Pecado
O pecado é a realidade que separa a humanidade de Deus. Mas a Bíblia também revela a solução: o sangue de Cristo que nos purifica e a graça que nos liberta de toda condenação.
A universalidade do pecado
Todos pecaram e carecem da glória de Deus. Não há justo, nem sequer um. O pecado entrou no mundo por um homem, mas a graça veio por Jesus.
Asuntu na nyakasalaꞌ ya kadég, diliꞌ na manga utaw ka͡apetan ya kadyawan na Tyumanem.
Asuntu na nyakasalaꞌ ya kadég, diliꞌ na manga utaw ka͡apetan ya kadyawan na Tyumanem. Manang asuntu sa kallat nan kanaten na walaꞌ ya bayad, pigdawat nan kitadun kasiling na walaꞌ da ya salaꞌ magi sa pagkamatay ni Kristu Jisus. Aw dun da nan lekata ya kadég tadun lekat adti pag-allang na salaꞌ.
Kay bekeꞌ na pagtuman sa Uldin ya du-an na dawaten kitadun na Tyumanem kasiling na walaꞌ da ya salaꞌ. Kay magi saba sa Uldin, dun ka-ede-i na ya kadég tadun alag nyakasalaꞌ.
Kay ya tandan sa salaꞌ, yan ya pagpa-emel-emel na Tyumanem na walaꞌ ya tyamanan. Manang ya pig-atag na Tyumanem na walaꞌ ya bayad, yan ya ginawa na walaꞌ ya katigkasan asuntu na nyakasambuk da kitadun kan Kristu Jisus na kanaten Matas na Pangulu.
Pangkay singalan ya gayed migpakasalaꞌ, piglakadan nan ya manga suguꞌ na Tyumanem. Kay ya pag-imoꞌ gayed sa salaꞌ, yan ya paglakad sa manga suguꞌ nan.
Liberdade da condenação
Não há condenação para os que estão em Cristo Jesus. Ele nos libertou da lei do pecado e da morte para vivermos em novidade de vida.
Na, ya kadég tadun na nyakasambuk da kan Kristu Jisus, diliꞌ da pa-emel-emelen na Tyumanem. Kay dun ni pagpakasambuk tadun kan Kristu Jisus, pigbagu la kitadun magi sa katulus na Ispiritu Santo, aw pigpaluwaꞌ da kitadun nan lekat adti pag-allang na salaꞌ aw adti pagdumala na kamatayen.
Yanagaw, diliꞌ da mayu pagtumbay na magdumala pa ya salaꞌ dun ni lawas mayu, pada diliꞌ da mayu ka͡agadan ya pagkaliman na pagka-utawun mayu adti imo-unun na malatay. Aw diliꞌ mayu uman pagtumbay ya manga punganan na lawas mayu na mag-imoꞌ sa malatay, manang atagan mayu baling ya pagka-utawun mayu adti Tyumanem na un mag-imoꞌ sa madyaw. Kay nyatay da ya dadan na pagka-utawun mayu aw adun pigbagu la kamu. Yanagaw atagan ya manga punganan na lawas mayu adti pag-imoꞌ sa pagkaliman na Tyumanem. Kay walaꞌ da kamu dumalayi na salaꞌ, asuntu na bekeꞌ da na Uldin ya miggagad kamayu, manang ya migdumala kamayu adun yan da ya kallat na Tyumanem.
Na, pagaw awun utaw na maglong, "Unu, magpadeleg kitadun magpakasalaꞌ asuntu na walaꞌ da ya pagdumala na Uldin kanaten aw pigsayuwan da na kallat na Tyumanem?" Ya tubag ku kanan, "Diliꞌ saba!" Unu, walaꞌ mayu ka-ede-i na pig-allang kitadun na pangkay unu na pigka͡agadan tadun, aw yeiy ya nya-imoꞌ tadun amu? Kun mag-imoꞌ kitadun sa salaꞌ, yan ya mig-allang kanaten, aw ya sampetan yan pa-emel-emelen kitadun na Tyumanem na walaꞌ ya tyamanan. Manang kun dalugun tadun sakanan, ya sampetan yan, katutukan ya Tyumanem kanaten. Idtu muna pig-allang kamu na pagkaliman mayu mag-imoꞌ sa salaꞌ, manang adun, migpasalamat aku sa Tyumanem, kay pigbetang da mayu adti kamayu anenganeng ya matinaw na palna-u na Tyumanem na pigpa-edeꞌ da kamayu. Aw adun, pigpaluwaꞌ da kamu lekat adti manga salaꞌ, aw nya-imoꞌ da kamu allang dun ni pagdalug sa pagkaliman na Tyumanem.
