30 प्रभु यहोवा की या वाणी हइ. "येकालिये, हे इस्राएलिहोन, मी तुम्हारा मे से हर एक को न्याय ओका ही आचरण का अनुसार कर्यु, पश्चाताप करो. अपना सब पापहोन खे छोडी देव; तब पाप तुम्हारा लिये ठोकर खान को कारण नी बनन को." 31 अपना द्वारा कर्या गया सब अपराधहोन से दुर हुइ जाओ अरु एक नयो दिल अरु एक नइ आत्मा ली लेव. हे इस्राएल का दुनियाहोन. तुम कायबर मरनो चाहस हइ? 32 प्रभु यहोवा को यो वचन हइ . क्योकि मेखे कोइ का मरना से खुशी नी होय, येकालिये पश्चताप करो अरु तब ही तुम जिन्दा ऱ्हिये.

15 मी तरा काम खे जानुस हय कि तू नी ते ठंडो हइ अरु नी गरम अच्छो होतो कि तू ठंडो या गरम होतो. 16 येका वासते कि तू कुनकुनो हइ अरु नी ठंडो नी गरम, मी तोखे अपना मुडा मे ओगलना पर हय.

6 परमेश्वर अपना हर एक खे ओका काम का अनुसार फल दीये. 7 जो दुन्या सुकर्म मे लग्या ऱ्ही खे महिमा, अरु आदर, अरु अमरता खे ढुंड ना मे हइ, उनखे परमेश्वर अनन्त जिवन दिये. 8 पन जो स्वार्थी हइ, अरु सच्चाइ का नकारस हइ फिर बुरोकाम करी सखे असा दुन्याहोन पर परमेश्वर अपनी घुस्सा अरु प्रकोप गिरास हइ.

51 हे हठेला, अरु मन अरु कान का खतनारहित दुन्या खे तुम हमेशा पवित्र आत्मा का विरोध करस हइ. जसो तुम्हारा बापदादाहोन करता था, ओसो ही तुम भी करस हइ.

35 येका लिये अपनी हिम्मत नी छोडनु क्युकि ओको प्रतीफल बडो हइ, 36 क्युकि तुम खे धीरज धरनो जरुरी हइ, ताकि परमेश्वर कि इच्छा खे पूरी करीखे तुम प्रतीज्ञाहोन को फल पाये

37 "क्युकि वचन बोलस हइ,

भोत जल्दी जेखे आनो हइ उ

जल्दी आह्ये उ देर नी लगाय.

38 पर मरो धर्मी झन विश्वास से जिन्दो र्‍हियेका

अरु अगर उ पीछे हटी जाये ते

मरो मन ओका से प्रसन्न नी हूये" 39 पर हम बाजु आला को नाश हूइ जाये पर विश्वास करण आला हइ कि जान खे बचानु.

17 अगर कोय ओकी इच्छा पर चलनो चाह्ये, ते उ यो उपदेस का बारे मे जानी जाये कि उ परमेश्वर का तरफ से हइ, या मी अपना तरफ से बोलूस हइ.

38 पतरस ने उनसे बोल्यो मन फिरानु, अरु तुम मे से हर एक अपना अपना पापहोन कि माफ का लिये यीशु मसीह का नाम से बपतिस्मा लेनु; ते तुम पवित्र आत्मा को दान पाये.

7 येकालिये परमेश्वर का अधीन हुये जाए अरु सैतान को सामनो कर, ते वो तुमारा पास से भाग निकलस. 8 परमेश्वर का बाहेर आओ ते उ भी तुमारा पास आह्ये. हे पापी खे अपना हात धोय ले. अरु हे पाखंडिहोन, अपना दिल खे पवित्र कर.