Protecção e segurança
Deus é nosso protetor e refúgio seguro. Em todas as circunstâncias, a Bíblia nos assegura que o Senhor guarda, sustenta e protege aqueles que nele confiam.
Deus, a nossa fortaleza
O Senhor é refúgio e fortaleza, socorro bem presente na angústia. Quem habita no esconderijo do Altíssimo descansa à sombra do Todo-Poderoso.
परमेश्वर आमचे आश्रय व सामर्थ्य आहेत;
संकटात साहाय्य करण्यास ते सदा सिद्ध असतात.
परमेश्वर आमचे आश्रय व सामर्थ्य आहेत;
संकटात साहाय्य करण्यास ते सदा सिद्ध असतात.
जो परमोच्चाच्या आश्रयाखाली राहतो,
तो सर्वसमर्थाच्या सावलीत राहील.
मी याहवेहला म्हणेन, "तेच माझा आश्रय व माझा दुर्ग आहेत,
माझे परमेश्वर, ज्यांच्यावर मी भरवसा ठेवला आहे."
ते आपल्या परांनी तुझ्यावर पाखर घालतील,
त्यांच्या पंखाखाली तुला आश्रय मिळेल;
त्यांचे सत्य तुझी ढाल व गड होईल.
हजार लोक तुझ्याजवळ पडले,
आणि दहा हजार तुझ्या उजव्या बाजूला पडले,
तरी ती संकटे तुझ्या जवळदेखील येणार नाहीत.
जर तू म्हणाला, "याहवेह माझे आश्रयस्थान आहेत,"
आणि तू परमोच्चास आपले निवासस्थान केलेस,
तर तुला कोणतीही इजा होणार नाही,
किंवा कोणतेही अरिष्ट तुझ्या तंबूजवळ येणार नाही.
याहवेह माझे प्रकाश व माझे तारण आहेत—
मी कोणाचे भय बाळगू?
याहवेह माझ्या जीवनाचे दुर्ग आहेत—
मला कोणाचे भय आहे?
फक्त तेच माझे खडक आणि माझे तारण;
तेच माझा दुर्ग आहेत, माझे ढळणे अशक्य आहे.
याहवेह, पीडितांसाठी आश्रय आहेत,
संकटकाळी तेच आश्रयाचे दुर्ग आहेत.
O escudo do Senhor
Deus nos rodeia com sua proteção como um escudo. Ele é rocha, baluarte e libertador. Sua fidelidade nos cobre e nos guarda.
परंतु याहवेह, तुम्ही माझ्या सभोवती ढाल आहात.
माझे गौरव आणि माझी मान उंचाविणारे तुम्हीच आहात.
याहवेह, माझ्या शत्रूंची संख्या किती अधिक आहे!
कितीतरी लोक माझ्याविरुद्ध उठले आहेत!
पुष्कळजण माझ्याबद्दल म्हणतात,
"परमेश्वर त्याची सुटका करणार नाही." सेला
परंतु याहवेह, तुम्ही माझ्या सभोवती ढाल आहात.
माझे गौरव आणि माझी मान उंचाविणारे तुम्हीच आहात.
मी याहवेहचा धावा करतो,
आणि ते त्यांच्या पवित्र पर्वतांवरून मला उत्तर देतात. सेला
मी पहुडतो आणि झोप घेतो;
मी पुन्हा उठतो, कारण याहवेह माझे रक्षण करतात.
असंख्य मला चहूबाजूंनी वेढतील,
तरी मला मुळीच भीती वाटणार नाही.
परमेश्वराविषयी म्हणाल, तर त्यांचा मार्ग परिपूर्ण आहे.
याहवेहचे वचन दोषरहित आहे;
जे याहवेहच्या ठायी आश्रय घेतात त्यांची ते ढाल आहेत.
माझी ढाल म्हणून तुम्ही मला तारण दिले आहे,
तुमचा उजवा हात मला आधार देतो;
तुमच्या साहाय्याने मला थोर केले आहे.
माझी पावले घसरू नयेत,
म्हणून माझ्या पावलांसाठी तुम्ही मार्ग विस्तृत केला आहे.
