Gravidez e maternidade
Gravidez e maternidade são bênçãos celebradas na Bíblia. Deus forma cada criança no ventre, cuida da mãe e da família, e abençoa a geração dos justos.
Filhos são herança do Senhor
Deus abençoa a fertilidade e o crescimento das famílias. Cada criança é obra de suas mãos, conhecida e amada antes mesmo de nascer.
God bar deravɨra ia gami moghɨn, a nguazir kamɨn ikɨziba bar, men tongɨn ikɨzir igharazitam, ian mɨn deragha me gamizir puvatɨ. Ian amiziba, ko ian bulmakaun amebaba, tam pura ikian kogham, me bar moghɨra otam.
Ezɨ Israelɨn gumazamiziba borir avɨrim batima, men avɨrim bar ekevegha bar avɨrasemegha gavgavigha Isipɨn kantri bar a gizɨfa.
Gumazir aghuibar boriba, nguazir kamɨn ikɨ
ziar ekiaba ikiam.
Men ovavir boriba,
Ikiavɨra Itir God deravɨra me damuam.
Guizbangɨra, nɨ nan mɨkarzimɨn ingarir dughiam,
nɨ nan amebamɨn navir averiamɨn aven bar nan ingarizɨ,
nan mɨkarzim bar moghɨra iti.
Nɨ nan mɨkarzimɨn ingari,
ezɨ nan mɨkarzim bar deragha igharagha gari.
Kamaghɨn kɨ nɨn ziam fe.
Bizir nɨ ingariziba, da bar dera,
ezɨ kɨ guizbangɨra uan navir averiamɨn aven bizir kabagh nɨghnɨgha dagh fo.
Kɨ uan amebamɨn navir averiamɨn aven modoghav ikia nɨmɨram irivima,
nɨ nan agharibar garima da ekɨva uari isavsuiki.
Nan amebam tɨghar na batamin dughiam,
nɨ faragha nan ganigha gɨfa.
Bar fomɨra, kɨ tɨghar nguazimɨn otivam,
kɨ nguazir kamɨn ikiasa nɨ ifongezɨ moghɨn dughiaba nɨ da osirigha gɨfa.
Boriba, kar bizir aghuir Ikiavɨra Itir God anɨdiba,
da bar dera.
Kɨ Ikiavɨra Itir God, ian God, kɨ ian azai,
Kɨ ti amizim gamima a borim batasa mɨzazim isi,
egh manmaghsua, kɨ an navim apɨrightɨ, an borim otoghan kogham?
Bar puvatɨgham.
Força e cuidado na gravidez
Deus dá forças à mulher grávida e a sustenta em cada etapa. Sua graça é suficiente e seu poder se aperfeiçoa na fraqueza.
Krais zurara gavgavim na ganɨdi, ezɨ an akurvazimɨn kɨ biziba bar dar amuamin gavgavim iti.
Ezɨ a kamaghɨn na mɨgei, "Nan apangkuvim nɨ baghavɨra iti, eghtɨ nɨ bizitamɨn oteveghan kogham. Guizbangɨra, nan gavgavim, gumazamizir gavgaviba puvatɨziba, bar me gizefi." Ekiam kamaghɨn mɨkemezɨ, kɨ datɨrɨghɨn gumazir gavgaviba puvatɨzimɨn mɨn ikia bar akuegha iti, eghtɨ Kraisɨn gavgavim na ko ikɨ na avaragham.
Nɨ nan dɨmdiam baregh zuamɨra nan akuragh!
Nɨ dagɨar ekiamɨn mɨn na modogh.
Nɨ dɨvazir gavgavimɨn mɨn ikɨ na ekɨarughtɨ,
nan apaniba na abɨnan kogham.
Kɨ uan nguibamɨn saghon iti, ezɨ nan navim bar oseme.
Nɨ nan akurvaghasa kɨ nɨn dei.
Nɨ na inigh mangɨ dagɨar gavgavimɨn aven na modoghtɨ,
nan apaniba na gasɨghasɨghan kogham.
