O papel da mulher
A Bíblia honra a mulher como colaboradora essencial no plano de Deus. De Provérbios 31 às mulheres do Novo Testamento, a Escritura celebra a sabedoria, a força e a fé feminina.
A mulher virtuosa
Mulher virtuosa, quem a achará? Seu valor excede o de rubis. Ela é sábia, trabalhadora, generosa e temida pelo Senhor.
ଗୁନଡମନ୍ ଆଇବୟ୍
ଗୁନଡମନ୍ ଆଇବୟ୍ ଆନା ଞାଙ୍ଲେ ରପ୍ତିଏ ? ତିଆତେ ମୁକ୍ତାନ୍ ସିଲଡ୍ ଗୋଗୋୟ୍ ମଡ଼ାଗା । ଆଅୟ୍ତବନ୍ ଆ ଉଗ୍ଗର୍ ଆମଙ୍ଲୋଙନ୍ ଆସାଲନ୍ ଡର୍ତନେ,ଆରି ଆ ଲାବନ୍ ଆଙିଁୟ୍ଜା ଅଃନସୋଜେ । ଆନିନ୍ ଆମେଙ୍ମଡ୍ତାନ୍ ଜାୟ୍ ଆଅୟ୍ତବନ୍ଆଡଙ୍ ଅବ୍ସୁକ୍କାତେ ।
ଆନିନ୍ ମେଣ୍ତାନ୍ ଆଉପୁର୍ ଡ ଲମନ୍କାବ୍ ସାୟ୍ଲେ ଆସିଡମନ୍ ବାତ୍ତେ ସପାନ୍ ପଡ୍ତେ । ଆନିନ୍ ବେପାର ଜାଜନ୍ ଅନ୍ତମ୍; ଆନିନ୍ ସଙାୟ୍ ସିଲଡ୍ ଆଜନୋମନ୍ ପାଙ୍ତାୟ୍ । ଆରି ଆନିନ୍ ଅନ୍ରଙ୍ତଗାଡେନ୍ ଆମ୍ମୁଙ୍ ଆସିଙ୍ମରଞ୍ଜି ଆସନ୍ ଡିଁୟ୍ଡିଁୟ୍ତନ୍ ଆରି ଡିଲେ କମ୍ୱାରିବଜଞ୍ଜିଆଡଙ୍ ରମ୍ମଙ୍ ରମ୍ମଙ୍ ଆକାବ୍ବାଡ଼ା ବାଁୟ୍ତଜି । ଆନିନ୍ ବସେଙନ୍ ସେକୁଲେ ଞିତେ,ଆରି ଆନିନ୍ ଦ୍ରାକ୍ୟାନୁବନ୍ ଗୁତେ । ଆନିନ୍ ଆ ବପ୍ପୁଡମନ୍ ବାତ୍ତେ ରେବ୍ଡୁବ୍ତନ୍ ଆରି ଆନିନ୍ଡମନ୍ ଆଡେନ୍ନା ଅବୋର୍ସାତେ । ଆନିନ୍ ଆବେପାରନ୍ ଲାବତେ ଗାମ୍ଲେ ଜନାତେ ଆରି ଆନିନ୍ ତଗଲନ୍ ଆ ପିଙ୍କତୋଡନ୍ ଅପଞିଡେ । ଆନିନ୍ ଆରଞେଡାଙ୍ ଞମ୍ଲେ ତାଡ଼େରନ୍ ତୁବ୍ତେ,ଆରି ଆନିନ୍ ଆସିନ୍ ବାତ୍ତେ ସିନ୍ରିନ୍ ପଡ୍ତେ । ଆନିନ୍ ଡୁକ୍କମରଞ୍ଜି ଡ ଡୋଲେୟ୍ମରଞ୍ଜି ଆଡଅଙ୍ ଗିୟ୍ଲେ ଉର୍ପାଡ୍ସିଲନ୍ ତନିୟ୍ତିୟନ୍ ତିୟ୍ତେ ।
