Pensamentos
A Bíblia ensina que somos fruto dos nossos pensamentos. Por isso, Deus nos chama a renovar a mente, pensar em coisas nobres e guardar o coração com toda diligência.
Pensar no que é bom
Paulo nos exorta a pensar no que é verdadeiro, honesto, justo, puro, amável e de boa fama. A mente renovada é o caminho da transformação.
ಲಾಸ್ಟಮಾ, ಭಾಯೊ ಭೆನೊ ಕಯು ಕ್ಹರಿ ವ್ಹೈ ಕಯು ಚೊ಼ಕು ವ್ಹೈ ನ್ಯಾಯ ವ್ಹೈ,ಶುದ್ಧ ವ್ಹೈ ಮಯಾನಾ ಕಾಬಿಲ ವ್ಹೈ ಕಯು ಚೊ಼ಕು ದಿಕ್ಹಸ ಕಯಾ ಚೊ಼ಕಿಯೊ ಚಾಳಿಯೊ ವ್ಹೈ ವರಿ ಕಯು ಮರ್ಯಾದಿನೆ ಕಾಬಿಲ ವ್ಹೈ, ತೆ ಕ್ಹಾರಾವೊನಾಹುತಿ ಚಿಂತಾಕರಾಲಾ ಥಾವೊ.
ಎ ದುನಿಯಾ ರ್ಹಯಲನಿಂಗತ ನೈ ರ್ಹಯಾವಾಚಿ ಮನಸ ಬದ್ಲಿ ಕರಲಿನ ನವು ಮನಸ ಕರಲಿನ ರ್ಹವೊ. ತೆಳಾಮಾ ತುಮೆ ಕ್ಹುದಾನಿ ಚಿತ್ತನಾ ನಿಂಗತ ಕಯು ಚೊ಼ಕು ವ್ಹೈ, ಕಯು ಕೆಟ್ಟ ವ್ಹೈ ಕವಾನು ತಿಳ್ದಿಲಿವೊಸಿ.
ತಿನಾಹುತಿ ತುಮೆ ತುಮಾರು ಮನಸ ಸೆವೆನಾಹುತಿ ತಯ್ಯಾರ ಕರಿಲಿವೊ. ತೆನೈಸೊ ತುಮೊನೆ ತುಮಾರಿ ಹತೊಟಿಮಾ ಮ್ಹೆಲ್ಲಿವೊ. ಯೆಸು ಕ್ರಿಸ್ತ ಅಪೊನೆ ದಿಕ್ಹಾನಾ ಟೈಮಮಾ ತುಮೊನೆ ಮಳಾನಿ ಮರಗಾ ವರಿ ಮಳಾನಿ ವರಾಪರ ತುಮಾರಿ ಆಸ ಪುರಾ ರ್ಹೌ.
ಅಪ್ನೊಮಾ ಕಾಮ ಕರಾನು ತಿನಿ ತಾಕತಕ್ಹು ಅಪೆ ಪುಚ್ಚಾತಿಬಿ ವಿಚಾರ ಕರಾತಿಬಿ ಕೆಕ್ಲೊಕಿ ಘನ್ನು ಘನ್ನು ಕ್ಹುದಾ ಕರಸ. ತಿನೆ ಸಭೆಮಾಬಿ ಕ್ರಿಸ್ತ ಯೆಸುಮಾಬಿ ತಲ ತಲಾಂತರಮಾಬಿ ಯುಗ ಯುಗಾಂತರಬಿ ಮಹಿಮಾ ಥಾವಾದೆ. ಆಮೆನ.
Guardar a mente
A Palavra de Deus discerne os pensamentos e intenções do coração. Guardar a mente é proteger a alma das armadilhas do pecado.
ಕ್ಹುದಾನಿ ವಾಕ್ಯಾಮಾ ಜುವ ಶೆ ತೆ ಕಾಮ ಕರಾಲು ವ್ಹೈ, ವರಿ ಘನ್ನಿ ಧಾರ ರ್ಹಯಲ ತಲ್ವಾರತಿಬಿ ಖತರ್ನಾಕ ವ್ಹೈ, ಜ಼ಲಮ ಆತ್ಮಾವೊನೆ ಹಡಕಾ ಮಾಕ್ಹನೆ ಕಾಟ್ತು ಜಾ಼ವಸ. ಮನಸಮಾನಾ ವಿಚಾರೊನೆ ವರಿ ಉದ್ದೆಶನೆ ವಳಕಸ.
Os caminhos de Deus são mais altos
Os pensamentos de Deus são infinitamente superiores aos nossos. Devemos entregar nossos pensamentos a Ele e confiar em sua sabedoria.
Pensamento e conduta
Do coração procedem os males. A Bíblia nos adverte a não se preocupar excessivamente e a ter pensamentos sóbrios e disciplinados.
