Protecção e segurança
Deus é nosso protetor e refúgio seguro. Em todas as circunstâncias, a Bíblia nos assegura que o Senhor guarda, sustenta e protege aqueles que nele confiam.
Deus, a nossa fortaleza
O Senhor é refúgio e fortaleza, socorro bem presente na angústia. Quem habita no esconderijo do Altíssimo descansa à sombra do Todo-Poderoso.
Geela7o Nayta Eedo Geetettiza Yeththan Qoore Nayti Zammareta Kaabbos Yexxida Mazamure
Xoossi nuni shiiqi attizasonne
nuus wolqqa;
nuna metoy gakkiza wode
maaddanaas izi ubbato
matan dees.
Geela7o Nayta Eedo Geetettiza Yeththan Qoore Nayti Zammareta Kaabbos Yexxida Mazamure
Xoossi nuni shiiqi attizasonne
nuus wolqqa;
nuna metoy gakkiza wode
maaddanaas izi ubbato
matan dees.
Nuna Naagiza Xoossaas Yexettida Mazamure
Ubbaafe Dhoqqa GODAAN
zemppi de7izay,
ubbaa dandayza
Xoossa kuwan aqees.
Tani GODAA,
«Neni taas zemppo,
miixanne tani nenan
ammanettiza
ta Xoossa» gaana.
Izi ba wangotan
nena kammana;
iza qefeta garsan
neni qotetta attana;
iza ammaneteththay
nees gondallenne
zemppo gidana.
Issi shii ne millesora,
qasse tammu shii neeppe
ushachcha baggara kundana;
gido attiin nena aykkoyka
bochchenna.
GODAA neni nees baqata attizaso,
Ubbaafe Dhoqqa Xoossa nees
zemppo histtida gishshas,
iita miishshi nena bochchenna;
boshaykka ne keeth shiiqenna.
Dawite Mazamure
GODAY taas poo7onne
tana ashshizayssa;
histtiin tani oonas yayyanee?
GODAY ta shemppoys
attiza miixa;
histtiin tani oonas babbanee?
Izi xalla taas zaallanne
tana ashshizayssa;
ta qotetta attizaso gidida gishshas
mulekka hirgike.
GODAY un7ettidaytas
baqati attizaso;
meto wodetankka
qotetti attizaso.
O escudo do Senhor
Deus nos rodeia com sua proteção como um escudo. Ele é rocha, baluarte e libertador. Sua fidelidade nos cobre e nos guarda.
Gido attiin GODAWU!
Neni ta yuushon gondalle.
Tana bonchchisizaynne
minththeththizay nena.
Dawiti Ba Naa Abeseloomeppe Baqatishe Yexxida Mazamure
GODAWU! Ta morkketi
ay keena corattidoo!
Ta bolla aappunati dendidoo!
Daroti, «Xoossi iza ashshenna»
giidi ta bolla haasayda.
Gido attiin GODAWU!
Neni ta yuushon gondalle.
Tana bonchchisizaynne
minththeththizay nena.
Tani ta qaala dhoqqisada
GODAAKKO waassana;
histtiko izi ba geeshsha
zuma bolla dishe
ta woosa siyana.
GODAY tana naagiza gishshas,
tani ichchada dhiskayssinne
beegottays.
Tani tana giddoththi uttida
cora morkketaska babbike.
Xoossa ogey suure;
GODAA qaalay ammanettizayssa;
Izakko baqatiza ubbatas
izi gondalle.
Ashshiza ne gondalle taas immadasa.
Ne ushachcha kushen tana zemppisadasa;
taakko ziqqi gaada tana gitasadasa.
Ta oge aassadasa;
hessa gishshas ta tohoy handarashibeenna.
Dawite Mazamure
Ta kusheta olas,
ta biradhdhetakka
xongeththas
loohissida GODAY
ta zaallay galatetto!
Izi tana siiqizanne
genththiza Xoossa;
izi taas miixanne
tana ashshizayssa;
izi ta gondallenne
tani baqatada attizaso;
kawoteththatakka
izi taas haarisizayssa.
