Protecção e segurança
Deus é nosso protetor e refúgio seguro. Em todas as circunstâncias, a Bíblia nos assegura que o Senhor guarda, sustenta e protege aqueles que nele confiam.
Deus, a nossa fortaleza
O Senhor é refúgio e fortaleza, socorro bem presente na angústia. Quem habita no esconderijo do Altíssimo descansa à sombra do Todo-Poderoso.
Pachia Thungkhawnaw
Pachia tuh aening khynnaw te
thawzung nynh thua,
vawsaw ccyh lya zungzae
oun bawmtu nynh thua.
Pachia Thungkhawnaw
Pachia tuh aening khynnaw te
thawzung nynh thua,
vawsaw ccyh lya zungzae
oun bawmtu nynh thua.
Thungkhawtu Pachia
Ahang Huaccepaw kya-e
khynnaw kya na umpaw,
Athunghuapaw kya-e mynlyh kaw
na umpaw nang nynh
Bawipaw kyakhe, "Ka khynnaw te
ka rhawlungrua athuapaw
ka Pachia kha ka doliaku,"
cite na hopah cih.
a sake ming nynh
nang kha ae bong cih zah,
a sake kaw khe khynnaw na mue cih;
a lungzinaw tuh khawriaphua te
rhawtuk-zunghe athua cih.
Na pe khe ccungccaw thong kheit,
na ranglang khe
thong haw a chih cih hae,
thuasalama tuh-e chinawpaw nynh
nang kha ae thuanua lan khyh.
Bawipaw kha na khynnaw lang
na nungkuh zah,
Ahang Huaccepaw kha
na umnaw hmin lang
na nungku vae keiccuze,
hoyleinaw tuh na tungvaw
ccah lan khyh zah,
ccinaw alepaw tuh na inn pe lang
naekuh lan khyh.
Thehoysahnaw Hlaw
Bawipaw tuh ka awnaw te
kae yn khumtu nynh thua;
Hum raw mou ka rih cih?
Bawipaw tuh ka hiinnaw
a rekunaw nynh thua;
Hummou ka ripah cih?
Pachia rou hynh nynh ka lungpi,
ka khumnaw te ka khynnaw athua;
kae tuh yn piasah kho lan khyh hae.
Bawipaw tuh tuaasahkunaw
a teing hae paw hanlan
rekunaw thua zah,
vawsaw tung lya rekunaw nynh thua.
O escudo do Senhor
Deus nos rodeia com sua proteção como um escudo. Ele é rocha, baluarte e libertador. Sua fidelidade nos cobre e nos guarda.
Thuasalama, pou Bawipaw ,
nang tuh yn thungkhawpaw
khawriaphua na thua zah,
ka phu-enaw te ka lu
yn hangthungpaw nynh na thua.
Rhaw laku kya Pachia Doliakunaw
Pou Bawipaw , ka rhaw hae tuh
paw alung hae baban! Kae kha rawsete
yn thonuakuh hae paw myarya alung;
"Pachia nynh bawm lan khyh," cite
ka konglang a hopaw patae a um hae.
Thuasalama, pou Bawipaw ,
nang tuh yn thungkhawpaw
khawriaphua na thua zah,
ka phu-enaw te ka lu
yn hangthungpaw nynh na thua.
Bawipaw kalan thawte
ka sia zah,
athyaapaw a mua kyate yn leih.
Bawipaw nynh yn bawm keiccuze
ka huekuh zah ka ihtheih; te bua ka tho.
Kae kha yn rawse hae zah
yn koihlu hae paw
ccungccaw athong-asan hae kha
ka rih khyh hae.
E Pachia tuh, a laanpi phe accing;
Bawipaw byakinpyakunaw nynh
ahmepaw kha ccaekia a khan;
Aning tuh amaw kya
a rekuh hae paw balyn hanlan
khawriaphua nynh thua.
Na khumnaw khawriaphua kha
nae pya vae zah,
na ranglang kuih nynh yn bawm vae;
nae bawmnaw nynh yn lesaesah vae.
Ka ccusy hanlan laanpi akopaw kha
nae pya zah,
ka ccu tuh thei khyh.
Minphuin hanlan Sawsangnaw
Ka lungpi athuapaw Bawipaw tuh
thehoyte um sah,
aning nynh rhawtuk nawlan ka kuih kha
ccangpah zah, rhawdou nawlan
ka kuihdung kha a ccangpya.
