Palavras de conforto
Deus é o Deus de todo conforto. Ele consola os que choram, restaura os quebrantados e promete que a dor presente dará lugar à alegria eterna.
O Deus de toda consolação
Bendito seja o Deus e Pai de nosso Senhor Jesus Cristo, Pai das misericórdias e Deus de toda consolação, que nos consola em todas as tribulações.
Hazenkefi ufresageno Anumzamo zamazeri fru hania naneke
Hagi Rantimofo Krais Jisasi Nefa, Anumzamo Agrake mika asuragi zamofo agafa’a mani’neno, tazeri fruma nehimofo agi erisaga huta musena huntesune. Mika knazantifina Agra tazeri fru nehie. E’inahu nehigu Anumzamo’ma tagri’ma nehiankita rumokizmia knafima mani’nesageta zamazeri fru hanune.
Hazenkefi ufresageno Anumzamo zamazeri fru hania naneke
Hagi Rantimofo Krais Jisasi Nefa, Anumzamo Agrake mika asuragi zamofo agafa’a mani’neno, tazeri fruma nehimofo agi erisaga huta musena huntesune. Mika knazantifina Agra tazeri fru nehie. E’inahu nehigu Anumzamo’ma tagri’ma nehiankita rumokizmia knafima mani’nesageta zamazeri fru hanune. Na’ankure Jisas Kraisi’ma, rama’a ataza eri’neankita, tagranena tata anahukna huta enerunanagi, anahukna huno Kraisi rimpa fruzamo’a tagu’afina avi’nete. Tamagri knare zanku’ene tamaho’ma ke’zanku’ene, tagrira tazeri havizana hugahaze. Tamagrama fru huta manisagu, Anumzamo’a tagrira tazeri fru nehie. E’i ana zamo’ma eama nehiana, akoheno manineno, tagrama eneruna kna knazama e’nerimofonte efore nehie. Ana hu’negu hanave antahintahi nehuta amuha’ma huramunana, tagrama erisuna tatazampintima, tamagra’enenema erisazana, tamagra anazanke huta Anumzamo’ma fruzama tamisifintira erigahaze.
Na’ankure Jisas Kraisi’ma, rama’a ataza eri’neankita, tagranena tata anahukna huta enerunanagi, anahukna huno Kraisi rimpa fruzamo’a tagu’afina avi’nete.
Iza’zo zamatafima mani’ne’za zamagra’ama zamazama huga’ma nosaza vahera, Ra Anumzamo’a amefira hunozamie. Ana nehuno zamagritera ke amnea huno frara nokianki, iza’o aza hinogu’ma nunamuma huno zavi krafama huno antahigea vahera, nunamu’a antahimino aza nehie.
Ranknazampima mani’naza vahera Ra Anumzamo’a tva’ozmire nemanino, vahe’mo’zama knazama zami’za zamagu’ama zamazeri havizama nehaza vahera, zamagu’nevazie.
Promessas de restauração
Deus sarará o quebrantado de coração e atará as suas feridas. Quem semeia em lágrimas, colherá com júbilo.
Knazamo’ma higeno zamagu’amo’ma havizama hu’nea vahera ete zamazeri so’e nehie. Ana nehuno namuma zamare’nea zana anaki nezamante.
Na’ankure Ra Anumzamofo arimpa ahe’zamo’a zazatera meno ovugahie. Hianagi agri knare avu’avazamo’a, kasefa’ma huta manisuna kna’afina mevava huno vugahie. Hanima e’nigeta kenagera zavira ategahunanagi, nanterama ko’manetigeta musenkase hugahune.
Anumzamo’a fraki kumati mani’ne hu’za Kora mofavre naga’mo’za hunte’naza zagamere
Anumzamo’a fraki vihutine hankavetine mani’neankino, hazenke knafima tazama hanigura maka kna retro huno nemanie.
Knazanka’a Ra Anumzamofo azampi antegeno, Agra knazanka’a e’nerino kazeri hanavetino. Agra fatgo zamavu’zmava’ma nehaza vahera zamatrenige’za regarari’za trakara osugahaze.