Kawotas xoono immaasa;
ne aylle Dawite giththa
mashshafe ashshaasa.
Gido attiin nenan zemppida
ubbati ufayetetto;
istti mernaas ufayssan yexxetto.
Ne sunththa siiqiza
ubbati ufayetetto;
isttika nenan naagettetto.
Abeet GODAWU!
Neni xillota anjjaasa;
Neni gondallen kammiza mala
ne kiyateththan istta kammaasa.
Abeet Xoossawu! Tani woossiin
neni siyiza gishshas
tani nena woossays;
ne hayththa taakko zaarada,
tani nees yootizayssa siya.
Bantta morkketappe baqatizayta
ne ushachcha kushezan
qottada ashshizayssoo!
Ne kiyateththa malalisiza
ogera qonccisa.
Ne ayfe ciro mala tana naaga;
ne qefeta giddon tana qotta.
Un7eththiza iitatappenne
dooddi uttida wolqqama
morkketa kusheppe
ne tana ashsha.
Kawozi GODAAN ammaneettes.
Ubbaafe Dhoqqa
Xoossa kiyateththi
izara diza gishshas
izi yayyenna.
Ne kushey ne morkketa
ubbaa demmana;
ne ushachchay
nena ixxizayta oykkana.
Neni qoncciza wode
coocen eexxiza tama mala
ne istta xuuggana;
GODAY ba hanqoza suulen
istta xuuggana;
iza tamaykka
istta mi dhayssana.
Neni taas qotettizaso;
neni tana metoppe naagaasa;
tana xoono yeththan
kunththadasa.
Segurança e provisão
O Senhor supre todas as necessidades dos seus filhos. Quem busca o Reino primeiro não precisa temer — nada faltará aos que temem ao Senhor.
Dawite Mazamure
GODAY ta heenththanchcha;
taas aykkoyka paccenna.
Gaammoti mizaazi dhayiin
koshatteettes;
GODAA koyzaytas gidikko
lo7o miishshi
aykkoka paccenna.
Neni GODAAN ammanetta;
lo7o oosokka ooththa;
histtiko neni biitta bolla
palahin daana.
Tani kase yelaga shin
ha7i cimadis;
gido attiin xillo asi
coo yegetti attishin,
woykko iza zereththi
kath woossi mishin
tani mulekka be7a erikke.
Xoossi ba dureteththaa gina inttes koshshizayssa Godaa Yesus Kirstoosa baggara kunththana.
Taas wolqqa immiza Kirstoosan tani ubba miish ooththanaas dandayays.
Harappe sinththatidi Xoossa Kawoteththa xilloteth koyite; hayti wuri inttes gujettana.
Gido attiin intte Aaway intte woossanaappe kasetidi inttes aazi koshshizaakko eriza gishshas intte istta misatopite.
Woossite, Koyite, Qoxxite
«Woossite inttes imettana; koyite intte demmana; kare qoxxite inttes doyettana. Woossida ubbaas imettana; koyza asi demmana; qoxxizaades karey doyettana.
Histtiin intte iitata gidi uttidi intte naytas lo7o miish imo erizayta gidikko intte salo Aaway iza woossizaytas waanidi aadhdhiza lo7o miish immennee?
Guarda e livramento
O anjo do Senhor acampa ao redor dos que o temem e os livra. Deus promete guardar todas as nossas saídas e entradas para sempre.
GODAA kiitanchchay
GODAAS yayyizayta naagees;
izi istta yuushozan gididi
istta ashshees.
GODAY ba oosanchchata ashshees;
izakko baqatida ooninne
pirdettenna.
Pude Kezishe Yexxida Mazamure
Tani, «Maadoy taas
awappe yaandeeshaa?» gaada
ta ayfeta
pude zumatakko denththadis.
Taas maadoy salonne
sa7a medhdhida
GODAAPPE yees.
Izi ne toho hallixissenna;
nena naagizayssi dhiskenna.
