Palavras de conforto

ဘုရားသခင်ရဲ့ ကျေးဇူးတော်ဟှို ချီးမွမ်းဟှူကြောန်း

3 နှစ်သိမ့်ပေးဟှူ သခင်၊ ကရုဏာတော်လေန ပ္လဲ့ဇောင်ဘီး ကြွယ်ဝဟှူဖ ဖြစ်ဟှူ၊ နို့လေရဲ့ သခင် ယေရှုခရစ်တော်ရဲ့ဖ ဘုရားသခင်ဟှို နို့လေ ချီးမွမ်းဂေ့ဇို့။ 4 နို့လေဟှာ ဆင်းရဲဒေါက်ခမျိုးမျိုး ခံရဂေ့ဟှူ ခီမာ ကိုယ်တော်ဟှာ နို့လေဟှို နှစ်သိမ့်မှုလေဟှို ပေးဟှယ်။ အယ်ကြောန့် နို့လေဟှလည်း ဘုရားသခင်နားဟှနေ အယ်မျိုးရဟှူ နှစ်သိမ့်မှုလေန ဒေါက်ခခံရဂေ့ဟှူ လူလေဟှို ပ္လန်ဘီးဟှာ အားပေးနိုင်ဟှယ်။

ဘုရားသခင်ရဲ့ ကျေးဇူးတော်ဟှို ချီးမွမ်းဟှူကြောန်း

3 နှစ်သိမ့်ပေးဟှူ သခင်၊ ကရုဏာတော်လေန ပ္လဲ့ဇောင်ဘီး ကြွယ်ဝဟှူဖ ဖြစ်ဟှူ၊ နို့လေရဲ့ သခင် ယေရှုခရစ်တော်ရဲ့ဖ ဘုရားသခင်ဟှို နို့လေ ချီးမွမ်းဂေ့ဇို့။ 4 နို့လေဟှာ ဆင်းရဲဒေါက်ခမျိုးမျိုး ခံရဂေ့ဟှူ ခီမာ ကိုယ်တော်ဟှာ နို့လေဟှို နှစ်သိမ့်မှုလေဟှို ပေးဟှယ်။ အယ်ကြောန့် နို့လေဟှလည်း ဘုရားသခင်နားဟှနေ အယ်မျိုးရဟှူ နှစ်သိမ့်မှုလေန ဒေါက်ခခံရဂေ့ဟှူ လူလေဟှို ပ္လန်ဘီးဟှာ အားပေးနိုင်ဟှယ်။ 5 နို့လေဟှာ ခရစ်တော်ခံစားရဟှူ ရရာတိုင်းများဟှူ ဒေါက်ခဆင်းရဲလေဟှို ခံစားရမျိုးဘဲ့ ခရစ်တော်အားဖြင့် နှစ်သိမ့်မှုလေဟှို ခံရဂေ့ဟှယ်။ 6 နို့လေဟှာ ဆင်းရဲဒေါက်ခ ခံရဇာဟှာ နန်းနို့တွပ် နှစ်သိမ့်မှုန ကယ်တန်ရှင်း ကျိုးတွပ်ဘဲ့ဖြစ်ဟှယ်။ နို့လေဟှာ နှစ်သိမ့်မှု ခံစားရဂေ့ဟှူ ခီမာ နန်းနို့လေရဲ့ နှစ်သိမ့်ဟှူရှင်း တွပ်ဘဲ့ဖြစ်ဘီး အယ်မျိုးနှစ်သိမ့်ဇာဟှာ နို့လေခံရဟှူ ဆင်းရဲဒေါက်ခလေမျိုးမာ နန်းနို့ဟှာ သီးခံနိုင်ဟှူ ခွန်အားဟှို ဖြစ်စေဟှယ်။ 7 နန်းနို့တွပ် နို့လေရဲ့ မျှော်လင့်ဇာဟှာ ခိုင်မြဲဘီး ရှိနေဟှယ်။ ဖြားဖြစ်ကြောန့်နူးဆိုဟှာ နန်းနို့ဟှာ နို့လေရဲ့ ဆင်းရဲဒေါက်ခလေဟှို မျှဝီခံစားရဟှူမျိုးဘဲ့ နို့လေရဲ့ နှစ်သိမ့်မှုလေဟှိုလည်း မျှဝီခံစားရမယ် ဆိုဇာဟှို နို့လေ သိဂေ့ဟှယ်။