ଆନିନ୍ ଲମନ୍କାବନ୍ ତୁବ୍ଲେ ତମ୍ତେ,ଆରି ବେପାରମରଞ୍ଜି ଆସିଲୋଙ୍ ରନେଡ୍ଡୁବନ୍ ତମ୍ତେ । ବପ୍ପୁନ୍ ଡ ପନେମେଙନ୍ ସିନ୍ରିନ୍ ଅନ୍ତମ୍ ଜିଜିତନ୍; ଆରି, ତିକ୍କି ଆଓୟୋଙ୍ ଆସନ୍ ଆନିନ୍ ଅବତଙେ । ଆନିନ୍ ଗିଆନନ୍ ବାତ୍ତେ ଜାଲଙ୍ତେ; ଆଲାଙ୍ଲୋଙନ୍ ସନାୟୁମ୍ ବନାଁୟ୍ବରନ୍ ଡକୋତେ । ଆନିନ୍ ଆସିଙ୍ମରଞ୍ଜି ଞଣ୍ତ୍ରମ୍ନେଲୋଙ୍ ଡାଲୁଡ୍ତେ; ଆରି, ଆଡ଼ସାଲନ୍ ଜନୋମ୍ଜୋମଞ୍ଜି ଅଃଜୋମେ ।
ଗିଆନବଜନ୍ ଆସିଙ୍ଡମନ୍ ତୁବ୍ତେ; ବନ୍ଡ ଏର୍ଗିଆନବଜନ୍ ଆସିଡମନ୍ ବାତ୍ତେ ପୁଡ୍ତେ ।
ଏ ଅ ଅନ୍ଞେନ୍, ଆପ୍ପେୟ୍ନମ୍ ଆ ଞନଙ୍ବର୍ ଅମ୍ଡଙା ଆରି ଅୟୁଙ୍ନମ୍ ଆବନାଁୟ୍ ଅମ୍ରେଙ୍ଡଙେ ।
Beleza interior
A beleza verdadeira não é exterior, mas o caráter incorruptível de um espírito manso e tranquilo. Isso tem grande valor diante de Deus.
ଡୁକ୍ରିନ୍ ଡ ଅୟ୍ତବନ୍
ତିଅନ୍ତମ୍, ଏ ଆସୁଉଂନେବୟ୍ଜି, ଆମ୍ୱେଞ୍ଜି ରମ୍ମଙ୍ ରମ୍ମଙ୍ ଅୟ୍ତବ୍ବେନ୍ ମାନ୍ନେବା, ଅନ୍ନିଙ୍ ଆ ଅୟ୍ତବ୍ ଇସ୍ୱରନ୍ ଆ ବର୍ନେ ଅଃଡ୍ଡର୍ରନ୍ ଡେନ୍, ଏତ୍ତେଲ୍ଡେନ୍ ଲବ୍ଗଃଡମ୍ନେବେନ୍ ଗିୟ୍ଲେ ଆନିନ୍ ଇସ୍ୱରନ୍ ଆ ବର୍ନେ ଡର୍ତନେ, ଆମ୍ୱେନ୍ କଡ଼ିଙ୍ଲେ ସେଡ୍ବା, ବପଦ ଓୟ୍ଲେ ଇନ୍ନିଙ୍ ଏବର୍ଡଙ୍ନେ । ଇନିଆସନ୍ଗାମେଣ୍ଡେନ୍ ମନଙ୍ ଞଣ୍ଡ୍ରମ୍ନେବେନ୍ ଗିୟ୍ଲେ ଆନିଞ୍ଜି ଆବ୍ୟର୍ବୁଡ୍ଡିତଞ୍ଜି । ଆରି, ଡଅଙନ୍ ଆ ତରମ୍ତମ୍ ଆସନ୍ ଏର୍ଜାଡ଼ିକାନ୍ ଆ ସାର୍ସାରୁ, ସୁନାନ୍ ଆ ତନଲ୍ତଲ୍ ଡ ମନଙ୍ରାଡମନ୍ ଆ ସିନ୍ରି ଆଜନିଜି, କେନ୍ଆତେଜି ରନୁରୁନେବେନ୍ ଡେଡଙ୍ ତଡ୍ । ଆର୍ପାୟ୍ ଉଗର୍ଲୋଙ୍ବେନ୍ ସଲନ୍ ଆଡ୍ରକୋତନ୍ ଲବଡ୍ଡିନ୍ ଡ ସନୟୁ ବୁଡ୍ଡିନ୍ ଇସ୍ୱରନ୍ ଆଗନିୟ୍ଗିୟ୍ଲୋଙ୍ ମଡ଼ଗାଡମ୍, ତିଆତେ ରନୁରୁନେବେନ୍ ଡେଏତୋ । ଇନିଆସନ୍ଗାମେଣ୍ଡେନ୍ ପୁର୍ବାନ୍ ଆ ଡିନ୍ନା ବୟ୍ଲେବଜଞ୍ଜି ନିୟ୍ ଇସ୍ୱରନ୍ ଆମଙ୍ ଆସାଲନ୍ ଡକୋଡାଲନ୍ ରମ୍ମଙ୍ ଆ ଅୟ୍ତବ୍ ଆ ବର୍ନେ ମାନ୍ନେଲେ ଡକୋଲଞ୍ଜି । ତିଅନ୍ତମ୍ ସାରାନ୍ ନିୟ୍ ଅବ୍ରାମନ୍ଆଡଙ୍ ମାନ୍ନେଲେ ଡକୋଡାଲନ୍ ଆନିନ୍ଆଡଙ୍ ପ୍ରବୁ ଗାମ୍ଲେ ଓଡ୍ଡେଏନ୍, ଆମ୍ୱେଞ୍ଜି ସାରାନ୍ ଆ ଡାଙ୍ଗଡ଼ିଅନ୍ଜି, ଆରି ଆମ୍ୱେଞ୍ଜି ମନଙ୍ ଏଞଣ୍ଡ୍ରମ୍ଲନ୍ ଡେନ୍, ଇନ୍ନିଙ୍ ଅଃବ୍ବତଙ୍ବେନ୍ ।
ତିଅନ୍ତମ୍, ଏ ଆଞାଙ୍ବୟ୍ନେମର୍ଜି, ଡୁକ୍ରିବେଞ୍ଜି ଏର୍ବପ୍ପୁଜି ଗାମ୍ଲେ ଜନାଡାଲେ ଆନିନ୍ ବୟନ୍ ମନଙ୍ ଅଲ୍ଞଙ୍ଞଙ୍ଲେ ମାୟ୍ଲନ୍ ଡକୋନାବା, ଆନିନ୍ଆଡଙ୍ ଅସ୍ରାକ୍କେ ଏଅମ୍ମେଡଙ୍, ଆନିନ୍ ନିୟ୍ ଆମନ୍ ସରିନ୍ ମାୟ୍ଲନ୍ ଇସ୍ୱରନ୍ ଆମଙ୍ ସିଲଡ୍ ଅନମେଙ୍ଡାଗୋ ଆ ତନିୟ୍ତିୟ୍ ଏଞାଙ୍ତେ; ଆନିନ୍ ବୟନ୍ ମନଙ୍ ଞଣ୍ଡ୍ରମ୍ଲନ୍ ଡେନ୍, ପାର୍ତନାଲୋଙନ୍ ଆମ୍ୱେନ୍ ଇନ୍ନିଙ୍ ଡନଙ୍ଡଙ୍ଡାଗୋ ଅଃଡ୍ଡେବେନ୍ ।
ଆଇମରଞ୍ଜିଆଡଙ୍ ଞେନ୍ ବର୍ତାଜି, ଆନିଞ୍ଜି ଲବଡ୍ଡିନ୍ ଡ ଆବ୍ବୟ୍ସି ଆବ୍ବୟ୍ଜଙ୍ଲନ୍ ଡକୋନେତଜି; ମଡ଼ଗାକାବନ୍ ଡ ଉଉନ୍ ଆରମ୍ତୁଙ୍ ବାତ୍ତେ ସାର୍ସାରୁନ୍ ଡ ସୁନାଞ୍ଜି ରୁରୁଲନ୍ ଅବ୍ତୁୟ୍ଡଂନେଜି ତଡ୍;
ଆ ଡୁକ୍ରିନ୍ ନିୟ୍ ମନଙ୍ ଞଣ୍ଡ୍ରମ୍ନେତୋ ଆରି ଆନ୍ନାମରଞ୍ଜିଆଡଙ୍ ବର୍ଡୋଙ୍ଲେ ଡକୋଡଙ୍ନେ ତଡ୍, ଡର୍ନେଡମ୍ ଡେଏତୋ ।
Parceria e dignidade
Deus criou homem e mulher à sua imagem. A mulher não é inferior, mas parceira e co-herdeira da graça da vida.
