1 Xoossi nuus qadhettonne

nuna anjjo;

ba ayfeso nu bolla poo7iso.

2 Ne ogeti sa7a bollan,

ashshiza ne wolqqayka

kawoteththata ubbaa

giddon erettetto.

3 Abeet Xoossawu!

Asay nena galato;

kawoteth ubbay

nees galata shiishsho.

4 Neni asas suureteththan

pirdiza gishshas

sa7a bollaka ne deraa

kaaleththiza gishshas

kawoteththati ufayetetto;

ililishekka nees yexxetto.

5 Abeet Xoossawu!

Asay nena galato;

kawoteth ubbay

nees galata shiishsho.

6 Biittay kath immana;

Xoossi, nu Xoossay nuna anjjana.

7 Xoossi nuna anjjana;

Sa7a gaxa gakkanaas diza asay

ubbay izas yayyana.