ಯೆಸು ವರಿ -ಮನಕ್ಹೊನಾ ಮ್ಹೈತು ಜಾ಼ವಾನುಜ಼ ಮನಕ್ಹೊನೆ ಹೊಲಸ ಕರಸ. ಯಕ್ಕ ಮನಕ್ಹನಾ ಮ್ಹೈತು ಕದ್ಯಾಮ ಮನಕ್ಹೊನಾ ಮನಸ ಮಾತು. ಜಾ಼ವಾನು ಕೈ ವ್ಹೈ ಕದ್ಯಾಮ ತೆ ತಿನೆ ಕೆಟ್ಟ ಕಾಮೊಮಾ ಚ಼ಲಾವಸ ತೆ ಕೈಯು ವ್ಹೈ ಕದ್ಯಾಮ ವೈಭಿಚಾರ ಕಾಮೊ ಚೊ಼ಟ್ಟಿತನಾ ಖಲಾಸ ಕರಾನು. ಸುಳಿತನಾ ಹಾದರತನಾ ದೊಕಡಾವೊಪರ ಆಸ ಕೆಡತನಾ ಮೊಸ ಸಂಗಟ ಘಾಲ್ಲಿವಾನು ಗಾಳೊ ದಿವಾನು ಸೊಕ್ಕಕ ಸುಳ್ಳ ಬೊಲಾನು. ಎ ಕ್ಹಾರಿಯೊ ಕೆಟ ವಿಚಾರೊ ಮನಕ್ಹೊನಾ ಮ್ಹೈತು ಗೈನ ತೆ ಮನಕ್ಹನೆ ಹೊಲಸ ಕರಸ ಕದ್ಯೊ.
ತಿನಾಹುತಿ ತುಮಾರಾ ಜ಼ಲಮನೆ ಚಾ಼ಯೆ ಥಯಲ ಅನ್ನನಾಹುತಿ ರ್ಹವಾದೆ ಅಂಗನೆ ಚಾ಼ಯೆ ಥಯಲ ವಣ್ಣಾನಾಹುತಿ ರ್ಹವಾದೆ ತುಮೆ ಚಿಂತಾ ಕರು ನೈ. ಜ಼ಲಮ ಅನ್ನತಿಬಿ ಅಂಗ ವಣ್ಣಾತಿಬಿ ಘನ್ನು ಖಾಸ ವ್ಹೈ ಕೈನ ಮಿ ತುಮೊನೆ ಕೌಸ.
ತುಮೆ ಪ್ರಾಥನಾ ಕರತಾಮಾ ಕ್ಹುದಾನೆ ನೈ ತಿಳದಿಲಿದಲ ಮನಕ್ಹೊಲಿಂಗತ ಪ್ರಾಥನಾ ಕರೊ ನಕೊ. ತ್ಯುನೆ ಮತಲಬ ನೈ ರ್ಹಯಲ ಸಂಗತಿಯೊ ಕತಾಜ ರ್ಹವಸ ಅಮ್ಮ ಪ್ರಾಥನಾ ನಕೊ. ತ್ಯುನೆ ಘನ್ನಾ ವಿಶಯ ಕವಾಕ್ಹು ಕ್ಹುದಾ ತ್ಯುನಿ ಪ್ರಾಥನಾ ಐಕಸ ಕವಾನು ತ್ಯುನಿ ವಿಚಾರ ವ್ಹೈ.
ತೆಕ್ಲಾಮಾಜ಼಼ ಹಜಾ಼ರೊಸಿ ಮನಕ್ಹೊ ಯಕ್ಲಾನಾ ಯಕ್ಲೊ ಖುಂದಾ ಯಕ್ಲಾ ಕುಡಿನ ಆಯಲ ಹುತಿ ತೆ ಪೈಲಾ ತಿನಾ ಶಿಷ್ಯಾವೊನೆ ಸು ಕದ್ಯೊ ಕದ್ಯಾಮ, ಫರಿಸಾಯರೊನಾ ಖಾಟಾ ಲೊಟ್ನಿ ವಿಷಯಮಾ ಕದ್ಯಾಮ ತಿವ್ನಿ ಕಪಟತನಾ ಹುತಿ ಹುಶಾರಕ್ಹು ರ್ಹವೊ. ಝಕಾಯಲ ಕಯುಜ಼ ಗ್ವತ್ತ ಥಾವಸ, ದಡೈನ ಮ್ಹೆಲಲ ಕ್ಹಾರಾವೊನಾ ಕ್ಹಾಮು ಆವಸ. ಇಮ್ಮ ರ್ಹಯಲ ಹುತಿ ತುಮೆ ಅಂದಾರಾಮಾ ಕದಲ ಉಜಾಲಾಮಾ ಐಕು ಆವಸ. ವರಿ ತುಮೆ ಖೊಲಿಮಾ ರ್ಹೈನ ಕಾನ್ಮಾ ಕದಲ ವಾತೊ ಮ್ಹಾಡಿನಾ ಘರಮಾ ಕವಸ.
"ಮಾರಾ ದೊಸ್ತೊ ಮಿ ತುಮೊನೆ ಸು ಕೌಸ ಕದ್ಯಾಮ, ತುಮಾರಾ ಅಂಗನೆ ಖಲಾಸ ಕರಾಲಾನೆ ಭುಚ಼ಕೊ ನಕೊ ತ್ಯುನೆ ವರಿ ಬಿಜು಼ ಸುಜ಼ ಕರತಾ ನೈ. ತುಮೆ ಕಿನೆ ಭುಜ್ಕು಼ ಕದ್ಯಾಮ, ತುಮೊನೆ ಖಲಾಸ ಕರಿನ ನರಕಮಾ ಘಾಲಾನೆ ಅದಿಕಾರ ರ್ಹಯಲ ವಾಲೊ ಕ್ಹುದಾನೆ ಯಕ್ಕಜ಼ ಭುಚ಼ಕು.
