Palavras de conforto
Deus é o Deus de todo conforto. Ele consola os que choram, restaura os quebrantados e promete que a dor presente dará lugar à alegria eterna.
O Deus de toda consolação
Bendito seja o Deus e Pai de nosso Senhor Jesus Cristo, Pai das misericórdias e Deus de toda consolação, que nos consola em todas as tribulações.
UNkulunkulu Wenduduzo Yonke
Makabongwe uNkulunkulu uYise weNkosi yethu uJesu Khristu, uBaba wesihawu loNkulunkulu wenduduzo yonke, osiduduzayo kuzozonke inhlupheko zethu ukuze lathi siduduze abasekuhluphekeni ngenduduzo esiduduzwe ngayo nguNkulunkulu.
UNkulunkulu Wenduduzo Yonke
Makabongwe uNkulunkulu uYise weNkosi yethu uJesu Khristu, uBaba wesihawu loNkulunkulu wenduduzo yonke, osiduduzayo kuzozonke inhlupheko zethu ukuze lathi siduduze abasekuhluphekeni ngenduduzo esiduduzwe ngayo nguNkulunkulu. Njengoba inhlupheko zikaKhristu zigelezela ekuphileni kwethu, ngakho ngokunjalo futhi induduzo yethu iyaphuphuma ngoKhristu. Nxa sihlupheka, kungenxa yenduduzo lokusindiswa kwenu; nxa siduduzekile, kungenxa yokududuzwa kwenu okulenza liqinisele ekubekezeleleni zona lezo zinhlupheko ezisihluphayo. Ithemba lethu ngani liqinile ngoba siyakwazi ukuthi njengoba lahlanganyela ekuhluphekeni kwethu, ngokunjalo liyahlanganyela ekududuzweni kwethu.
Njengoba inhlupheko zikaKhristu zigelezela ekuphileni kwethu, ngakho ngokunjalo futhi induduzo yethu iyaphuphuma ngoKhristu.
Ngoba keyisanga loba adelele
ukuhlupheka kwalowo ohlukuluzwayo;
kamfihlelanga ubuso bakhe
kodwa walalela ukukhala kwakhe ecela ukusizwa.
UThixo useduze labo abalezinhliziyo ezephukileyo
asindise labo abadabukileyo emoyeni.
Promessas de restauração
Deus sarará o quebrantado de coração e atará as suas feridas. Quem semeia em lágrimas, colherá com júbilo.
Uyabathoba abadabukileyo enhliziyweni
abophe amanxeba abo.
Ngoba ukuthukuthela Kwakhe ngokomzuzwana nje,
kodwa umusa wakhe ukhona okwempilo yonke;
ukulila kungaqhubeka ubusuku bonke,
kodwa ukuthokoza kuyafika ekuseni.
UNkulunkulu uyisiphephelo sethu lamandla ethu,
usizo oluhlezi lukhona nxa kulohlupho.
Yethula inswelo zakho kuThixo
yena uzakusekela;
akazukuyekela abalungileyo bawe.
Bhala phansi isililo sami;
bhala ithonsi ngalinye lezinyembezi zami emqulwini wakho
kazikho yini emibhalweni yakho?
UThixo uyisiphephelo sabancindezelweyo,
uyinqaba ezikhathini zokuhlupheka.
UThixo ulidwala lami, inqaba yami, lomsindisi wami;
uNkulunkulu wami ulidwala lami, lapho engiphephela khona,
isihlangu sami lophondo lokusindiswa kwami, inqaba yami.
Paz e descanso
Jesus disse: 'Vinde a mim, todos os cansados e sobrecarregados, e eu vos aliviarei.' A paz de Deus que excede todo entendimento guarda o coração.
Wozani kimi lina lonke elikhatheleyo lelisindwayo, ngizaliphumuza.
Wozani kimi lina lonke elikhatheleyo lelisindwayo, ngizaliphumuza. Zithwaliseni ijogwe lami, lifunde kimi, ngoba ngimnene futhi ngithobekile enhliziyweni njalo lizazuza ukuphumula kwemiphefumulo yenu.
Babusisiwe labo abakhalayo
ngoba bazakududuzwa.
Ukuthula ngikutshiya kini; ukuthula kwami ngilinika khona. Kangiliniki njengokunika komhlaba. Lingakhathazeki ezinhliziyweni zenu njalo lingesabi.
Ngilitshele izinto lezi ukuze libe lokuthula kimi. Kulumhlaba lizahlupheka. Kodwa wobani lesibindi! Sengiwunqobile umhlaba."
Kunjalo lakini: Manje yisikhathi senu sosizi, kodwa ngizaphinda ngilibone beselithokoza, njalo kakho ozaphinda alemuke intokozo yenu.
Lingakhathazeki kodwa ngazo zonke izikhathi bikani izicelo zenu kuNkulunkulu ngokukhuleka, ngokuncenga langokubonga.
Ukuthula kukaNkulunkulu okudlula ukuqedisisa konke kuzabusa inhliziyo zenu lezingqondo zenu kuKhristu uJesu.
Esperança eterna
Deus enxugará toda lágrima. A dor presente é momentânea, mas a glória futura é eterna. O Senhor transforma luto em dança.
Ngezwa ilizwi elikhulu livela esihlalweni sobukhosi lisithi, "Khathesi ikhaya likaNkulunkulu selisebantwini, uzahlala labo. Bazakuba ngabantu bakhe njalo uNkulunkulu yena uqobo uzakuba labo abe nguNkulunkulu wabo. Uzazesula zonke inyembezi emehlweni abo. Akusayikuba khona futhi ukufa loba ukulila loba ukukhala loba ubuhlungu ngoba umumo omdala wezinto usudlule."
