O papel da mulher
A Bíblia honra a mulher como colaboradora essencial no plano de Deus. De Provérbios 31 às mulheres do Novo Testamento, a Escritura celebra a sabedoria, a força e a fé feminina.
A mulher virtuosa
Mulher virtuosa, quem a achará? Seu valor excede o de rubis. Ela é sábia, trabalhadora, generosa e temida pelo Senhor.
Knare antahi’zane a’nemofo naneke
Izaga knare avu’ava ene ara erigahane? Na’ankure e’inahukna a’mo’a, zago’amo marerisa havea agatere’ne. Neve’a ana a’mofonkura maka’zana hugahie huno antahinemiankino, mago zankura atupara osugahie. Mika zupa nomani’zama’afina, ana a’mo’a, knare zanke’za nevena hunenteno, azeri havizana osugahie.
Ana a’mo’a muse nehuno sipisipi azoka ene kafina nofi’ene (flax) hakeno erino nofi zagiteno, agra’a azanu kukena hatino tro nehie. Ana a’mo’a ventemo’za zagore atre feno eri avitete’za neazankna huno, afetetira ne’zana erino noma’afina egahie. Agra masa osu’nesigeno nanterampi otino nevene, noma’afi naga’amofo ne’zana retro nehuno, eri’za mofamo’ma eri’zama emerisia zana retro huntegahie. Ana a’mo’a hozama ante mopa rezagneno keteno, agra’a eri’nesia zagoreti mizaseno waini hoza antegahie. Ana a’mo’a hanavetino eri’zana eri a’kino, hanavetino eri’zana erigahie. Ana a’mo’a zagoma erifore’ma hu eri’za eri kaziga knare hu’neanakino, tavira rekru hunteno eri’zana e’nerinkeno kenage segahie. Ana a’mo’a agra’a, azanuti nofira zagino kukena hatino tro nehie.
Agra zamunte omane vahera zamaza nehuno, mago’a zanku’ma atupama haza vahera zamaza nehie.
Mika zupa ana a’mo’a knare kukena nehatino, zamu’nofira tro nehige’za feno vahe’mo’za eme mizase’naze. Agra hanave’areti’ene ra agima ami’zanteti kukena hiankna nehuno, henkama esia zankura kiza regahie.
Ana a’mo’a ama' antahi’zanteti kea nehigeno, agipina vahe’mofoma knare kema hunte kemo avite’ne.
Arga mika’zama noma’afima me’nea zantamina kegava hu so’e nehuno, ferura nomanie.
Knare antahi’zane a’mo’a noma’a erise higeno, naga’amo’a so’e nehie. Hianagi neginagi a’mo’a, noma’ane naga’anena eri haviza nehie.
Mofavre’nimoke, negafa’ma kavumro kema hania kea amage nentenka, negrerama rempima hugamisia kea ha’ontagio.
Beleza interior
A beleza verdadeira não é exterior, mas o caráter incorruptível de um espírito manso e tranquilo. Isso tem grande valor diante de Deus.
Aravemofo naneke
Hagi anahukna kante, a’nemotma neramave agorga nemaninke’za, mago’a Anumzamofo kema amagema nontesaza neramave’za nege’za, mago kea osugahazanagi, knare tamavutamavaza nege’za zamagu’a rukrahe hugahaze. Na’ankure tamagra a’nemotma fatgo hutma vetamimofo agorga’a mani’nazagu anara hugahaze. Tamagrama a’nemotma tamazoka’ma ki hariritma golire tamavasese nehutma, kukena nehutma, amega tamavufgare konariri huzankukera osiho. Hianagi tamagu’afi havizama osania avasesezana, fru huno akoheno mani avasese’za hiho. E’inahu avasese zanku Anumzamofona avenesie. Na’ankure korapa knafima ruotge hu’za mani’naza a’nemo’za, e’inahukna hu’za zmavasesea hu’ne’za, Anumzamo’ma huvempama huzmante’nea zama fore’ma hanigu Anumzamofonte amuha nehu’za, ve’zamimofo agorga mani’naze. Anahukna huno Sera’a Abrahamu amage nenteno, ranimo’e huno Abrahamunkura hu’ne. Tamagra neramave agoraga nemanita knare zanke’ma hanutma, Sera mofane manigahaze.