"ಪಾಂಚ಼ ಚಿಮ್ಣಿಯೊನಿ ಕಿಮ್ಮತ ಬೆ ಬಿಲ್ಲಾ? ರ್ಹಯುತಬಿ ಕ್ಹುದಾ ತ್ಯುನೊಮಾ ಯಕ್ಕನೆಬಿ ಇಕ್ಹರತೊ ನೈ. ತಿನಾನಿಂಗತಜ಼ ತಮಾರಾ ಮಾತಾಮಾ ಕೆಕ್ಕಲಾ ಬಾಲೊ ಛೆ ಕ್ಹುದಾನೆ ಗ್ವತ್ತ ಛೆ. ತಿನಾಹುತಿ ತುಮೆ ಭುಚಕೊ಼ ನಕೊ. ತುಮೆ ಘನಿಯೊ ಚಿಮ್ಣಿಯೊತಿಬಿ ಘನ್ನಾ ಕಿಮ್ಮತ್ನಾ ವ್ಹೈ.
"ಮಿ ತುಮೊನೆ ಸು ಕೌಸ ಕದ್ಯಾಮ, ಕಯೊಬಿ ಬಿಜಾ಼ ಮನಕ್ಹೊನಾ ಕ್ಹಾಮೊ ತೆ ಮನಕ್ಹ ಮಾರೊ ವ್ಹೈ ಕದ್ಯಾಮ ಮನಕ್ಹನೊ ದಿಕ್ರೊ ಬಿ ತೆ ಮನಕ್ಹನೆ ದೆವದುತೊನಾ ಕ್ಹಾಮೊ ತಿನೆ ಮಾರೊ ವ್ಹೈ ಕೌಸ. ವರಿ ಕಯೊಬಿ ಬಿಜಾ಼ ಮನಕ್ಹೊನಾ ಕ್ಹಾಮೊ ತೆ ಮನಕ್ಹ ಮಾರೊ ನ್ಹವೈ ಕದ್ಯಾಮ, ಮನಕ್ಹನೊ ದಿಕ್ರೊ ತಿನೆ ದೆವದುತೊನಾ ಕ್ಹಾಮೊ, ತೆ ಮನಕ್ಹನೆ ಮಾರೊ ನ್ಹವೈ ಕೌಸ. "ಕುನ್ನಬಿ ಮನಕ್ಹನಾ ದಿಕ್ರಾನಾ ವಿರುದ್ದ ಬೊಲಲ ರ್ಹಯೊಮ ತಿನೆ ಮಾಫ ಮಳ್ಸ. ವರಿ ಪವಿತ್ರ ಆತ್ಮಾನೆ ದೊಶ ದಿವಾಲಾನೆ ಮಾಫ ಮಳ್ತಿಜ಼ ನೈ. ಮನಕ್ಹೊ ತುಮೊನೆ ಸಬಾಮಂದಿರಮಾ ಅದಿಕಾರಿಯೊನಾ ಕ್ಹಾಮಾ ನ್ಯಾಯಾದಿಪತಿಯೊನಾ ಕ್ಹಾಮಾ ಮಂತ್ರಿಯೊನಾ ಕ್ಹಾಮಾ ತುಮೊನೆ ಯಳ್ದಿನ ನಿಂಜಾ಼ತಾಮಾ ತ್ಯುನಾ ಕ್ಹಾಮೊ ಸು ಬೊಲುಕೈನ ತುಮೆ ಚಿಂತಾನಕೊ ಕರೊ. ತೆ ಟೈಮಾ ತುಮೆ ಬೊಲಾನು ಪವಿತ್ರ ಆತ್ಮಾ ತುಮೆ ಸು ಕೌ ಕೈನ ತಿಳ್ಸಾವಸ"
ನಜಿಕ್ಮಾ ರ್ಹಯಲವಾಲೊ ಯಕ್ಲೊ ಯೆಸುನೆ, ಭೊದಕ ಹಮಾರೊ ಬಾ ಛೊಡಿನ ಗಯಲ ಮಾರಿ ಬಾನಿ ಆಸ್ತಿಮಾ ಮನೆ ವಾಟೊ ದೆ ಕೈನ ಮಾರಾ ಮ್ಹೊಟಾ ಭೈನೆ ಕೆ ಕದ್ಯೊ.
ತೆನೈಸೊ ಯೆಸು "ಮಿ ತುಮಾರಿ ನ್ಯಾಯ ಕರಾನೆ ವರಿ ತುಮಾರಾ ಬಾನಿ ಆಸ್ತಿಮಾ ತುಮೊನೆ ಭಂಬಿಜ಼ನಾವೊನೆ ವಾಟಿನೆ ದಿವಾನೆ ಮನೆ ಕುನ್ನ ಕದ್ಯುಸ? ತೆ ಥಯಲಪರ ಯೆಸು ತ್ಯಾ ರ್ಹಯಲ ಮನಕ್ಹೊನೆ "ಹುಶಾರ, ಕೈಬಿ ಆಸನೆ ಸ್ವಾರಥಮಾ ಪಡೆನೈಸೊ ಜಾ಼ಗಾ ರ್ಹವೊ. ಕಾಕದ್ಯಾಮ ಯಕ್ಲಾನೆ ಕೆಕ್ಕಲಿಬಿ ಆಸ್ತಿ ರ್ಹೈತಬಿ ತೆ ಆಸ್ತಿಕ್ಹು ತೆ ಮನಕ್ಹನೊ ಜ಼ಲಮ ನೈ ವಚಾ಼ಡಿಲೆತೊ "ಕದ್ಯೊ.