Aning tuh ka lungpi,
ka rhawlungrua,
ka khynnaw te yn luesahtu,
ka khawriaphua,
ka khynnawpaw,
minphuin ccangpaw hae kha
ka zakaw a sangsahtupaw nynh thua.
Siapharan hae kha taenaw na pya hae zah,
na ryalahtu David kha na luesah.
Na kya a rekuh hae paw balyn tuh
mih lungtua sah;
lungpawte hlawsah zungzae hae sah.
Na min a sungsah hae paw tuh
namaw liate mih lung atua nawlan,
minmin kha thungkhaw hae.
Pou Bawipaw , adingpaw kha
hythua na pya;
na thawccinaw khate
khawriaphua hawte na thungkhaw.
Pou Pachia, kae kha
nae thaepah cih keiccuze
nang kha kae ko;
na naw kha ka kalan
beih yn tuakuh lah,
ka bya hynh yn thaepya tua.
Na kya a rekuh hae paw kha
mih rhaw hae kyate
na ranglang kuih te
na khumtu hae paw Pou Khumtu,
atynpaw na sungsahnaw kha
ngaeang lan a um lante langsaku tua.
Kae yn tuaa yn sah hae paw
ccungccaw hoylei hae paw kyate thuasah,
kae kha koihlute yn theih ry hae paw
ka rhaw hae kyate thuasah
na mitlungdy hawte yn rin lah,
na sake mynlyh kyakhe yn resaku tua.
Pawccecize siapharan tuh
Bawipaw kha doliakuh zah,
Ahang Huaccepaw kya-e atynpaw
sungsahnaw liate aning tuh
atyn zungzae cih.
Na kuih nynh na rhaw hae balyn kha
a kyng cih hae;
na ranglang kuih nynh
nang ae hua hae paw kha
a kyng cih hae.
Nang he nae langkuh te, minmin kha
ezazaepaw maeephupi hawte
na thuasah cih hae.
Bawipaw nynh a thinrianaw khate
a laang cih hae zah,
maee nynh minmin kha
phe ccung lan a u cih hae.
Nang tuh ka rekunaw hmin nynh na thua;
vawsawnaw kyate nae thungkhaw;
luenaw hlaw khate kae kha nae koihlu.
Segurança e provisão
O Senhor supre todas as necessidades dos seus filhos. Quem busca o Reino primeiro não precisa temer — nada faltará aos que temem ao Senhor.
Tuurinpaw Bawipaw
Bawipaw tuh ka tuurinpaw nynh thua,
ka hobounaw um lan khyh.
Chindeih ano hae paw tuh
hobounaw hoi hae zah mih vuelaw,
thuasalama Bawipaw a ccung hae paw tuh
uccaw hoypaw pawpaw mah
hobou khyh hae.
Bawipaw kha doliakuh lah,
hoynaw kha raetua;
tetuh ram lungkhu kya na um cih zah,
khyndadyh lan na lungtua cih.
Atu tuh ka taw vae zah ka no vae khyh,
tuhzemah miding kha
vua athuapaw ka muih boi khyh,
a ccaaw hae nynh looh
a ngiaku hae paw kha mah
ka muih boi khyh.
Te ka Pachia nynh a phu-enaw kya a hoirum thyhte nae hanlan ahoboupaw miakaw kha Khri Jesu liate ae ccingsahpah cih oh.
Thawzung yn pyatupaw Khri liate pawpaw balyn ka cyih kho.
Pachia peenaw te a dingnaw kha masaty ccung oh, te hynh-e uccaw hae balyn kha pyachih na thua cih oh.
Tukeiccuze nanning tuh minmin hawte cyihbua nan oh; pawccecize nae Paaw nynh nanning elang aho-aboupaw kha na ngia maw oh ze phe a ny vae.
Ngia, Ccung, Khua
"Ngia oh lah ae pya cih oh; ccung oh lah na muih cih oh; khua oh lah thuakaw kha hungpya na thua cih oh. Pawccecize a ngiapaw miakaw tuh a mue; a ccungpaw miakaw tuh a muih; thuakaw a khuapaw miakaw tuh hungpya athua cih.
Ccungccaw hoy leipaw mang na thua oh pite nae ccaaw hae kha lasung hoypaw pya lan na ny oh ze, vaawlang umpaw nae Paaw nynh amaw kalan a ngiakuh hae paw kha uccaw hoypaw tuh houh a pya cih hae!
Guarda e livramento
O anjo do Senhor acampa ao redor dos que o temem e os livra. Deus promete guardar todas as nossas saídas e entradas para sempre.