याहवेहचे, माझ्या आश्रय खडकाचे स्तवन असो,
ते माझ्या बाहूंना युद्धाचे
व माझ्या बोटांना लढाईचे प्रशिक्षण देतात.
तेच माझे प्रेमळ परमेश्वर आणि माझा दुर्ग,
सुरक्षितेचा बुरूज आणि माझे मुक्तिदाता आहेत;
तेच माझी ढाल, माझे आश्रयस्थान आहेत,
ते माझ्या प्रजेला माझ्यासमोर नम्र करतात.
राजांना विजय तुमच्यामुळेच प्राप्त होतो,
आणि तुमचा सेवक दावीदाला सुरक्षा प्रदान करणारे तुम्हीच आहात.
घातकी तलवारीपासून
परंतु जे सर्व तुमच्याठायी आश्रय घेतात ते आनंदित होवोत;
त्यांना सदैव हर्षगीते गाऊ द्या.
तुम्ही त्यांचे रक्षण करता,
ज्यांना तुमचे नाव प्रिय आहे, त्यांनी तुमच्यामध्ये आनंद करावा.
याहवेह, नीतिमानांना तुम्ही निश्चितच आशीर्वादित करता;
तुमची कृपा एखाद्या ढालीप्रमाणे त्यांना वेढलेली असते.
मी तुम्हालाच हाक मारली आहे, कारण परमेश्वरा तुम्ही मला उत्तर द्याल;
माझ्या विनंतीकडे कान देऊन माझी प्रार्थना ऐका.
तुमचा आश्रय घेणार्यांना
त्यांच्या शत्रूपासून उजव्या हाताने तुम्ही वाचविता,
तुमच्या महान प्रीतीची अद्भुत कृत्ये मला प्रकट करा.
तुमच्या पंखांच्या छायेखाली
तुमच्या डोळ्याच्या बुबुळाप्रमाणे माझे रक्षण करा;
मला ज्यांनी सर्व बाजूने घेरले आहे त्या माझ्या प्राणघातक शत्रूंपासून,
जे दुष्ट लोक माझा नायनाट करण्यास तयार आहेत त्यांच्यापासून मला लपवा.
कारण राजाचा भरवसा याहवेहवर आहे;
सर्वोच्च परमेश्वराच्या अक्षय प्रीतीमुळे
तो कधीही ढळणार नाही.
तुमचा द्वेष करणारे तुमचे सर्व शत्रू तुमच्या हाती सापडतील.
तुमचा उजवा हात तुमच्या विरोधकांचा ताबा घेईल.
तुम्ही युद्ध करण्यासाठी जेव्हा प्रगट व्हाल,
तेव्हा तुम्ही अग्नीच्या भट्टीमध्ये भस्म केल्यागत त्यांना नष्ट कराल.
आपल्या क्रोधाने याहवेह त्यांना गिळंकृत करतील,
याहवेहचा अग्नी त्यांना भस्म करेल.
माझे आश्रयस्थान तुम्ही आहात;
संकटात तुम्हीच माझे रक्षण करणार
आणि मुक्ततेच्या गीतांनी तुम्ही मला वेढणार. सेलाह
Segurança e provisão
O Senhor supre todas as necessidades dos seus filhos. Quem busca o Reino primeiro não precisa temer — nada faltará aos que temem ao Senhor.
याहवेह माझे मेंढपाळ आहेत, म्हणून मला काही उणे पडणार नाही.
तरुण सिंहदेखील दुर्बल होतील व उपाशी राहतील,
परंतु याहवेहचा शोध घेणार्यांना कोणत्याही उत्तम गोष्टीची उणीव पडणार नाही.
याहवेहवर भरवसा ठेव आणि चांगले ते कर;
की तू सुरक्षित कुरणाचा आनंद उपभोगून देशात वसती करू शकशील.
मी तरुण होतो आणि आता प्रौढ झालो आहे,
तरी आजपर्यंत नीतिमानाला टाकलेला
किंवा त्याच्या संततीला भीक मागताना मी पाहिले नाही.
त्यामुळे परमेश्वर स्वतः ख्रिस्त येशूंमध्ये तुमच्या सर्व गरजा आपल्या गौरवी संपत्तीतून पुरवतील.