ಪಾಚ಼ಲ್ತೊ ಯೆಸು ಮನಕ್ಹೊನೆ ಯಕ್ಕ ಸಾಮ್ಯ (ಸಾಮ್ಯ ಕದ್ಯಾಮ ತಿನೆ ಮಳೈನ ಕವಾನು) ಕದ್ಯೊ" ಯಕ್ಲೊ ಘನ್ನೊ ಸೌಕಾರ ವ್ಹತ್ತೊ ವರಿ ತಿನೆ ಘನ್ನಿ ಜ಼ಗಾ ವ್ಹತ್ತಿ ವರಿ ಯಕ್ಕಸಲಾ ತಿನಿ ಜಿಮಿನ್ಪರ ಘನ್ನು ಅನಾಜ಼ ಉಟ್ಯುತು. ತೆಳಾಮಾ ತೆ ಸೌಕಾರ ರ್ಹಯಲವಾಲೊ ಮಿ ಹಮ್ನಾ ಸು ಕರು? ಮಾರು ಅನಾಜ಼ ಭರಿನ ಮುಕ್ಕಕಾನೆ ಜ಼ಗಾ ನತ್ತಿ! ತಿನಾಕ್ಹು ತೆ ಕೈಲಿದ್ಯೊ. ಪಾಚ಼ಲ್ತೊ ತೆ ಸೌಕಾರ, ಮಿ ಸು ಕರು ಕವಾನು ಮನೆ ಗ್ವತ್ತ ಛೆ. ಮಾರು ಅನಾಜ಼ ಮ್ಹೆಲಾನು ಘರ ಪಾಡಿನ, ಅನಾಜ಼ ಮ್ಹೆಲಾನಾ ಹುತಿ ಮಿ ಮ್ಹೊಟು ಘರ ಭಾಂದುಸ. ವರಿ ಅನಾಜ಼ ಕ್ಹಾರು ಜ಼ಮಾ ಕರಿನ ಭರಿನ ಮ್ಹೆಲಾವುಸ್, ಪಾಚ಼ಲ್ತೊ ಮಿ ಮಾರಾ ಹುತಿ ಘನ್ನಾ ವರಕ್ಹ ಚಾ಼ಯೆಥಯಲ ಅನಾಜ಼ ಕುಡ್ಸಿನ ಮ್ಹೆಲ್ಯೊಸ, ಖಾ. ಪಿ. ಖುಶಿ ಕರ! ಕೈಲ್ಯುಸ, ವಿಚಾರ ಕರಲಿದ್ಯೊ. ತೆನೈಸೊ ಕ್ಹುದಾ ತಿನೆ, ತು ಗ್ಯಾನ ನೈಸೊವಾಲಾ! ಆಜ಼ ರಾತೆಜ಼ ತು ಮರಸಿ! ಹಮ್ನಾ ಕೆ ತು ಕುಡ್ಸಿನ ಮ್ಹೆಲಲ ಅನಾಜ಼ ತೆ ಸು ಥಾಸ? ತೆ ಕ್ಹಾರು ಅನಾಜ಼ ಕಿನಾ ಪಾಲ ಥಾಸ? ಕೈನ ಪುಚ್ಯೊ.
"ತಿನಾಹುತಿ ಕುಡ್ಸಿನ ಮ್ಹೆಲಲ ಆಸ್ತಿ ಲಾಸ್ಟೆ ತಿನಿ ಗತಿ ಅಮ್ಮಜ಼ ಥಾವಸ. ಎ ಮನಕ್ಹ ಕ್ಹುದಾನಿ ನಜ಼ರಮಾ ಸೌಕರ ನ್ಹವೈ.
ಯೆಸು ತಿನಾ ಶಿಷ್ಯಾವೊನೆ ಅಮ್ಮ ಕದ್ಯೊ" ಎ ಕಾರಣ ಕ್ಹು ಮಿ ತುಮೊನೆ ಸು ಕೌಸ ಕದ್ಯಾಮ, ತಿನಾ ಜ಼ಲಮನಾ ಹುತಿ ಖಾವಾನು ಅನ್ನ ವರಿ ಘಾಲ್ಲಿವಾನಾ ಹುತಿ ವಣ್ಣಾವೊನಾ ಹುತಿ ಚಿಂತಾ ಕರೊ ನಕೊ. ಖಾವಾನಾ ಅನ್ನತಿಬಿ ಜ಼ಲಮ ಹೆಚ್ಚಿನ ವ್ಹೈ ವಣ್ಣಾವೊತಿಬಿ ಅಂಗ ಜ಼ರುರತ ವ್ಹೈ.
