Gravidez e maternidade

14 மற்ற எல்லா மக்களிலும் நீங்கள் அதிகமாய் ஆசீர்வதிக்கப்படுவீர்கள்; உங்களுக்குள்ளும் உங்கள் வளர்ப்பு மிருகங்களுக்குள்ளும் ஆணிலும் பெண்ணிலும் மலடு இருப்பதில்லை.

7 இஸ்ரயேல் என அழைக்கப்பட்ட, யாக்கோபின் சந்ததிகள் வளம்பெற்று, அதிகமாய்ப் பெருகினார்கள்; நாடு அவர்களால் நிரம்பும் அளவுக்கு அவர்கள் எண்ணிக்கையில் மிகவும் பெருகினார்கள்.

2 அவனுடைய பிள்ளைகள் நாட்டில் பலமுள்ளவர்களாய் இருப்பார்கள்;

நீதிமான்களின் தலைமுறைகள் எல்லாம் ஆசீர்வதிக்கப்பட்டிருக்கும்.

13 என் உள்ளுறுப்புகளை நீரே உருவாக்கினீர்;

என் தாயின் கருப்பையில் என்னை நீரே ஒன்றாய் இணைத்தீர்.

14 நான் மிக ஆச்சரியமாகவும் அதிசயிக்கத்தக்க வகையிலும் படைக்கப்பட்டிருக்கிறபடியால்,

நான் உம்மைத் துதிக்கிறேன்;

உமது செயல்கள் ஆச்சரியமானவை,

நான் அதை நன்றாய் அறிந்திருக்கிறேன்.

15 நான் இரகசியமான இடத்தில் படைக்கப்பட்டபொழுது,

நான் பூமியின் ஆழங்களில் ஒன்றாய் இணைக்கப்பட்ட போது,

என் எலும்புகள் உமக்கு மறைவாய் இருக்கவில்லை.

16 உருவம் பெற்றிராத என் உடலை உம்முடைய கண்கள் கண்டன;

எனக்கு நியமிக்கப்பட்ட எல்லா நாட்களும்,

அவை ஒன்றாகிலும் வருமுன்பே உம்முடைய புத்தகத்தில் எழுதப்பட்டிருந்தன.

3 பிள்ளைகள் யெகோவாவிடமிருந்து கிடைக்கும் உரிமைச்சொத்து;

பிள்ளைகள் அவரிடமிருந்து கிடைக்கும் வெகுமதியே.

9 பேறுகாலத்துக்கு கொண்டுவருகிற நான்

பிரசவத்தைக் கொடாமல் விடுவேனோ?"

என்று யெகோவா சொல்கிறார்.

பேறுகாலத்துக்கு கொண்டுவருகிறபோது,

நான் கருப்பையை அடைப்பேனோ?

என்று உங்கள் இறைவன் கேட்கிறார்.

13 எனக்குப் பெலன் கொடுக்கிற கிறிஸ்துவினாலே எல்லாவற்றையும் செய்ய எனக்குப் பெலனுண்டு.

9 ஆனால் அவர் என்னிடம், "என்னுடைய கிருபை உனக்குப் போதும். ஏனெனில் உன் பெலவீனத்தில், என் வல்லமை முழு நிறைவாக விளங்கும்" என்றார். எனவே நான் எனது பெலவீனங்களைக் குறித்து இன்னும் அதிக மகிழ்ச்சியுடன் பெருமையாய்ப் பேசுவேன். இவ்விதமாக கிறிஸ்துவின் வல்லமை என்மேல் தங்கட்டும்.

2 உமது செவியை எனக்குச் சாய்த்து,

என்னைத் தப்புவிக்க விரைவாய் வாரும்;

என் புகலிடமான கன்மலையாகவும்,

என்னைக் காப்பாற்றும் பலமான கோட்டையாகவும் இரும்.

2 பூமியின் கடைசிகளில் இருந்து உம்மை நோக்கிக் கூப்பிடுவேன்;

என் இருதயம் சோர்ந்து போகையில் உம்மைக் கூப்பிடுகிறேன்;

என்னைப் பார்க்கிலும் உயரமான கற்பாறையினிடத்திற்கு என்னை வழிநடத்தும்.