जे मला शक्ती देतात त्यांच्याद्वारे सर्वकाही करण्यास मी समर्थ आहे.
परंतु तुम्ही प्रथम त्यांचे राज्य आणि नीतिमत्व मिळविण्यासाठी झटा म्हणजे या सर्व गोष्टीही तुम्हाला प्राप्त होतील.
त्यांच्यासारखे होऊ नका, तुम्ही मागण्यापूर्वीच तुम्हाला कशाची गरज आहे हे तुमच्या पित्याला माहीत असते.
मागा, शोधा, ठोका
"मागा म्हणजे मिळेल, शोधा म्हणजे तुम्हाला सापडेल, दार ठोका म्हणजे ते उघडले जाईल. कारण जो कोणी मागतो त्याला मिळेल, जो कोणी शोधतो त्याला सापडेल आणि जो कोणी ठोकतो त्याच्यासाठी दार उघडले जाईल.
जर तुम्ही वाईट असूनही तुमच्या लेकरांना चांगल्या देणग्या देण्याचे तुम्हाला समजते, तर मग स्वर्गीय पित्याजवळ जे मागतात, त्यांना ते चांगल्या देणग्या किती विशेषकरून देतील?
Guarda e livramento
O anjo do Senhor acampa ao redor dos que o temem e os livra. Deus promete guardar todas as nossas saídas e entradas para sempre.
याहवेहचे भय धरणार्याभोवती त्यांचे देवदूत छावणी देतात
आणि त्याला ते सोडवितात.
जे त्यांची सेवा करतात, त्यांचा याहवेह उद्धार करतील;
जे त्यांचा आश्रय घेतात ते दंडित होणार नाहीत.
मी आपली दृष्टी पर्वताकडे लावतो—
मला साहाय्य कुठून येईल?
स्वर्ग व पृथ्वीचे निर्माणकर्ते याहवेह,
तेच माझ्या साहाय्यतेचा उगम आहेत.
ते तुझा पाय कदापि घसरू देणार नाहीत;
तुझे रक्षक डुलकीही घेत नाही.
खरोखर जे इस्राएलचे रक्षक आहेत ते झोपी जात नाहीत
किंवा डुलकीही घेत नाहीत.
याहवेह स्वतः तुझे रक्षण करतात—
याहवेह तुझ्या उजव्या हाताजवळ सावलीसारखे आहेत.
दिवसाच्या सूर्याची तुला बाधा होणार नाही,
आणि रात्रीच्या चंद्राची देखील नाही.
याहवेह सर्व अनिष्टांपासून तुला सुरक्षित ठेवतील—
आणि तुझ्या जिवाचे रक्षण करतील.
तुझे आता आणि सर्वकाळ येणे व जाणे,
यावर याहवेह बारकाईने लक्ष ठेवतील.
परमेश्वरा, माझे रक्षण करा,
कारण मी तुमच्या आश्रयाला आलो आहे.
परमेश्वरा, माझे रक्षण करा,
कारण मी तुमच्या आश्रयाला आलो आहे.
मी आपली दृष्टी सतत याहवेहवर ठेवली आहे;
ते माझ्या उजवीकडे आहेत, मी डळमळणार नाही.
मी आपली दृष्टी सतत याहवेहवर ठेवली आहे;
ते माझ्या उजवीकडे आहेत, मी डळमळणार नाही.
संकटाच्या समयी याहवेह तुझे ऐको;
याकोबाच्या परमेश्वराचे नाम सर्व अरिष्टांपासून तुझे रक्षण करो.
त्यांच्या पवित्रस्थानातून ते तुला मदत पाठवो
आणि ते तुला सीयोनातून साहाय्य पाठवो.
माझ्या जिवाचे रक्षण करा आणि मला वाचवा;
मला लज्जित होऊ देऊ नका,
कारण मी तुमच्या आश्रयास आलो आहे.
सात्विकपणा व सरळपणा माझे रक्षण करो,
कारण याहवेह, माझा भरवसा तुमच्यावर आहे.
युद्धात विजय प्राप्तीसाठी घोड्यावर भिस्त ठेवणे निरर्थक आहे;
घोडा बळकट असेल पण तो कोणाचा बचाव करू शकत नाही.