ಪಕ್ಕಷಿಯೊನೆ ದೆಕೊ. ತೆ ಬಿತ್ತತಿಯೊ ನೈ, ಕಾಟ್ತಿಯೊ ನೈ ತೆ ಪಕ್ಕಷಿಯೊ ಅನಾಜ಼ ತ್ಯುನಾ ಗುಡ್ಮಾ ಕುಡ್ಸಿನ ಮ್ಹೆಲ್ತಿಯೊ ನೈ. ಕ್ಹುದಾ ತ್ಯುನೊನೆ ಜ಼ತ್ತನ ಕರಸ್ತೊ. ತುಮೆ ಪಕ್ಕಷಿಯೊತಿಬಿ ಕ್ಹುದಾನಿ ನಜ಼ರಮಾ ಘನ್ನಾ ಚೊ಼ಕಾ ವ್ಹೈ. ತುಮೆ ಅನ್ನನಾ ಹುತಿ ವಣ್ಣಾವೊನಾ ಹುತಿ ಕೆಕ್ಕಲಾ ಚಿಂತಾ ಕರ್ಯಾತಬಿ ತುಮೆ ನಕ್ಕರಬಿ ಬೆಳತ್ತಿ ನೈ? ನ್ಹಾನಾ ಕಾಮೊ ತುಮೊನೆ ನೈ ಕರಾನೆ ಥಯುತಬಿ ಮ್ಹೊಟಾ ಕಾಮೊ ಕರಾನು ಕಾ ಚಿಂತಾ ಕರೊಶಿ?
ರಾನ್ಮಾ ರ್ಹಯಲ ಬೆಳ್ದಾನಾ ಫುಲ್ಲೊನೆ ದೆಕೊ. ತೆ ಫುಲ್ಲೊ ರಾಬ್ತಾ ನೈ. ತ್ಯುನಾ ವಣ್ಣಾ ಶಿಲೆತಾ ನೈ. ತಿಮ್ಮ ರ್ಹಯೊತಬಿ ಸೊಲೊಮೊನ ರಾಜಾ಼ನಿ ಅದಿಕಾರ ರ್ಹತಾಮಾ ತ್ಯುನಾಮಾ ಯಕ್ಕ ಫುಲ ನಿಂಗತಬಿ ಚೊ಼ಕಾ ವಣ್ಣಾ ಘಾಲ್ಲಿದ್ಯೊನೈ. ಎ ಬರೊಕ್ಹೊ ನೈಸೊವಾಲಾವೊ ಹಮ್ನಾ ರ್ಹೈನ ವ್ಹಂತ್ತಾ ಬಳಿ ಜಾ಼ವಾಲಾ ರಾನ್ಮಾನಾ ಚಾ಼ರೊನೆ ದೆಕೊ. ಕ್ಹುದಾ ತ್ಯುನೊನೆ ಕೆಕ್ಲೊ ಚೊ಼ಕೊ ಕರ್ಯೊಸ. ತೆ ಚಾ಼ರಾತಿಬಿ ಕ್ಹುದಾ ತುಮೊಪರ ಮಯಾ ಛೆ. ತುಮೊನೆ ಕೆಕ್ಲೊ ದೆಸ.
"ತುಮೆ ಸು ಖೌ? ಸು ಪ್ಯು? ಕೈನ ಕೆಳಾಮಾಬಿ ತುಮೆ ವಿಚಾರ ಕರೊ ನಕೊ. ವರಿ ಚಿಂತಾ ಕರೊ ನಕೊ. ಎ ಕ್ಹಾರು ಮಳಾದೆ ಕೈನ ಎ ಭುಲೊಕ್ನಾ ಮನಕ್ಹೊ ಪ್ರಯತ್ನ ಕರಸ. ಎಕ್ಹಾರು ತುಮೊನೆ ಚಾ಼ಯೆ ಕವಾನು ಸ್ವರ್ಗಮಾ ರ್ಹಯಲ ತುಮಾರಾ ಬಾನೆ (ಕ್ಹುದಾನೆ) ಗ್ವತ್ತ ಛೆ. ತೆನೈಸೊ ತುಮೆ ಪೈಲಾ ಕ್ಹುದಾನಾ ರಾಜ್ಯನಾ ಹುತಿ ಟೈಮ ದಿವೊ. ಪಾಚಾ಼ತು ತುಮೊನೆ ಚಾ಼ಯೆಥಯಲ ಕ್ಹಾರುಜ಼ ದಿವಸ.
"ನ್ಹಾನು ಮನಕ್ಹೊನು ಗುಂಪ ಭುಚ಼ಕೊ ನಕೊ, ತುಮೊನೆ ತೆ ರಾಜ್ಯ ದಿವಾನೆ ತುಮಾರಾ ಬಾನೆ ಆಸ ಛೆ. ತುಮೊಕನ ರ್ಹಯಲ ಆಸ್ತಿ ಇಕ್ಕಿನ,ಇಕ್ಕಿನ ಆಯಲ ದೊಕ್ಡಾ ತ್ರಾಸ್ಮಾ ರ್ಹಯಲ ಮನಕ್ಹೊನೆ ದಿವೊ. ಎ ಲೊಕಮಾ ಸೌಕಾರತನಾ ಹಮೆಶಾ ರ್ಹತಿ ನೈ. ತಿನಾಹುತಿ ಹಮೆಶಾ ರ್ಹವಾನುಜ಼ ಗಳ್ಸಿನ ಮ್ಹೆಲೊ. ಹಾಳ ನೈ ಥಾವಾನು ಆಸ್ತಿ ಸ್ವರ್ಗಮಾ ಗಳ್ಸೊ. ತೆ ಆಸ್ತಿನೆ ಚ್ವಟ್ಟಾ ಚೊ಼ರಿ ಕರತಾ ನೈ ವರಿ ತಿನೆ ನುಶಿಯೊ ಲಾಗ್ತಿಯೊ ನೈ. ತಮಾರಿ ಆಸ್ತಿ ಕಿಜಾ಼ ರ್ಹವಸ ತ್ಯಾಜ಼ ತುಮಾರು ಮನಸ ರ್ಹವಸ.
