As 10 parábolas mais importantes de Jesus

3 Amane wakabaambila zhintu zhiinji kwiinda mu twaambyo, wakaamba ati,

"Umwi mulimi wakaunka mukushanga mbuto yakwe. 4 Mbuli mbwakalinga kumwaya, imwi mbuto yakalokela munzhila, a balo bayuni bakaza a kwiilya 5 Imwi yakalokela amabwe, alo awo atakalinga bulongo buunji. chakufambana yakamena, nkambo bulongo bwakalinga bushoonto, 6 Pesi lizuba nilyakabala chishango chakalinga kumenene chakayuma nkambo miyanda tiyakalinga anshi maningi. 7 Imwi imbuto yakalokela mumyunva amane niyakakomena yakayaswa a myunva. 8 Pesi mbuto imwi yakalokela mubulongo bu botu, alimwi a kuzhala michelo ili chisambomwe, makumi otatwe, makkumi chiloba kwiinda yakashangwa,

9 Mfumbwa uchite matwi, a nvishe!"

Kambyo ka mabwe amwekamweka adduula

45 Alimwi bwami bwa ku Julu buli mbuli muntu shikuzha ulangaula mabwe amwekamweka adduula. 46 Ono naa waajana mabwe amweka mweka adduula, ulaunka alimwi a kuuzha zhintu zhakwe zhoonse alimwi akwaula.

Kaambyo kabasebenzhi botatwe

14 Ono, "Alimwi chila kuba mbuli muntu uunka a lweendo, wakaiita ba sebenzhi bakwe akubapa lubono lwakwe. 15 Wakutaanguna wakamupa maali masaka a ngolide ali osanwe alimwi umwi wakamupa maali masaka a ngolide ali obilo amane wamamanino wakamupa lisaka lya maali a ngolide lyomwi, wakabapa boonse kwendelana ambubachikonzha amane wakabweza lweendo lwakwe. 16 Ono uyo wakapegwa masaka a maali a ngolide ali osanwe, wakaunka akwasebenzha amane wakajana mpindu ya maali masaka a ngolide ali osanwe aamwi. 17 Awalo uyo wakapegwa masaka a maali obilo a ngolide wakajana mpindu ya maali masaka obilo aamwi. 18 Pesi umwi musebenzhi wakapegwa lisaka lya maali lyomwi a ngolide, wakaunka washa chilindi amane wakavikila maali ashimalelo akwe.

19 "Ono nikwakainda chiindi chilaamfu, shimalelo wabo wakajoka amane wakabaita basebenzhi bakwe boonse kwaamba bamupandululile mbubakasebenzha maali. 20 Musebenzhi wakapegwa maali a masaka osanwe a ngolide wakaletalepo amwii masaka ali osanwe. Wakaamba ati, ‘O shimalelo angu,’ wakaampa masaka a maali a ngolide ali osanwe, ‘Langa, ndakapindula akujana pindu ya masaka ali osanwe aamwi.’ 21 Shimalelo akwe wakaamba ati, ‘Wachita kabotu o musebenzhi wangu ushomeka, ono nkambo washomeka muzhintu zhishoonto, ono ndakubika kwaamba wendelezhi zhintu zhiinji. Njila ukomane atomwe ashimalelo akw!’

22 Awalo musebenzhi wakapegwa masaka a maali obilo a ngolide wakaza akwaamba ati, ‘O shimalelo angu, wakampa masaka a maali obilo a ngolide, pesi langa! ndakapindula akujaninapo maali masaka obilo amwi.’ 23 "Shimalelo akwe wakaamba ati, ‘Wachita kabotu o musebenzhi wangu ushomeka, ono nkambo washomeka muzhintu zhishoonto, ono ndakubika kwaamba wendelezhe zhintu zhiinji. Njila ukomane atomwe ashimalelo ako!’

24 Amane uyo musebenzhi wakapegwa lisaka lyomwi lya maali a ngolide wakaza akwaamba, ‘Ndalikuzhi kwaamba uli muntu mubiibi ulatebula mputana kumwaya, alimwi ulabuganya mputana kumwaya mbuto. 25 Ndakatija, ono ndakaunka akulishila chilindi lisaka lya maali ako akwavikila. Langa! Maali ako ngaya.’