परंतु जे त्यांचे भय धरतात,
ज्यांची आशा त्यांच्या अक्षय प्रीतीवर आहे, त्यांच्यावर याहवेहची दृष्टी असते.
ते त्यांना मृत्यूपासून सोडवून,
दुष्काळात त्यांच्या प्राणाचे रक्षण करतात.
आम्ही याहवेहची वाट पाहत आहोत;
केवळ तेच आमचे साहाय्य आणि ढाल आहेत.
Confiança inabalável
Melhor é confiar no Senhor do que confiar no homem. Quem anda em integridade anda seguro, e a torre forte do nome do Senhor protege o justo.
याहवेह माझ्यासोबत आहेत, मला कशाचेही भय वाटणार नाही;
नश्वर मानव मला काय करणार?
नश्वर मानवावर भरवसा ठेवण्यापेक्षा,
याहवेहचा आश्रय घेणे उत्तम आहे.
याहवेहचे नाव बळकट दुर्ग आहे;
नीतिमान तिकडे धाव घेतात आणि सुरक्षित राहतात.
याहवेहचे नाव बळकट दुर्ग आहे;
नीतिमान तिकडे धाव घेतात आणि सुरक्षित राहतात.
याहवेहचा आदर मनुष्याचा दृढ गड आहे,
आणि त्याच्या मुलाबाळांना सुरक्षित आश्रयस्थान लाभते.
कारण याहवेह तुझ्या बाजूला असतील
आणि ते तुझा पाय पाशात अडकू देणार नाहीत.
सात्विक व सरळ जीवन जगणारा निर्भयतेने चालतो,
परंतु जो वाकड्या मार्गानी चालतो तो पकडला जाईल.
"परमेश्वराचा प्रत्येक शब्द दोषरहित आहे;
जे त्यांच्याकडे आश्रय घेतात, त्यांची ते ढाल आहेत.
"परमेश्वराचा प्रत्येक शब्द दोषरहित आहे;
जे त्यांच्याकडे आश्रय घेतात, त्यांची ते ढाल आहेत.
नीतिमत्ता प्रामाणिक मनुष्याचे रक्षण करते,
परंतु दुष्टता पापी मनुष्याचा संपूर्ण विनाश करते.
नीतिमान मनुष्य जिवाचे समाधान होईपर्यंत खातो,
परंतु दुर्जनाचे पोट रिकामेच राहते.
कारण याहवेह सुज्ञान देतात;
त्यांच्या मुखातून ज्ञान आणि शहाणपण येते.
नीतिमानांसाठी ते यश साठवून ठेवतात,
जे निर्दोषपणाने वागतात त्यांच्यासाठी ते ढाल आहेत.
कारण ते न्यायींच्या मार्गाचे रक्षण करतात
आणि त्यांच्या भक्तांचे मार्ग सुरक्षित ठेवतात.
सुज्ञ मनुष्य धोका ओळखतो आणि आश्रयास जातो,
परंतु भोळा मनुष्य पुढे जात राहतो आणि दंड भोगतो.
लढाईसाठी घोड्याला तयार केले आहे,
परंतु विजय देणे याहवेहच्याच हाती असते.
सर्वापेक्षा अधिक तुझ्या हृदयाचे रक्षण कर,
कारण जे सर्वकाही तू करतो, ते त्यापासून निष्पन्न होते.
A presença protetora
O Senhor prometeu estar conosco e nunca nos desampara. Ele é como sombra à nossa direita e fortaleza em todo o tempo.
खंबीर व्हा आणि हिंमत धरा. त्यांना भिऊ नका वा घाबरू नका, कारण याहवेह तुमचे परमेश्वर तुमच्याबरोबर जातील; ते तुम्हाला कधीही सोडणार नाही किंवा त्यागणार नाही."
सनातन परमेश्वर तुमचा आश्रय आहे,
आणि सनातन बाहू तुझ्याखाली आहेत.
तुझ्या शत्रूंना ते तुझ्यापुढून घालवून देतात,
‘त्यांचा नाश करा!’ असा ते आदेश देतात.
