ፍልጵስዩሳ 1

1 ክርስቶስ የሱሳራ ፈቶ ማቅደ ግሾ ጾዘ ባዝ ማቅደ፥ ፍልጵስዩሳ ካታማ የዘ ዎሳ ኬ አህዙንስን ዳቆናተስን ክርስቶሳ የሱሳራ የዘ ጌሹንስ ኡቡንስ። የሱስ ክርስቶሳ አሮ ማቅደ፥ ጳዉሎሳፓን ጢሞትዮሳፓ ዳክንትደ ኪታ።

2 ኑ አዳይ ጾዘፓን ላ የሱስ ክርስቶሳፓ አ ኬሃትን ሳሮት ይንትስ ማቀ።✝1:2 ሐዋ. 16:12

ጳዉሎሳ ጋላታ ዎሳ

3 ታኒ ይንታና ቲርዘ ዎደ ኡባ፥ ታ ጾዝ ጋላታነ። 4 ታኒ ይን ኡቡንስ ጾዝ ዎስዘ ዎደ ኡፋይሳራ ዎሳነ። 5 ይን ቲኖ ቃማፓ Ꮉይኖ የሎደስ፥ ዎንገለ ማርክዛነ ታራ ዎላ ማቅደ ግሾ ጾዝ ጋላታነ። 6 ይን ግዳ ሎኦ ኦቻ አይክደ ጾዘ፥ ክርስቶስ የሱሳ ላምእን ማቂ የእዘ ቃምቶ የሎደስ፥ ፎሎዳኖ ሎይ ኤራነ።

7 ይን ኡባ ዎደ ታ ዎዝንተ የነ። ታኒ ኡባ ዎደ ይን ግሾ ቆፖደስ ቤዛነ። Ꮉተ ታኒ አቻ የዝተራን አጭንቶዳንፓ ቲኖ ዎንገለ ናጎራን ዎንገለ ምን ኦሄ ጾዚ ታስ እንግደ አ ኬሃትቶ ታራ ግዥንትዳ። 8 ታኒ ይንታና ኡባ ክርስቶስ የሱሳ ሲቅተ አኮ ፋና ይቅስንትዛኮ ጾዚ ታስ ማርካ።

9 ይን ሲቅታ ቱሪ ኤራትራን አካኬራ ዎላ ጉጂ ጉጂ ድጮደ ፋና ጾዝ ዎሳነ። 10 ይነ ይን ሎኦ ባዝ ሻጊ፥ ኤሮደ ፋናን፥ ክርስቶሳ ማቂ የእዘ ቃምተ ጌሹንናን ቦረ ባይዙንና ማቃዳ። 11 ይን ደእታ ጾዝስ ቦንቾን ጋላታ የሱስ ክርስቶሳ ባጋራ በንትዘ ጽሎት ኣፈ ኩሚ አፎደ ፋና።

ጳዉሎሳ አጭንታ ዎንገለ ዳልጎደ ፋና ማድዳ

12 ታ እሹን፥ ታና የልደ ዎንገለ ዳልጎደ ፋና ቱሮ ማድዳኖ ይን ኤሮደ ፋና ኮያነ። 13 ታኒ ክርስቶሳ ኦችዘ ግሾ አጭንትዳኖ፥ ካት ኬ ናግዙንን መሉን ኡባ ኤራነ። 14 ታ አጭንቲ ምክናተር ኑ እሹንፓ ጋሙን ላ ሎይ አማንንትዳ። ይኒ ግሾ፥ ጾዘ ቃላ ዣሽሞ ባይዝን ካሰንፓ አ ሚንግ ኦሆደ ፋና ምንትሞ ኡን ደንግዳ።✝1:14 ሐዋ. 28:30

