1 Aya ngumazhalane a Jesu Mesiya, Mwana Devedi a mwana a Ablahamu.

2 Abulahamu wakazhala Izeki, Izeki wakazhala Jakobe, Jakobe wakazhala Juuda alimwi a bamakwabo. 3 Juuda wakazhala Pelezi a Zela, muli Tama, Pelezi wakazhala Eziloni, Eziloni wakazhala Lamu, 4 Lamu wakazhala Aminadabu, Aminadabu wakazhala Nashoni, Nashoni wakazhala Salimoni, 5 Salimoni wakazhala Bowazi muli Lahabu, Bowazi wakazhala Obedi Muli Luute, Obedi wakazhala Jesu.

6 alimwi Jessi wakazhala Mwami Devedi. Devedi wakazhala Solomoni, banyina bakalinga bamuka Uliya, 7 Solomoni wakazhala Leoboamu wakazhala Abija, Abija wakazhala Asa, 8 Asa wakazhala Joeoshifati, Joeoshifati wakazhala Jeholamu, Jeholamu wakazhala Uzziya, 9 Uzziya wakazhala Jotamu, Jotamu wakazhala Ahazi, Ahazi wakazhala Hezekiya.

10 Hezekiya wakazhala Manase, Manase wakazhala Amoni, Amoni wakazhala Josiya, 11 Josiya wakazhala Jokoniya abamakwabo mu chiindi chabuzhike ku Babiloni.

12 Ono nibakatolwa buzhike ku Babiloni Jokoniya wakazhala Shatelo, Shatelo wakazhala Zelubabelo. 13 Zelubabelo wakazhala Abuyudi, Abuyudi wakazhala Eliyakimu, Eliyakimu wakazhala Azolo. 14 Azolo wakazhala Zadoki, Zadoki wakazhala Akimu, Akimu wakazhala Eludi, 15 Eludi wakazhala Eliyeza, Eliyeza wakazhala Mattani, Mattani wakazhala Jakobe. 16 Alimwi Jakobe wakazhala Josefa muka Maliya, Maliya banyina Jesu witwa ati Mesiya.

17 Nkukwamba Mazhalane kuzwa kuli Devedi kushikila kuli Ablahamu akalinga makkumi one, makkumi one kuzwa ku chiindi cha Devedi a kushikila ku chiindi nchibakatolwa mubuzhike mu Babiloni, Alimwi makkumi one kushikila kukuzhalwa kwa Mesiya.

18 Ono mboobu Jesu Kilisitu mbwakazhalwa. Maliya Banyina Jesu bakalikukobekelwe kuli Josefa, pesi kabatana kuswagana wakajanika Ulimitile kwiinda mu Muuya Usalala. 19 Nkambo Josefa musakwa wakwe wakalinga Muntu wakali kushomeka, Taaku nakayanda kumuuvisha isoni, pesi wakalikuzhi kwaamba Ulakumuleka chakaumuumu. 20 Pesi kachiyeya chakuchita Mungele wa Mwami wakabonekela muchiloto waamba, "Josefa Mwana Devedi, Utatiji Maliya kuba mukaintu wako nkambo nchamitile chakazwa ku Muuya Usalala. 21 Ulakuzhala Mwaana musankwa, alimwi ulakumulika liina lya Jesu, nkambo ulakufutula bantu kuzwa kuzhibibi zhabo."

22 Izhi zhoonse zhaka chitika kuzuzikizha Mwami nzhaakamba kwiinda mushinshimi wakwe ati, 23 "Nakalindu ulakumita akuzhala mwaana musankwa, alimwi ulakwitwa liina lya kwaamba ati, Imaniwelo" (Chaamba ati, "Leza uli andiswe.")

24 Josefa nakabuka wakachita mbuli mungele wa Mwami mbwakamwaabila, amane wakabweza Maliya mukaintu wakwe wamutola ku ng'anda. 25 Pesi bakakkala kwakubula kuswangana anguwe kushikila nakazhala mwaana musankwa. Ngwakaulika liina lya kwaamba ati Jesu.