ଆରି ଇସ୍ୱରନ୍ ଆ ଗୁନଡମନ୍ ଅନ୍ତମ୍ ଆନିଞ୍ଜିଆଡଙ୍ ମନ୍ରାନ୍ ଗଡ଼େଏନ୍ । ଇସ୍ୱରନ୍ ଆନିଞ୍ଜିଆଡଙ୍ ଓବ୍ବାମରନ୍ ଡ ଆଇମରନ୍ ଏମ୍ମେଲେ ଗଡ଼େଏନ୍, ଆରି ଇସ୍ୱରନ୍ ଆନିଞ୍ଜିଆଡଙ୍ ଆସିର୍ବାଦଏଞ୍ଜି ଆରି ବରେଞ୍ଜି, "ଗୋଗୋୟ୍ବେନ୍ତୋ ଆରି କେଜ୍ଜାବେନ୍ ଗୋଗୋଜେତୋ ଆରି ପୁର୍ତିଲୋଙନ୍ ବରିୟ୍ଡେବା ଆରି ଜନ୍ତୁଞ୍ଜିଆଡଙ୍ ଅବ୍ଞାନାଆଜି । ଆରି ଡାଆଲୋଙନ୍ ଆୟଜି, ଅନ୍ତିଡଞ୍ଜି, ଆର୍ଲାମ୍ଲାମ୍ତନ୍ ଆ ଜନ୍ତୁଜି ଅଡ଼୍କୋନ୍ ଅସିଲୋଙ୍ବେନ୍ ।
ପ୍ରବୁ ଇସ୍ୱରନ୍ ବର୍ରନେ, "ମନ୍ରାନ୍ ଆତିନ୍ସଜନ୍ ଆ ଡକୋନେ ମନଙ୍ତଡ୍ । ଞେନ୍ ଆନିନ୍ ଆସନ୍ ଆନିନ୍ଅନ୍ତମ୍ ସାୟ୍ସିକାବ୍ବାଡ଼ାବଜନ୍ ଗବ୍ଡେଲ୍ତାୟ୍ ।"
ଇସ୍ୱରନ୍ ଆଇମରନ୍ଆଡଙ୍ ବରେନ୍, "କୋକ୍କୋନେ ବେଡ଼ାନ୍ ଆବତ୍ତା ବବ୍ୟାତାୟ୍ ଆରି ଆମନ୍ ପରାନ୍ଡଣ୍ଡନ୍ ଡେତମ୍ କି ପସିଜନ୍ କୋତ୍ତେ । ଆମନ୍ ଅୟ୍ତବ୍ନମ୍ଆଡଙ୍ ଆମଙ୍ ଆସାତନେ, ଆମନ୍ ଆବର୍ନେନ୍ ମାନ୍ନେଲେ ଏଡକୋତନ୍ ।"
ଡେଲୋଜନଙ୍ଡେନ୍ ପ୍ରବୁନ୍ ଆମଙ୍ ଓବ୍ବାମରନ୍ ସିଲଡ୍ ଆଇମରନ୍ ଆନ୍ନା ତଡ୍, ଆରି ଆଇମରନ୍ ସିଲଡ୍ ଓବ୍ବାମରନ୍ ଆନ୍ନା ତଡ୍ । ଇନିଆସନ୍ଗାମେଣ୍ଡେନ୍ ଓବ୍ବାମରନ୍ ଆମଙ୍ ସିଲଡ୍ ଆଇମରନ୍ ଗନଡ଼େନ୍ ଡେଏନ୍, ଆରି ତି ଆଇମରନ୍, ଓବ୍ବାସିୟ୍ କୋଡେନ୍; ବନ୍ଡ କେନ୍ ଅଡ଼୍କୋନ୍ ଇସ୍ୱରନ୍ ଆମଙ୍ ସିଲଡ୍ ଗଡେଲେନ୍ ।
