Planejamento

12 ኑ ላይ ማራ ኦገን ኑ ጎኤታና መላ፥

ኑና ጭንጫተ ታማርሳ።

28 "ህንተፈ እስ አስ ሹቻ ኬ ኬፃናዉ ኮይኮ፥ ኬ ኬፅድ ኦንጋናዉ አይ መላ ሚሸ ኮሽያኮ ኮይሮትድ ኤራናዉ ቆፕ በኦናይ ኦኔ?

22 ዞረይ ይኮ፥ ቆፕዳባይ ሀድሬስ፤

ዳሮ ዞረይ ደእያ በሳን ቆፕዳባይ ፖለቴስ።

3 ነ ኦሶ ኡባ ጎዳስ ሀዳራ እማ፤

ኔኒ ቆፕዳባይ ፖለታና።

7

4 ዱረታና ጋዳ ዳቡሮፓ፤

ነ ቆፋ ሃራናዉ ጭንጫ ግዳ።

9 አስ ዎዛናን ባ ኦናባ ሀልቼስ፤

ሽን ሀልቾይ ጎዳ ማደን ፖለቴስ።

21 አስ ዳሮባ ሀልቼስ፤

ሽን ጎዳይ ግዳባይ ፖለቴስ።

8 ታ ቆፋይ ህንተ ቆፋ መላ፥

ታ ኦገይ ህንተ ኦግያ መላ ግደና"

ያጌስ ጎዳይ።

9 ሳሎት ሳኣፐ ቀይሳዳ፥

ታ ኦገይ ህንተ ኦግያፐ፥

ታ ቆፋይ ህንተ ቆፋፐ ቄስ።

29 ሀ ጭንጫተ ኡባይ ባ ዞርያንነ ባ ጭንጫተን ማላልስያ ኡባፈ ዎልቃማ ጎዳፐ ዬስ።

11 ታኒ ህንተዉ ቆፕያ ቆፋ ኤራይስ። ሄ ቆፋይ፥ ዉርሰይ ሎኦነ ኡፋይስ ደእያ፥ ህንተና ጎእያ ቆፋፐ አትሽን፥ ቆህያ ቆፋ ግደና።

7 ቱማ ኡባ ሃርያ ጎዳይ ባ ፁራ ናበታስ፥ ባ ኦሳንቾታስ ካሰትድ ቆንጭሶና ደእሸ አይኮካ ኦና።

4 ነ ዎዛና አሙዋ ነዉ እሞ፤

ነ ቆፋ ኡባ ፖሎ።

8 ታኒ ነናን አማነትያ ግሾ፥

ዎንታ ዎንታ ነ ሲቁዋባ ታና በሳ።

ታኒ ታ ሸምፑዋፈ ነና ዎስያ ግሾ፥

ታ ባና ኦግያ ታና በሳ።

ኡባባስ ዎደይ ደኤስ

1 ኡባባስ ዎደይ ደኤስ፤ ሳሎፐ ጋርሳን ኦሰትያባ ኡባስ

ዎደይነ ቃም ደኤስ።

10 ፆሳይ ባ ፁራ ባ አያና ባጋራ ኑስ ቆንጭስስ። ጌሻ አያናይ ሀር አቶሽን፥ ጌምዳ ፆሳ ፁራ ኡባ ፕልጌስ።

31 ገነ ኦያ አሳታ ቃናቶፓ፤

ኤንታ ኢታ ኦሱዋ ካሎፋ።

32 ጎዳይ ኢታ ኦያ አሳታ እፄስ፤

ሽን ሱረታ ዶሴስ።