Isra7eele naagizayssi
mulekka ichchennanne
dhiskenna.
GODAY nena naagizayssa;
GODAY nees ushachcha baggara
kuwa gidana.
Gallassa away nena xuuggenna;
omarsa aginaykka nena qohenna.
GODAY iita ubbaafe
nena naagana;
ne shemppo heemmana.
GODAY ne buussaanne yuussaa
hachchife mernaa
gakkanaas naagana.
Dawite Woosa
Abeet GODAWU!
Ta baqata attizasoy nena;
ne ki7on tana qotta.
Dawite Woosa
Abeet GODAWU!
Ta baqata attizasoy nena;
ne ki7on tana qotta.
Tani ubbato GODAA sinththasays;
izi ta ushachchan diza gishshas
tani kokkorikke.
Tani ubbato GODAA sinththasays;
izi ta ushachchan diza gishshas
tani kokkorikke.
Dawiti Zammareta Kaabbos Yexxida Mazamure
Neni metotida wode
GODAY ne woosa siyo;
Yaaqoobe Xoossa sunththi
nena minththi esso.
Ba Keeththafe nees maado kiitto;
Xiyooneppe maadoy yo.
Neni tana naaganne ashsha;
ta nenan zemppadis;
ne tana yeellasoppa.
Ne taas hidota gidida gishshas
suureteththaynne tumateththay
tana naago.
Tani paran xoonana gi
naagoy hada;
izi ba wolqqa minoteththan
oonakka ashshanawu
dandayenna.
GODAA ayfeti izas yayyizaytanne
iza mernaa siiqo
hidota ooththiza asata xeellees.
Izi hessan istta hayqoppe ashshees;
kosha wodekka istta
shemppora paxa woththees.
Nu shemppoya GODAA
hidota ooththawus;
izi nuus maadonne gondalle.
Confiança inabalável
Melhor é confiar no Senhor do que confiar no homem. Quem anda em integridade anda seguro, e a torre forte do nome do Senhor protege o justo.
GODAY tanara diza gishshas
tani yayyike.
Asi tana ay ooththanee?
Asan ammaneteththafe
GODAAN ammaneteththay lo7o.
GODAA sunththi mino gimbe mala;
xillo asi hee woxxidi
iitappe attees.
GODAA sunththi mino gimbe mala;
xillo asi hee woxxidi
iitappe attees.
GODAAS yayyiza asas
mino miixay dees;
iza naytaska
baqati attiza sohoy dees.
Ays giikko GODAY nees
ammanettizaade gidana;
ne tohoy
woximaden oykettontta mala
izi nena naagana.
Suure asi hirgay baynda dees;
geella oge biza asi gidikko
ba mooron oykettana.
«Xoossay yootiza qaalay
ubbay tuma;
Izan ammanettiza ubbaas
izi gondalle.
«Xoossay yootiza qaalay
ubbay tuma;
Izan ammanettiza ubbaas
izi gondalle.
Xilloteththi Suure as naagees;
iitateththi gidikko
nagaranchcha dhayssees.
Xilloy kallanaashe gakkanaas mees;
iitati gidikko gafida mala daana.
GODAY aadho erateth
immiza gishshas
izappe erateththinne
akeekay beettes.
Izi suuretas xoono minjjees;
istta bolla wosoy bayndaytas
gondalle gidees.
Suure pirda oge naagees;
baas ammanettizayta
hemeth minththees.
Cincca asi metoy yiza wode
be7idi qotettees;
gido attiin akeekay paccida asi
meto gars bi gelees;
histtidi guyeppe qohettees.
Ola gallassas para giigssees;
gido attiin xoonoy GODAAPPE yees.
Ubbaafekka bollara
neni ne wozina
minththada naaga;
ays giikko de7oy izappe pulttees.
A presença protetora
O Senhor prometeu estar conosco e nunca nos desampara. Ele é como sombra à nossa direita e fortaleza em todo o tempo.
