Palavras de conforto
Deus é o Deus de todo conforto. Ele consola os que choram, restaura os quebrantados e promete que a dor presente dará lugar à alegria eterna.
O Deus de toda consolação
Bendito seja o Deus e Pai de nosso Senhor Jesus Cristo, Pai das misericórdias e Deus de toda consolação, que nos consola em todas as tribulações.
God deno muduno si gigle di norukwa
Nono Yaglno Kade Jisas Krais Nem yagl wakai kaima moglkwa. Ana nono ye kagie kade tenamga i, siragl pre ye nono Neno mogl, Godno moglsre, nono ege ege mitno gogl noro, deno muduno si gigle di norukwa. Nono yubun imga igne God ege ege deno muduno si gigle di norukwa i, nono yoba pere yubun kane kane ta inaiglkwa i, ama ake ple di tenaiglmedi pre erukwa. God ye nono deno muduno siragl mere si gigle di norukwa i nono kandre, yobamo i ama kuno yegl mere deno muduno si gigle di tenamga pre erukwa.
God deno muduno si gigle di norukwa
Nono Yaglno Kade Jisas Krais Nem yagl wakai kaima moglkwa. Ana nono ye kagie kade tenamga i, siragl pre ye nono Neno mogl, Godno moglsre, nono ege ege mitno gogl noro, deno muduno si gigle di norukwa. Nono yubun imga igne God ege ege deno muduno si gigle di norukwa i, nono yoba pere yubun kane kane ta inaiglkwa i, ama ake ple di tenaiglmedi pre erukwa. God ye nono deno muduno siragl mere si gigle di norukwa i nono kandre, yobamo i ama kuno yegl mere deno muduno si gigle di tenamga pre erukwa.
Ene prio! Krais ye yubun mere kaima yumere mere yegl, no munara i yubun ama kau sugwa. Ba no yubun mere yumnara i, Krais ege ege deno muduno si gigle di norukwa. Te, no yubun imga panan, God ene deno muduno si gigle di tedre, ene ake ple di tenabuka. Te, God no deno muduno si gigle di noran, ama no ene deno muduno si gigle di tenamga. Yegl eran, no yubun idre, adigl gigledi munere mere yegl, ene ama yubun kuno yegl mere idre, adigl gigledi moraiglkwa. No pre gi dumga i, ene kaima adigl gigledi moraiglmedi prumga. I siragl pre no prumga i, no yubun yumnere mere ene kuno yegl igwa pre God no deno muduno si gigle di norumere yegl, ye ene ama deno muduno si gigle di tenabedi prumga.
Ene prio! Krais ye yubun mere kaima yumere mere yegl, no munara i yubun ama kau sugwa. Ba no yubun mere yumnara i, Krais ege ege deno muduno si gigle di norukwa.
Promessas de restauração
Deus sarará o quebrantado de coração e atará as suas feridas. Quem semeia em lágrimas, colherá com júbilo.
Paz e descanso
Jesus disse: 'Vinde a mim, todos os cansados e sobrecarregados, e eu vos aliviarei.' A paz de Deus que excede todo entendimento guarda o coração.
Ene yoba ta kogon podo ere moglsre, yubun kake meglkwa i, na moglmara wio. Ene na moglmara wibi, na ene ir si praiglmedi ere tenaglka.
Ene yoba ta kogon podo ere moglsre, yubun kake meglkwa i, na moglmara wio. Ene na moglmara wibi, na ene ir si praiglmedi ere tenaglka. Na mogl mitna edekre, yoba ere wakai ere teiga yoba moglka pre ene na mabunona bekio. I siragl pre ene na mabunona beke moglsre, duglo beglbi, ene kaima ir si prisre, deno muduno wida di inaiglkwa.
Yoba ta erme kai ere meglkwa i, gun yenaiglkwa paugwa.
I siragl pre God ye deno muduno wida di padigl tenabuka.
Na ene deno muduno wida dinabedi ersre, ene kodinaglka. Te, na ene deno muduno wida dinabedi tenaglka i, makandigle yoba swara ta tekrimere ene deno muduno wida dinabedi tenaglka. Yegl pre ene deno muduno mina pre yubun dedre, kudugl goglkrio dugwa.
Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.
Okuo kuri ta mogl, gun podo yomere mere yegl, ene deno muduno erme yubun dogwa ba na aglke kor dagl ene kanaglka igne, ene deno muduno mina gun podo yenaiglkwa. Te, ene gun yenaiglkwa i, yoba swara ta i eglke edekrabiwa.
Ana ene taragl kane kane pre kamage ersre, taragl swara ta pre nomane sikrio. Ene kamage eraiglkwa i, taragl kane kane pre God agle di prisre, ye ama di wakai ye teo.