Hanki vene’nemota knare antahintahi avariritma, a’ne tamimo’zanena so’e hutma maniho. A’nemo’za hanave oti’nagu, knare tamavutmava huzmanteho. Tamagrama antahi’nazana a’nemo’za zamagranena zmasimu erigahaze. E’inahu hutma avaririsageno’a, magozamo’a nunamuma hanaza nunamuntamia rehizara osutfa hugahie.
A’nemo’za zamavuzmavama hanaza zamofo naneke
Hagi nagri’ma navesiana, a’nemo’za fatgo huza kukena nehu’za, zamavasesema hanafina vahe’mo’za kezmasane hu’zana nosuza, zamanu zamazoka hane’zane, golire trohunte’naza avasase zane, hage rimpinti zane (pearl), marerisa kukena osiho.
A’nezamimo’zanena anahu kna hu’za knare hu’za nemani’za, vahe zamefi’a ke osu’za, knare avu’ava hu’za fatgo zanke hakareza hanafina nehnage’za antahi zamigahaze.
Parceria e dignidade
Deus criou homem e mulher à sua imagem. A mulher não é inferior, mas parceira e co-herdeira da graça da vida.
Hagi Anumzamo’ma vahe’ma tro hu’neana, Agra’agna tro hu’ne. Vene a’ene tro huzanante’ne.
Anumzamo’a asomu ke huneznanteno amanage huno zanasmi’ne, Mofavre kase hakare hanakeno, mopafina mani vitesaze. Ana nehuta mikoza kegava hi’o. Timpi nozame zagane, hareno vano nehia nama zagane, hakare’a mopafi kaza huno vano nehia zagaramine ana makaza kegava hi’o.
Anumzamo a' trohu’nea naneke
Hagi anante Ra Anumzamo’a anage hu’ne, Vemo’ma agrake maniazamo’a knare osianki’na, azahu vahera tro hanugeno knare hu’ne tragote’ne manigaha’e.
Anage nehuno Anumzamo’a a’mofonkura amanage hu’ne, Mofavrema kasentenaku’ma hananke’na Nagra rama’a kata kamisugenka, ana katafi mani’nenka mofavrea kasentegahane. Ana nehunka negavena tusiza hunka avesintegahane. Hianagi agra kagrira kegava krigantegahie.
Ana hianagi, Anumzamofompina a’mo’a, agra’akera oraoti’neanki, vemofo hanavefi manigeno, vemo’a agrakera oraoti’neanki a’mofo hanavefi oti’ne. Na’ankure a’mo’a vahe’mofompinti efore higeno, anahukna huno vemofona a’mo kasenente. E’ina hu’negu, mika’zamo’a Anumzamofompinti efore hu’ne.
A’nemotma, Ramofo agorga nemaniza kna huta tamavenanehe’i agorga maniho. Na’ankure vemo’a, a’mofona aseni’a mani’ne. Kraisi’a anahu kna huno mono kevumofo aseni’a mani’ne. Agra ana mono kevu mofo avufa’a mani’neno aza huno avare’ne. Hianagi mono kevumo’za Kraisi kvafi nemanizankna hu’za, a’nemo’za nezmave kvafi maka’zana anazanke hu’za hugahaze.
Ana zanke hunka ranra a’ne rempi huzamige’za, mikaza hanafina Anumzamofo agorga mani’ne’za, vahe agenke osu' aka timo’a zamazeri havia osanige’za knare’za rempi huzamiho. Ana nehu’za zamagra zahufa a’ne nagara zamumro antesage’za, ve' zamine, mofavrezaminena zamesi zamantegahaze. Knare zamagu’zamagesa nentahi’za avusese hu’za mani’ne’za, vaheku vahaku nehu’za, nezamave agorga’a mani’nesage’za nege’za Anumzamofo nanekea huhaviza osugahaze.