Salmos 23

दावीदाचे स्तोत्र.

1 याहवेह माझे मेंढपाळ आहेत, म्हणून मला काही उणे पडणार नाही.

2 ते मला हिरव्यागार कुरणात विश्रांती देतात,

ते मला संथपणे वाहणार्‍या झर्‍याजवळ नेतात.

3 ते माझा जीव ताजातवाना करतात.

ते आपल्या नावासाठी

मला नीतिमार्गाने चालवितात.

4 मृत्युछायेच्या दरीतूनही*23:4 किंवा अंधार्‍या दरीतून

मी जात असलो,

तरी कोणत्याही अरिष्टाला भिणार नाही,

कारण तुम्ही माझ्याबरोबर आहात;

तुमची आकडी व तुमची काठी

मला धीर देतात.

5 तुम्ही माझ्या शत्रूंच्या देखत

माझ्यापुढे ताट वाढता;

तुम्ही माझ्या डोक्याला तेलाने अभिषेक करता;

माझा प्याला भरभरून वाहत आहे.

6 खरोखर चांगुलपणा व करुणामयप्रीती

मजबरोबर आयुष्यभर असतील,

आणि मी याहवेहच्या,

घरात सदासर्वदा राहीन.