1 GODAY galatetto!

Salon de7izaytoo! GODAA galatite;

bolla dhoqqan de7izaytoo!

Iza sabbite.

2 Intteno iza kiitanchchatoo!

Ubbay iza galatite;

salon de7iza iza olanchchatoo!

Ubbay iza galatite.

3 Arsheynne aginay iza galatite;

poo7isiza xoolinttetoo!

Ubbay iza galatite.

4 Intteno ubbaafe bolla dhoqqan

diza salotoo! Iza galatite;

Salo gufanththofe bollara diza

haaththatoo! Iza sabbite.

5 Izi azaziin istti ubbayka

medhettida gishshas

ubbati GODAA

sunththaa galatetto!

6 Izi istta istti dizason

meri mernaas

minththi woththides;

Izi isttas laamettontta

woga immides.

7 Sa7an de7izaytoo! GODAA galatite!

Abba giddon diza

gita medheteththatinne

wogga gita abba ciimmati

ubbayka iza sabbite.

8 Wolqqanththinne shachchi,

kenchchoynne gubbanay,

iza azazo poliza gote carkoti

ubbatikka iza galatite.

9 Zumatoo, zumbullatoo,

ayfe ayfiza miththatoo, zigatoo

ubbatikka iza galatite.

10 Mehetoo, do7atoo,

sa7ara gooshettiza medhetatoo!

Paalliza kafotoo ubbatikka

iza galatite.

11 Sa7aa kawotoo, kawoteththatoo!

Daannatoo, dere haarizaytoo!

Ubbatikka iza galatite.

12 Panththatoo, geela7otoo,

cimatoo, naytoo!

Ubbatikka iza galatite.

13 Iza sunththi ubbaa bolla dhoqqa;

iza bonchchoy

sa7appenne saloppe bolla;

hessa gishshas hayti ubbay

iza sunth galatetto.

14 Iza bagga gidida Isra7eele asati

iza galatana mala

izi istta kace kessides.

GODAY galatetto!