Poder

8 I̱ndo̱ó máꞌ numuu rí ikháanꞌlaꞌ mu̱drígúlaꞌ tsiakhe̱, ído̱ gáꞌkha̱ Xu̱u̱ꞌ Ana̱ꞌlóꞌ ga̱jma̱á nindxa̱ꞌlaꞌ, a̱ꞌkhue̱n mu̱tha̱nlaꞌ rí gakon ga̱jma̱á numuꞌ ná Jerusalén, mbá xúgíí numbaa Judéa̱, ná numbaa Samária̱, jamí asndo ná ndámba̱-ri̱go̱o̱ rawuun numbaa.

7 Numuu rí Ana̱ꞌlóꞌ táxniálóꞌ Xu̱u̱ꞌ kajngó ma̱mi̱ꞌñálóꞌ gúne̱ xa̱bo̱, rí nixniálóꞌ Xu̱u̱ꞌ kajngó ma̱ri̱gá tsiakhe̱ gúꞌne̱lóꞌ, xúꞌkhue̱n máꞌ rí ma̱galóꞌ juꞌñúú xa̱bo̱ jamí rí ma̱ꞌnga̱lóꞌ mu̱ꞌthán-ñájun-mijnálóꞌ.

19 Jmínu̱úꞌ máꞌ ikhúúnꞌ ni̱xna̱ꞌlaꞌ tsiakhe̱ rí mu̱sngu̱tigi̱inlaꞌ a̱bo̱ꞌ gajmíí xi̱yú. Jamí ni̱xna̱ꞌlaꞌ tsiakhe̱ kajngó ma̱ꞌnga̱ꞌlaꞌ inuu mbá xúgíí ski̱yu̱u̱ꞌ xa̱bo̱ sia̱nꞌ, jamí nda̱a̱ nitháan rí gúgíꞌníílaꞌ.

12 Rí ajngáa rawuun Ana̱ꞌlóꞌ ndaꞌya ne̱ jamí gíꞌdoo ne̱ tsiakhe̱, jamí i̱tha̱án xíni ne̱ inuu asndo nguáa máꞌ chíde̱ rí a̱jma̱ rawuun. Najngúun ne̱ asndo awúún jamí na̱ro̱thongaa ne̱ ními̱i jamí a̱kui̱in xa̱bo̱, mangaa máꞌ na̱ro̱thongaa ne̱ nítú rí na̱ru̱wa̱a itsu̱u̱ xa̱bo̱ jamí ngáñúu itsu̱u̱. Xúꞌkhue̱n máꞌ ndaꞌyoo ne̱ rí nandxaꞌwá-mina̱ꞌ jamí nandoo gáꞌne xa̱bo̱.

20 Numuu rí xa̱bo̱ tsí nithán-ñájwíín eꞌne Ana̱ꞌlóꞌ, ra̱ꞌkhá i̱ndo̱ó naꞌthée̱n, rí naꞌnii̱ rí naꞌthée̱n ga̱jma̱á ski̱yu̱u̱ꞌ Ana̱ꞌlóꞌ.

17 Jamí ikhaa rí phú wáá ríge̱ꞌ mune̱ tsí nanimbu̱únꞌ juyeꞌ: ga̱jma̱á mbiꞌyuꞌ mu̱xkawíi̱n gíñá ꞌguéen, muthee̱n i̱ꞌwá ajngáa rí nuthan xa̱bo̱, 18 mu̱ra̱tuu̱n a̱bo̱ꞌ ga̱jma̱á ñawúu̱n, xí mu̱wa̱a̱n mbá thana xkawe̱ꞌ, nda̱a̱ rí gágíꞌníi̱ gáꞌne ne̱. Xúꞌkhue̱n máꞌ mu̱xkra̱mii̱ xa̱bo̱ tsí najáñúú, jamí ikhii̱n ma̱ꞌnii̱ a̱kuíi̱n».

12 Na̱tha̱nꞌ-jmbalaꞌ rí xa̱bo̱ tsí nanimbo̱o̱ꞌ jaꞌyeꞌ ikhúúnꞌ, ma̱ꞌnii̱ mangaa̱ rí na̱ne̱ ikhúúnꞌ. Jamí asndo i̱tha̱án máꞌ mba̱ꞌwo̱ rí ma̱ꞌnii̱ ikhaa̱, numuu rí ikhúúnꞌ naka̱aꞌlo̱ꞌ ná xtáa Tátéꞌ.

13 Mbá xúgíí máꞌ na̱ꞌngo̱ꞌ numuu rí Krísto̱ naxníꞌ tsiakhe̱.

Tsiakhe̱ rí naxná Ana̱ꞌlóꞌ

10 Rí nda̱wa̱á jayu rá, a̱ngui̱nꞌ, ga̱wajún-gúkuálaꞌ ga̱jma̱á ski̱yu̱u̱ꞌ Táta̱ rí tsíyámba̱.

11 Xúꞌkhue̱n máꞌ nu̱nda̱ꞌáa̱xo̱ꞌ rí ma̱ꞌne gúkuáanꞌlaꞌ ga̱jma̱á mbá xúgíí ski̱yu̱u̱ꞌ Ana̱ꞌlóꞌ rí phú wáá, kajngó ma̱ꞌngo̱o̱ a̱kia̱nꞌlaꞌ jamí ma̱wajún-gúkuálaꞌ inuu mbá xúgíí gaꞌkho̱.

7 Ikhaa jngó, gu̱ni̱ꞌñá-mijnálaꞌ rí maꞌthán-ñájwanlaꞌ Ana̱ꞌlóꞌ. Ga̱wajún-ꞌthi̱ínlaꞌ gixa̱a̱, a̱ꞌkhue̱n rí ikhaa̱ magáyuu̱ ma̱ꞌgee̱ i̱mba̱ janíí.

39 A̱ꞌkhue̱n ni̱tu̱xu̱u̱ꞌ Jesús, nixná-ñájuu̱n gíñá, jamí niꞌthúu̱n ñañuu a̱pha̱: «¡Atatsíñáá! ¡Wíí gáꞌne!». A̱ꞌkhue̱n núkho̱ máꞌ ni̱we̱je̱ gíñá, jamí mbá xúgíí nibáa-wíyuu ná inuu iya. 40 A̱ꞌkhue̱n niꞌthúu̱n tsí naꞌsngúu̱n: «Náá numuu kajngó namíñalaꞌ guéño róꞌ. Xóó máꞌ na̱nguá wéje̱ a̱kia̱nꞌlaꞌ ju̱yo̱ꞌ ráanꞌ».

41 A̱ꞌkhue̱n i̱tha̱án nimíñúu̱, jamí ni̱ra̱xe̱-mijnée̱: «Tsáa xa̱bi̱i̱ ñajuun tsíge̱ꞌ, rí asndo gíñá jamí iya nanimbo̱o̱ꞌ rí naꞌthán róꞌ».