मोशे बिन्यामीनाबद्दल म्हणाला:
"याहवेहचा लाडका त्यांच्याजवळ सुरक्षित राहो,
कारण दिवसभर याहवेह त्याची ढाल होऊन त्याला आपली सुरक्षा प्रदान करतात,
आणि जो याहवेहला प्रिय आहे तो त्यांच्या दोन्ही खांद्यामध्ये सुरक्षित आहे."
तुमच्याविरुद्ध घडविलेले कोणतेही शस्त्र कधीच सफल होणार नाही
आणि तुमच्यावर आरोप करणारी प्रत्येक जीभ खोटी ठरविली जाईल.
याहवेहच्या सेवकांचा हा वारसा आहे,
हाच न्याय मी तुम्हाला दिला आहे,"
अशी याहवेह घोषणा करतात.
ज्यांचे मन स्थिर आहे,
त्या तुम्हाला परिपूर्ण शांती मिळेल,
कारण ते तुमच्यावर भरवसा ठेवतात.
वयस्कर होऊन तुमचे केस पांढरे होईपर्यंत
तो मी आहे, तो मी आहे जो तुम्हाला आधार देईल.
मी तुम्हाला निर्माण केले आहे व मी तुमचा सांभाळ करेन;
मी तुम्हाला आधार देईन व तुम्हाला सोडवेन.
ज्याप्रमाणे पक्षी डोक्यावर घिरट्या घालतात,
त्याप्रमाणे सर्वसमर्थ याहवेह यरुशलेमची ढाल होतील;
ते तिला संरक्षण देऊन सोडवतील,
ते त्यांना ओलांडून जातील आणि त्याला सोडवतील आणि त्याचा बचाव करतील."
योग्य तेच करण्यास शिका; न्यायीपणाचा शोध घ्या.
पीडितांचे संरक्षण करा.
पितृहीनांच्या बाजूचे समर्थन करा;
विधवांची बाजू मांडा.
जर तुमची तयारी असेल आणि तुम्ही आज्ञाकारक असाल,
तर तुम्ही भूमीच्या चांगल्या वस्तू खाल;
परंतु जर तुम्ही विरोध कराल आणि विद्रोह कराल,
तर तुमचा तलवारीने नाश केला जाईल."
कारण हे शब्द याहवेहच्या मुखातील आहेत.
याहवेह तुमच्यासाठी लढतील; तुम्ही केवळ स्तब्ध राहा."
याहवेह चांगले आहेत,
संकटसमयी आश्रयस्थान आहेत.
त्यांच्यावर भरवसा ठेवणार्या प्रत्येकाची ते काळजी घेतात.
Promessas de cuidado
Deus garante que nem um fio de cabelo cairá sem sua permissão. Ele deseja que vivamos em paz, confiança e segurança total nele.
दोन चिमण्या एका पैशात विकत नाहीत काय? तरी त्यापैकी एकही चिमणी तुमच्या पित्याच्या इच्छेविना जमिनीवर पडणार नाही. आणि तुमच्या डोक्याचे सर्व केसही मोजलेले आहेत. म्हणून भीती बाळगू नका, कारण तुम्ही पुष्कळ चिमण्यांपेक्षा अधिक मोलवान आहात.
तुम्ही विश्वास ठेऊन आणि प्रार्थना करून जे काही मागाल ते तुम्हाला मिळेल."
माझ्यामुळे सर्वजण तुमचा द्वेष करतील. परंतु तुमच्या डोक्यावरील एका केसाचा देखील नाश होणार नाही. खंबीरपणे उभे राहा, म्हणजे जीवन मिळवाल.
नंतर येशूंनी त्यांना विचारले, "मी तुम्हाला झोळी, पिशवी किंवा पायतणे न घेता पाठविले, तेव्हा तुम्हाला काही कमी पडले का?"
"नाही," त्यांनी उत्तर दिले.
अधिक विजयी
अशा गोष्टींना प्रतिसाद म्हणून काय म्हणावे? जर परमेश्वर आपल्या पक्षाचे आहेत तर आमच्याविरुद्ध कोण असू शकेल?
म्हणूनच आत्मविश्वासाने आपल्याला म्हणता येते:
"प्रभू माझे सहायक आहेत; मला कशाचेही भय वाटणार नाही.
नश्वर मानव मला काय करणार?"
