3 म्हारै प्रभु यीशु मसीह के पिता अर परमेसवर का धन्यवाद होवै, जो दया का पिता, अर जो हमेशा तसल्‍ली देवै सै। 4 परमेसवर म्हारै सारे दुखां म्ह तसल्‍ली देवै सै, ताके हम उस तसल्‍ली कै कारण जो परमेसवर म्हारै ताहीं देवै सै, उन ताहीं भी तसल्‍ली दे सका, जो इस तरियां के दुखां म्ह हो।

3 म्हारै प्रभु यीशु मसीह के पिता अर परमेसवर का धन्यवाद होवै, जो दया का पिता, अर जो हमेशा तसल्‍ली देवै सै। 4 परमेसवर म्हारै सारे दुखां म्ह तसल्‍ली देवै सै, ताके हम उस तसल्‍ली कै कारण जो परमेसवर म्हारै ताहीं देवै सै, उन ताहीं भी तसल्‍ली दे सका, जो इस तरियां के दुखां म्ह हो। 5 क्यूँके जिस तरियां मसीह म्ह हमनै घणे दुख होवै सै, उस्से तरियां ए मसीह कै जरिये हमनै घणी तसल्‍ली भी होवै सै। 6 जै हम दुख पावां सां, तो या थारी तसल्‍ली अर उद्धार कै खात्तर, क्यूँके परमेसवर म्हारे ताहीं तसल्‍ली देवै सै, तो वो थमनै भी तसल्‍ली देगा ताके थम धीरज कै गेल्या उन दुखां ताहीं सह लेओ सो, जिन नै हम भी सहवां सां। 7 अर म्हारी आस थारे बारै म्ह पक्‍की सै, क्यूँके हमनै बेरा सै, के थम जिस तरियां तै म्हारे दुखां म्ह साझ्झी सों, उस्से तरियां तै थम म्हारी तसल्‍ली म्ह भी साझ्झी सों।

5 क्यूँके जिस तरियां मसीह म्ह हमनै घणे दुख होवै सै, उस्से तरियां ए मसीह कै जरिये हमनै घणी तसल्‍ली भी होवै सै।

24 क्यूँके उसनै दुखियाँ ताहीं तुच्छ न्ही जाण्या,

अर ना उनतै घृणा करै सै,

यहोवा नै उसतै अपणा मुँह कोन्या ल्हकोया,

पर जिब उसनै उसकी दुहाई दी, फेर उसकी सुणली।

18 यहोवा टूट्टे मन आळयां कै धोरै रहवै सै,

अर पईसे होया का उद्धार करै सै।

3 वो दुखी मन आळयां नै ठीक करै सै,

अर उनके घा पै मरहम-पट्टी बाँधै सै।

5 क्यूँके उसका छो तो माड़ी देर का होवै सै,

पर उसकी प्रसन्‍नता जीवन भर की होवै सै।

भलाए रात नै रोणा पड़ै,

पर सबेरै आनन्द मिलैगा।

1 परमेसवर म्हारा शरणस्‍थान अर ताकत सै,

संकट म्ह आसान्‍नी तै मिलण आळा मददगार।

22 अपणा बोझ यहोवा पर गेर दे, वो तेरे ताहीं सम्भालैगा;

वो धर्मी ताहीं कदे टळण न्ही देवैगा।

8 तू मेरे मारे-मारे फिरण का हिसाब राक्खै सै;

तू मेरे आँसुआँ नै अपणी कुप्‍पी म्ह धर ले!

के उनकी चर्चा तेरी किताब म्ह न्ही सै?

9 यहोवा पईसे होया खात्तर ऊँच्‍चा गढ़ ठहरैगा,

वो मुसीबत के बखत म्ह भी ऊँच्‍चा गढ़ ठहरैगा।

2 यहोवा मेरी चट्टान, अर मेरा गढ़ अर मेरा छुड़ाण आळा सै;

मेरा परमेसवर, मेरी चट्टान सै, जिसका मै शरणागत सूं,

वो मेरी ढाल, मेरै उद्धार का सींग,

अर मेरा ऊँच्‍चा गढ़ सै।

28 "हे सारे मेहनत करण आळो अर बोझ तै दबे होड़े माणसों, मेरै धोरै आओ, मै थमनै सुख-चैन दियुँगा।

28 "हे सारे मेहनत करण आळो अर बोझ तै दबे होड़े माणसों, मेरै धोरै आओ, मै थमनै सुख-चैन दियुँगा। 29 मेरा जूआ अपणे उप्पर ठा ल्यो, अर मेरै तै सीखो, क्यूँके मै नरम अर मन का दीन सूं: अर थम अपणे मन म्ह सुख-चैन पाओगे।

4 धन्य सै वे, जो शोक करै सै, क्यूँके वे परमेसवर तै शान्ति पावैगें।

27 मै थारे ताहीं शान्ति देकै जाऊँ सूं, अपणी शान्ति थारे ताहीं दियुँ सूं, जिसी दुनिया थारे ताहीं शान्ति देवै सै, मै थमनै उसी शान्ति कोनी देंदा अपणे मन नै दुखी ना होण द्यो अर ना डरियो।

