Salmos 132

Pude Kezishe Yexxida Mazamure

1 Abeet GODAWU!

Dawitenne izi dandayda

metoza ubbaa ne qoppa.

2 GODAWU! Izi nees caaqqida qaala,

wolqqama Yaaqoobe Xoossaska

adinettida adinaa qoppa.

3 Izikka, «Hayssafe sinththan

tani taso gelikke;

ta hiixankka kezikke;

4 dhiskoka dhiskike;

ta ayfetakka liiphikke.

5 Hessika tani GODAAS duussaso,

wolqqama Yaaqoobe Xoossas

aqoso giigsana

gakkanaassa» gides.

6 Hekko nuni Taabotaza gishshas

Efraatan dishe siyidos;

Qiriyaate-Yi7aarime biittan

iza demmidos.

7 Nuni, «Ane izi dizaso boos;

iza tohoy yedhdhizason

gufannidi izas goynnoos.

8 «Abeet GODAWU! Denda!

Ne minoteththas

malata gidida Taabotaara

ne Keeth gelada shempa.

9 Ne qeeseti xilloteth may7etto;

geesh gidida

ne asati ililetto» gidos.

10 Ne aylle Dawite gishshas gaada

neni tiydayssa yeggofa.✝132:6-10 2Taari 6:41-42

11 GODAY Dawites

qanththafe caaqqides;

laamettontta qaalan,

«Ne naytappe issaa tani

ne araatan utissana.✝132:11 2Same 7:12-16; 1Taari 17:11-14; Maza 89:3-4; Hawa 2:30

12 Ne nayti ta caaqo qaalanne

tani tamaarsida qaala

istti naagikko

istta naytikka

ne kawoteththa araatan

mernaas uttana» gi caaqqides.

13 GODAY Xiyoono doorides;

baas de7izaso

ooththanaas amottidi,

14 «Hanna taas mernaas

shempposo gidana;

tani izo dosida gishshas

izin de7ana.

15 Tani izo keeha anjjana;

izin de7iza manqotakka

kath kalssana.

16 Tani izin diza qeeseta

atoteth mayzana;

izin de7iza Xoossa asatikka

ufayssan yexxana.

17 «Ha sohon Dawite zereththafe

kawo kessana;

tani tiydayssas poo7o giigsana.✝132:17 1Kawo 11:36

18 Tani iza morkketa yeellachchana;

gido attiin iza hu7aan de7iza

kawoteththa kallachchay

phoollana» gides.