A sipsipbagh eghuvir gumazimɨn mɨn,
uan gumazamiziba deragha me geghuva men gari.
A zurara uan agharimningɨn sipsipɨn nguziba akumakua,
me isa uan evarim garɨgha, me ateragha arui.
A sipsipɨn amebar nguzir bar muziariba itiba, a men asughasugha,
me isa tuaviba men akakagha, men akua zui.
"Ia Israelɨn ikiavɨra itir varazira ia oragh, ia Jekopɨn anabamɨn adarasi,
ian amebaba ia batezir dughiamɨn, ian gumazamizir ikɨzir igiamɨn otivizir dughiamɨn ikegha iza datɨrɨghɨn,
kɨ ia inigha ia atera, bar deravɨra ian gari.
Kɨ ian God, kɨ ian ganvɨra ikɨ mangɨ,
ia bar ghurigh dapanir arɨzir ghurghuriba otivighamin dughiam otogham.
Kɨ fomɨra uabɨ ian ingara ia gamizɨ, ia gumazamizir ikɨzir vamɨran oto,
egh kɨ zurara ia aterɨva, ian gan ian akurvagham.
A bênção da maternidade
A Bíblia honra a maternidade como ministério sagrado. As mães são instrumentos de Deus para formar vidas e transmitir a fé.
Amizim boriba batir ingangarim damuva, egh nɨghnɨzir gavgavim zurara Kraisɨn ikɨva uabɨ isɨva a danɨngɨva zuegh ikɨ, egh a igharaz darazigh ifongegh, arazir aghuibar gɨn mangɨtɨ, God an akuragham.
Ezɨ an boriba dɨkavigha uan amebamɨn ziam fava a dɨbora ghaze, "Kar en amebar bar aghuimra." Ezɨ an pam uaghan an ziam favɨra ikia ghaze,
Ezɨ Adam uan amuim Iv ko akuizɨma, amizim navim asangi. Egha amizim otarir mam bategha ghaze, "Ikiavɨra Itir God nan akurazɨma, kɨ otarir kam ini." Kamaghɨn an otarir kam ziam, "Kein," a gatɨ.
Ezɨ Ikiavɨra Itir God Sara mɨkemezɨ moghɨn deragha a gami. Ezɨ Abraham bar ghurizir dughiamɨn, Sara otarim bate. A God inabazir dughiamrama, otarim bate.
Ezɨ Aisakɨn amuim boriba puvatɨ, ezɨ Aisak Ikiavɨra Itir God ko mɨgɨa ghaze, nɨ na baregh nan amuimɨn akuraghtɨ a boritam iniam. Ezɨ Ikiavɨra Itir God, Aisakɨn mɨgɨrɨgɨam baraghizɨ, Rebeka navim adai.
Dughiar mong otevimɨn gɨn, Hana navim asegha otarim bate. Egha ghaze, "Kɨ Ikiavɨra Itir Godɨn azarazɨma, a borir kam na ganɨngi. Ezɨ kɨ ziam Samuel a gatɨ."
Proteção divina
Deus protege a mãe e o bebê, guardando-os de todo mal. Ele acompanha cada momento com ternura e fidelidade.
Gumazim, Godɨn Bar Pɨn Itim, deragh an gansɨ an a bagh mangɨtɨ,
God deragh an ganam.
A Godɨn Gavgaviba Bar Itimɨn boroghɨn ikɨtɨ,
God dughuazimɨn mɨn anevaragham.
Gumazir kam Ikiavɨra Godɨn mɨkɨm suam,
"Nɨ nan dɨvazir gavgavimɨn mɨn itima,
kɨ nɨn aven uabɨ moga deravɨra iti.
Nɨ nan God.
Kɨ nɨghnɨzir gavgavim nɨrara iti."
Ikiavɨra Itir God nɨ geghuv deragh nɨn gantɨ,
bizir kuratam nɨ gasɨghasighan kogham.
Nɨ uan dɨpenim ataghɨraghamin dughiam,
a nɨ geghuv deragh nɨn ganam.