33 "मन्‍नै ये बात थारैतै ज्यांतै कही सै, के थम मेरै म्ह शान्ति पाओ। दुनिया म्ह थारे पै क्ळेश होवै सै, पर हिम्मत राखियो, मन्‍नै दुनिया ताहीं जीत लिया सै।"

22 उस्से तरियां थारे म्ह भी इब तो दुख सै, पर मै थारे तै दुबारा मिलूँगा अर थारे मन आनन्द तै भर जावैंगे, थारा आनन्द कोए थारे तै खोस न्ही सकदा।

6 किसे भी बात की चिंता ना करो, पर हर हालात म्ह थारे निवेदन, प्रार्थना, बिनती अर धन्यवाद कै गैल परमेसवर कै आग्गै पेश करै जावै।

7 फेर परमेसवर की शान्ति, जो माणस की समझ तै परै सै, थारे मन अर विचारां नै मसीह यीशु म्ह सुरक्षित राक्खैगी।

3 फेर मन्‍नै सिंहासन म्ह तै किसे ताहीं जोर तै न्यू कहन्दे सुण्या, के, देख, आज तै ए परमेसवर का डेरा माणसां कै बिचाळै होवैगा, वो उनकै गेल्या वास करैगा, अर वे उसके माणस होंगे, अर परमेसवर खुद उनकै गेल्या रहवैगा, अर वो उनका परमेसवर होगा। 4 अर वो उनकी आँखां तै सारे आँसू पुंज देवैगा, अर इसकै बाद ना मौत, ना दुख, ना बिलाप, अर ना दर्द रहवैगा, क्यूँके पुराणी बात बीत ली सै।

5 अर जो सिंहासन पै बेठ्या था, उसनै कह्या, के देख, इब मै नई सृष्टि की रचना करण लागरया सूं, फेर उसनै कह्या, के लिख ले, क्यूँके जो कुछ कह्या जाण लागरया सै, जो मै कहण लागरया सूं, तू उसपै बिश्वास कर सकै सै, क्यूँके यो पक्‍का होवैगा।

13 मै प्रार्थना करुँ सूं, के परमेसवर जो आस का दात्ता सै, थारे ताहीं बिश्वास करण म्ह सारी तरियां के आनन्द अर शान्ति तै भरपूर करै, के पवित्र आत्मा की सामर्थ तै थारी आस बधती जावै।

2 इस दुनिया के माणसां बरगे ना बणो, पर परमेसवर थारी सोच नै बदलै, अर थारा चाल-चलण भी बदलता जावै, जिसतै थम परमेसवर की भली, अर आच्छी लागण आळी, अर सिध्द इच्छा अनुभव तै बेरा पाड़ सको।

10 मत डरै, क्यूँके मै तेरै गैल सूं, आस्सै-पास्सै ना देक्खै, क्यूँके मै तेरा परमेसवर सूं; मै तेरे ताहीं मजबूत करुँगा अर तेरी मदद करुँगा, अपणे धर्ममय सोळे हाथ तै मै तेरे ताहीं सम्भाळे रहूँगा।

1 यशायाह नबी न्यू कहवै सै*, प्रभु यहोवा का आत्मा मेरे पै सै; क्यूँके यहोवा नै सुसमाचार सुणाण कै खात्तर मेरा अभिषेक करया अर मेरे ताहीं इस करकै भेज्या सै ताके दुखी मन के माणसां नै शान्ति दियुँ; ताके बन्दियाँ खात्तर आजादी का अर कैदियाँ कै खात्तर छुटकारै का प्रचार करुँ; 2 के* यहोवा के खुश रहण के साल का अर म्हारे परमेसवर के पलटा लेण के दिन का प्रचार करुँ; ताके सारे विलाप करण आळयां नै शान्ति दियुँ। 3 अर सिय्योन* के विलाप करण आळयां के सिर पै की राख दूर करकै सुन्दर पगड़ी बाँध दियुँ, के उनका विलाप दूर करकै खुशी का तेल लगाऊँ अर उनकी उदासी हटाकै यश का ओढ़णा ओढ़ाऊँ; जिसतै वे धार्मिकता के बांज दरखत अर यहोवा के लगाऐ होए कुहवावै अर जिसतै उसकी महिमा प्रगट हो।

13 जिस तरियां माँ अपणे बेट्टे नै शान्ति देवै सै, उस्से तरियां मै भी थमनै शान्ति देऊँगा; थमनै यरुशलेम म्ह ए शान्ति मिलैगी।

8 अर तेरै आग्गै-आग्गै चाल्‍लण आळा यहोवा सै; वो तेरै गैल रहवैगा, अर ना तो तन्‍नै धोक्खा देगा अर ना छोड़ैगा; इस करकै ना डर अर तेरा मन कच्‍चा ना हो।"