11 அவர் மேய்ப்பனைப்போல் தன் மந்தையை மேய்க்கிறார்:

அவர் செம்மறியாட்டுக் குட்டிகளை ஒன்றுசேர்த்து கைகளில் ஏந்தி,

மார்போடு அணைத்துக்கொண்டு செல்கிறார்;

அவர் குட்டிகளுடன் இருக்கும் செம்மறியாடுகளைக் கனிவாக நடத்துகிறார்.

3 "யாக்கோபின் குடும்பமே, இஸ்ரயேல் குடும்பத்தில் எஞ்சியிருப்பவர்களே,

நீங்கள் அனைவரும் எனக்குச் செவிகொடுங்கள்;

நீங்கள் கருவில் உருவானதுமுதல் நான் உங்களைத் தாங்கினேன்,

நீங்கள் பிறந்ததுமுதல் நான் உங்களைச் சுமந்தேன்.

4 நீங்கள் முதிர்வயது அடைந்து, உங்களுக்கு நரைமயிர் உண்டாகும் காலத்திலும்,

உங்களைத் தாங்கப்போகிறவர் நானே.

உங்களைப் படைத்த நானே உங்களைச் சுமப்பேன்.

நானே உங்களைத் தாங்குவேன், நானே உங்களைக் காப்பாற்றுவேன்.

15 ஆனால் பெண்கள் விசுவாசத்திலும், அன்பிலும், பரிசுத்தத்திலும் நிலைத்திருந்தால், பிள்ளைப்பெறுவதினாலே அவர்கள் இரட்சிக்கப்படுவார்கள்.

28 அவளுடைய பிள்ளைகள் எழுந்து அவளை, "ஆசீர்வதிக்கப்பட்டவள்" என்கிறார்கள்;

அவளுடைய கணவனும் அவளை இப்படிப் புகழ்கிறான்:

காயீனும் ஆபேலும்

1 ஆதாம் தன் மனைவி ஏவாளுடன் உறவுகொண்டான்; அவள் கர்ப்பவதியாகி காயீனைப் பெற்று, "நான் யெகோவாவின் உதவியால் ஒரு மகனைப் பெற்றேன்" என்றாள்.

ஈசாக்கின் பிறப்பு

1 யெகோவா தாம் சொல்லியிருந்தபடியே, சாராளுக்குக் கருணை காட்டினார்; தாம் கொடுத்திருந்த வாக்கை நிறைவேற்றினார். 2 ஆபிரகாமின் முதிர்வயதில் சாராள் கர்ப்பவதியாகி, இறைவன் வாக்குப்பண்ணியிருந்த அந்த குறித்த காலத்திலேயே, அவனுக்கு ஒரு மகனைப் பெற்றாள்.

21 தன் மனைவி மலடியாய் இருந்தபடியால், ஈசாக்கு யெகோவாவிடத்தில் அவளுக்காக மன்றாடினான். யெகோவா அவன் மன்றாட்டைக் கேட்டார். அவன் மனைவி ரெபெக்காள் கர்ப்பவதியானாள்.

20 சிலநாட்கள் சென்றபின்பு அன்னாள் கர்ப்பவதியாகி ஒரு மகனைப் பெற்றாள். "யெகோவாவிடமிருந்து அவனைக் கேட்டுப் பெற்றேன்" என்று சொல்லி அவனுக்கு, சாமுயேல் என்று பெயரிட்டாள்.

1 மகா உன்னதமானவரின் அடைக்கலத்தில் வாழ்கிறவன்,

எல்லாம் வல்லவரின் நிழலில் இளைப்பாறுவான்.

2 நான் யெகோவாவைக் குறித்து, "அவரே என் புகலிடம், என் கோட்டை,

நான் நம்பியிருக்கிற என் இறைவன்" என்று சொல்வேன்.

7 யெகோவா உன்னை எல்லாத் தீங்கிலிருந்தும் காப்பார்;

அவர் உன் வாழ்வைக் காப்பார்.

8 யெகோவா உன் போக்கையும் வரத்தையும்

இப்பொழுதும் எப்பொழுதும் காப்பார்.