Inttes murttateththinne xalateththi de7o; isttas mulekka babboftenne dagammofte; GODAA intte Xoossay inttenara dees; izi inttena yeggi aggenna» gides.
Mernaa Xoossay
inttes duussaso;
Mernaas diza iza qeseti
inttefe garsara
diidi kaafeettes;
intte morkketa izi
intte sinththafe gooddana;
intte istta dhayssana mala
izi inttena maaddana.
Biniyaame qommota gishshas Musey,
«GODAY siiqida asi
izan ammanetti dees;
ubba gallas
istta izi naagees;
ba hashen tookkidi
shempisees» gides.
Nena qohanaas oosettida
miishshi ooththenna.
Nena mootiza inxars ubbaa
ne laththana;
hessa gishshas GODAA aylleta
xinxxoy hayssa;
istti taappe demmana
anjjoy hessa» gees.
Nenan ammanettida gishshas
nenan zemppida shemppoyo
neni kumeththa
saroteththan naagaasa.
Intte cimmidi
puulumana gakkanaaska
inttena tookkizay tana;
tani tana;
tani inttena medhdhadis;
tani inttena tookkana;
tani inttena kaafana;
ta inttena ashshana.
Kafoy bollara aalanththiza mala
Ubbaafe Wolqqama GODAY
Yerusalaame kammana,
naagananne ashshana;
izi bollara aadhdhidi
izo ashshana» gees.
Lo7o ooso tamaarte;
suure pirda koyite;
qohettidayta minththeththite;
yi7otas eqqite;
am7etas mootettite» gides.
Intte taas eeno gi azazettiko
biitta anjjo maana.
Intte taas akkay gi makkalliko
mashshay inttena maana;
hayssa yootiday
tana GODAA» gides.
Intte gishshas GODAY olettana; inttefe koyettizay co7u guus xalala» gides.
GODAY lo7o;
meto gallassika qotetti attizaso.
Izan ammanettizayta naagees.
Promessas de cuidado
Deus garante que nem um fio de cabelo cairá sem sua permissão. Ele deseja que vivamos em paz, confiança e segurança total nele.
Issi santen bayzettiza nam7u siine kafotappe issiniyakka intte salo Aawaa sheney baynda coo kunda attuku. Haray attoshin intte hu7e binanaykka taybon dees. Hessa gishshas babbofte. Daro siine kafotappe intte waagay aadhdhi bonchchettidaaza.
Inttes ammanoy diikko intte woosan oychchida miish ubbaaka ekkana.
Ta sunththaa gishshas ubba asaa achchan intte ixettana. Gido attiin intte hu7e binanatappe issinakka dhayukku. Intte minni eqqiko intte shempo ashshana.
Qasseka Yesusi istta, «Ta inttena kase caammay, korojoynne qaraxiitey baynda kiittida wode inttes aazi paccidee?» gi oychchides. Isttika, «Aykkoyka paccibeenna» gida.
Xoossa Siiqo
Histtiin hessa nu ay giinoo? Xoossi nunara gidikko nunara eqettanaas dandayzay oonee?
Hessa gishshas kumeththa wozinappe nuni, «Goday taas maado; ta babbike; tana asi ay ooththana dandayzee?» goos.
Hessa gishshas inttena Xoossas haarisite; Daabulosara eqettite; izi inttefe baqatana.
Histtiko ane beeggoos; ane nurkka nuna haaroos attiin hankko dhiskiza asaa mala nunikka ane dhiskokko.
Fidelidade e aliança
Deus é fiel à sua aliança. Ele protege cada promessa que faz e guarda os seus como a menina dos seus olhos.
Goday gidikko ammanettidayssa; izikka inttena minththana; Xala7eppeka inttena naagana.
Nuni azazota naagiza gishshassinne iza ufayssizaaz ooththiza gishshas nu iza woossizaaz wursi nu izappe ekkana.
Nu Xoossa sinth shiiqanaas nuus diza xalateththi hayssa; nu ay miishshika iza shene mala woossiko izi nu woosaa siyana. Nu iza woossiza miish izi ubbaa siyizayssa nu erizaa gidikko nu woossida miishshaa ubbaa ekkanayssa nu eroos.