Lowo owayehlezi esihlalweni sobukhosi wathi, "Ngenza izinto zonke zibe zintsha!" Wabuya wathi, "Kulobe lokhu ngoba amazwi la aqotho njalo aliqiniso."
Sengathi uNkulunkulu wethemba angaligcwalisa ngentokozo enkulu langokuthula ekumethembeni kwenu, ukuze libe lethemba elikhaphakayo ngamandla kaMoya oNgcwele.
Lingavumi futhi ukulingisa umhlaba lo, kodwa liguqulwe ingqondo zenu zibe zintsha. Lapho-ke lizakwenelisa ukuhlola lokwamukela lokho okuyintando kaNkulunkulu, intando yakhe elungileyo, ethokozisayo lepheleleyo.
Ngakho ungesabi, ngoba ngilawe;
ungakhathazeki, ngoba nginguNkulunkulu wakho.
Ngizakuqinisa, ngikusize;
ngizakusekela ngesandla sami sokudla esiqotho.
Umnyaka Womusa KaThixo
Umoya kaThixo Wobukhosi uphezu kwami,
ngoba uThixo ungigcobile
ukuba ngitshumayele izindaba ezinhle kwabampofu.
Ungithumile ukuba ngibophe inhliziyo ezidabukileyo,
ngimemezele ukukhululwa kwabathunjiweyo,
lokukhululwa kwezibotshwa emnyameni,
lokumemezela umnyaka womusa kaThixo,
losuku lokuphindisela kukaNkulunkulu wethu;
ukududuza abalilayo,
lokunakekela labo abadabukileyo eZiyoni,
ukubapha umqhele wobuhle
esikhundleni somlotha,
amafutha okujabula
esikhundleni sokulila,
lengubo yokudumisa
esikhundleni somoya wokulahla ithemba.
Bazabizwa ngokuthi yimʼokhi yokulunga,
ehlanyelwe nguThixo
ukuba abonakalise inkazimulo yakhe.
Njengomama eduduza umntanakhe,
kanjalo lami ngizaliduduza,
njalo lizaduduzeka eJerusalema."
Nunca sozinhos
Deus nunca nos abandona. Ele está ao nosso lado em cada vale, segura nossa mão e promete que o choro não durará para sempre.
UThixo ngokwakhe uhamba phambi kwakho njalo uzakuba lawe; kasoze akutshiye loba akufulathele. Ungesabi; ungapheli amandla."
Ekuphileni kwenu xwayani ukuthanda imali lisuthiseke ngalokho elilakho, ngoba uNkulunkulu wathi:
"Kangisoze ngilitshiye;
kangisoze ngilidele."
UThixo ulungile,
uyisiphephelo ezikhathini zokuhlupheka.
Uyabakhathalela abathembele kuye,
UThixo uNkulunkulu wakho ulawe,
ulamandla okusindisa.
Uzathokoza kakhulu ngawe,
uzakududuza ngothando lwakhe,
uzakuthokozela ngokuhlabelela."
Ngoba ngiyawazi amacebo engilawo ngani," kutsho uThixo, "amacebo okuliphumelelisa hatshi ukulilimaza, amacebo okulinika ithemba kanye lesikhathi esizayo.
Ngakho-ke, nxa umuntu ekuKhristu, uyisidalwa esitsha; okudala akusekho, sekufike okutsha.
Ngakho-ke, labo abahlupheka ngokwentando kaNkulunkulu kumele bazinikele kuMdali wabo othembekileyo njalo baqhubeke besenza okulungileyo.
Ngakho-ke, zithobeni ngaphansi kwesandla sikaNkulunkulu esilamandla, ukuze aliphakamise ngesikhathi esifaneleyo. Yethulani kuye konke ukukhathazeka kwenu ngoba yena uyalikhathalela.
Loba ngidabula
esigodini sethunzi lokufa,
angiyikwesaba okubi
ngoba wena ulami;
intonga Yakho lodondolo Lwakho
kuyangiduduza.
Yinye into engiyicelayo kuThixo,
yilokhu engikudingayo:
ukuba ngihlale endlini kaThixo
zonke insuku zokuphila kwami,
ngibuke ubuhle bukaThixo,
lokuthi ngimdinge ethempelini lakhe.
Phela ngosuku lokuhlupheka
uzangilondoloza emzini wakhe,
uzangifihla esiphephelweni sethabanikeli lakhe
angimise phezulu kwedwala elisesiqongweni.
Induduzo yami phakathi kokuhlupheka kwami yile:
Isithembiso sakho sigcina impilo yami.
Abaphansi uyabakhweza phezulu,
lalabo abakhalayo ubaphakamisela ekuphepheni.
UJesu waphendula wathi, "Ngilitshela iqiniso ngithi kakho osetshiye ikhaya kumbe abafowabo, loba odadewabo, kumbe unina loba uyise, loba umntwana kumbe amasimu ngenxa yami levangeli ozakwehluleka ukwamukeliswa okuphindwe ngekhulu kuso lesi isikhathi samanje: amakhaya, abafowabo, odadewabo, onina, abantwana lamasimu, kwengezwe ukuhlukunyezwa, lasesikhathini esizayo, ukuphila kwaphakade.
Ngizacela kuBaba ukuthi alinike omunye umeli ukuthi alisize abe lani kuze kube laphakade, uMoya weqiniso. Ilizwe ngeke limamukele ngoba kalimboni njalo kalimazi. Kodwa lina liyamazi ngoba uhlala lani njalo uzakuba lani. Kangisoze ngilitshiye lizintandane, ngizabuya kini.