O poder da oração

मांगोगे तो मिलणा

7 "तुसा री जो बी जरूरत ए से परमेशरो ते माँगो और परमेशरो ते पाणे री उम्मीद बी राखो।

22 और जो कुछ तुसे प्रार्थना रे विश्वासो साथे मांगोगे, तो से सब तुसा खे मिली जाणा।"

24 तेबेई तो आऊँ तुसा खे बोलूँआ कि जो कुछ तुसे प्रार्थना करी की मांगोगे, तो विश्वास राखो कि तुसा खे मिली गा और तुसा खे ऊई जाणा।

13 और जो कुछ तुसे मेरे नाओं ते मांगोगे, सेई मां करना ताकि पाऊए री बजअ ते पिते री महिमा ओ। 14 जे तुसे मांते, मेरे नाओं ते कुछ बी मांगोगे, तो मां से करना।

40 तेबे पतरसे सब जणियां बारे करी तिया और कुटणे टेकी की प्रार्थना कित्ती और लोथा रे कनारे देखी की बोलेया, "ओ तबीता! उठ।" तेबे तेसे आपणी आखिया खोली तिया और पतरसो खे देखी की उठी की बैठी गी।

29 यीशुए तिना खे बोलेया, "ये एड़ी दुष्टात्मा ए जो बअरतो साथे प्रार्थना करने ते अलावा कोई और उपाय ते नि निकल़ी सकदी।"

14 जे तुसा बीचे कोई रोगी ए, तो मण्डल़िया रे बुजुर्गा खे बुलाओ और सेयो प्रभुए रे नाओं ते तेस पाँदे तेल मल़ी कि तेसखे प्रार्थना करो। 15 और प्रभुए रे विश्वासो री प्रार्थना रे जरिए रोगी बची जाणा और प्रभुए से ठवाल़ी की ठीक करना और जे तिने पाप बी करी राखे ऊगे, तो सेयो बी माफ ऊई जाणे।

16 इजी री खातर तुसे आपू-बीचे एकी-दूजे रे सामणे आपणे-आपणे पापो खे मानी लो और एकी-दूजे खे प्रार्थना करो, जेते की ठीक ऊई जाओ, तर्मी जणे री प्रार्थना रे असरो ते बऊत कुछ ऊई सकोआ।

28 तेबे सेयो मुसीबता रे बखते प्रभुए री दुहाई देओए

ओर से तिना खे बिपदा ते बचाई लओआ।

29 प्रभु तूफानो खे बंद करी देओआ

ओर लईरा शान्त ऊई जाओईया।

30 लईरा रे शान्त ऊणे रिया बजा ते सेयो खुश थे

ओर से तिना खे तेते बन्दरगाह रे सई-सलामत लई आए

जेती सेयो जाणा चाओ थे।

6 केसी बी गल्ला री चिन्ता नि करो। पर हर एकी परिस्थितिया रे तुसा री अर्ज, प्रार्थना और बिनतिया रे जरिए, धन्यवादो साथे परमेशरो सामणे ल्याए जाओ। 7 तेबे परमेशरो तुसा खे शान्ति देणी। ये शान्ति माणूंआ री समजा ते बिल्कुल बारे ए। एसा तुसा रे दिल और तुसा रे सोच-बिचार मसीह यीशुए रे सयी-सलामत राखणे।

18 हर बखत और हर प्रकारा ते पवित्र आत्मा री अगुवाईया रे प्रार्थना और बिनती करदे रओ और इजी खेई जागदे रओ कि सारे परमेशरो रे लोका खे लगातार बिनती करेया करो।