5 अपणी जिन्दगी नै धन के लालच तै मुक्त राक्खों, अर जो थारे धोरै सै उस्से पै सन्तोष करो, क्यूँके उसनै आप्पे ए कह्या सै, "मै तन्‍नै कदे भी न्ही छोड़ूँगा, अर ना कदे भी त्यागूँगा।"

7 यहोवा भला सै; संकट के दिन म्ह वो मजबूत गढ़ ठहरै सै, अर अपणे शरणागतां नै याद राक्खै सै।

17 तेरा परमेसवर यहोवा तेरे बीच म्ह सै, वो उद्धार करण म्ह पराक्रमी सै; वो तेरै कारण आनन्द तै मगन होवैगा, वो अपणे प्यार के मारे चुप रहवैगा; फेर ऊँच्‍ची आवाज तै गान्दा होया तेरै कारण मगन होगा।"

11 क्यूँके यहोवा की या वाणी सै, के जो कल्पना मै थारै बारै म्ह करुँ सूं उन ताहीं मै जाणु सूं, वे नुकसान की न्ही, बलके सलामती ए की सैं, अर अन्त म्ह थारी उम्मीद पूरी करुँगा।

17 जै कोए मसीह म्ह बिश्वास करै सै, तो वो नयी जिन्दगी पा लेवै सै। पुराणा सुभाव चल्या जावै सै, अर नया सुभाव आ जावै सै।

19 ज्यांतै जो परमेसवर की मर्जी कै मुताबिक दुख ठावै सै, उननै परमेसवर पै सदा बिश्वास करते रहणा चाहिए, जिसनै उन ताहीं बणाया सै। परमेसवर नै जो भी वादा करया सै, उस ताहीं वो हमेशा पूरा करै सै, इस खात्तर हमनै हमेशा भलाई करदे रहणा चाहिए।

6 इस करकै परमेसवर के स्याम्ही दीन बणो, जो थमनै बचा सकै, ताके वो थमनै सही बखत आण पै बढ़ा सकै। 7 अपणी सारी चिन्ता परमेसवर ताहीं दे द्यो, क्यूँके उसनै थारा ध्यान सै।

4 चाहे म्ह घोर अन्धकार तै भरी होई तराई म्ह होकै चाल्‍लूँ,

तोभी नुकसान तै न्ही डरुँगा,

क्यूँके तू मेरै गैल रहवै सै;

तेरी छड़ी अर लाठ्ठी तै मन्‍नै शान्ति मिलै सै।

4 एक वर मन्‍नै यहोवा तै मांग्या सै,

उस्से कै यत्न म्ह लाग्या रहूँगा;

ताके मै जीवन भर यहोवा के भवन म्ह रहण पाऊँ,

जिसतै के यहोवा की मनहोरता पै निगांह लगाऐ रहूँ,

अर उसके मन्दर म्ह ध्यान करया करुँ।

5 क्यूँके वो तो मन्‍नै संकट के दिन म्ह अपणे

मण्डप म्ह ल्हकोए राक्खैगा;

अपणे तम्बू कै गुप्त स्‍थान म्ह वो मन्‍नै लह्को लेगा,

अर चट्टान पै चढ़ावैगा।

50 मेरे दुख म्ह मन्‍नै शान्ति उसे तै होई सै,

क्यूँके तेरे वचन कै कारण मन्‍नै जीवन पाया सै।

11 इस्से तरियां वो नम्र माणसां नै ऊँच्‍ची जगहां पै बिठावै सै,

अर शोक का पहरावा पैहरे होए माणस ऊँच्‍चे

पै पोहचकै बचै सै।

29 यीशु नै कह्या, "मै थमनै साच्‍ची-साच कहूँ सूं के इसा कोए कोनी, जिसनै मेरै अर मेरै सुसमाचार कै खात्तर घर, भाण-भाई, माँ-बाप, बाळ-बच्‍चे या जमीन-जायदाद ताहीं छोड़ दिया हो, 30 अर इब इस युग म्ह सताव के बदले म्ह घर, भाण-भाई, माँ-बाप या बाळ-बच्‍चे अर जमीन-जायदाद का सौ गुणा पर आण आळे बखत म्ह अनन्त जीवन पावैगा।

16 मै पिता तै बिनती करुँगा, अर वो थारे ताहीं एक और मददगार देवैगा के वो सारी हाण थारे गेल्या रहवै। 17 यानिके सच का आत्मा, जिस ताहीं दुनिया कोनी अपणा सकदी, क्यूँके वो ना उसनै देक्खै सै, अर ना उस ताहीं जाणै सै, थम उसनै जाणो सो, क्यूँके आज वो थारे गेल्या सै, अर आण आळे बखत म्ह भी वो थारे म्ह बणा रहवैगा।" 18 "मै थारे ताहीं अनाथ कोनी छोडूँगा, मै थारे धोरै बोहड़ के आऊँगा।