5 နို့လေဟှာ ခရစ်တော်ခံစားရဟှူ ရရာတိုင်းများဟှူ ဒေါက်ခဆင်းရဲလေဟှို ခံစားရမျိုးဘဲ့ ခရစ်တော်အားဖြင့် နှစ်သိမ့်မှုလေဟှို ခံရဂေ့ဟှယ်။

28 "ဝန်လေးဘီး ပန်ဘန်းနေဟှူ သူလေ ဂူလောင်း ငါ့နားဟှို လာဂေ့ပါ။ ငါနန်းနို့ဟှို နားပေးမယ်။

28 "ဝန်လေးဘီး ပန်ဘန်းနေဟှူ သူလေ ဂူလောင်း ငါ့နားဟှို လာဂေ့ပါ။ ငါနန်းနို့ဟှို နားပေးမယ်။ 29 ငါ့ထမ်းဘိုးဟှို ယူဘီးထမ်းဂေ့ပါ။ ငါ့နားမာ သန်ယူဂေ့ပါ။ ငါဟှာ နူးညံ့သိမ်မွေ့ဘီး နှိခ္လဟှူ စိသဘောရှိကြောန့် နန်းနို့ဟှာ သတ်သာမှုဟှို တွိဂေ့လေ့မယ်။

4 ဝန်းနဲပူဆွေးဘီး သောကရော့-က်နေဟှူသူလေဟှာ မင်္ဂလာရှိလေဟှယ်။

ဘုရားသခင်ဟှာ အယ်သူလေဟှို အားပေးနှစ်သိမ့်မှုလေ ပေးလေ့မယ်!

27 "ငြီသတ်မှုဟှို နန်းနို့နတူးဒူ ငါထားဟှားဘီ။ ငါ့ငြီသတ်မှုဟှိုလည်း နန်းနို့ဟှို ငါပေးဟှားဟှယ်။ လောကသားလေဟှို ပေးဟှားမျိုး ငါပေးဟှားဇာ မှုဟှ။ နန်းနို့လေ စိုးရိမ်ပူဘန်ဂေ့န။ ကြော့-က်ဂေ့န။

33 နန်းနို့ဟှာ ငါ့အားဖြင့် ငြီသတ်မှုရှိဟှို့တွပ် အယ်စကားဟှို ငါပြောပီးဘီ။ နန်းနို့ဟှာ အယ်လောကမာ ဆင်းရဲဒေါက်ခ ခံရဂေ့လေ့မယ်။ အယ်ဘေမဲ့ ကြော့-က်ဂေ့န! ငါဟှာ လောကဟှို အောန်ဟှားပီးဘီ!" ဆိုဘီး မိန့်တော်မူလေဟှယ်။

22 ခု နန်းနို့ဟှာ ဝန်းနဲနေဂေ့ဟှယ်။ အယ်ဘေမဲ့ ငါဟှာ နန်းနို့န ပ္လန်တွိရမယ် ဖြစ်ဟှူကြောန့် နန်းနို့ရဲ့ စိနှလောင်းဟှာ ဝန်းသာဂေ့လေ့မယ်။ အယ်ဝန်းသာမှုဟှို ဖယ်သူလည်း နန်းနို့နားဟှနေ လုယူနိုင်ဂေ့ဟှ။"

6 ဖယ်မှုဟှိုလည်း စိုးရိမ်ဘဲ့န ဖြစ်လာဟှူ မှုရာလေတွပ် ကျေးဇူးတော် ချီးမွမ်းရှင်းန ဆုတောန်းဘီးဟှာ နန်းနို့ လိုရှင်ဇာလေဟှို ဘုရားသခင်မာ တောန်းလျှော့-က်ဂေ့ပါ။

7 အယ်မျိုးလောက်မယ် ဆိုဟှာ ဖယ်သူလည်း ကြံစည်တတ်စွမ်းနိုင်ဟှို့ မှီဘဲ့ဟှူ ဘုရားသခင်ရဲ့ ငြီသတ်ရှင်းဟှာ ယေရှုခရစ်တော်န နန်းနို့ဟှာ တလောင်းတဝဒဲ ဖြစ်ဟှူကြောန့် နန်းနို့ရဲ့ စိနှလောင်းန ကြံစည်လေဟှို ကာကွယ် စောန့်ရှော့-က်လေ့မယ်။

