Poder de decisão
Deus nos deu o poder de escolher. A Bíblia mostra que nossas decisões têm consequências eternas e nos chama a escolher sabiamente — a vida, a fé e o caminho de Deus.
A responsabilidade de escolher
Escolhei hoje a quem servireis. Cada decisão molda nosso destino, e Deus nos convida a escolher o caminho da vida e da obediência.
ज़ै तम्हैं बिधाते च़ाकरी नांईं करनी च़ाहंदै, तैहा गल्ला लआ आझ़ ई सोठी कि तम्हां कसरी च़ाकरी करनी? तै तम्हां फरात दरैऊआ पार तिन्नां देबते च़ाकरी करनी ज़सरी च़ाकरी थारै दाद-बाब करा तै? कि इधी तिन्नां अमोरीए देअआ-देबीए च़ाकरी करनी ज़सरी ज़ैगा तम्हैं एभै आसा बस्सै दै? रही मेरी गल्ल, मुंह ता करनी आपणैं टबरा संघी सदा बिधाते च़ाकरी।"
ज़ैहसू बोलअ तिन्नां लै इहअ, "तम्हैं आसा आपणैं शाजत आप्पी कि आझ़ छ़ांटी तम्हैं बिधाते च़ाकरी करनी।"
तिन्नैं दैनअ ज़बाब, "हाँ, हाम्हैं आसा ऐहा गल्ले शाजत।"
"हुंह मालक बिधाता बोला तम्हां इज़राईली लै, ‘मुंह करनअ तम्हां मांझ़ै हरेकीओ नसाफ ज़िहै तम्हैं कर्म किऐ तेऊ साबै। अज़ी बी बोला हुंह तम्हां लै पाप करनै का हटा पिछ़ू, थारै पापा निं तम्हां बरैबाद करनै दैआ। तिंयां पाप करनै छ़ाडा ज़ेता तम्हैं करदी आऐ, आपणैं मन्नैं सोठा भलअ, आप्पू भितरी नऊंईं आत्मां संघै ज़िऊआ ज़िन्दगी। तम्हैं इज़राईली किल्है आसा मरनअ हिछ़अ द? हुंह निं कोही मरना लै राज्ज़ी हंदअ। तम्हैं छ़ाडा पाप करनअ, संघा रहा ज़िऊंदै। अह गल्ल डाही मंऐं मालक बिधाता बोली।’"
मुखा आसा तेरै कामों थोघ कि तूह नांईं ता ठांढी आथी अर नांईं ता तात्ती आथी। भलअ हणअ त इहअ कि या; तूह ठांढी हंदी या तात्ती। तूह आसा स्तोती, तूह नां ठांढी अर नां तात्ती आथी, तैही लाई मंऐं तूह आपणीं खाखा का पोर्ही हुकरी।
Decisões e consequências
Deus retribuirá a cada um segundo as suas obras. As Escrituras nos alertam que a mornidão espiritual e a resistência ao Espírito têm consequências sérias.
परमेशरा दैणअ सोभी लै तिन्नें कामां भाल़ी तिन्नां लै बदल़अ।
ज़ुंण भलै कामां दी टेक्की रहे, अर प्रतप्प, अदर अर ज़िन्दगीए लोल़-तोप करदअ होए, तिन्नां लै दैणीं परमेशरा सदा रहणैं आल़ी ज़िन्दगी।
पर ज़ुंण सिधअ आपणैं ई बारै सोठणैं आल़अ, ज़ुंण सत्त नांईं मंदअ अर ज़ुंण कदुष्ट काम करा, तिन्नां लै एछणी परमेशरा रोश्शै अर तिन्नां लै दैणीं घोर सज़ा।
"हे हठू अर काना-मन्नें टौणैं लोगो, तम्हैं करा सदा पबित्र आत्मों बरोध। ज़िहअ थारै दाद-बाब करा तै, तम्हैं बी करा तिहअ ई।
आपणीं खरी दी निं प्रभू दी भरोस्सै करने आपणीं हैअ छ़ाडा, किल्हैकि तेतो भेटणअ तम्हां बडअ फल। किल्हैकि तम्हां लागा सबर करनअ ज़रूरी, ताकि परमेशरे मरज़ी पूरी करी तम्हां करारो फल भेटी सके। ज़िहअ पबित्र शास्त्रा दी परमेशर मसीहे बारै बोला,
"एछणैं आल़अ आसा छ़ेक्कै एछणैं आल़अ,
तेऊ निं खास्सी बल़ैग पाणीं।
ज़ुंण लोग मंऐं विश्वासा करै धर्मीं बणाऐं तिंयां रहणैं ज़िऊंदै,
हुंह निं तिन्नां का खुश हंदअ ज़ुंण विश्वासा का पिछ़ू हटा।"
पर हाम्हैं निं तिन्नां मणछा ज़िहै आथी ज़ुंण विश्वासा का पिछ़ू हटा अर बरैबाद हआ। हाम्हैं आसा खिरी तैणीं विश्वास डाहणैं आल़ै ज़सरी आत्मां बच़णीं।
Decisão e fé
Decida com fé, entregue seus planos ao Senhor e aja com determinação. Deus guia os passos de quem se achega a Ele de coração.
लोग पाआ पुछ़णा लै परच़ी कि बिधाता किज़ै च़ाहा,
पर बिधाता छ़ांटा तेता मांझ़ै एक आप्पै।
मणछ सोठा आपणैं दिलै कई गल्ला,
पर सफल हआ सह ई गल्ल ज़ुंण बिधाता सोठा।
सोभै गल्ला छ़ाडा बिधाता सेटा,
तेऊ करनी थारी गल्ला सफल।
सोभिओ मालक बिधाता किई मेरी मज़त अर तिन्नें बेइज़ती करनै करै बी निं मेरअ किछ़ बिगल़अ,
मंऐं निं छ़ाड छ़ाडी अर मंऐं काढी तिंयां गल्ला ज़िरी।
किल्हैकि मुखा आसा थोघ कि
बिधाता निं मुंह शर्मिंदै दैंदअ हणैं।
ज़ै कुंण परमेशरे मरज़ी दी रहे, तेऊ हेरनी ईंयां गल्ला समझ़ी कि ईंयां परमेशरा बाखा आसा कि मंऐं आप्पू बाखा खोज़ी?
तेखअ हणीं तिंयां मेरी परज़ा अर हुंह हणअ तिन्नों परमेशर। तिन्नें दिले पाणीं मुंह ज़िऊंणें एक्कै ई गल्ल कि तिंयां सदा मेरी डरा हेठे रहे अर तिन्नों आपणअ बी भलअ होए अर आजू तिन्नें आद-लुआदो बी भलअ होए।
पतरासै बोलअ तिन्नां लै, "आपणैं पापो प्राश्त करा संघा लआ तम्हैं सोभै आपणैं-आपणैं पाप माफी लै मसीहा ईशूए नाओंऐं डुबकी, तै भेटणीं तम्हां पबित्र आत्मां ज़ुंण परमेशरो दान आसा।
तैही रहा परमेशरे डरा हेठै। राख्सो करा बरोध, तै ठुहर्नअ सह तम्हां सेटा का दूर। परमेशरा नेल़ एछा, तै एछणअ सह तम्हां नेल़ बी, ओ पापी मणछो, पाप करनअ छ़ाडा, ओ दोगल़ै लोगो, आपणैं दिल करा शुचै।