Xoossafe yelettiday wuri nagara ooththenna; gaasoykka Xoossa Nay iza naagizayssanne iitay iza bochchonttayssa nu eroos.
Hayssafe guye tani hayssa alame bolla diikke; istti gidikko ha alameza bolla deettes; ha7i ta neekko bays; ta Aawa Geeshshazoo! Hayta ne taas immidayta istti nu mala ba giddon issino gidana mala ne taas immida ne sunththaan istta naaga. Ta isttara issife dashe ne taas immida ne sunththaan ta istta naagadis; hessa gishshas kase xaafettida Geeshsha Maxaafaa qaalay polettana mala izi kasekka dhayos diza naazappe attiin isttafe oonikka dhaybeenna.
Ne istta iitappe naagana mala ta nena woossays attiin ne istta ha alameppe denththa efana mala ta nena woossike.
GODAAPPE attiin
hara Xoossi oonee?
nu Xoossaafe attiin
zaallay oonee?
Izi ne sinththan mernaas minni daana mala, ha7ikka ne aylleza keeth anjjarkkii! Abeet Ubbaa Haariza GODAWU! Hayssa nerkka ne yootadasa; ne anjjon ne aylleza keeththi mernaas anjjettana» gides.
Hessafe guye Damasqon diza Aaraamen ba ola asata kambe giigsides. Aaraame asay izas haarettidessinne giirides; GODAY Dawiti bidaso ubbaan izas xoono immides.
Neni bida soho ubbaan tani nenara issife gidadis; ne morkketa ubbaa ne sinththafe diggadis; ha7ikka tani ha sa7an erettida gita asata sunththaa mala ne sunththaa gitasana.
Laappunththa Layththan Yaana Meto
« ‹Intte intte biittaa bolla saron de7ana mala Xoossa woga ubbaa bonchchite.
Tani inttenara caaqettadis; hayssafe sinththan paxa dizay wuri dhayssiza haaththan mulekka dhayenna; ha biittaa dhayssiza haaththi hayssafe guye mulekka deenna» gides.
GODAY ba xuura ba oosanchcha
nabetas koyrotti yootontta dishe
aykkoka ooththenna.
Provisão diária
Deus satisfaz os desejos do coração dos seus filhos. Ele abençoa, renova as forças e sustenta dia após dia quem nele confia.
Abeet GODAWU!
Ne maaroteththaa
taappe haassofa;
ne siiqoynne ne tumateththay
tana ubba wode naago.
Ne meto GODAA bolla woththa;
izi nena minththi naagana;
izi xilloti
kundana mala ooththenna.
Gido attiin tani
ne wolqqa sabbana;
maalado maalado
ne mernaa siiqo gishshas
yexxana.
Neni taas meto gallas
zempponne baqata attiza miixa.
Gido attiin kawoy
Xoossan ufayettana;
Xoossa sunththan caaqqiza ubbay
iza galatana;
wordo haasayzayta
doonay gidikko gordettana.
Xoossas yexxite;
iza sunththas galata mazamure yexxite.
Shaara bollara hemettizayssa
dhoqqu dhoqqu histtite;
izas sunththay GODAA;
intteka iza sinththan
keehi ufayettite.
Xoossi ba geeshshasohon dishe
aaway bayndaytas aawa;
qasse am7etaska pirdiza daanna.
Hach hach nu tooho
tookkiza Goday,
nuna ashshiza
nu Xoossay galatetto.
Tani GODAA intte Xoossaa;
inttena Gibxe biittafe kessada
ehiday tana intte GODAA;
ne doona keeha hanga;
tani nena tuththana.
GODAY nuus arshenne gondalle;
izi ayoteththaninne
bonchchon nuna naagees;
Suureteththan hemettizayta
izi lo7o miish diggenna.
GODAA dosizaytoo! Iita ixxite;
izi baas ammanettizayta
shemppo naagees;
qasseka iitata kusheppeka
ashshees.