Kagra nasunku’ma huazana kavuntenka nenagane. Zavi’ma atogeno’ma navunu’ma hia navunura tafempi afinte’nane. Magoke magoke zana avompi krente’nane.
Hagi Ra Anumzamo’a zamazeri havizama nehaza zamunte omne vahe’mokizmi fraki havegazmi mani’neanki’za hazenke knafina anampinka ome frakiza manigahaze.
Ra Anumzamo’a ra haveni’ane, vihuni’a mani’neno nagura nevaziankina, agripinka frakugeno hankoni’a mani’neno nagura nevazie. Ra Anumzamo’a nagri hankone hankavenine nazahu have mani’neno, fraki kumani’a mani’ne.
Paz e descanso
Jesus disse: 'Vinde a mim, todos os cansados e sobrecarregados, e eu vos aliviarei.' A paz de Deus que excede todo entendimento guarda o coração.
Ana’ana nehuta maragu’za neti’nageno, knama tamavenesinimota nagrite enkena tamazeri fru ha’neno.
Ana’ana nehuta maragu’za neti’nageno, knama tamavenesinimota nagrite enkena tamazeri fru ha’neno. Nagri agarenamare zafa eri kofinetma, Nagriteti rempi hiho. Na’ankure Nagra akohena nagu’a antefru hu’na nemanue. Hanigeno tamagu’amo’a fru hugahie.
Zamasu zampi mani’ne’samokizmia, Anumzamo’a asomu huzmantegahie. Na’ankure Agra zamazeri fru hugahie.
Tamarimpa fruza Nagra tamagripi nentoe, Nagra narimpa frua tamagri neramue, ama mopafi vahe’mo’za neramizankna tamarimpa frua Nagra noramue. Atrenkeno tamagu’amo’a kna nosina korora osiho.
Ama’ina nanekema Nagra neramasmuana, Nagripinti tamarimpa fru erigahaze. Ama mopafina hazenke zane, tamasuzamo egahianagi, oti hanavetiho. Na’ankure Nagra ama mopafi hanavea azeri haviza hu’na hago agatere’noe.
E’i ana hu’negu tamagra menina zavira netaze, hianagi Nagra henka nermagesugeno, tamagu’amo muse nehina, mago’mo ana musezana tamagripintira eri otregahie.
Mago’a zankura tamagesa ontahitma, hakare zankura nunamu nehutma, upama hu’nesaza zanku Anumzamofo nesamitma, hakare zama huramante’nea zankura, Anumzamofona muse hunteho.
Anumzamofo rimpa frumo’a, agtere’neankitma vahe’mota antahita keta osuga hu’nonankino, tamagu’ane, antahintahi tamia Krais Jisasi kva huramantegahie.
Esperança eterna
Deus enxugará toda lágrima. A dor presente é momentânea, mas a glória futura é eterna. O Senhor transforma luto em dança.
Anantera antahugeno kini tratetira, ranke huno anage hu’ne, Keho! Anumzamofo mono nomo’a vahe’ene nemanianki’za, Agra zamagrane nemanisigeno, Agri vea zamagra nemanisageno, Anumzamo Agra’a zamagri amu’nompina manigahie. Ana nehuno maka zamavunura eri homu huzmante vagaresigeno, mago’ene fri’zana omnenkeno, zamasunku hu’za zavi’ma ate’zana omnena, zamatama krizana omnenigeno, ese’ma me’nea zantamina omnegahie.
Ana higeno kini trate’ma mani’nemo’a anage hu’ne, Nagra maka’zana eri kasefa hu’na tro nehue. Nehuno anage mago’ane hu’ne, na’ankure ama kemo’a fatgo huno tamage hu’neanki, fore hugahianki avontafepi krento.
Fore’ma hanigu’ma amuha’ma nehu’na zamofo Anumzamo, miko musezane rimpa fruzana tamentintifina antevi’netena, Ruotge Avamumofo hankavefi fore’ma hanigura amuhara hugahaze.