15 ማቆ የዝን፥ ፈታይ ፈታይ ቃናተራን ላለራን ክርስቶሳ ባዝ ኦህነ፥ የዝን መሉን ሉለ ዎዝናፓ ኦህነ። 16 ሉለ ዎዝናፓ ኦህዙን፥ ጾዚ ታስ ዎንገለ ናጎ ኦቻ እንጎዳኖ ኤርዘ ግሾ ሲቆራ ኦህነ። 17 የዝን Ꮉንኩን ታ አችትላ አፋ መለ ማ ኮኦደባዝ ኡንትስ አዝን ፋና ካፓ ደንዲ ክርስቶአባዝ ኦህነፕ አትን ቱሪ ዎዝናፓ ኦሆስ።

18 ይና አኮን ይኦስ። ቱሪ ዎዝናፓ ማቅን ዎይ ቱሪ ባይዘ ዎዝናፓ ማቅን ይና ኡባነ ክርስቶሳ ሳባክንታነ። ታና ይና ኡፋይሳነ።

19 ማህ መለ ታና ኡፋይስዘ ባዝ፥ ታኒ ይን ዎስተን የሱስ ክርስቶሳ አያና ማደራ ዋሎ ኬዝዳኖ ኤርዘ ግሾ ታና ኡፋይሳነ። 20 ታኒ ፎሎ ታ ኦችተ ዬልማኖ ኡፋይሳራ ናጋነ። የዝን ኡባ ዎደ ኦችዛን ፋና፥ Ꮉተ ታኒ ፋጻ የዝን ዎይ Ꮉይቂን ዣሽትካይዛራ ታ ኩሙ ጋልተ ክርስቶሳ ቦንችንቶዳ ጋእ ምን ኦህነ። 21 ታስ ደኦ ጋዛና ክርስቶሳስ የዘ፤ ማህ ታ Ꮉይቂኮን ታስ አደ ትርፈ። 22 የዝን ታ ፋጻ የዝኮ ኣፈ የዘ ኦቻ ኦቾዳ። የዝን ፋጻ የዛንፓን Ꮉይቆፓ አያ ዶሮድ የዛኮ ታስ ኤርንቶስ። 23 ታኒ Ꮉን ላምኡንፓ አያ ዶሮድ የዛኮ ኡንእንትዳ። Ꮉና ደእትፓ ሻግንት ክርስቶሳራ ዎላ የሳደስ አሙነ፤ ክርስቶሳራ ዎላ የዛና ኡባፓ አ ሎኦ። 24 የዝን ታኒ ፋጻ የዛና ይንትስ ጋማ ኮሽዘ ባዝ።

25 ይኖ ታኒ ጌሽ ኤራነ፤ ታኒ፥ ይን አማኖራ ድጮደ ፋናን ኡፋይቶደ ፋና ይንታራ ፋጻ የሳዳ። 26 ይኒ ግሾ፥ ታኒ ይንታጎ ማቂ የእዘ ዎደ ታ ባጋራ ክርስቶስ የሱሳላ የዘ ጬቅንታ ይንትስ ጋንጎዳ።

27 ኡባፓ አ፥ ይን ክርስቶሳ ዎንገለስ ቤዝዘ ደኦ የዞተ። ታ ይንታና ብእን ዎይ በአንጽን ይን ፈቲ ቆፋራ ሚንግ ኤቂ፥ መሉን ዎንገለራ አማኖደ ፋና ፈቲ ዎዝናራ ማቂ ፈትላ ቡቱንትዛኖ ታ ስኦዳ። 28 ይን ሞርኩንስ ዣሽትፐተ። ኡን ይንታራ ኤቅንትዛና ይና ኡንትስ በ ማላ ማቂ፥ ይንትስ ጾዛፓ ማቅደ አቶት ማላ። 29 ክርስቶሳስ ኦችዘ እሞት ይንትስ እንግንትዳና፥ ይን ኤዛ አማኖደ ፋና ጻላላስ ባይዝን ይን ኤ ግሾ ማ ኤኮደ ፋና። 30 ይኒ ግሾ፥ Ꮉተ ይን ታራ ዋየ ግሽንትዙንና ማቅዳ፤ ይና ዋይታ Ꮉንፓ ቲኖ ታና የልን ብእዳኖን Ꮉተን ታና የሊተራ የዛኖ ይን ስእተ የነ።