Na, pagaw awun utaw na maglong, "Unu, magpadeleg kitadun magpakasalaꞌ asuntu na walaꞌ da ya pagdumala na Uldin kanaten aw pigsayuwan da na kallat na Tyumanem?" Ya tubag ku kanan, "Diliꞌ saba!"
Na, kya-ede-an da tadun na ya Uldin lyumekat adti Tyumanem. Manang aku utaw saba oloꞌ na nya-allang na salaꞌ. Walaꞌ ku kalabeti kun unu ya pig-imoꞌ ku. Aw pangkay kya-ede-an ku kun unu ya madyaw imo-un manang diliꞌ ku baling ma-imoꞌ. Yan baling ya kanak pig-imoꞌ, ya manga imo-unun na walaꞌ ku kalimi. Manang kun pig-imoꞌ ku ya malatay na diliꞌ ku kaliman imo-un, na, tyumandeꞌ aku na madyaw ya Uldin. Yanagaw bekeꞌ da ku ya mig-imoꞌ sa malatay manang yan saba ya mig-imoꞌ ya salaꞌ na nyeyaꞌ asini kanaken.
Aw tyumubag si Jisus kanilan, "Matinaw ya un ku paglongun kamayu: Pangkay singalan ya migpakasalaꞌ, allang saba na salaꞌ.
Confissão e perdão
Se confessarmos os nossos pecados, Deus é fiel e justo para nos perdoar e purificar de toda injustiça. A confissão liberta a alma.
Kun maglong kitadun na walaꞌ ya salaꞌ tadun, piggalu-an tadun ya kanaten pagka-utawun aw walaꞌ dun ni kanaten ya katinawan. Manang kun ubat tadun adti Tyumanem ya kanaten manga salaꞌ, na, lanasen nan saba. Aw linisan nan uman ya kanaten anenganeng sa kadég na malatay, kay kasaligan sakanan aw alag matinaw ya kanan pagbayaꞌ.
Manang kun ubat tadun adti Tyumanem ya kanaten manga salaꞌ, na, lanasen nan saba. Aw linisan nan uman ya kanaten anenganeng sa kadég na malatay, kay kasaligan sakanan aw alag matinaw ya kanan pagbayaꞌ.
Yanagaw, kun maglong kitadun na nyakasambuk da adti Tyumanem manang kenneꞌ pa tadun dun ni kangitngitan, na, nyakagaluꞌ baling kitadun, aw walaꞌ tadun daluga ya katinawan.
Vencendo o pecado
Cristo nos resgatou e nos restaurou. Devemos mortificar as obras da carne, fugir do pecado e prosseguir em santidade.
Aw sa pagkamatay nan adti krus, pigdala nan ya kanaten manga salaꞌ dun ni kanan lawas, pada matay kitadun adti kanaten manga imo-unun na malatay aw ma-imoꞌ tadun ya kanan pagkaliman dun ni kanaten pag-eyaꞌ asini tas na lupaꞌ. Aw asuntu sa manga paliꞌ nan, pyangkaguli-an kitadun.
Aw ka͡utawan sakanan sa iseꞌ na eseg. Aw ngalanan mu ya iseꞌ na ‘Jisus’ kay un nan paluwa-en ya kanan manga utaw lekat adti manga salaꞌ nilan."
Si Kristu, walaꞌ ya salaꞌ dun ni kanan. Manang asuntu sa pagbayaꞌ na Tyumanem, nyakapisan baling adti kan Kristu ya kadég na salaꞌ na manga utaw pada dawaten kitadun na Tyumanem kasiling na walaꞌ da ya salaꞌ.
Aw si Kristu uman, minsan da ya kanan pagdugsuꞌ na yan ya kanan pagkamatay adti krus pada malanas ya manga salaꞌ na kadég na manga utaw. Aw sa paglikuꞌ nan salut asini tas na lupaꞌ, diliꞌ da magdugsuꞌ na un maglanas sa manga salaꞌ, manang dayaw nan lingeben ya pagpaluwaꞌ sa kadég na tyumagad kanan.
Manang ya utaw na migpadeleg mig-imoꞌ sa salaꞌ, si Satanas ya tagtun kanan, kay yan ya gayed migpakasalaꞌ lekat pa asini muna sa pag-atu nan sa Tyumanem. Aw yan ya du-an na nyadi ya Iseꞌ na Tyumanem pada kalaten ya imo-unun ni Satanas.
