Pecado
O pecado é a realidade que separa a humanidade de Deus. Mas a Bíblia também revela a solução: o sangue de Cristo que nos purifica e a graça que nos liberta de toda condenação.
A universalidade do pecado
Todos pecaram e carecem da glória de Deus. Não há justo, nem sequer um. O pecado entrou no mundo por um homem, mas a graça veio por Jesus.
ya ke denen urngin e girdi’, kar pired ni yad bmal’af rok Got ke mul e fla’ab rok u pa’rad.
ya ke denen urngin e girdi’, kar pired ni yad bmal’af rok Got ke mul e fla’ab rok u pa’rad. Machane u daken e tow’ath rok Got ndariy puluwon ni bochan e runguy rok ngak e girdi’, e ir e ke mat’awnag urngin e girdi’ riy ngak u daken Kristus Jesus, ni ir e ke pithigrad rok e denen.
Dariy be’ nra i rin’ e tin nike yog e re Motochiyel nem me yan i par nike mat’aw u p’eowchen Got; ya maruwel ko Motochiyel e nge ayuweg be’ nge nang fa’anem nike denen.
Ya denen e ma pi’ puluwoy — ni yam’; machane tow’ath rok Got ngodad ndariy puluwon e yafos ndariy n’umngin nap’an nra pi’ u daken e ta’ab girdi’ ni kad ted e Somol rodad i Jesus Kristus.
Gamad gubin ni gamad ba tadenen, ni mus ko tin th’abi fel’ e ngongol romad nrib alit. Bochan e denen romad, ma gamad bod yuwan e gek’iy nike mororoy ke yib e nifeng i changegnag.
Ya en nra denen e ba kireb e rok nike th’ab e motochiyel rok Got; ya denen e aram e kan th’ab fare motochiyel.
Liberdade da condenação
Não há condenação para os que estão em Cristo Jesus. Ele nos libertou da lei do pecado e da morte para vivermos em novidade de vida.
Chiney e dab kun turguy e gechig rok e pi’in kar ta’ab girdi’gad Kristus Jesus. Ya motochiyel rok fare Kan ni Thothup ni ir e ma fek e yafos i yib ngodad ko ta’ab girdi’ ni gadad ma tay Kristus Jesus e ke chuwegeg ko gagiyeg nma tay e denen nge yam’.
Thangri dabki par ni denen e be gagiyegnag dowmed ni bogi dowef ni bay yim’, ya ir e ma waliymed ngam folgad ko tin ni be yim’ e dowef romed ni bochan. Ma thingar dab kum paged fan bang u dowmed ngak e denen ni ngan maruwel ngay ni fan ko tin nib kireb. Machane ngam pi’ed gimed ngak Got, ni bod rogon e girdi’ ni kan chuwegrad ko yam’ kan fekdad ko yafos, mi gimed pi’med nge tafinay romed ni polo’ ngak ngan maruwel ngay ni fan ko tin nib mat’aw. Ya denen e thangri dabki par ni ir e be gagiyeg nagmed; ya damur pired u tan e motochiyel, ya gimed be par u tan e runguy rok Got.
Ere uw rogon? Gur ngu’ud denengad ni bochan e dad moyed u tan e motochiyel ya gadad bay u tan e runguy rok Got? Ri danga’! Bmuduwgil ni gimed manang e re bugithin ni ba’aray: fa’an gimed ra pi’med nga pa’ be’ ri bod rogon e sib, ni aram e ngu’um folgad rok fa’anem, ma aram e kam manged sib rok fare masta ni ir e gimed be fol rok — ni demturug ko denen e kam manged sib rok, ni wenegan nma yib e yam’, ara kam manged sib rok e fol, ni wenegan nma yib e kan mat’aw ngak Got. Machane ke magaer Got! Ya immoy ba ngiyal’ ni um pired ni gimed e sib rok e denen, machane chiney e ri gimed be fol ko tin nib riyul’ ni ir e kan machibnag ngomed. Kam chuwgad u pa’ e denen kam manged sib rok e tin nib mat’aw.
Ere uw rogon? Gur ngu’ud denengad ni bochan e dad moyed u tan e motochiyel ya gadad bay u tan e runguy rok Got? Ri danga’!
