O papel da mulher

አዝንን ማቺ ባዝ

1,2 ይኒ ፋና፥ ማቹን፥ ይን አዝኑንፓ ጾዘ ቃላስ ኪትንቶሱን የዝኮ ዣሽሞራ የዘ ይን ጌሽ የስቶ ብእ ጾዘ ቃላ ባይ ፋ ማቹን የስተ አማኖደ ፋና ኡንትስ ሎኦተ። 3 ይን፥ ይን ኦማ ዳደራን ዎርቃ አራ ዎይ ሎኦ አፉላ ማኤራ ማቅፈ።✝ 4 የዝን ይን ዎዝንተ የዘ ሎኦትታ ጾዘ ቲኖ ይንትስ ጋማ አልኦ ማቅደ ቦሰ፥ ዳልጋን ዎፑ ጋይደ አያና ማቀ።✝ 5 ጾዚ እንጎዳ ጋይዳኖ አማንደ ጌሽ ማቹን ዛጋ ዎደ ፋ አዝኑንስ ኪትንት፥ ፋና ይኒ ጋር ጋማ ቦንችዝዳ። 6 ይኒ ጋራን ሳራ አብራሃማጎ፥ «ላ» ጋእ ጼጊ፥ ኤስ ኪትንትዳ፤ ይንትን አኮን ዣሽትካይዛራ ሎኦ ባዝ ኦችኮ እ ናኡንና።

7 ይንትን አዝኑን፥ ይን ማቹን ይንታፓ ዎልቃ ባይዘ መ ማቅዳኖ ኤሪ፥ ኡንታና ቦንቾተ፤ ይን ዎስትስ በ ማቃመ ፋና ጾዚ እንግደ ደኦ ኡን ይንታራ ዎላ ላትዘ ግሾ ኡንታና ቦንቾተ.✝

9 ይኒ ፋናን ማቹን ፋና አህዛኖ ቆንጭዘ፥ ቦንቾራን ዎጋራ የዘ አፉላ ማአደስ ቤዛነ። ኡን ዎጋ ባይዘ ኦማ ዳን፥ ዎርቃራ ዎይ እንቆራ፥ ዎይ አልኦ አፉላራ መሉንፓ ፋና ዱሙዝፐ።

11 ይኒ ፋናን፥ ኡን ማቹን ቦንችንትዱንና፥ ዝግሮሱንና፥ ዎጋራ የዙንና፥ ኡባ ባዛ አምንንትዱንና ማቃደስ ቤዛነ።

11 የዝን ላ ቆፋራ ማቻ ራ ባይዝን የዞስ፤ ራን ማቻ ባይዝን የዞስ። 12 ማቻ ራፓ መንትዳን ፋና ራን ማችፓ የልንትዳ። የዝን ኡቡንን ጾዛፓ መንትዳ።

አዝን ባዝን ማቺ ባዝ

22 ማቹን፥ ላስ Ꮉርንትዛን ፋና ይን አዝኑንስ አቆተ። 23 ክርስቶሳ ዎሳ ኬትስ ኦማ ማቅዳን ጋር አዝንን ፋ ማችትስ ኦማ። ማህ ክርስቶሳ ፋ ጋላ ማቅደ ዎሳ ኬቶ አሽዛ።✝ 24 የዝን ዎሳ ኬ አሱን ክርስቶሳስ Ꮉርንትዛን ፋና ማቹን ፋ አዝኑንስ ኡባ ባዛራ አቆተ።

3 ይኒ ጋራን፥ ጭማ ማቹን ፋ የስተ ጌሹንና፥ ዙዝንጎሱንና፥ ኡሽ አሞት ባይዙንና ሎኦ ባዝ ታማርስዙንና ማቃደ ፋና ታማርሶ። 4 ኡን ይኒ ፋና Ꮉንኮ ናአት ማቹን ፋ አዝኑንናን ፋ ናኡንና ሲቆደ ፋና ታማርሶደስ ቤዛነ። 5 ጾዘ ቃላ ቦሩንታመ ጋር ፋና አህዙንና፥ ጌሹንና፥ ፋ ካራ ኦችዙንና፥ ካራ ፋ አዝኑንስ ኪትንትዙንና ማቃደ ፋና ናአት ማቹንና ታማርሶ ዞሮ።