Kya-ede-an tadun na ya utaw na nya-imoꞌ da iseꞌ na Tyumanem, diliꞌ da sakanan magpadeleg magpakasalaꞌ. Kay pigtamengan da saba sakanan ni Jisu-Kristu na Iseꞌ na Tyumanem, aw diliꞌ da kitadun ni Satanas mabatug dumala͡an.
Yanagaw pataya mayu ya pagkaliman na kamayu pagka-utawun na kasiling na pagkasala-enen, aw ya malatay na anenganeng, ya pag-imoꞌ sa makamulamula sa lawas, aw ya manga pigkaliman mayu na diliꞌ madyaw. Aw pataya mayu uman ya pagkaybeg sa manga pametang aw ka-unan na eped na utaw, kay kun unu ya pigkaybegan na utaw, yan ya nya-imoꞌ tyumanem nan.
Aw asuntu na mangayseꞌ da kamu na Tyumanem, diliꞌ madyaw na kasampetan kamu na migkasala-enen aw mig-imoꞌ sa malatay aw nyaybeg sa pangkay unu na kamayu pagkaliman. Kay diliꞌ yeiy umbaꞌ adti manga mangintu-uway.
Diliꞌ kamu magsambuk dun ni imo-unun na walaꞌ ya guna na pigpan-imoꞌ na manga utaw na awun ni kangitngitan. Manang pakitaꞌ mayu baling kanilan na diliꞌ madyaw ya kanilan pig-imoꞌ. Kay ya manga imo-unun nilan na tagu-taguꞌ, makamulamula yeiy, pangkay oloꞌ balawbalawan.
Kun awun kadaman mayu, magpakatadeng kamu na diliꞌ kamu makasalaꞌ. Maksay kamu pag-iyuliꞌ sa diliꞌ pa sumallep ya sega,
Responsabilidade e restauração
O pecado tem consequências, mas Deus restaura o arrependido. Devemos corrigir uns aos outros com mansidão e cobrir o pecado com amor.
Kay manga inulug ku na nyangintu-u la, kun awun sambuk na inulug mayu na kyinitaꞌ na mig-imoꞌ sa salaꞌ, kamu na piggagad na Ispiritu Santo ya umbaꞌ tumabang kanan pada makalikuꞌ sakanan adti Tyumanem. Manang pakadyawa ya tingeg mayu kanan. Aw magpakatadeng kamu pagaw kamu uman mabuyu adti pagpakasalaꞌ.
Kay manga inulug ku na nyangintu-u la, kun awun sambuk na inulug mayu na kyinitaꞌ na mig-imoꞌ sa salaꞌ, kamu na piggagad na Ispiritu Santo ya umbaꞌ tumabang kanan pada makalikuꞌ sakanan adti Tyumanem. Manang pakadyawa ya tingeg mayu kanan. Aw magpakatadeng kamu pagaw kamu uman mabuyu adti pagpakasalaꞌ. Gayed kamu pagtatabangay pangkay unu ya manga puluglima na nyakapisan kamayu. Kun imo-un mayu yeiy, dun da mayu katuman ya suguꞌ ni Kristu.
"Kun awun eped mu na mangintu-uway na nyakasalaꞌ adti kanmu, na, kadtuwi sakanan aw paglonga sa salaꞌ nan na oloꞌ kamu duwa. Kun magpakanyeg sakanan kanmu aw magselsel, na, magkasambuk da ya ginawa mayu.
"Kun awun eped mu na mangintu-uway na nyakasalaꞌ adti kanmu, na, kadtuwi sakanan aw paglonga sa salaꞌ nan na oloꞌ kamu duwa. Kun magpakanyeg sakanan kanmu aw magselsel, na, magkasambuk da ya ginawa mayu.
"Manang kun awun utaw na migpadalem na nyangintu-u kanak, aw kun buyuwun sakanan adti pagpakasalaꞌ, ya utaw na magbuyu madyaw pa baling kanan kun tati-an ya liyeg nan na dakulaꞌ na gilingan na batu aw ulugun sakanan adti kalaleman na dagat.
Anangaꞌ kaw magtulliꞌ sa puling na awun ni mata na kanmu eped manang pyabaya-an mu baling ya dakulaꞌ na batang na nyakabalabag dun ni kanmu mata?
Pigpadeleg ni Jisus ya pagpalna-u sa manga utaw, law nan, "Kun pigpasinsiya͡an mayu ya eped na utaw na nyakasalaꞌ kamayu, lanasen uman na Ama mayu na awun ni tas na langit ya kamayu manga salaꞌ.