तुम्ही स्वतः परमेश्वराच्या अधीन व्हा. सैतानाचा विरोध करा, म्हणजे तो तुम्हापासून पळून जाईल;
आपण झोपी गेलेल्या सारखे असू नये, परंतु जागृत आणि शुद्धीवर असलेले असावे.
Fidelidade e aliança
Deus é fiel à sua aliança. Ele protege cada promessa que faz e guarda os seus como a menina dos seus olhos.
परंतु प्रभू विश्वासू आहेत, ते तुम्हाला सामर्थ्यवान करतील आणि दुष्टापासून तुमचे रक्षण करतील,
आणि आपण जे काही मागतो ते त्यांच्याकडून मिळते, कारण आपण त्यांच्या आज्ञा पाळतो आणि त्याला आवडणार्या गोष्टी करतो.
आपल्याला परमेश्वराच्या समक्षतेत येण्यासाठी आत्मविश्वास आहे, कारण आपण त्यांच्या इच्छेनुसार काही मागितले तर ते आमचे ऐकतात. जे आपण मागतो ते ऐकतात आणि आपल्याला माहीत आहे की जे आपण त्यांना मागितले आहे ते आपणास मिळाले आहे.
आपल्याला माहीत आहे की, जे कोणी परमेश्वरापासून जन्मले आहेत ते पाप करीत राहत नाहीत; जे परमेश्वरापासून जन्मले आहेत त्यांना परमेश्वर सुरक्षित ठेवतात आणि तो दुष्ट त्यांना अपाय करू शकत नाही.
आता मी या जगात राहणार नाही, मी तुमच्याकडे येत आहे, परंतु ते या जगात अजूनही आहेत. पवित्र पित्या, जे नाव तुम्ही मला दिले आहे, त्या नावाच्या सामर्थ्याने त्यांना सुरक्षित ठेवा, यासाठी की जसे आपण एक आहोत तसे त्यांनी एक व्हावे. जोपर्यंत मी त्यांच्याबरोबर होतो, तोपर्यंत जे नाव तुम्ही मला दिले, त्याद्वारे मी त्यांना राखले व सुरक्षित ठेवले आणि जो नाशाचा पुत्र आहे त्याच्याशिवाय एकाचाही नाश झाला नाही, यासाठी की शास्त्रलेख पूर्ण व्हावा.
तुम्ही त्यांना जगातून काढून घ्यावे यासाठी मी प्रार्थना करीत नाही, परंतु त्यांचे दुष्टापासून रक्षण करावे.
याहवेहखेरीज दुसरा कोण परमेश्वर आहे?
आणि आमच्या परमेश्वराशिवाय कोण खडक आहे?
तर आता प्रसन्न होऊन आपल्या सेवकाच्या घराण्याला आशीर्वाद द्या, म्हणजे त्यांनी तुमच्या दृष्टीपुढे सदैव राहावे; कारण, सार्वभौम याहवेह, तुम्ही हे बोलला आहात आणि आपल्या आशीर्वादाने तुमच्या सेवकाचे घराणे सदैव आशीर्वादित व्हावे."
नंतर त्याने दिमिष्कातील अरामी राज्यात ठाणे बसविले आणि अरामी लोक त्याच्या अधीन झाले आणि त्याला कर देऊ लागले. दावीद जिथे कुठे गेला, तिथे तिथे याहवेहने त्याला विजय दिला.
जिथे कुठे तू गेलास तिथे मी तुझ्याबरोबर राहिलो आणि तुझ्या सर्व शत्रूंना तुझ्यापुढून छेदून टाकले. आता मी, पृथ्वीवरील सर्वश्रेष्ठ पुरुषांच्या नावांप्रमाणे तुझे नाव करेन.
" ‘माझ्या आज्ञांचे पालन करा आणि माझे विधीचे पालन करण्याची काळजी घ्या, म्हणजे तुम्ही देशात सुरक्षितपणे राहाल.
यापुढे सर्व सजिवांचा जलप्रलयाद्वारे मी कधीही नाश करणार नाही; पृथ्वीचा नाश करण्याकरिता मी दुसरा जलप्रलय केव्हाही पाठविणार नाही, असा मी तुझ्याशी करार करतो."