ଏ ଆସୁଉଂନେବୟ୍ଜି, ଆମ୍ୱେନ୍ ଏଙ୍ଗାଲେ ପ୍ରବୁନ୍ଆଡଙ୍ ଏମାନ୍ନେତେ, ଏତ୍ତେଲେମା ରମ୍ମଙ୍ ଅୟ୍ତବ୍ବେଞ୍ଜିଆଡଙ୍ ମାନ୍ନେଲେ ଡକୋନାବା । ଇନିଆସନ୍ଗାମେଣ୍ଡେନ୍ କ୍ରିସ୍ଟନ୍ ଏଙ୍ଗାଲେ ମଣ୍ତଡ଼ିନ୍ ଆବବ୍ ଅନ୍ତମ୍, ଅୟ୍ତବନ୍ ନିୟ୍ ଡୁକ୍ରିନ୍ ଆବବ୍ ଅନ୍ତମ୍, କ୍ରିସ୍ଟନ୍ ଡଅଙ୍ଡାଗୋ ମଣ୍ତଡ଼ିନ୍ ଆନୁର୍ମର୍ । ଓଓ, ମଣ୍ତଡ଼ିନ୍ ଏଙ୍ଗାଲେ କ୍ରିସ୍ଟନ୍ଆଡଙ୍ ମାନ୍ନେଲେ ଡକୋତନ୍, ଏତ୍ତେଲେମା ଆସୁଉଂନେବଜନ୍ ଅଡ଼୍କୋନ୍ ଆ ବର୍ନେଲୋଙ୍ ଅୟ୍ତବ୍ବେନ୍ ଆ ବର୍ନେ ମାନ୍ନେଲେ ଡକୋନେତୋ ।
ଆରି, ଏତ୍ତେଲେମା ବୁଡିକୋଜଞ୍ଜି ନିୟ୍ ବନର୍ଡୋଙନ୍ ଡ ଗାସାଲ୍ଲୋଙନ୍ ମଗାଃଡଙେଜି ତଡ୍, ଆର୍ପାୟ୍ ଆନିଞ୍ଜି ମନଙ୍ ଞଣ୍ଡ୍ରମ୍ନେନ୍ ଆସନ୍ ବର୍ବାଜି । ଏତ୍ତେଲ୍ଡେନ୍ ଆନିଞ୍ଜି ଡାଙ୍ଗଡ଼ିବଜଞ୍ଜିଆଡଙ୍ ଅୟ୍ତବ୍ବେଞ୍ଜି ଡ ପସିୟ୍ବେଞ୍ଜି ଡୁଙ୍ୟମ୍ବାଜି ଗାମ୍ଲେ ଞନଙନ୍ ତିୟ୍ଲେ ରପ୍ତିତଜି; ଡାଙ୍ଗଡ଼ିବଜଞ୍ଜି ଆବ୍ବୟ୍ଡମ୍ନେନ୍, ମଡ଼ିର୍, ଲଡୟ୍ବୟ୍, ସନାୟୁମ୍ବୟ୍, ଲବଡ୍ଡିବୟ୍ ଆରି ଅୟ୍ତବନ୍ ଆ ବର୍ନେ ମାନ୍ନେଲେ ଡକୋନେତୋ, ଏତ୍ତେଲ୍ଡେନ୍ ଇସ୍ୱରନ୍ ଆ ଞନଙ୍ଞଙ୍ବର୍ଜି ନିଣ୍ଡୟ୍ଡାଗୋ ଅଃଡ୍ଡେଏ ।