26 "Shimalelo akwe wakanviila ati, ‘O musebenzhi mubiibi mutolo, wakalikuzhi kwaamba ndatebula mputana kumwaya akubuganya mputana kumwaya mbuto? 27 Anu walikwelele kwabika maali angu mumanza abashipindu kwaamba ndajoka ndajana maali angu azhalana. 28 Amumunyange maali mwape kuli uyo uchite ali kkumi. 29 Alimwi uli oonse uchite kale ulakupegelwo azhimwi, alimwi ulakuba a zhintu zhiinji. Pesi uli onse utachite, akashoonto nkachite kalakubwezegwa kuli nguwe. 30 Ono amumubweze mubibi uyu akumuwala ansengwe amunshinzhe, alo awo mpweshi anolila akulumanya meno.’

Kambyo ka nzau

24 Jesu wakabaambila kambyo akamwi ati, "Bwami bwa ku julu buli mbuli muntu wakashanga mbuto ibotu mu muunda wakwe. 25 Pesi boonse kaboona mashiku, shinkondonyina wakaza a kumwaya nzau akati ka maila, akaunka. 26 Ono maila nakakomena alimwi mitwi niyakaboneka, ayalo nzau yakaboneka. 27 Basebenzhi bakaza kuli shemalelo wabo akubuzha ati, ‘Mwami saa tona kumwaya mbuto ibotu mu munda waako? Ino nzau zhazwa kuli?’ 28 ‘Shinkondoma nguwakachita ichi,’ wakabanviila. Basebenzhi bakamubuzha ati, ‘Saa ulanda tuunke tuzhizhule?’ 29 Wakanviila ati, ‘Taaku,’ nkambo mwano kuzhuzula nzau mulanakuzhulila kuntukomwi a maila. 30 Amuzhileke zhikomenene antomwi kushikila chiindi chakutebula. Achiindi icho ndakubaambila batebuzhi kwaamba. Amutaangune kubwezelela nzau alimwi muzhaange mumile kwaamba zhitentwe, amane mubunganye maila akwaleta mubutala bwangu.’ "

Kaambyo kaba nakalindu bali kumi

1 "Ono ku chiindi icho bwami bwa ku julu bulakuba mbuli bamakaintu bali kkumi, bakabweza malampi abo akuunka mukuchinga shibwiinga. 2 Bali bosanwe bakalinga bayozhi alimwi bali bosanwe bakalinga basongo 3 Ono bayozhi taaku nibakabweza mafuta mumalampi abo aindilila. 4 Pesi basongo balo bakabweza malampi abo a mafuta akalikwindilila. 5 Ono nkambo shibwiinga wakachelwa kuza, boonse bakatalika kufukula.

6 "Ono akati kamashiku bakanva koolobezha kwa bantu, ‘Ngoyu shibwiinga! Kamuza mumuchinge!’ 7 Bamane boonse bana kalindu bakabuka akuyasha malampi abo. 8 Amane bayozhi bakaamba ku basongo, ‘Amutupeko mafuta anu, malampi esu alazhima.’ 9 "Pesi basongo bakanviila ati, ‘Taaku mafuta akwaamba twaabane andimwe. Pesi kamuunka mukaule kumasambalilo nubeene.’ 10 Ono kabachili munzhila mukuula mafuta, shibwiinga wakashika. Amane abo bakalikulibambile bakanjila anguwe mu pobwe lya bwiinga, umane mulyango wakajalwa.

11 "Nikwakainda chiindi bakalinga baunka mukuula mafuta bakajoka akwaamba ati, ‘Mwami, Mwami! amutujalwile mulyango tunjile!’ 12 "Shibwiinga wakabanviila ati, ‘Kashimpe ndamwaabila! Nshimuzhi imwe."

13 Abobo, Jesu mukumanizha wakabaambila ati, "Amukkale akupakamana nkambo tamuzhi buzuba naa chiindi.