O papel da mulher

Ayashe də akoshe

1 E-e ndje, ayashe, e djï əpʉ ama aläkɔ̈ e, kanika, kədə alabə̈ aläkɔ̈ e nə kə wəra tə̂ əndje ndə kə yində Əpʉ Ndjapä də lɔsu əndje, əndje za lɔsu əndje kə Ndjapä nə mbrə kə mbrə tə̂ alawɔ əndje nə, ə̂në əzü pa əpʉ pa kə əndje ne kɔ, 2 ə̂në əndje wu kə mbrə tə̂ e ə̂në ə sə də äwänə kɔ â e sə kə lʉ Ndjapä nə kɔ. 3 Gao nə̂ e sə̈ sə̈ tə gao tshekotə̂ e gashu ne: kə ngbo sukumu e tə aya nə, adongo aərə gao lɔrə gâ ndə aə̂rɔ̂ aləba. 4 Bale, gao nə̂ e nə sə̈ djoko lə nə, mâ tə̂ lɔsu e, gao nə kə də̂ lɔsu ə̂në ə sə ngboo ə sə lə blatshe, gao rə kə ro ro tə̂ ərə ne kɔ; ərə ə̂në ə sə tə âgbɔ̂ ərə lə ala Ndjapä kɔ kə sə̂. 5 Rə də̂ ayashe tshe leme-e, ə̂në əndje sə̂ kpî mbrə Ndjapä ə zâ lɔsu əndje gâ pâ Ndjapä nə kɔ, əndje sə̂ kə mbrə gao kɔ â sə̂ kə dji əpʉ ama aläkɔ̈ əndje kɔ, 6 mata Sara ə̂në tshə sə̂ kə dji əpʉ ama Abraamo ə sə̂ kə e ətshə tə âgbɔ̂ əzü nə̂ ye kɔ. E dô tə̂ e kpəsəye tə aneshe yashe nə̂ ye gâ ye, ə̂në e sə kə mbrə ə̂rɔ̂ ərə â awa ə̈bə̈ ərə bale toworo e toworo lə kə mbrə ərə nə ne kɔ.

7 E-e də̂ akoshe, äwä bale ndje, e gä ndə alawɔ e lə kə sə e də aəndje bale, ə wusə̂ nə ə pa yashe mɔ ə mɔ ngbatshe tə̂ koshe. E lʉ̈ əndje mbrə ə̂në, mata e, əndje sə kə sɔtə̂ sorô ndje lə ə̂rɔ̂tə̂ Ndjapä nə. E mbrə̈ rə kanika ə̈bə̈ ərə kânga äwä kânga tə̂ aəpʉ ə̂në e pa kə Ndjapä nə kɔ ne.

9 Mə yi ndje ndə nə ə pa ayashe yi ləba də äwänə, tə̂ äwä kə lʉ tə̂ əndje, lə zɨtɨnə; əndje mbrə̈ kumu əndje mbrə̈ də aərə gao ə yï yï aərə lɔrə wala aərə tshelə əgʉ wala aləba əgerə ngendja ne.

11 Ayashe nə ndje lʉ̈ tə̂ əndje, ə sə̈ sə̈ tə azü kə pa tə̂ angâ əndje ne, əndje mbrə̈ ərə mbrə̈ kʉ ngbaa ne, əndje sə̈ tə azü ə̂në əndje lï ndə kə pa azü za lɔsu əndje gâ pâ əndje lə aərə nɔ̂.

11 Bale, ətshi Âgbɔ̂ Əyïngerə, yashe sə sə tə ambanə tə̂ koshe, wala koshe sə sə tə ambanə tə̂ yashe ne. 12 Mbrə ə̂në äwä bale mata ə̂në Ndjapä zâ ərə tshekotə̂ koshe â mbrə̂ də yashe kɔ, äwä bale ndje yashe sə kə zu koshe, â aərə nɔ̂ to mâ ndə Ndjapä-e.

22 Rəkɔ, ayashe mbrə̈ tə̂ əndje teashe gâ ətshi aläkɔ̈ əndje, a pa də gâ ətshi Âgbɔ̂ Əyïngerə kə sə̂, 23 mbrə ə̂në koshe sə tə kumu yashe, mata ə̂në Kristə nə sə tə kumu Laglizə ə̂në ə sə tə tshekotə̂ ye â tshə sə tə Awoshe nə kɔ. 24 Mata ə̂në Laglizə sə kə mbrə tə̂ ye teashe ətshi Kristə kɔ, lə aərə nɔ̂, ayashe mbrə̈ tə̂ əndje teashe ətshi aläkɔ̈ əndje.

3 Pä ndje kə ayawaza yashe ə pa əndje mbrə̈ tə̂ əndje ə lï də kə mbrə tə̂ azü ə̂në əndje sə kpî mbrə Ndjapä kɔ. Əndje lï lï ndə kə pa əndje pa tə̂ azü, wala ə sə tə aawondju ərə ne; əndje yïsə̂ də̂ ə̂rɔ̂ ərə kə azü, 4 kanika ə yisə̂ äwä kə alamvera ə̂në əndje kô akoshe kɔ ndə kə pa əndje yində aläkɔ̈ əndje də aneshe nə̂ əndje, 5 ə wüsə̂ kə tegbɔ kumu əndje, ə bäta tə̂ əndje kʉ kə aläkɔ̈ əndje, ə mbrə̈ kosəra tshelə aanda nə̂ əndje, ə sə̈ tə aə̂rɔ̂ ayashe, ə djï əpʉ ama aläkɔ̈ əndje, ka azü pa əmbrʉ əpʉ pa gâ tə̂ Əpʉ Ndjapä nə ne.