सार्वभौम याहवेह
आपल्या सेवक संदेष्ट्यांना त्याच्या योजना प्रकट केल्याशिवाय
निश्चितच काहीही करणार नाही.
Provisão diária
Deus satisfaz os desejos do coração dos seus filhos. Ele abençoa, renova as forças e sustenta dia após dia quem nele confia.
याहवेह, तुमची कृपा माझ्यापासून राखून धरू नका;
तुमची प्रीती आणि विश्वासूपणा मला नेहमी सुरक्षित ठेवील.
तू आपला भार याहवेहवर टाक
आणि ते तुला आधार देतील;
नीतिमानाला ते कधीही
विचलित होऊ देणार नाही.
परंतु मी दररोज सकाळी तुमचे सामर्थ्य
आणि तुमची दया यांची गीते गाईन,
कारण माझ्या दुःखाच्या व संकटाच्या दिवसात तुम्ही माझे
आश्रयदुर्ग आणि शरणस्थान आहात.
परंतु राजा परमेश्वरामध्ये उल्हास करेल;
जे लोक परमेश्वराची शपथ घेतात, ते सर्व त्याचे गौरव होईल;
परंतु लबाडांची तोंडे बंद होतील.
परमेश्वराची स्तुतिस्तोत्रे गा, त्यांच्या नावाचे स्तवन करा,
जे मेघांवर स्वार होतात, त्यांची महिमा करा;
त्यांचे नाव याहवेह आहे—त्यांच्या समक्षतेत हर्ष करा.
परमेश्वर पितृहीनांचे पिता आणि विधवांचे न्यायदाता आहेत,
ते आपल्या पवित्र निवासस्थानी आहेत.
परमेश्वर, आमचे प्रभू, आमच्या तारकाचे स्तवन होवो,
ते दररोज आमची ओझी वाहतात. सेला
मी याहवेह, तुझा परमेश्वर आहे,
ज्याने तुला इजिप्तच्या भूमीतून सोडवून आणले.
तू आपले मुख पूर्ण उघड आणि ते मी भरेन."
कारण याहवेह परमेश्वर आमचा सूर्य आणि आमची ढाल आहेत;
ते आम्हाला कृपा व गौरव देतात;
जे निष्कलंक असतात,
त्यांच्यापासून ते कोणतीही उत्तम गोष्ट रोखून धरणार नाहीत.
याहवेहवर प्रीती करणारे वाईटाचा द्वेष करोत,
कारण ते त्यांच्या भक्तांच्या जिवाचे रक्षण करतात
आणि दुष्टांच्या हातातून त्यांना सोडवितात.
याहवेह साध्याभोळ्या लोकांचे रक्षण करतात;
मी गर्तेत ओढला गेलो असताना, त्यांनी मला वाचविले.
हे माझ्या जिवा, पुन्हा एकदा शांतचित्त हो,
कारण याहवेहने तुझे भले केले आहे.
कारण हे याहवेह, तुम्ही मला मृत्यूपासून सोडविले,
माझे डोळे अश्रूंपासून
आणि माझे पाय अडखळण्यापासून रक्षिले आहेत.
जेणेकरून मी जिवंत लोकांमध्ये राहून,
याहवेहच्या समक्षतेत चालू शकेन.
तुम्ही माझा आश्रय व माझी ढाल आहात;
तुमच्या अभिवचनांवर मी आशा ठेवली आहे.
याहवेहने घर बांधले नाही,
तर बांधकाम करणार्यांचे श्रम व्यर्थ आहेत;
याहवेहने शहराचे रक्षण केले नाही,
तर पहारेकर्यांचे जागणे व्यर्थ आहे.
"येथे दावीदाच्या शिंगाला अंकुर फुटेल
आणि आपल्या अभिषिक्तासाठी मी एक दीप स्थापित करेन.
मी त्याच्या शत्रूंना लज्जारूपी पांघरूण घालेन,
परंतु त्याचे मस्तक राजमुकुटाने गौरवमंडित होईल."
याहवेह माझे निर्दोषत्व सिद्ध करतील;
परमेश्वरा, तुमची करुणा सनातन आहे—
आपल्या हस्तकृतीचा त्याग करू नका.