Hagi ama mopafi avu’avazanena tagrora oteho. Hianagi tamagra atrenkeno antahintahitamia Anumzamo tamazeri kasefa nehanigeno, tamavutamava zamo’a ruzahe hino. Anama hanuta, tamage Anumzamofo avesizamo’a, knare huno haviza osuno, fatgo hu’ne huta eriama hugahaze.
E’ina hu’negu korora osiho, na’ankure nagra tamagrane mani’noe. Nagra tamagri Anumza mani’noanki, antahintahi hakarea osiho. Nagra tamazeri hankaveneti’na, tamaza hugahue. Nagra tamagerfa hu’na hankavenentake tamaga nazampi tamazerigahue.
Ra Anumzamo vahe’ma zamaza hania knama esania zamofo naneke
Ra Anumzamofo Avamumo’a nagrite emani’ne. Na’ankure Ra Anumzamo nagrira nanunte masave tagino frenenanteno, knama zamiza zamazeri havizama nehaza vahera knare musenke ome huama hunka zamasamio huno hunantege’na e’noe. Ana nehuno rama’a knazampima mani’naza vahera zamarimpa fru nezaminka, hapinti’ma zamazeri’za kinama huzmante’naza vahera zamazeri netrenka, kinama hu’naza vahera kinafintira atreta fruhuta viho hunka zamasamio huno hunante’ne. Hagi Ra Anumzamo’a naga’ama so’e avu’avazama huzmanteno zamazeri so’ema hania kafugura huama hunka nezmasaminka, vahe’ama knama zamiza zamazeri havizama hu’naza vahera arimpa ahenezmanteno zamazeri haviza haniankna ome huama hunka nezamasaminka, zamasunku nehu’za zavi krafa nehaza vahera zamarimpa fru zamio huno hunantege’na e’noe.
Saioni kumapima mani’neza zavi krafama nehaza vahera zamarimpa fru nezaminka, zamanunte’ma kugusopama erinte’nezama zavi’ma netaza zana ome erinetrenka, avasase’ane tavaravereti anaki zamanto. Ana nehunka zavi’ma netaza zana eri netrenka, musema hu’zana masavema nehiaza hunka fre nezmantenka avesra gosrama nehiazana eri netrenka, kukenama nehiaza hunka Ra Anumzamofo agima ahentesgama hu’zana ante’zamanto. Anama hananke’za ete hankavea eri’za muse zagame nehu’za, Ra Anumzamofona muse huntegahaze. Ana nehanage’za vahe’mo’za nezamage’za, Ra Anumzamo oki zafa hankre’negeno oti hankave ti’neankna hu’naze hu’za nehu’za, Ra Anumzamofo agia ahentesga hugahaze huno hunantege’na e’noe. (Matiu 11:5, Luku 4:18, 19, 7:22)
Mago a’mo mofavre’a kvahu so’e hu’neno avavaseaza hu’na, kegava huzmantegahue. Ana hanugeta Jerusalemi kumapina fru huta manigahaze.
Nunca sozinhos
Deus nunca nos abandona. Ele está ao nosso lado em cada vale, segura nossa mão e promete que o choro não durará para sempre.
Hagi korora huge, kahirahikura osuo. Na’ankure Ra Anumzamo’a ogatregosianki, kagri’ene mani’neno vugota huganteno vugahie.
Hagi zagogu’ma avesi avesi huntezankura kava huo, anama erinesanama’agura museho. Na’ankure Anumzamo’a anage hu’ne, Nagra kagrira onkatre’na, Nagra namagena huogamigahue hu’ne. (Diu-Kas 31:6-8, Jos 1:5)
Ra Anumzamo’a knare hu’neankino, tamagerfa huno knazama esania knafina hankave vihugna hurantegahie. Agrite’ma amuhama nehu’za taza hugahiema hu’za nehaza vahera Agra zamageno antahino hu’neankino, knazama esania knafina Agra kegava hunezamante.