ತುಮೆ ವಣ್ಣಾ ಘಾಲ್ಲಿನ ತಯ್ಯಾರ ರ್ಹವೊ, ತುಮಾರೊ ದಿವ್ವೊ ಲಾಗಲ ರ್ಹವಾದೆ. ತುಮೆ ತೊ ತಮಾರೊ ಮಾಲಕ ಐನ ಬಾಕಲ ವಜಾ಼ಡಲ ಬರೊಬ್ಬರ ಬಾಕಲ ಕಾಡಾಲಾ ಥಾವೊ ಹಿವಾನು ಅನ್ನ ಖೈನ ಕೆಳಾಮಾ ಆವಸ ಕವಾನು ಗೊತ್ತ ನತ್ತಿ. ತುಮೆ ಕೆಳಾಮಾಬಿ ತಯ್ಯಾರ ರ್ಹವೊ. ಮಾಲಕ ಐನ ಕಯೊ-ಕಯೊ ಆಳ ಹುಶಾರ ಛೆ ಕೈನ ದೆಕಸ. ತೆಜ಼ ಆಳೊ ಧನೈ ವ್ಹೈ. ತೆಜ಼ ವಣ್ಣಾ ಘಾಲ್ಲಿನ ತೆಜ಼ ಆಳೊನೆ ಮಾಲಕ ತೆ ಆಳೊನೆ ಬಲೈನ ಬೈಟಾಡಿ ಅನ್ನ ಘಾಲಿನ ದಿವಸ ಕೈನ ಮಿ ತುಮೊನೆ ಕ್ಹರಿಜ಼ ಕೌಸ. ವರಿ ತೆ ಆಳೊ ತ್ಯುನಾ ಮಾಲಕನಾ ಹುತಿ ರಾತ್ನಾ ಬೆ ವಾಸ್ತಾ ನೈತೊ ತನ ವಾಸ್ತಾ. ಕೈದಾನು ಮಾಲಕ ದೆಕಿನ ಹಜು಼ನ ಜಾ಼ಗಾ ಛೆ ಕೈನ ತಿಳ್ದಿನ ತೆ ಘನ್ನೊ ಖುಶಿ ಥಾವಸ. ಎ ತುಮೊನೆ ಶೆ ರ್ಹವಾದೆ. ಚ್ವಟ್ಟೊ ಆವಾನು ಟೈಮ ಮಾಲಕನೆ ಗ್ವತ್ತ ರ್ಹಯುಮ, ತೆ ತಿನಾ ಘರಮಾ ಚೊ಼ರಿಕರಾನೆ ದಿವಸ್ಸು? ನೈ. ತಿನಾನಿಂಗತಜ಼ ತುಮೆ ತಯ್ಯಾರ ರ್ಹವೊ! ತುಮೊನೆ ಗ್ವತ್ತ ನೈರ್ಹಯಲ ಟೈಮಾಜ಼ ಮನಕ್ಹನೊ ದಿಕ್ರೊ ಆವಸ"
ತೆಳಾಮಾ ಪೆತ್ರಾ ಯೆಸುನೆ ಗುರು ಎ ಸಾಮ್ಯ ತು ಕದಲ ಹಮಾರಾ ಹುತಿ ವ್ಹೈಸು, ಸು ಮನಕ್ಹೊನಾ ಹುತಿ ವ್ಹೈ? ಕೈನ ಪುಚ್ಯೊ.
ಯೆಸು ಅಮ್ಮ ಕದ್ಯೊ" ಗ್ಯಾನಿ ರ್ಹಯಲ ವರಿ ಬರೊಕ್ಹಾನೊ ಥಯಲ ಆಳ ಕುನ್ನ ವ್ಹೈ? ಟೈಮ ಟೈಮೆ ಕರೆಟ್ಟ ಕುಲಿ ಆಳೊನೆ ಅನಾಜ಼ ತುಕಾ ಕರಿನ ದಿವಾನಾ ಘರಪರ ನೆಮಿಸಲ ಆಳಜ಼ ಬರೊಕ್ಹೊ ವಾಲೊ ವ್ಹೈ. ತೆ ಆಳ ತಿನು ಕಾಮ ಕ್ಹರಿ ಕ್ಹು ಕರತೊ ರ್ಹಯೊಮ, ಮಾಲಕ ಆತಾಮಾ ತೆ ಆಳನೆ ಘನ್ನಿ ಖುಶಿ ಥಾವಸ. ಮಿ ತುಮೊನೆ ಕ್ಹರಿ ಕೌಸ. ಮಾಲಕ ಆತಾಮಾ ತಿನಿ ಆಸ್ತಿಪರ ತೆ ಆಳನೆಜ಼ ನೆಮ್ಸಸ.
