कि तिंयां तेथ बस्से। 61 लेबी गोत्रे कहाती टोली का ज़ुंण बाकी बच़ै, तिन्‍नां भेटी परच़ी पाई दस नगरी जरदण नदी पछ़मा बाखा बस्सै दै मनिश्शे गोत्रे हेस्सै मांझ़ा का।

62 लेबी गोत्रे गर्शोन टोली आल़ै भेटी तिन्‍नें खिंबे साबै परच़ी पाई तेर्हा नगरी इस्साकार, आशेर, नप्ताली अर जरदण नदी पुर्बा बाखा बाशान बस्सै दै मनिश्शे आधै गोत्रे हेस्सै मांझ़ा का। 63 लेबी गोत्रा का मरारी टोली आल़ै भेटी रूबेन, गाद अर ज़बलून गोत्रे हेस्सै आई दी ज़ैगा मांझ़ै परच़ी पाई पठी बारा नगरी। 64 इहअ करै दैनी सोभी इज़राईली लेबी गोत्रा आल़ै लै ईंयां सोभै नगरी तेता फेर-फिरदी घैहणीं संघी कि तिंयां तेथ बस्से। 65 लेबीए बांडै दैनी ईंयां सोभै नगरी बिधाता सेटा परच़ी पाई अर यहूदा, शमौन अर बिन्यामीन गोत्रे हेस्सै का बी दैनी तिन्‍नां एही ई परच़ी पाई बांड।

66 कहाती टोली मांझ़ै भेटी थोल़ै एप्रैम गोत्रे हेस्सै मांझ़ा का नगरी बांडै। 67 तिंयां नगरी थिई एप्रैम गोत्रे हेस्सै आऐ दै धारा बाखे मुल्खै शरण नगरी शकेम, गज़ेर, 68 जोकमाम, बेथ-हारोन, 69 अजालोन अर गात-रमोन नगरी अर इना सोभी नगरी फेर-फिरदी घैहणीं बी भेटी तेता संघै। 70 जरदण नदी पछ़मा बाखा बस्सै दै मनिश्शे आधै गोत्रे बांडै ज़ुंण ज़ैगा ती आई दी, तेता मांझ़ै आई तिन्‍नां अनेर अर बिलेम नगरी तेते फेर-फिरदी घैहणीं संघी बच़ै दै कहाती टोलीए बांडै।

71 जरदण नदी पुर्बा बाखा बस्सै दै मनिश्शे आधै गोत्रे हेस्सै आई दी नगरी मांझ़ा का भेटी गर्शोनी टोली आल़ै दूई नगरी तेते फेर-फिरदी घैहणीं संघी, बाशान मुल्खै गोलान अर अशतरोत नगरी।

72 इस्साकार गोत्रे हेस्सै मांझ़ा का भेटी तिन्‍नां कादेश, दाबरत, 73 रामोत अर आनीम नगरी तेते फेर-फिरदी घैहणीं संघी।

74 आशेर गोत्रे हेस्सै मांझ़ा का भेटी तिन्‍नां माशाल, अबदोन, 75 हुकोक अर रहोब नगरी तेता फेर फिरदी घैहणीं संघी।

76 नप्ताली गोत्रे हेस्सै मांझ़ा का भेटी तिन्‍नां गलील मुल्खै कादेश, हामोन अर किर्यातैम नगरी तेते फेर-फिरदी घैहणीं संघी।

77 तेखअ ज़ुण मरारी टोली मांझ़ै रहै, तिन्‍नां लै दैनी ईंयां नगरी:

ज़बलून गोत्रे हेस्सै मांझ़ा का दैनी तिन्‍नां लै रमोन अर तबोर नगरी तेते फेर-फिरदी घैहणीं संघी।

78 जरदण नदी पुर्बा बाखा जेरिहो नगरी नेल़ दैनी तिन्‍नां लै रूबेन गोत्रे हेस्सै मांझ़ा का रेगीस्तानै बेसेर, जहास, 79 कदमोत अर मेपात नगरी तेते फेर-फिरदी घैहणीं संघी।

80 गाद गोत्रे हेस्सै मांझ़ा का दैनी तिन्‍नां लै गलाद मुल्खै रामोत, माहानीम, 81 हेशबोन अर ज़जार नगरी तेते फेर-फिरदी घैहणीं संघी।