14 ኢንቴ ማላ ኣንጄቲዳ ዴሬይ ኣላሜ ቦላ ሙሌካ ዴና፤ ኢንቴ ጊዶፌ ማጫ ጊዲን ዎይኮ ኣቱማስ ጊዲን ሄሳካ ኢንቴ ሜሄታ ጊዶን ማይኔይ ቤቴና።

7 ጊዶ ኣቲን ኢስራኤሌ ዜሬቲ ዬሌቲዲ ኬሂ ዳሪዳ፤ ሄ ቢታ ኩማና ጋካናስ ኢስቲ ኬሂ ጮራቲዳ።✝

2 ኢዛ ናይቲ ቢታን ዎልቃማ ጊዳና፤

ሱሬ ኣሳታ ዬሌታይ ኣንጄታና።

13 ኔኒ ታ ኣሳቴ

ኡባ ሜዳሳ፤

ታ ኣዬይ ኡሎንካ

ታና ቲላ ሜዳሳ።

14 ኔኒ ታና ኬሂ ዬጋልኔ

ማላሊሲዛዝ ሂስታ

ሜዳ ጊሻስ

ታ ኔና ጋላታይስ፤

ኔ ኦሶቲ ማላሊሲዛይታ!

ታ ሼምፖያ

ሄሳ ኡባ ኤራዉስ።

15 ታኒ ጌማሶን ሜቲዳ ዎዴ

ታ ሜቄቲ

ኔፔ ጌሚቤቴና፤

ታኒ ታ ኣዬይ ኡሎን ጪማ ጊዶን

ሂላን ኦሴቲዛ ዎዴ፥

16 ታ ኣዪ ኡሎን ቡሮ ሱ ጊዳ

ታ ዲሺን ኔ ኣይፌቲ ቤኢዳ፤

ታ ላይታፔ ኢሶይኔ

ዶሜቶንታ ዲሺን

ታስ ኔኒ ባሪዳ ጋላሳቲ ኡባይ

ኔ ማዝጋባን ጻፌቲዳ።

3 ናይቲ ጎዳፔ ኢሜቲዛ ኢሞታታ፤

ናይቲካ ቱማፔ ኢዛ ዎይቶ።

9 ዬሌታና ማቲዳይሳ

ዬሌቶንታ ማላ

ታኒ ዲጋዚና?» ጌስ ጎዳይ።

«ዬሊሺን ዬሊዛ ኡሎ

ታ ጎርዳ ኤራዚና?»

ጌስ ኔ ጎዳይ።

13 ታስ ዎልቃ ኢሚዛ ኪርስቶሳን ታኒ ኡባ ሚሽ ኦናስ ዳንዳያይስ።

9 ጊዶ ኣቲን ጎዳይ፥ «ታ ዎልቃይ ኩሜ ጊዲ ቆንጫናይ ኔ ዳቡርሳን ጊዲዳ ጊሻስ ታ ኪያቴ ኔስ ጊዳና» ጊዴስ፤ ሄሳ ጊሻስ ኪርስቶሳ ዎልቃይ ታ ቦላ ጊዳና ማላ ኣይ ዎዴፔካ ቦላራ ታኒ ዳቡርሺን ሄ ዎዴ ኡፋይሳን ጬቄታናስ ዶሳይስ።

2 ኔ ሃይ ታኮ ዛራ፤

ኤሶን ታና ኣሻ፤

ኔኒ ታና ጌንዛ ዛላ ጊዳ፤

ታና ኣሺዛ ሚኖ ሚጻ

ታስ ጊዳ።

2 ታ ዎዚናይ ታሂን

ቢታ ጋጻን ዳሼ ታ ኔና ጼይጋይስ፤

ታፔ ቂዛ ዛላኮ ታና ካሌ።

11 ኢዚ ባ ዉዴ

ሄንንቻ ማላ ሄሜስ፤

ባ ላቃታካ

ባ ቄሴን ቶኬስ፤

ባ ኪኦንካ ኢዲሜስ፤

ንዛይታካ

ሎዳራ ካሌስ።✝

3 ጎዳይ፥ «ኢንቴኖ ያቆቤ

ሶ ኣሳቶ!

ኢስራኤሌፔ ኣቲዳ ኡባቶ!

ኢንቴ ኢንቴ ኣዪ ኡሎን

ሻራ ኣቶሳፌ ሃ ሲሚን

ኢንቴና ታ ኦይኪዳይቶ!

ኢንቴ ዬሌቶሶፌ ዶማዳ

ታ ቶኪዳይቶ!

ታ ጊዛ ሲዪቴ።

4 ኢንቴ ጪሚዲ

ፑሉማና ጋካናስካ

ኢንቴና ቶኪዛይ ታና፤

ታኒ ታና፤

ታኒ ኢንቴና ሜዲስ፤

ታኒ ኢንቴና ቶካና፤

ታኒ ኢንቴና ካፋና፤

ታ ኢንቴና ኣሻና።

15 ጊዲኮካ ማጫሲ ኣማኖኒኔ ሲቆን ጌሻቴን ባርካ ባና ሃሮን ሚኒኮ ና ዬሎን ኣታና።

28 ኢዚ ናይቲ ኢዞ፥

«ኣንጄቲዳሬ» ጌቴስ፤

ኢዚ ኬ ኣዋይካ

ኢዞ ጋላቲሼ፥

1 ኣዳሜይ ባ ማቾ ሄዋኒራ ኣቂን ኢዛ ሻራዳ ኣቱማ ና ዬላዱስ፤ «ጎዳይ ታና ማዲን ኣቱማ ና ዴማዲስ» ጋሼ ኢዛ ቃዬሌ ጋ ሱንዱስ።