Egh nɨ ua izamin dughiam, a kamaghɨra damuam,
a datɨrɨghɨn ko, dughiar gɨn izamibar,
kamaghɨra damuam.
"Kɨ tɨghar nɨn amebamɨn navir averiamɨn aven nɨn ingaramin dughiam,
kɨ nɨ gɨfogha, nɨ ginabagha gɨfa.
Nɨn amebam tɨghar nɨ batamin dughiamɨn,
kɨ kantribar tongɨn akam inigha izir gumazimɨn ingangarim damuasa nɨ amɨsefe,
nɨ na baghavɨra ikiamin gumazimɨn ikiasa, kɨ nɨ amɨsevegha gɨfa."
Eghtɨ gumazitaba uariv soghɨva amizir navim asangizim mɨsueghtɨ, a borir kuam bateghtɨ, amebam deraghtɨ, gumazir amizim mɨsoghezir kam, an pam ifongezɨ moghɨn gumazir kam dagɨabar uan osɨmtɨzim akɨram. Eghtɨ araziba tuisɨzir gumazim dagɨar kabar amamangatɨghtɨ, gɨn amizir kamɨn pam da iniam. Eghtɨ amizim osɨmtɨzim inightɨ, ia bizir kam ikaragh osɨmtɨzim gumazir a mɨsoghezim datɨgh. Amizim aremeghtɨ, ia gumazir kam mɨsueghtɨ an aremegh.
Ezɨ Ikiavɨra Itir God kamaghɨn men akam ikaragha ghaze,
"Amebatam ti otezir borir iririvimɨn apangkuvigh otem a danighan kogham o?
Amebatam ti kamaghɨn damuam,
ezɨ ko, kɨ ia bakɨnɨghnighan kogham. Bar puvatɨgham.
Esperança e promessa
A maternidade é caminho de esperança. Como Sara, Ana e Isabel, as mães encontram na fé a força para aguardar as promessas de Deus.
Ezɨ Sara uaghan nɨghnɨzir gavgavim Godɨn iti. A guizbangɨn bar ghurigha boritam batan kogham. Egha a nɨghnɨzir gavgavim iti. Egha borim batamin gavgavim ini. Sara kamaghɨn nɨghnɨsi, "God na mɨgɨa ghaze, ‘Nɨ boritam batam,’ egha akam kɨri. Kɨ fo, God guizbangɨra mɨkeme."
Nɨ nɨghnɨzir gavgavim Godɨn iti, ezɨ Ekiam nɨ mɨkemezɨ moghɨn bizibar nɨ gami. Kamaghɨn amizɨ nɨ bar akongegh."
Ezɨ Maria kamaghɨn mɨgei:
"Kɨ pura Ekiamɨn ingangarir amizim,
kamaghɨn amizɨma a na ginɨrɨ.
Kamaghɨn amizɨ nan navim Ekiamɨn ziam fe.
Ezɨ nan duam God bagha bar akonge, a nan akurvazim.
God a bar gavgavigha bizir bar ekiabar na gami.
Ezɨ an ziam bar zuegha dera.
Kamaghɨn amizɨ, datɨrɨghɨn tugh mangɨ gumazamiziba na mɨkɨm suam,
God deravɨra nɨ gami.
An amizir boriba batir puvatɨziba deragha me akɨrizɨ,
me borir avɨriba bata bar akonge.
E Ikiavɨra Itir Godɨn ziam fam!
Kɨ deragh Sara damutɨ, a nɨ bagh otarim batam. Kɨ Sara deragh a damutɨ, a kantrin avɨribar gumazamizibar inaghamimɨn otivam, eghtɨ men tarazi atrivibar ikiam."
Nɨn amuim, wainɨn ikarɨzimɨn mɨn
ava ovɨzir avɨriba iti moghɨn, a borir avɨriba batam.
Nɨn boriba bar avɨrasemegh nɨn avir mɨriam,
olivɨn temer igiabar mɨn bar an okarigham.