Na’ankure Ra Anumzana kagri Anumzamo kagri amu’nompina mani’ne. Agra hankavenentake harafa ne' mani’ne. Agra kagrikura tusi muse hugahiankino, avesi zama’areti koroma nehana zana maka eri amne hugahie. Kagrikura ranke huno zagamera nehuno, Agra musenkasea hugahie.
Na’ankure nazano Nagrama huramante’naku’ma hu’noa antahintahizana ko retro hunte’noe. E’ina antahi’zama retro’ma hu’noana, tamazeri haviza hu antahintahizana retro osu’noanki, henkama knare’ma huta nemanisageno muhama nehaza zamo’ma knare’ma hania antahintahi retro hu’noe, huno Ra Anumzamo’a hu’ne.
E’ina hu’negu mago’mo’ma Kraisimpima manisimofona Anumzamo’a azeri kasefa vahe fore nehie. Antahi ani huo, korapa avu’avamo’a fanane nehigeno, kasefa avu’ava fore nehie.
E’ina hu’negu tamagrama Anumzamofo avesizama amage’ma nentenageno, vahe’mo’za tamatazama tamisageta, tamagri’ma tro’ma huramante’nemofonte tamentintia nehutma, fatgo tamavutamava huta maniho.
E’ina hu’negu tamagra Anumzamofo hanavenentake azampi anteramita mani’nenkeno, kna fatgore tamazeri antesga hino. Hakare’a knazantmia Agrite atreho, na’ankure Agra tamagrira kva huneramante.
Ana nehu’na knazamo’ma rehanima hige’na, hanimpi neviankna hugahuanagi, anankna zamo’ma eme nazeri havizama hu’zankura korora osugahue. Na’ankure Ra Anumzamoka sipisipi kva vahe’mo’zama e’nerizankna azompaka’ane, sipisipima runeharizankna knonka’a eri’nenka nagrane mani’nanke’na ana zama negogeno’a, narimpamo’a fru nehie.
Ra Anumzamofona mago zanku antahigesue, Knare nagrira natresanigena kasefa’ma hu’nama manisnua kna’afina, Agri nompina manivava nehu’na, knare avu’ava’a nege’na, musena hunente’na Agri mono nompi mani’nena kama naverima hanigura kegahue. Hanki hazenke zama esania knafina, Agra’a navre franekino, Agra’a seli mono nompi navre frakigahie. Ana nehuno navresga huno onagamu’a have agofetu nantesige’na knare hu’na manigahue.
Kagrama huvempama hunante’nana nanekemo nazeri hankavenetigeno, knazampima ufroana ana nanekemo nazeri kasefara nehie.
Agra amunte omane vahera zamaza hige’za, mani’zazmifina knarera nehazageno, zavi’ma netaza vahera zamahokeno zamagu nevazie.
Higeno Jisasi’a anage hu’ne, Tamage hu’na neramasamue, iza’o Nagriku’ene Knare Musenkereku’ma huno noma’afi, afuhe’impi, asarahehe’impi, nererampi, nefampi, mofavre’zaga’afi hoza ramima’ama atresimo’a, ana nona’a maka’zana 100'a agatereno menina ama knafina rama’a e’nerino, rama’a kuma’ene, nefu’zane nesaro’zane nererane mofavre' naga’ane, hoza’ane e’nerisige’za, vahe’mo’za azeri haviza nehanageno, henkama esia knarera manivava asimu erigahie.
Nenfana antahigesugeno, Agra mago tamaza hu’zana tamisnigeno, Agra tamagrane manivava hugahie. E’i ana tamaza hu’zana tamage Avamure, ama mopafi vahe’mo’za e’origahaze. Na’ankure zamagra ke’za antahi’za osu’naze. Hianagi tamagra Agrira (Avamura) keta antahita hu’naze. Na’ankure Agra tamagrane mani’neno, tamagu’afi manigahie.
Nagra tamatresugetma megusa mofavregna huta omanigahaze. Nagra tamagritega egahue.