GODAY ashketa naagees;
tani metotida wode
izi tana ashshides.
Ta shemppoyee ane woppu ga;
GODAY nees
lo7o miish ooththides.
GODAY tana hayqoppe,
ta ayfe afunththafe,
ta tohokka
dhupheppe ashshides.
Hessa gishshas
tani GODAA sinththan
shemppora paxa dizayta
giddon hemettays.
Neni taas gondallenne
baqata attizaso;
tani ne qaala hidota ooththays.
Solomooney Pude Kezishe Yexxida Mazamure
GODAY keeth keexxontta
aggiko keexxizayti
coo mela daabureettes;
GODAY katama naagontta aggiko
naagizayti coo mela dafetteettes.
«Ha sohon Dawite zereththafe
kawo kessana;
tani tiydayssas poo7o giigsana.
Tani iza morkketa yeellachchana;
gido attiin iza hu7aan de7iza
kawoteththa kallachchay
phoollana» gides.
GODAY taas qoppidayssa polana;
abeet GODAWU!
Ne siiqoy mernaassa;
ne kushe ooso yegga aggofa.
Neni ne kushe miccada
shemppora paxa diza ubbaa
amo kunththaasa.
Izi qohettidaytas pirdizayssa;
gafidayta mizi kalssizayssa.
GODAY qashettidayta
birshi yeddizayssa;
GODAY qooqeta xeelisees.
GODAY kundidayta denththees;
GODAY xillotakka siiqees.
GODAY bete asata naagees.
Am7etanne yi7o nayta maaddees;
gido attiin iitata oge dhayssees.
Abeet GODAWU!
Ne xalla tana saron naaga
ayssiza gishshas
tani ichchada saroteththan
dhiskays.
Daabulosa gene ooso intte eqettanaas dandayana mala Xoossaa ola may7ota may7ite.
Daabulosa gene ooso intte eqettanaas dandayana mala Xoossaa ola may7ota may7ite. Gaasoykka nu olettanay ashoranne suuththara gidontta hayssa dhuma alameza haariza godatara, wolqqamataranne salo bolla diza tuna ayana olanchchatara olettoos.
«Asi Xoossa miish kaysoti erizee? Intte gidikko kaysoteeta; intte qasse, ‹Nu ay kaysotidonii?› giidi oychchite; intte asraatanne maba taappe kaysotideta. Intte Isra7eele asay ubbay ta miish kaysotida gishshas intte qanggettidayta. Ta keeththan miza kaththi daana mala intteka tana hayssan paaccanaas ane tammaafe issino ubbaa ha ta gootaran gelththite; ta inttes salo maskoote doyontta aggikonne inttes woththizasoy dhayana gakkanaas ta inttes anjja palahisontta aggiko beyandeta» gees Ubbaafe Wolqqama GODAA Xoossay.
Istta yuushoninne ta zumbullata yuushon dizasohota ta anjjana. Woden woden ta isttas ira immana; izikka isttas anjjo ira gidana.
Miishshi as iitappe
kammi ashshiza mala
aadho erateththi ashshees.
Hessafe bollarakka
aadho erateththi
keeththa aawa shemppo naagees.
Hessaththoka Mishiraachcho qaalaa sabbakizayti baas koshshizayssa Mishiraachcho qaalaa ooththizasoppe ekkana mala Goday woga woththides.
Gaasoykka miishsha siiqoy iitateth ubbaas xapho; issi issi asati dure gidana giidi amottida amoppe dendidayssan ammano ogeppe balettidi haraso bidanne barkka bana daro meto giddo gelththida.
Tani labbanida shemppoyo ooraxissana; daaburdaarokka minththana» gees.
Tani meto be7izaykka hessa gishshassa; gidikkoka ta oona ammanizaakko tani ta ammanizaade shaakka eriza gishshas izan yeellatikke. Ta izas immida hadaraa he gallassiya gakkanaas izi naaganaas dandayzayssa ta shaakka eradis.