1 ጎዳይ ሳራ ቆፒዴስ፤ ካሴ ኢዚስ ዮቲዳ ማላካ ኦዴስ። 2 ሳራይ ሻራዳ ጪማቴን ኣብራሃሜስ ጾሲ ጊዳ ዎዴይ ጋኪን ኣቱማ ና ዬላዱስ።✝

21 ዪሳቂ ባ ማቺያ ማይኔ ጊዲዳ ጊሻስ ኢዚስ ጎዳ ዎሲን ጎዳይ ኢዛ ዎሳ ሲዪዴስ፤ ሂስቲን ኢዛ ማቺያ ኢርቢቃይካ ቃንታዱስ።

20 ሂስቲን ሃናይ ቃንታዱስ፤ ኢዚስ ዎዴይ ዉሪን ኣቱማ ና ዬላዱስ፤ ናዛ ሱንካ፥ «ጎዳፔ ዎሳዳ ዴማዲስ ጋሼ ሳሜላ» ጋ ሱንዱስ።

1 ኡባፌ ቃ ጎዳን

ዜምፒ ዴኢዛይ፥

ኡባ ዳንዳይዛ

ጾሳ ኩዋን ኣቄስ።

2 ታኒ ጎዳ፥

«ኔኒ ታስ ዜምፖ፥

ሚጻኔ ታኒ ኔናን

ኣማኔቲዛ

ታ ጾሳ» ጋና።

7 ጎዳይ ኢታ ኡባፌ

ኔና ናጋና፤

ኔ ሼምፖ ሄማና።

8 ጎዳይ ኔ ቡሳኔ ዩሳ

ሃቺፌ ሜርና

ጋካናስ ናጋና።

5 «ኤርማሳ! ታኒ ኔና

ኔ ኣዬይ ኡሎን ሜናፔ

ካሴ ኤራይስ።

ኔኒ ዬሌታናፔ ሲንን

ታ ኔና ዱማሳ ዎዲስ።

ቃሴካ ካዎቴታስ ናቤ

ጊዳና ማላ ሹማዲስ።»

22 «ናምኡ ኣሳቲ ባ ጋርሳን ኢሶይ ኢሳራ ኦዬቲሼ ቃንራ ዲዛ ማጫሳዮ ቦሻስ ጋኮ፥ ሄሳፌ ሃራ ኢታ ሚሽ ኢዚ ቦላ ጋንታ ኣጊኮ፥ ኢዚ ቦላ ቆሆ ጋዳዴይ ሄ ማጫሳይ ኣዚናይ ኦይቺዳይሳ ዳናቲ ፒርዲኮ ኣይ ሚሼካ ቃንጾ። 23 ጊዶ ኣቲን ኢዚስ ቦሻይ ዳሪኮ ሼምፖ ጊሻስ ሼምፖ፥

15 ጎዳይ፥ «ኣያ ባ ንዛ ና

ባላናስ ዳንዳያዜ?

ባ ዬሊዳ ናስ ቃቴኬ?

ኦኔ ኤሪዛይ

ኢዛ ባላና ዳንዳያዉስ፤

ታኒ ጊዲኮ ኔና ባሊኬ።

11 ኣብራሃሜስ ዎዴይ ጌዴ ቢዳዴ ጊዲኮካ ሳራይካ ዬሎንታ ማይኔ ጊዲኮካ ሂዶታ ኢስታስ ኢሚዳዴይ ኣማኔቲዳዴ ሂስቲ ጼሊዲ ኣማኖን ና ኣዋ ጊዳናስ ጋኪዴስ።✝

45 ፖሌታና ጊዲ ጎዳይ ኢዚስ ዮቲዳይሳ ኣማኒዳራ ኢዛ ኣንጄቲዳሮ» ጋዱስ።

46-49 ማራማካ፥ «ኢዚ ባ ኣይሌይ

ካዉሻቴ

ጼሊዳ ጊሻስ

ታ ሼምፒያ ጎዳ ቁ

ኦዳ ቦንቻዉስ።✝

ታ ኣያናይካ ታና ኣሺዛ

ታ ጾሳን ኡፋዬታዉስ።

ዎልቃማ ጎዳይ ታስ

ጊታ ሚሼ ኦዳ ጊሻስ

ሃቺፌ ሲንን ኣሲ ዉሪ ታና

ኣንጄቲዳሮ ጋና።

ኢዛ ሱንይካ ጌሻ።✝

9 ማይኔዮ ናይታ ኣዮ ኦስ፤

ቦንቺዲካ ኢዚሶን

ኢዞ ኡፋይሳን ዎስ፤

ጎዳይ ጋላቴቶ!

16 ታኒ ኢዞ ኣንጃና፤ ታኒ ኢዚፔ ኔስ ቱማፔ ኣቱማ ና ኢማና፤ ኢዞ ታኒ ኣንጃና፤ ኢዛ ካዎቴታስ ኣዮ ጊዳና፤ ካዎቲ ኢዚፔ ዬሌታና» ጊዴስ።

3 ኔ ማቺያ ኔሶን ኣይፊዛ

ዎይኔ ማላ ጊዳና፤

ኔ ናይቲካ ኔ ማዳ ዩሾን

ዎጋራ ፑቴ ማላ ጊዳና።