O poder da oração

Alla tara ko

7 «Ai wa a matara foyi la, ai ri wo sɔrɔn; ai wa foyi ɲinin, a ri a sɔrɔn; ai wa da makonkon, a ri laka ai yɛ.

22 Ni ai ka lemɛniya la Alla rɔ, ai wa fen fen ɲinin a fɛ, ai ri wo sɔrɔn.»

24 Wo le kosɔn, n di a fɔ ai yɛ ko ai wa Alla matara mɛn na, ai ye la a la ko ai ra wo sɔrɔn, wo rɔ ai ri wo sɔrɔn.

13 Ai wa foyi maɲininka n tɔɔ rɔ, n di wo kɛ, sa a ri n Fa la gbiliya yiraka nde la, nde mɛn ye a Dencɛ ri. 14 Ni ai ka fen fen maɲininka nde tɔɔ rɔ, n di wo kɛ.

40 Piyɛri ka mɔɔilu bɛɛ labɔ bon na, ka i ɲɔnkin ka Alla matara. A ka a ɲa lɔ su rɔ ka a fɔ a yɛ ko: «Tabita, i wuli.» Muso ka a ɲa maka. A ka Piyɛri yen tuma mɛn na, a ka a wuli ka a sii.

29 Isa ka ii jabi: «Mɔɔ ti se jena wo ɲɔɔn gbɛnna ɲa si ma ni Alla matara tɛ.»

14 Ni jankarɔtɔ ye ii rɔ, wo ye lemɛniya mɔɔilu la dɛkuru ɲɛmɔɔilu kili. Ii ye tulu mun a kun ma Maari tɔɔ rɔ, ka Alla tara a yɛ. 15 Ni mɔɔ ka a la lemɛniya la Alla rɔ ka a matara, jankarɔtɔ ri kɛndɛya. Maari ri a lawuli. Ni jankarɔtɔ tun ka kojuu le kɛ, Maari ri woilu yafa a ma. 16 Wo le rɔ, ai ra kojuu mɛnilu kɛ, ii ye woilu fɔ i ɲɔɔn yɛ, ka Alla tara ai ɲɔɔn yɛ, sa ai ri kɛndɛya. Fanka ye telenba la tarali la a ye ko ɲala kosɛbɛ.

6 Ai kana hamin foyi la, kɔni ai ye ai makoilu fɔ Alla matara diya a ni baraka bila rɔ fen bɛɛ rɔ waati bɛɛ. 7 Nba, Alla ye jususuma mɛn dila, hankili foyi ti se a famunna, wo ri ai jusu ni ai miriya lakandan Ɲenematɔmɔnin Isa rɔ.

18 Ai ye Alla matara waati bɛɛ Nii Sɛniman baraka rɔ Alla matara su bɛɛ rɔ. Ai to ai ɲana wo rɔ, ka ai tunadiya waati bɛɛ Alla matara ma jama sɛniman bɛɛ la ko rɔ.