Gadad manang ni fare Motochiyel e yib rok Got; machane gag e gub girdi’ ni gu ra yim’, ni kan pi’eg ni chuway’ ngak e denen ni bod rogon ba sib. Dagur nang fan e n’en ni gu be rin’; ya dagur rin’ e tin ni gu ba’adag ni nggu rin’, ma gu be rin’ e tin ndabug ni nggu rin’. Fa’anra gu rin’ e n’en ndabug ni nggu rin’, ma aram e ren’ey e ke dag ni kug nang u wun’ug ni fare Motochiyel e bmat’aw. Ere ri gathi gag e cha’ ni be rin’ e ren’ey; ya denen ni be par u fithik’ag e ir e be rin’.
Me ga’ar Jesus ngorad, "Nggog e tin riyul’ ngomed: urngin e girdi’ ni yad be denen e ra bagayad ma kemang sib ko denen.
Confissão e perdão
Se confessarmos os nossos pecados, Deus é fiel e justo para nos perdoar e purificar de toda injustiça. A confissão liberta a alma.
Fa’anra lungudad e dariy e denen rodad, ma aram e gadad be ban nagdad ma tin nib riyul’ e dariy u fithik’ i lanin’dad. Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.
Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.
Ere fa’anra lungudad e kad ta’ab girdi’gad nike ta’reban’dad, ma ka gadad be par u fithik’ e lumor, ma aram e gadad be ban ko tin gadad be yog nge tin ni gadad be rin’.
A Got, nge wurengan’um ngog, ni bochan e t’ufeg rom ni dabimus;
mu chuweg e denen rog, ya ba ga’ e runguy rom!
Mmaluk nigeg nge chuw urngin e kireb rog,
ma ga chuweg e denen rog nggu machalbog!
Kug denen nib togopluw ngom, ni kemus ni gur e ba togopluw ngom,
ma kug rin’ e tin nib kireb u wun’um.
Ere mmat’aw ni ngam pufthin nigeg,
bay mat’awum ni ngam turguy e gechig rog.
Gub kireb ko ngiyal’ nni gargel nigeg riy ke mada’ ko chiney;
chirofen nni par nigeg riy e gu bay u fithik’ e denen ke mada’ ko chiney.
Tafinay nib yul’yul’ e ir e ga ba’adag;
mu suguy lanin’ug ko gonop rom.
Mu chuweg e denen rog nggu be’ech;
mmaluk nigeg, ya nge gel e wechwech rog ko ayis.
Mu suguyeg ko felfelan’ nge fel’ laniyan’;
ni yugu aray rogon ni kam masengseng nigeg ma kam t’areg,
mu kug felfelan’ bayay.
Mu fek owchem ko denen rog,
ma ga chuweg urngin e kireb rog.
Ma aram mu gu weliy e denen rog ngom;
da gu mithag rom e tin kireb ni ku gu rin’.
Gu turguy u wun’ug ni nggu weliy e pi denen rog ngom,
ma ga n’ag fan urngin e kireb rog.
Ba felan’ e cha’ nike n’ag Got fan e denen rok,
ni kireb rok e ke thang Got.
SOMOL, mu n’ag fan u wun’um e denen rog, ni bod ni mog ni ga ra rin’,
ya denen rog e bpire’.
SOMOL, gu leamnag fanam gol nge rogon fare t’ufeg rom ni dabimus
ni kam dag ni kab kakrom i yib.
Mu n’ag fan u wun’um e pi denen rog nge tin ug oloboch riy ko ngiyal’ ni ku gub pagel;
SOMOL, dab mu pag tilig,
ya ga ba gol ma t’ufeg rom e dabimus!
Dariy be’ nrayag ni nge guy e kireb rok;
SOMOL, mu chuwegeg u fithik’ e kireb rog nib mith.
Dabi fel’ rogon e yafos rom ni fa’anra ga be guy rogon ni ngam mithag e pi denen rom. Mu puwofaynag ma ga pithig pa’am riy; me wurngan’ Got ngom.
Vencendo o pecado
Cristo nos resgatou e nos restaurou. Devemos mortificar as obras da carne, fugir do pecado e prosseguir em santidade.
Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.
Ya bayi gargeleg bochi pagel ma ngam tunguy fithingan ni Jesus — ya bayi ayuweg girdi’en nge chuwegrad ko denen ni yad be ngongliy nge thapegrad ngak Got."
Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.
Ere aram rogon ni Kristus e ku ni pi’ ni maligach nri ta’ab yay ni nge chuweg e denen rok bo’or e girdi’. Ma bayi yib i m’ug ko yay ni nge man e l’agruw yay ngay, ni gathi fan ko denen, machane bochan e nge thapeg ngak Got e pi’in yad be sonnag.