5 "உன் தாயின் கர்ப்பத்தில் உன்னை உருவாக்கும் முன்பே நான் உன்னை அறிந்தேன்*,

நீ பிறக்கும் முன்பே எனக்கு ஊழியம் செய்யும்படி நான் உன்னை பிரித்தெடுத்தேன்;

நாடுகளுக்கு இறைவாக்கினனாக உன்னை நியமித்தேன்" என்றார்.

22 "மனிதர் சண்டையிடுகிறபொழுது கர்ப்பவதியான ஒரு பெண்ணை அடித்ததினால், பெரியகாயமேதுமில்லாமல் அவளுக்கு குறைப்பிரசவம் ஏற்பட்டால், அடித்தவனிடம் அபராதம் வசூலிக்க வேண்டும். அவளுடைய கணவன் கேட்கும் பணத்தைக் கருத்திற்கொண்டு, நீதிமன்றம் அனுமதிப்பதை அபராதமாகச் செலுத்தவேண்டும். 23 அவளுக்குக் கடுமையான காயமேதும் ஏற்பட்டால், உயிருக்குப்பதில் உயிரை நீங்கள் எடுக்கவேண்டும்.

15 "தான் பாலூட்டும் தன்னுடைய குழந்தையை எந்தத் தாயும் மறந்துபோவாளோ?

கருவில் உருவான தனது பிள்ளைக்கு அவள் கருணை காட்டாதிருப்பாளோ?

அப்படி அவள் மறந்தாலுங்கூட,

நான் உன்னை மறப்பதில்லை.

11 சாராள் வயது சென்றவளும், மலடியுமாயிருந்தபோதும் பிள்ளைபெறும் ஆற்றலைப் பெற்றாள். ஏனெனில் தனக்கு வாக்குத்தத்தத்தைக் கொடுத்த இறைவன் வாக்குமாறாதவர் என்று அவள் நம்பினாள்.

45 கர்த்தர் தனக்குச் சொன்னது நிறைவேறும் என்று விசுவாசித்தவள் ஆசீர்வதிக்கப்பட்டவளே!" என்றாள்.

மரியாளின் பாடல்

46 அப்பொழுது மரியாள் சொன்னதாவது:

"என் ஆத்துமா கர்த்தரை மகிமைப்படுத்துகிறது,

47 என் ஆவி என் இரட்சகராகிய இறைவனில் பெருமகிழ்ச்சியடைகிறது.

48 ஏனெனில், அவர் தமது

அடிமையின் தாழ்மை நிலையைத் தயவுடன் பார்த்தார்.

இப்பொழுதிலிருந்து எல்லாத் தலைமுறையினரும்

என்னை ஆசீர்வதிக்கப்பட்டவள் என்று அழைப்பார்கள்;

49 வல்லமையுள்ளவர் எனக்கு அரும்பெரும் காரியங்களைச் செய்தார்;

பரிசுத்தர் என்பது அவருடைய பெயர்.

9 அவர் பிள்ளைப்பேறற்ற பெண்ணை பிள்ளைகளைப் பெறும் மகிழ்ச்சியுள்ள தாயாக்கி,

அவளுடைய வீட்டிலே குடியிருக்கச்செய்கிறார்.

அல்லேலூயா.

16 நான் அவளை ஆசீர்வதித்து, நிச்சயமாக அவள் மூலம் உனக்கு ஒரு மகனைக் கொடுப்பேன். நான் அவளை ஆசீர்வதிப்பதனால், அவள் நாடுகளுக்குத் தாயாவாள்; மக்கள் கூட்டங்களின் அரசர்களும் அவளிலிருந்து தோன்றுவார்கள்" என்றார்.

3 உன் மனைவி உன் வீட்டிற்குள்

கனி நிறைந்த திராட்சைக் கொடியைப்போல் இருப்பாள்;

ஒலிவமரத்தைச் சுற்றித் தளிர்கள் இருப்பதுபோல்,

உன் பிள்ளைகள் உன் பந்தியிலே உன்னைச் சுற்றி இருப்பார்கள்.