3 အယ်ဘီးန ပလ္လင်ထဲဟှ ရရာတိုင်း က္လယ်ဟှူသံဟှ "ကေ့ကေ့ပါ။ ဘုရားသခင်နေဟှူ တဲတော်ဟှာ လူလေထဲမာရှိဘီး ကိုယ်တော်ဟှာ သူးနို့နတူးဒူ စံမြန်းမယ်။ သူးနို့ဟှလည်း ကိုယ်တော်ရဲ့ လူမျိုးတော်ဖြစ်ဂေ့ဘီး၊ ဘုရားသခင်ကိုယ်တိုင် သူးနို့လေနရှိဘီး သူးနို့လေရဲ့ ဘုရားသခင် ဖြစ်တော်မူမယ်။ 4 ကိုယ်တော်ဟှာ သူးနို့လေရဲ့ မျစ်စိဟှ မျစ်ရယ်ရှိမျှဟှို သုပေးလေ့မယ်။ သေရှင်းလည်း ရှိဟှို့မှုဘီ။ ဝန်းနဲကြွေကွဲဇာ၊ ငိုဇာန နာကျင်ဟှူ ဝေဒနာလေလည်း ရှိဟှို့မှုဘီ။ ဖြားဖြစ်ကြောန့်နူးဆိုဟှာ ရင်းရင်ဒူးဟှ ဖြစ်ဟှားဟှူ ဇာလေဟှာ ပျော့-က်ဟှားဘီ" ဆိုဘီး ပြောဇာဟှို ငါကြားရဟှယ်။

5 ပလ္လင်ထတ်မာ ထိုင်နေဟှူ သခင်ဟှလည်း "ကေ့ကေ့ပါ။ ငါဟှာ ဂူလောင်းဟှို သစ်ဖြစ်စေဟှယ်" ဆိုဘီး မိန့်တော်မူဘီးန အယ်စကားဟှာ သစ်စာစကား၊ မှန်ဟှူစကား ဖြစ်ဟှူကြောန့် ရေးဟှားပါ ဆိုဘီး မိန့်တော်မူလေဟှယ်။

13 နန်းနို့လေဟှာ သန့်ရှင်းဟှူဝိညာဉ်တော်ရဲ့ တဂိုးတော်အားဖြင့် မျှော်လင့်ရှင်းန ကြွယ်ဝဟှို့တွပ် မျှော်လင့်ရှင်းရဲ့ရှင် ဘုရားသခင်ဟှာ ယောင်ကြည်ရှင်းဟှလာဟှူ ဝန်းသာဇာဘောန်းဇောင်န ငြီသတ်ရှင်းဟှို ပေးသနားတော်မူပါစေ။

2 နန်းနို့လေဟှာ လောကီ ပေါင်သဏ္ဌာန်ဟှို ဆောန်ဂေ့န။ ကောန်းမြတ်ဟှူဇာ၊ စောင်လင်ဟှူဇာဖြစ်ဟှူ ဘုရားသခင် လိုတော်ရှိဟှူဇာဟှာ ဖယ်မျိုးဇာဖြစ်ဟှယ် ဆိုဇာဟှို ပိုင်းခြားနိုင်ဟှို့တွပ် စိနှလောင်းဟှို သစ်ပြုပြင်ရှင်းအားဖြင့် ပေါင်သဏ္ဌာန် ပ္လောန်းလဲရှင်း ရှိဂေ့ပါ။

5 နန်းနို့လေရဲ့ ကျင့်ကြံပြုမူရှင်းဟှာ ကပ်ဟှို တတ်မတ်မှု မှေ့ဘဲန ကိုယ့်မာရှိဟှူ အောက်စာန ရောင့်ရဲမှု ရှိဂေ့ပါ။ ဖြားဖြစ်ကြောန့်နူးဆိုဟှာ "ငါဟှာ နန့်ဟှို စွန့်ဟှားဟှ။ နန့်ဟှို လောင်းဝ ပစ်ဟှားဟှ" ဆိုဘီး ဂဒိတော် ရှိဟှယ်။

