Paixão

24 Bɔŋ bʉə ndə bɔ̂ŋ bɛ tʉ Klai Jiso nɔʼ kwɛ̀ŋ bɔŋleʼ yí nubə ndə mbʉə-yʉə tʉʼ kʉ́ʉ ghɔŋbə ntɔmə-i leʼnə jyʉʉ-i ndə i bɛ fyii-bɔŋ.

5 Nɔ, ndʉʉghɔfii, b̈ii yí nu-kəwʉʉnəmbi-bə ndə i bɛ mu mbʉə-bii nə bəsəŋ, nu-nyàatəŋwɔŋ-bə, ntɔ-bəsəŋ-mə, ntɔmə ndə məchìi bʉ̂ʼʉ leʼnə ntɔmə ndə məkie tətɛʼ bii ndə i bɛ nə məgháa bənyii.

11 Mɔ nɔ tʉʼ fʉ̀ʉtə bii, mbʉətə bətieŋkɔŋ-bɔŋ, ndə bii bɛ bəntoʼŋgwe bɔŋleʼ kə́ bɛ bʉə ndə wʉʉnəmbikə-ɔ̄ŋ bɛ chunjaa-yii fɛ, b̈ii fyúhə ŋwɔŋ-yii hə ndəŋ ntɔmə nə mbʉəhə-ii tʉʼ kʉ́ʉ, i kə́ gwè nə chɔ̂ tʉ bii.

4 Ɔ nɔ kʉ̀ʉ mbɔ ẅo bii təmiyɔŋ kínə ntɛ ndə ɔ kie ndə mətʉ́ʼ ŋwɔŋ-ɛŋ* bɛ ŋkʉʉ bɔŋleʼ kie kuŋhə chɔ. 5 Ɔ kie ndə məkie ntɔmə fyii-ɔ yɔ́ŋyɔ́ŋ ndə məchí ghɔŋ ibɛʼ-yə wo ndə bʉə ndə bɔ̂ŋ gòʼ təmə bɛ bʉə-Juu fɛ təmə kínə Nyii fɛ.

31 Nɔ, kə bii yú fɔkə, byuunɔ nú fɔkə, byuunɔ chìi nukə, b̈ii fɔ̀ʼ nchəŋnchəŋ-ɛŋ ndə məkɔ́ məgʉ́ə tʉ Nyii.

9 Bɔŋ kaʼ bɔ̂ŋ yá ŋwɔŋ-yʉə kəŋkaa, b̈ɔ̂ŋ kʉ́ʉ lɔŋ. Bʉʼka i nɔ bʉ̀ʉ daa ndə məkie lɔŋ hə ndə mədùʼ kə́ kwú nə ntɔmə.

26 Bʉʼka nubə-ɔ̄ŋ, Nyii nɔ kə ké bɔŋ ndə məkie jyʉʉ ndə mə-kə́-chìi nu-kətʉvyiinə-bə. Buŋ bəke-bʉə nɔ kə kíahə ŋkɛŋ məchí ghɔŋbə bələŋ ndə Nyii nə mɔ̀ʼ, kə́ chí bə nə bəke bəʼkə-ʉə. 27 Bələŋ ghɔ kíahə ŋkɛŋ məchí ghɔŋbə bəke ndə Nyii nə mɔ̀ʼ kə́ kie bə jyʉʉ ndə ŋwɔŋtə-ʉə. Bələŋ kə́ fɔ̀ʼ nu-kətʉvyiinə-bə ghɔŋbə bəbɛʼbə bələŋ, kə́ chìi yɔ̄ŋ-yə gwè nə ŋgʉəʼ kətʉ-bɔŋ ndə lɔʼɔbə-ʉə bʉʼka bʉ̂ʼtə-ʉə.

3 Ndʉʉ tʉʼ gwè ndə bʉə kʉʉ kə́ kʉ̀ʉ ndə məyʉ́ ŋgie-shʉəŋ-kə ndə bə tʉʼ dàhə fɛ, bɔŋ bu kə́ kʉ́ʉ bə yʉə-yə nubə ndə i kʉ̀ʼnə tʉ bɔŋ. Bɔ̂ŋ bu chə̀ŋtə bʉə yɔ́ŋyɔ́ŋ ndə mə-kə́-dàhə bɔŋ nə nubə ndə tyunəbə-ʉə tʉʼ yʉ̀ʼ ndə məyʉ́. 4 Bɔ̂ŋ bu shìe liɛŋtə-ʉə ndəŋ məyʉ́ ŋgie-shʉəŋ-kə kə́ kɔ́ tyunəbə-ʉə ndə məyʉ́ chəŋ-mbi-nduɔŋ-bə.

3 Bii nɔ tʉʼ bíʼtə təmə kə́ kie fɛ, bʉʼka bii nɔ tʉʼ bíʼtə nə luu bʉəbʉə, ndə məyú ndə ntɛhə ndə fyii-ii tʉʼ kʉ́ʉ.