Palavras de consolo

4 चाए आऊँ बऊत जादा न्हेरिया काअटिया रे ऊई की चलूँ,

तेबे बी कोई अनिष्ट ऊणे ते नि डरदा,

कऊँकि ओ प्रभु, तूँ मां साथे ए,

तेरे चराणे वाल़े री सोठी ओर डण्डा मेरी रक्षा करोए।

परमेशरो री जोति मेरा उद्धार

1 यहोवा मेरी जोति ए जो माखे बचाओई।

आऊँ केसी ते नि डरदा।

यहोवा मेरी रखवाल़ी आपू करोआ ओर आऊँ कदी बी चिन्ता नि करदा।

9 यहोवा तिना लोका रिया तँईं शरण लणे री जगा ऊणा जो दीन ए;

आ, जेबे तिना खे परेशानी ऊणी तो से तिना खे लूकणे री जगा जेड़ा ऊणा।

4 मैं सिर्फ एक ई बरदान प्रभुए ते मांगी राखेया,

मां तेतेरे ई जत्नो रे लगेया रा रणा,

ताकि आऊँ पूरी जिन्दगी प्रभुए रे मईलो रे रई सकूँ ओर प्रभुए री सुन्दरता खे देखी सकूँ

ओर तेसरे मईलो रे दर्शण करुँ।*

5 प्रभुए मुसीबता रे बखते आऊँ आपणे

मण्डपो रे लकोई देणा;

तेस माखे आपणे तम्बूए रे पीतरे आसरा देणा

ओर तेस आँऊ सुरक्षित जगा दे राखणा।

5 कऊँकि ओ प्रभु परमेशर,

तूँई मेरी उम्मीद ए, बचपनो तेई मेरा आधार तूँई ए।

8 ओर तांते आगे-आगे चलणे वाल़ा यहोवा ए, से तां साथे रणा ओर तेस ताखे आसरा देणा ओर ना तूँ छाडणा, इजी री खातर डर नि ओर ना नराश ओ।"*

22 तिना ते नि डरना, कऊँकि तुसा री तरफा ते लड़ने वाल़ा ए तुसा रा परमेशर यहोवा ए।"

9 याद राख कि मैं ताखे आज्ञा देई राखी, "याओ बानी की पक्का ऊई जा; इजी री खातर ना तो डरना ओर ना कबराणा, कऊँकि जेती-जेती तूँ जाणा, तेती-तेती तेरा प्रभु परमेशर तां साथे रणा।"

11 आ, से परमेशर ए जो रूड़े रे लोका खे बचाओआ

ओर शोग करने वाल़े लोका खे

आनन्द देओआ।*

16 आसे प्रार्थना करूँए कि म्हारे प्रभु यीशु मसीह और पिता परमेशरे आपू ई, जिने आसा खे प्यार कित्तेया और कृपा साथे अनन्त शान्ति और खरी उम्मीद दित्ती,

4 धन्य ए सेयो, जो शोग करोए,

कऊँकि परमेशरो तिना खे शान्ति देणी।

6 इजी री खातर परमेशरो रे तागतबर आथो निठे आपू खे दीन बणाई की राखो ताकि से तुसा खे ठीक बखत आऊणे पाँदे बड़ाओ। 7 आपणी सारी चिन्ता तेस पाँदे ई सेटी देओ, कऊँकि से तुसा रा त्यान राखोआ।

17 आपणी पलाईया रा कोई चिह्न दखा,

जेतेखे देखी की मेरे बैरी शर्मिंदा ओ, कऊँकि ओ प्रभु,

तैं आपू मेरी मताद कित्ती ओर माखे शान्ति देई राखी।

76 माखे आपणी करूणा साथे शान्ति दे,

कऊँकि तैं आपणे दासो ते एड़ा ई वादा करी राखेया।

24 जेबे तूँ लेटणा, तेबे ताखे डर नि लगणा,

ओर तूँ सुखो रिया नींजा साथे सऊणा।

हर काम करने रा एक बखत

1 जो कुछ आसे एते दुनिया दे करूँए तिजी खे एक बखत ओआ।

2 जम्मणे रा बखत, ओर मरने रा बी एक बखत ओआ,

बाणे रा बखत ओर बाए रे खे बाडणे रा बी एक बखत ओआ।

3 युद्धो दे काणे रा ओर ठीक करने रा बी बखत ओआ,

ओर कुछ चीजा रा टाल़ने रा ओर बनाणे रा बी बखत ओआ।

4 दु:खो दे रोणे रा ओर खुशिया दे आसणे रा बी एक बखत ओआ,

शोक करने रा ओर नाचणे रा बी एक बखत ओआ।

5 पात्थर सेटणे रा ओर पात्थर कट्ठे करने रा बी बखत ओआ,

ओर गल़े लगाणे रा ओर गल़े लगाणे ते रूकणे रा बी एक बखत ओआ।

6 टोल़ने रा ओर रचाणे रा बी एक बखत ओआ,

ओर बचाई की राखणे रा ओर सेटणे रा बखत ओआ;

7 फाड़ने रा ओर सीऊँणे रा बी बखत ओआ,

चुप रणे रा ओर बोलणे रा बी एक बखत ओआ।

8 प्यार करने रा ओर दुश्मणी करने रा बी बखत ओआ,

ओर लड़ाई करने रा ओर मिलणे रा बी एक बखत ओआ।