Ene yegl eribi, God ene nomano ya deno muduno sugl moran, ene Krais Jisas erumara i pre deno muduno wida di idre, moraiglkwa. Te, deno muduno wida di ibi, yoba pre inamnedi eraiglkwa ba kuno erekrabuka.
Esperança eterna
Deus enxugará toda lágrima. A dor presente é momentânea, mas a glória futura é eterna. O Senhor transforma luto em dança.
Ede atne edugo, yoba ta sia king yomara mogl, ka podo ta dugo, na prika. Ye yegl dugwa, Ene kanio! God sel yugumo erme yoba meglmara suna yenan, God ye yoba meglmara suna kipai moran, yoba i ye yobama moraiglkwa. God ye meglmara suna moglsre, kaino nuglo ta yage sinabuka i koko ede tenabuka. Te, yoba okuo ta goglkribi, yoba kai ersre, kai giglage sigwa ya giugl prikwa i, okuo ama ta manabuka. I siragl pre taragl kane kane okna pamere yegl ta paikrabuka. Dudumiwe di, yegl dugwa.
Ana na taragl yegl mere kanigo, yoba ta sia king mina ame di moglkwa i, yegl dugwa, Ene kano! Na taragl mudu ere i kor ediwe dugwa. Yegl didre, ama yegl dugwa, Na ka diga i, kaima didre, ka dimara adigl moraglka pre ene na ka dimere yegl, bogl atne edo dugwa.
Ana ene God kamo pre mediglkwa pre ye ene meglmara nomane wakai tedre, ene gun yenaiglmedi ere, deno muduno wida di, ene meglmara padigl tenabedi prika. Yegl eran, te, Mudu Murubuglo ene yobuglo bogl tenan, ene okuo God bogl wakai kaima moraiglkwa i, ege ege pre gi di moraiglkwa. I siragl pre God nomane wakai ege ege ye yobama togo, ye okuo wakai kaima moramgra we di, pre gi digwa.
Ene mogl pai eraiglmara i, yoba meda God bogl moglkrikwa i mogl pai erimere yegl erekrio! Ene God nomane norabedi agai tebi, God ene nomane kor kor inaiglmedi tenabuka. Tenan, God ene siragl mere eraiglmedi prukwa i, ene pre pogl sinaiglkwa. God mabuno tau wakai kanugwa i, mabuno wakai ya mabuno du i, ene kaima pre pogl sinaiglkwa pre diga.
Nunca sozinhos
Deus nunca nos abandona. Ele está ao nosso lado em cada vale, segura nossa mão e promete que o choro não durará para sempre.
Ene mogl pai eraiglmara mige moni bubuno goglkrio. Ene taragl ta kan neigwa i, i pra kan nomnedi prio. I siragl pre God yene dra mina didre, Na ka kaima ene kide kodokre, na mokona ene ka kaima ta tekraluwe dugwa.
No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.
Yegl pre God ene yubun ta inaiglmedi pran, ene enene puk si God ogo mina yedre, mabuno wakai ere pai molo. I siragl pre God ye nono beke yedre, ka dumara adigl mogl, suglno wakai moglkwa yagle moglkwa.
Yegl pre ene mudu God yobuglomo podo pamedi prisre, ye moglmara mogl atne ede molo. Ene yegl eribi, ege swara ta God wakai prumere ene ake mitna edenabuka. Te, ene yubuno i, pra pra pia si God ogo mina yenaiglkwa paugwa. I siragl pre God ene mitno goglkwa yagle moglkwa.
Yegl dugo, ye yegl di togwa, Na ene kaima di teiga. Yoba swara ta na duglo boglsre, na kana wakai yoba di tenagledi ye yugumo toglmo kide kodinabuka mo agiglema abaugloma mo nem mam mo nagiglma kide kodinabo mo ye makanmo kide kodinabuka i, ye ege erme magigl i taragl mere kide kaima ikne edenabiwe dugwa. Ye yugu togl ya agiglema abaugloma ya mano ya gagiglma ya kaya togl mere kide kaima 100 mere yegl inabuka pre diwe dugwa. Ege erme taragl yegl mere idre, yubun tau ama inabuka ba ege okuo ta yenabuka igne, ye aimadi kamin kor morabuka.
Te, na Nina di pribo, ye Ake Ple Dugwa yoba ta aimadi kamin meglmara suna morabedi tenabuka. Na Ake Ple Dugwa yoba we diga i, ka kaima mabuno i nogugl edugwa Murubuglo ikra ene tenabuka pre diga. God Muruboglomo erme ene bogl akie moglsre, te, okuo ene meglmara suna morabuka pre ene ye pre kan erikwa. Ba makandigle yoba ye kankre, pre pogl sikre, erikwa pre ye God Murubuglomo ta ikraiglme dugwa.
Jisas ka ta ama yegl dugwa, Na ene kide kodibo, ene gak mua mere yegl mogl dinaiglmedi na ene meglmara ede ikne unaglka.