17 ခရစ်တော်နှိုက် တလောင်းတဝဒဲ ရှိဟှူလူဟှာ သတ္တဝါသစ် ဖြစ်ဟှယ်။ သူဟှာ ဘဝဟောန်းဟှို စွန့်ဘီးဟှာ ဘဝသစ်ဟှို ဝမ်စားဟှယ်။

19 အယ်ကြောန့် ဘုရားသခင်ရဲ့ လိုတော်တိုင်း ဆင်းရဲဒေါက်ခခံရဟှူ သူလေဟှာ ကောန်းဟှူကျင့်ဟှို ကျင့်ဘီး ကိုယ့်ဟှို ဖန်ဆင်းတော်မူဟှူရှင်၊ သစ်စာတည်တော်မူဟှူ ရှင်ရဲ့ လတ်တော်ဟှို ကိုယ့်စိဝိညာဉ်ဟှို အပ်ဂေ့စေ။

6 ✝အယ်ကြောန့် ခီတန်ဟှယ် ဆိုဟှာ နန်းနို့လေဟှို ချီးမြော့-က်ဟှို့တွပ် ဘုရားသခင်ရဲ့ ဖောင်းကီးဟှူ လတ်တော်အော့-က်မာ ကိုယ့်ကိုယ်ကိုယ် နှိခ္လဂေ့ပါ။ 7 ဘုရားသခင်ဟှာ နန်းနို့လေဟှို စောန့်ရှော့-က်တော်မူဟှူကြောန့် နန်းနို့လေရဲ့ စိုးရိမ်ပူပန်မှုလေ ရှိဟှူမျှဟှို ကိုယ်တော်နှိုက် အပ်ဂေ့ပါ။

29 ယေရှုဟှ "ငါ မှန်းမှန်ကန်းကန် ပြောမယ်။ ငါ့တွပ်န ဧဝံဂေလိတွပ် အီ၊ ညီကိုလေ၊ မောန်နှမလေ၊ မိဖ၊ သားမီးလေ၊ လယ်မ္လေလေဟှို စွန့်ဟှူ လူဟှာ၊ 30 ခုဘဝမာ ဆတရာထတ်ပိုဟှူ အီလေ၊ ညီကိုလေ၊ ညီမလေ၊ မိဖလေ၊ သားမီးလေ၊ လယ်မ္လေလေနတူးဒူ ညှဉ်းဆဲဇာဟှို လတ်ခံရရှိလေ့မယ်။ အယ်ဘီးဟှာ နော့-က်ဘဝမာလည်း ထာဝရသတ်ဟှို လတ်ခံရရှိလေ့မယ်။

16 ငါဟှာ ဖဟှို တောန်းလျှော့-က် လိုက်ဟှူကြောန့် နန်းနို့နတူးဒူ ထာဝရနေထိုင်ဟှူ ကူညီမဇသူ တပါးဟှို ပေးတော်မူလေ့မယ်။ 17 သူဟှာ ဘုရားသခင်နဆိုင်ဟှူ သမ္မာတရားဟှို ဖွမ့်ပြပေးဟှူ ဝိညာဉ်တော်ဖြစ်ဟှယ်။ အယ်လောကဟှာ အယ်ဝိညာဉ်တော်ဟှို ဗြင်ဂေ့ဟှ။ သိဂေ့ဘဲဟှူကြောန့် အယ်ဝိညာဉ်တော်ဟှို လတ်ခံဂေ့ဟှ။ အယ်ဘေမဲ့ နန်းနို့ဟှာ အယ်ဝိညာဉ်တော်ဟှို သိဂေ့ဟှယ်။ ဖြားဖြစ်ကြောန့်နူးဆိုဟှာ သူဟှာ နန်းနို့နတူးဒူး နေတော်မူနေဘီး နန်းနို့ထဲမာ ရှိနေတော်မူဟှယ်။*

18 "ငါဟှာ နန်းနို့ဂူလောင်းဟှို ခိုကိုးရာမဲ့ ထားရစ်ဇာ မှုဟှ။ ငါဟှာ နန်းနို့နားဟှို ပ္လန်လာရအူးမယ်။