तुम्ही आपला हात उघडता
आणि प्रत्येक जीवित प्राण्यांची सर्व इच्छा पूर्ण करता.
गरीब व गांजलेले यांना तेच योग्य न्याय देतात;
तसेच भुकेल्यांस ते अन्न देतात;
याहवेहच बंदिवानांना मुक्त करतात,
ते आंधळ्यास दृष्टी प्रदान करतात,
याहवेह ओझ्याखाली वाकलेल्यास उचलून उभे करतात,
परमेश्वराला नीतिमान प्रिय आहेत.
याहवेह निर्वासितांचे रक्षण करतात,
आणि अनाथ व विधवा यांची काळजी घेतात,
परंतु दुष्टांच्या योजना ते नष्ट करतात.
मी शांतचित्ताने झोपी जाईन,
कारण हे याहवेह तुम्हीच
मला सुरक्षित ठेवता.
परमेश्वराची सर्व शस्त्रास्त्रे धारण करा, म्हणजे तुम्हाला सैतानाच्या योजनेविरुद्ध उभे राहता येईल.
परमेश्वराची सर्व शस्त्रास्त्रे धारण करा, म्हणजे तुम्हाला सैतानाच्या योजनेविरुद्ध उभे राहता येईल. कारण आपले युद्ध मांस आणि रक्त यांच्याविरुद्ध नाही, तर सत्ताधारी, अधिपतींविरुद्ध, अंधकाराच्या शक्तीविरुद्ध, आणि आकाशमंडळातील दुष्ट आत्मे यांच्याविरुद्ध आहे.
"एखादा मर्त्यमनुष्य परमेश्वराला लुबाडू शकेल काय? तरीही तुम्ही मला लुबाडले आहे.
"पण तुम्ही विचारता, ‘आम्ही तुम्हाला कसे लुबाडत आहोत?’
"दशांश आणि अर्पणात. तुमच्यावर शाप आहे—तुमचे संपूर्ण राष्ट्र—तुम्ही मला लुबाडीत आहात. तुमचा सर्व दशांश मंदिराच्या भांडारात आणा म्हणजे माझ्या भवनात पुरेसे अन्न राहील. याबाबत तुम्ही माझी परीक्षा घ्या," सर्वसमर्थ याहवेह म्हणतात. "आणि बघा तुमच्यासाठी मी स्वर्गाची धरणद्वारे उघडेन आणि तुमच्यावर आशीर्वादाचा एवढा वर्षाव करेन की ते साठविण्यास तुमच्याजवळ पुरेशी जागाही असणार नाही.
मी त्यांना आणि माझ्या डोंगराभोवती असलेल्या ठिकाणांना आशीर्वाद असे करेन. मी नेमलेल्या ऋतूत पाऊस पाडेन; आशीर्वादाची वृष्टी असेल.
जसे धन तसेच
सुज्ञान हे एक आश्रयस्थान आहे,
परंतु सुज्ञानाचा फायदा हा आहे:
ज्ञान ज्यांच्या मालकीचे आहे, त्यांचे रक्षण करते.
याचप्रमाणे, प्रभूने आज्ञा दिली आहे की जे शुभवार्तेचा प्रचार करतात त्यांचे पोषण शुभवार्तेद्वारे झाले पाहिजे.
कारण पैशाचा लोभ सर्वप्रकारच्या दुष्टाईचे एक मूळ होय. पैशाच्या आसक्तीने कित्येक विश्वासापासून बहकले आहेत आणि त्यांनी स्वतःस अनेक दुःखांनी भेदून घेतले आहे.
मी थकलेल्यांना व मूर्छित झालेल्यांना ताजेतवाने व संतुष्ट करेन."
याच कारणामुळे मी येथे तुरुंगात दुःख सोशीत आहे. पण मला त्याची मुळीच लाज वाटत नाही, कारण ज्यांच्यावर माझा विश्वास आहे, त्यांना मी चांगला ओळखतो आणि माझी खात्री आहे की मी त्यांच्याकडे सोपविलेली माझी ठेव त्यांच्या त्या दिवसापर्यंत राखून ठेवण्यास ते समर्थ आहे.