ತೆನೈಸೊ ತೆ ಆಳ ಕೆಟ್ಟ ರ್ಹಯೊಮ ತಿನೊ ಮಾಲಕ ಭೆಗಿನ ಆತೊ ನೈ ಕೈನ, ಕೈಲಿದ್ಯೊಮ ಸು ಥಾಸ? ತೆ ಆಳ ಮಾಲಕನಾ ಬಿಜಾ಼ ಆಳೊನೆ ಮಾರಾಸ ವರಿ ಖೈನ ಪಿನ ನಶಾಮಾ ರ್ಹವಸ. ಪಾಚ಼ಲ್ತೊ ತೆ ಮಾಲಕ ತೆ ಆಳನೆ ಗ್ವತ್ತ ನೈಸೊ ಟೈಮಾ ಐನ ತೆ ಆಳನೆ ಶಿಕ್ಷಾ ದಿನ್ನ ತೆ ಮಾಲಕ ಬರೊಕ್ಹೊ ನೈ ರ್ಹಯಲ ಮನಕ್ಹೊಮಾ ತಿನೆ ಢಕ್ಕಲಿ ಪಾಡಸ. ತಿನೊ ಮಾಲಕ ತಿನಾಕ್ಹು ಸು ಆಸ ಮ್ಹೆಲ್ಯೊಸ ಕೈನ ತೆ ಆಳನೆ ಗೊತ್ತ ವ್ಹತ್ತು. ತೆನೈಸೊ ತೆ ಆಳ ತಯ್ಯಾರ ನ್ಹೊತೊ. ವರಿ ತಿನೊ ಮಾಲಕ ದಿದಲ ಕಾಮ ತೆ ಆಳ ಕರ್ಯೊ ನ್ಹೊತೊ. ತಿನಾಹುತಿ ತೆ ಆಳನೆ ಮಾಲಕ ಶಿಕ್ಷಾ ದಿವಸ! ತೆನೈಸೊ ತಿನಾ ಮಾಲಕನಿ ಆಸ ನೈ ತಿಳದಿಲಿದಲ ಆಳ ತಪ್ಪ ಕರ್ಯೊಮ ತಿನೆ ಕಮ ಶಿಕ್ಷಾ ಮಳಸ. ವರಿ ತಿನಾ ಮಾಲಕ ಕದಲ ಕಾಮ ಛೊಡಿನ ತಪ್ಪ ಕಾಮ ಕರ್ಯೊಮ ತೆ ಆಳನೆ ಘನ್ನಿ ಶಿಕ್ಷಾ ಮಳಸ.
ವರಿ ಮಿ ಜಗತ್ಮಾ ಆಗ ಘಾಲಾನೆ ಆಯೊಸ! ಯಕ್ಕಲಾಮಾಜ಼ ಬಳ್ತು ರ್ಹೌ. ವರಿ ಮಿ ಬಿಜಿ಼ ತರಾನಿ ಬಾಪ್ತಿಸ್ಮ ವ್ಹಂದು. ತೆ ವ್ಹಂದೆಲಕ್ಕಕಾ ಮಿ ಘನ್ನೊ ಕಷ್ಟಮಾ ಛೆ. ಮಿ ಜಗತ್ನೆ ಸಮಾದಾನ ದಿವಾನೆ ಆಯೊಸ ಕೈನ ತುಮೆ ತಿಳದ್ಯಾಸು? ನೈ! ಮಿ ಜಗತ್ಮಾ ಮನಕ್ಹೊಮಾ ಭೆದ ಹುಟ್ಸಾನೆ ಆಯೊಸ! ಆಜ಼ತೊ, ಪಾಂಚ಼ ಜ಼ನಾ ರ್ಹಯಲ ಕುಟುಂಬಮಾ ಭೆದ ಹುಟ್ಟಸ. ತ್ಯುನೊಮಾನಾ ತನ ಜ಼ನಾ ಬೆ ಜ಼ನಾವೊನೆ ವಿರುದ್ದ ಥಾವಸ. ಬೆ ಜ಼ನಾ ತನ ಜ಼ನಾವೊಪರ ವಿರುದ್ದ ಥಾವಸ. ಬಾಪ ದಿಕ್ರಾಮಾ ಭೆದ ಹುಟ್ಟಸ. ದಿಕ್ರೊ ಬಾಪನೆ ವಿರೊದ ಥಾವಸ. ಬಾಪ ದಿಕ್ರಾನೆ ವಿರೊದ ಥಾವಸ. ಮಾ ವರಿ ದಿಕ್ರಿಮಾ ವಿರೊದ ಥಾವಸ. ದಿಕ್ರಿ ಮಾನೆ ವಿರುದ್ದ ಥಾವಸ. ಮಾ ತಿನಿ ದಿಕ್ರಿನೆ ವಿರುದ್ದ ಥಾವಸ. ಫೈ ವ್ಹವುಮಾ ಭೆದ ಹುಟ್ಟಸ. ವ್ಹವು ಫೈನಾ ವಿರುದ್ದ ಥಾವಸ. ಫೈ ವ್ಹವುನಾ ವಿರುದ್ದ ಥಾವಸ"
ಪಾಚ಼ಲ್ತೊ ಯೆಸು ಅಮ್ಮ ಕದ್ಯೊ "ಮ್ಹಾಡ ಪಶ್ಚಿಮ ದಿಕ್ಕಕತೊ ಮ್ಹೊಟು ಥಾವಾನು ದೆಕತಾ ರ್ಹತಾಮಾ ತೆ ದಿನಮಾ ಪಾನಿ ಆವಸ, ಕೈನ ಕವೊಸಿ. ತಿನಾ ನಿಂಗತಜ಼ ಪಾನಿ ಆವಸ. ದಕ್ಷಿಣ ದಿಕ್ತೊ ವಾರೊ ಚು಼ಟಸ, ಎ ದಿನೊಮಾ ಘನ್ನಿ ಝಳಾ ಥಾವಸ, ಕವೊಸಿ ತೆ ತಿಮ್ಮಜ಼ ಥಾವಸ, ತುಮೆ ಕಪಟ್ಯಾ ವ್ಹೈ! ತುಮೆ ಎಕ್ಹಾರು ತಿಳದಿಲಿವೊಸಿ, ಹಮ್ನಾ ಥಾವಾನು ತುಮೆ ತಿಳದಿಲಿವಾನೆ ಥಾತು ನೈಸು?