Ma en nra i denen i yan e ke par nike mil suwon ngak fare mo’onyan’, ya fare mo’onyan’ e ke denen ko tabolngin. Ireray fan ni yib i m’ug Fak Got, ni bochan e nge kirebnag e maruwel rok e re mo’onyan’ nem.
Gadad manang ndariy be’ ni kemang fak Got ni kayigi pi’ nga daken be denen, ya en ni Fak Got e be ayuweg fa’anem, ma Fa’anem nib Kireb e dabkiyag ni nge rin’ ban’en ngak.
Ere thingar mu li’ed ngem’ e ar’ar nu fayleng ni be maruwel u fithik’ i dowmed, ni aram e darngal, nge puwlag, nge ar’ar nib kireb nma waliy e girdi’ ko denen, nge chogow (ya chogow e bmit e tayfan nge meybil ni yibe tay ngak e liyos nma meybil boch e girdi’ ngay.)
De mat’aw ni nge un u l’ugunmed e thin ko darngal, ara thin nib golong, ara thin ko chogow, ni bochan e gimed girdi’en Got.
Ere dab um cheaggad ngak e girdi’ ni yad ma rin’ e tin ni dabi yib fan ban’en, nib mil suwon nga fithik’ e lumor. Machane ngam feked e pin’ey i yib ko tamilang. ( Mus ni ngan weliy murung’agen e pin’en nib mith ni yad be rin’ ma ba gel e tamra’ riy.)
Fa’anra mu damumuwgad, ma dab mpaged e damumuw romed nge fekmed nga fithik’ e denen; ma dab mpired ni gimed ba damumuw nge polo’ reb e rran.
Responsabilidade e restauração
O pecado tem consequências, mas Deus restaura o arrependido. Devemos corrigir uns aos outros com mansidão e cobrir o pecado com amor.
Pi walageg ni girdi’en Kristus, fa’anra rin’ be’ ban’en nib kireb, ma gimed e pi’in ni fare Kan ni Thothup e be gagiyeg nagmed e ngam guyed rogon fa’anem nge sul ngarogon nge par nike mat’aw bayay; machane thingar mu rin’ed u fithik’ e sumunguy. Ma ku er rogomed ni ngam guyed rogomed, nge dabiyag ni mu paged gimed ko n’en nma pingeg e girdi’ nge denen.
Pi walageg ni girdi’en Kristus, fa’anra rin’ be’ ban’en nib kireb, ma gimed e pi’in ni fare Kan ni Thothup e be gagiyeg nagmed e ngam guyed rogon fa’anem nge sul ngarogon nge par nike mat’aw bayay; machane thingar mu rin’ed u fithik’ e sumunguy. Ma ku er rogomed ni ngam guyed rogomed, nge dabiyag ni mu paged gimed ko n’en nma pingeg e girdi’ nge denen. Nge bigimed me ayuweg bigimed nge un i fek gilban fa’anem, ireray rogon ni gimed ra rin’ ma aram e kam folgad ko fare motochiyel ni pi’ Kristus.
"Fa’anra ngongliy be’ ni walagem e denen nib togopluw ngom, ma ga yan mu guy ngamog ngak e kireb nike rin’ nge nang. Machane mman ni go’ gur, ngam nonow ni go’ gimew. Ma fa’anra fol ko tin ni ga be yog, ma aram e kam sulweg walagem.
"Fa’anra ngongliy be’ ni walagem e denen nib togopluw ngom, ma ga yan mu guy ngamog ngak e kireb nike rin’ nge nang. Machane mman ni go’ gur, ngam nonow ni go’ gimew. Ma fa’anra fol ko tin ni ga be yog, ma aram e kam sulweg walagem.
"Kabfel’ ni yira the’ gafan ba malang ni ba ga’ nga belel’ugun be’ nga nin’ nga regur nge limoch, ko bin ni nge waliy reb e pi bitir ney ni kug mich u wan’ nge pi’ keru’ ngog.
Ere mangfan ni ga be sap nga ba tabyu’ ni bay u lan mit walagem, ma damur tiyan’um nga ba ley i gek’iy ni bay u lan owchem?
"Ya fa’anra mu n’iged fan u wun’med e kireb nike rin’ boch e girdi’ ngomed, ma ku errogon e Chitamangimed nu tharmiy nra n’ag fan u wan’ e kireb ni kam rin’ed.
Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.
Ere cha’ nde rin’ e tin ni bfel’ ni manang nsusun e ir e nge rin’ e ba kireb e rok, ni aram e ke denen.
Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!
Gimed e pi’in nda myul’yul’gad ngak Got! Da mu nanged ni fa’anra mfagergad ko fayleng ma aram e kam manged to’ogor rok Got? Cha’ nra finey ni nge mang fager rok e fayleng e aram e ke tay ir ni ir e to’ogor rok Got.
Taab l’ugunef e ir e gadad be pining e magaer riy ngak Got ma ku ir e gadad ma yibilay e girdi’ ngay ni nge buch ban’en rorad. Pi walageg ni girdi’en Kristus! Dab mu yodoroygad!
Ma ren’en ni ir e th’abi ga’ fan u fithik’ urngin ban’en e ngari bigimed me t’uf rok bigimed, ya rogon nib t’uf be’ rok be’ e ra upunguy bo’or e denen.
Fuga do pecado
Bem-aventurado o que não anda no conselho dos ímpios. O caminho do justo é guardado pelo Senhor, e sua Palavra nos protege da queda.
Ba felan’ e cha’
nma siyeg ni nge fol ko fonow rok e girdi’ nib kireb,
ma der folwok ko pi’in ni tadenen,
ara un ngak e pi’in dariy fan Got u wan’rad.
Mu teg ndab gu mul, ni bod rogon ni kam micheg;
dab mpageg nge gel e kireb ngog.
Girdi’ nib yul’yul’ e yad mmudugil ni dabi buch ban’en rorad, ma pi’in ndar yul’yul’gad e ran kolrad riy.
Be’ ni bfel’ e ma fek e tin ni bfel’ ko pin’en nib manigil nike kunuy nga laniyan’; ma be’ nib kireb e ma fek e tin nib kireb ko tin nib kireb ban’en nike kunuy nga laniyan’. Ya ra be’ ma be yog l’ugun e pin’en nib sug u laniyan’."
Ri gimed manang ni pi’in nib kireb e dabiyag ni ngar manged girdi’en e gin nsuwon Got. Dab mu ban niged gimed: ya girdi’ nma ngongliy e ngongol ko darngal, ara yad ma tayfan ma yad ma meybil ko liyos nma meybil boch e girdi’ ngay, ara yad ma par e pi’in gathi mabgol rorad, ara yad e pumo’on nma darngalnag e pumo’on, ara pi’in yad ma iring ban’en u fithik’ e yargel, ara yad ba chogow, ara yad ma balyang ko rrum, ara yad ma t’ar e thin nga daken boch e girdi’, ara yad ma th’ab e motochiyel — dariy bagayad e mit i girdi’ ney nrayag ngorad e gin nsuwon Got.
Me sul Pilate nga wuru’ e naun bayay me ga’ar ngak fapi girdi’ ni aram urngirad, "Mu sapgad, nggu fek Jesus ngomed ngaray nga wean ngam guyed ndawor gu pir’eg tapgin ni ngan turguy e gechig rok." Ma aram me yan Jesus nga wuru’ e naun ni kan te’eliyawnag ko te’eliyaw ni bay e rachangal riy ma ka nin’ fare mad nga daken nib ra’en purple. Me ga’ar Pilate ngorad, "Mu sapgad! Ba’aray fare mo’on!"
Ma fa’ani changar e pi tolang ko prist nge pi matanagen e Tempel nra guyed miyad tolul ni be lungurad, "Mu richibiy ko kuruth! Mu richibiy ko kuruth!"
Me ga’ar Pilate ngorad, "Ere mfeked nge mang gimed e mu richibiyed ko kuruth. Ya dawor gu pir’eg tapgin ni ngan turguy e gechig rok."
Fa’an gimed ra n’ag fan e denen rok e girdi’, ma aram e kan n’ag fan rorad; ma fa’anra dab mu n’iged fan rorad, ma aram e dawor nn’ag fan rorad."
Fa’an mang e mu ngongliy e tin ni bfel’, ma be m’ug u owchem ni gab felfelan’; machane bochan e kam ngongliy e tin nib kireb, ma aram e be son nigem e denen u langan e mab rom ni nge og ngom. Ba’adag ni nge gagiyeg nigem, machane thingar mu gel ngak."