Yanagaw, kun nyakasalaꞌ kamu adti Tyumanem, pag-ubat-ubatay kamu sa manga salaꞌ na nya-imoꞌ mayu, aw pagpanawagtawagay kamu adti Tyumanem, pada kaguli-an kamu. Kay dakulaꞌ saba ya mabatug na pagpanawagtawag na utaw na dyumalug sa pagkaliman na Tyumanem.
Aw kun kya-ede-an na utaw ya madyaw na un nan galu imo-un manang walaꞌ nan baling imo-a, nyakasalaꞌ sakanan adti Tyumanem.
Pagpalapit kamu adti Tyumanem, aw ya Tyumanem magpalapit uman kamayu. Aw kamu na makasasalaꞌ, ayawi la mayu ya kadég na imo-unun na malatay. Aw kamu na migduwaduwa sa pagpangintu-u sa Tyumanem, tibulluka ya kamayu anenganeng adti kanan.
Kasiling kamu na utaw na miglakadenen, kay nya-uman da ya ginawa mayu sa Tyumanem. Walaꞌ kaꞌ mayu ka-ede-i na kun ginawa͡an na utaw ya asini tas na lupaꞌ, ma-imoꞌ sakanan po-on na Tyumanem? Yanagaw, kun singalan ya magagad na malatay na asini tas na lupaꞌ, dun da sakanan ka-imoꞌ po-on na Tyumanem.
Lekat dun ni sambuk na bakaꞌ ya pagdeyen aw ya pagpanullun! Kay manga inulug, diliꞌ galu maynan ya imo-un tadun.
Aw yan ya to-o mayu tibagsegi ya paggaginawa͡ay. Kay kun to-o tadun pigginawa͡an ya kanaten manga eped, pasinsiya͡an tadun sa pig-imoꞌ nilan kanaten na malatay.
Fuga do pecado
Bem-aventurado o que não anda no conselho dos ímpios. O caminho do justo é guardado pelo Senhor, e sua Palavra nos protege da queda.
Aw maynan uman ya utaw. Pangkay unu ya awun ni anenganeng nan, yan uman ya kanan paglongun. Kun gayed madyaw ya pig-anenganeng na utaw, madyaw uman ya imo-unun nan. Manang kun malatay ya pig-anenganeng nan, malatay uman ya paglongun nan.
Unu, walaꞌ mayu ka-ede-i? Ya manga utaw na mig-imoꞌ sa malatay, diliꞌ silan maka-akup adti manga kadyawan na awun ni Kasakupan na Pighari-an na Tyumanem. Yanagaw diliꞌ mayu paggawayan ya kamayu pagka-utawun. Ya manga magkasala-enen, aw ya manga utaw na magsimba sa tyumanem na galuꞌ, aw ya manga maglakadenen, aw ya manga magkakalimay na alag eseg aw maynan uman ya alag bubay, diliꞌ silan maka-akup adti Kasakupan na Pighari-an na Tyumanem. Aw maynan uman ya manga mangkatakaw, aw ya magkamang sa pangkay unu na pigkaybegan nilan, aw ya manga pala-inem sa magpakalangulangu, aw ya maglong sa malatay adti eped na utaw, aw ya manga matilimbungay.
Lyumuwaꞌ da uman si Pilato aw piglongan nan ya manga Judiyu, "Tandawi mayu, pakitaꞌ ku sakanan kamayu salut pada pa-edeꞌ na walaꞌ ya pigkitaꞌ ku na un pagsalaꞌ kanan." Yanagaw lyumuwaꞌ si Jisus na awun da korona na suksukun adti ulu nan aw malawig na sa-ul na tapel ya batek. Aw miglong si Pilato kanilan, "Inunuwa mayu, ini la sakanan!" Sa pagkitaꞌ da na manga mangkatas na magdadugsu-ay aw manga magtatunggu-ay sa Témplo kan Jisus, nyamansag da uman silan na maglong, "Pakalabuwan sakanan! Pakalabuwan sakanan adti krus!" Aw miglong si Pilato kanilan, "Kamu la ya magbayaꞌ kanan! Kamanga mayu aw kamu la ya pagpakalabu kanan adti krus. Kay walaꞌ saba ya kyinitaꞌ ku na du-an na umbaꞌ sakanan patayen!"
Aw adun, kun maglong kamu adti pangkay singalan na nyalanas da ya manga salaꞌ nilan, piglanas da saba na Tyumanem. Manang kun diliꞌ kamu maglong na nyalanas da ya manga salaꞌ nilan, na, kenneꞌ pa na manga salaꞌ nilan."