ತುಮೆಜ಼ ಕಾ ತಿರಪ ಕರು ನೈ? ಯಕ್ಲೊ ತುಮೊಪರ ಅಪವಾದ ಘಾಲಾನೆ ಕೊರಟೆ ಜಾ಼ತಾಮಾ ತಮಾರಿ ಸಮಶ್ಯಾ ವಾಟ್ಮಾಜ಼ ಬಗೆ ಹರಸಿಲಿವೊ ತುಮೊಕನ ಥಾವಾ ಯಕ್ಲು ಬಗೆ ಹರಸಿಲಿವೊ ನೈತೊ ತುಮೊನೆ ಬಿಜಕ್ಲೊ ಜಜ್ನಾ ಕ್ಹಾಮೊ ಯಳ್ದಿನ ನಿಂಜಾ಼ವಸ. ತೆ ಜಜ್ಜ ತುಮೊನೆ ಜೆಲ್ಮಾ ಘಾಲಾ ಲಗಾಡಸ್. ತಿಮ್ಮ ಥೈಯುಮ ತಮೊಕನ ರ್ಹಯಲ ತೆಕ್ಲಾ ದೊಕಡಾ ವರಿ ಆಸ್ತಿ ಜ಼ವೈಲಿವೊಸಿ ವರಿ ತೆಕ್ಲು ಥಯು ತಬಿ ತುಮೆ ಜೆಲ್ಮಾತಾ ಭಾರಾ ಆವಾನೆ ಥಾತುಜ಼಼ ನೈ"
ಕ್ಹುದಾ ಮನೆ ಖಾಸ ಯಕ್ಕ ವರಾ ದಿದ್ಯೊಸ. ತಿನಾಹುತಿಜ಼, ತುಮೊಮಾ ರ್ಹಯಲ ಹರ ಯಕ್ಕಲಾವೊನೆ ಎ ಸಂಗತಿಯೊ ತಿಳ್ಸಾವಾಡೊಸ. ತುಮೆ ತುಮಾರಾ ಔಕಾತತಿಬಿ ಘನ್ನು ತುಮಾರಾ ವಿಷಯಮಾ ತಿಳ್ದಿಲಿವೊ ನಕೊ. ತುಮೆ ತುಮಾರಿ ವಿಷಯಮಾ ಸು ತಿಳ್ದಿಲಿದ್ಯಾತಬಿ ತೆ ವಿಚಾರ ತುಮಾರಿ ಔಕಾತನೆ ಕರೆಟ್ಟ ರ್ಹೌ. ಕ್ಹುದಾ ತುಮೊನೆ ಕೆಕ್ಲೊ ಬರೊಕ್ಹೊ ದಿದ್ಯೊಸ ತೆ ಬರೊಕ್ಹಾ ನಿಂಗತಜ಼ ತುಮಾರಿ ವಿಷಯಮಾ ತಿಳ್ದಿಲಿವೊ.
ಭಾಯೊ ಭೆನೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ನಾಮ ಪರ ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ವಾದವಿವಾದ ನೈಸೊ ಬಿನ್ನಭೆದ ನೈಸೊ ಯಕ್ಕಜ಼ ಮನಸ್ಸಕ್ಹು ಯಕ್ಕಜ಼ ಉದ್ದೆಶಕ್ಹು ತುಮೆ ಯಕ್ಕಜ಼ ಥೈನ ರ್ಹವೊ.
ಮನಕ್ಹನಾ ವಿಚಾರೊ ತಿನಿ ಅಂತರ ಆತ್ಮಾ ನೈಸೊ ವರಿ ಕುನ್ನಜ಼ ತಿಳ್ದಿಲೆತಾ ನೈ; ಕ್ಹುದಾನಾ ವಿಚಾರೊ ಕ್ಹುದಾನಿ ಆತ್ಮಾ ನೈಸೊ ವರಿ ಕುನ್ನಜ಼ ತಿಳ್ದಿಲೆತಾ ನೈ.
ತುಮೊನೆ ತುಮೆಜ಼ ಮೊಸ ಕರಿಲಿವೊ ನಕೊ. ತುಮೊಮಾ ರ್ಹಯಲವಾಲೊ ಕುನ್ ತುಬಿ ತೆ ಎ ದುನಿಯಾಮಾ ಗ್ಯಾನಿ ವ್ಹೈ ಕವಾಲೊ ತೆ ಪಿಸಾಳೊ ಥೌಜ಼. ತೆಳಾಮಾ ತೆ ಮನಕ್ಹ ಕ್ಹರಿಮಾಜ಼ ಗ್ಯಾನಿ ಥಾವಸ.