Bawipaw raw a rih hae paw
mih pepan khe a vaaw ccungccapaw nynh
po voilu lan umnua hae zah
minmin kha a luesah hae.
Bawipaw nynh a ryalahtu hae
hiinnaw kha a shawkhaw hae;
amaw kya a rekuhpaw tuh
seibenaw mue lan khyh.
Pachia Thungkhawnaw
Mua langkhe ka dothung—
tei kyate mou ka hanlan
bawmnaw yn thua cih?
Ka hanlan bawmnaw tuh
vaaw te lae a raetu
Bawipaw kyate nynh yn thua.
Na ccu kha ae theisah lan khyh;
nang ae rintupaw nynh
nang kha ae ngawtaw lan khyh.
Israel a rintupaw tuh
ngawphukuh lan khyh zah,
i mah ih lan khyh.
Bawipaw tuh nang ae rintu nynh thua;
Bawipaw tuh na ranglang a umpaw
na rekunaw mynlyh nynh thua.
Khuadae kya khuanin nynh thuasah,
khuazi kya sawpaw nynh thuasah
vawsaw ae pya lan khyh.
Bawipaw nynh ahoy leipaw balyn kyate
ae thungkhaw cih zah,
na hiinnaw kha ae rin cih.
Bawipaw nynh na pou ze thuasah,
na tee ze thuasah atu te
zungzae cia ae rin cih.
Pachia Doliakunaw Hlaw
Pou Pachia, na kya ka reku keiccuze
yn thungkhawtua.
Pachia Doliakunaw Hlaw
Pou Pachia, na kya ka reku keiccuze
yn thungkhawtua.
Bawipaw tuh ka mitmaevaw kya
tyty a um;
aning tuh ka ranglang khe a um keiccuze
pawpaw nynh mah
yn piasah kho lan khyh.
Bawipaw tuh ka mitmaevaw kya
tyty a um;
aning tuh ka ranglang khe a um keiccuze
pawpaw nynh mah
yn piasah kho lan khyh.
Taenaw hanlan Sawsangnaw
Vawsaw na tung ccyh lyakhe
Bawipaw nynh nang kha
ae thaepah vae sah!
Jakob Pachia min nynh
ae thungkhaw vae sah!
A beikinnthyaa kyate
bawmnaw ae pya vae sah,
te Zion Mua kyate ae bawm vae sah!
Ka hiinnaw hynh yn rin lah,
yn khumtua;
na kya ka reku keiccuze
maethya yn lah nan.
Nang kha kae ngaehoiku keiccuze,
hoynaw te dingnaw nynh
yn thungkhaw vae sah.
Rhawtuknawpaw marang tuh
rhaw taenaw hanlan
accakaepaw ngaehoinaw nynh thua,
myarya lepaw a thungnaw nynh
khum kho khyh.
Bawipaw raw a rih hae paw te
atynpaw a sungsahnaw
a ngaehoikuh hae paw kha
chinaw kyate luesah khylan te
ccakan a cci lya mih hiinnaw kha
khynsah khylan Bawipaw nynh
tyty a do hae.
Aening muisaw nynh Bawipaw kha
a ngaehoiku;
aning tuh aening oun bawmtu te
ah khawriaphua nynh thua.
Confiança inabalável
Melhor é confiar no Senhor do que confiar no homem. Quem anda em integridade anda seguro, e a torre forte do nome do Senhor protege o justo.
Bawipaw nynh yn pankhae keiccuze
ka rih khyh.
Ccungccaw nynh ka tungvaw
pawmou yn cyih kho cih?
Ccungccaw doliaku laeze
Bawipaw doliaku tuh ahoyhua.
Bawipaw min tuh
tynkarangpaw rhawviainn nynh thua;
miding hae nynh tuh-e inn lungkhu lang
ccue hae zah a khyn hae.
Bawipaw min tuh
tynkarangpaw rhawviainn nynh thua;
miding hae nynh tuh-e inn lungkhu lang
ccue hae zah a khyn hae.
Bawipaw raw a rihpaw tuh
zynkunaw varyng hoi zah,
a ccaaw hae mah
khynnaw a hoi cih hae.
pawccecize Bawipaw tuh
na zynkunaw athua cih zah,
na ccu kha kaangkaenaw kyate
ae khynsah cih.
Dingnaw kya a cceihpaw tuh
khyndadyh lan a cceihpaw nynh thua,
thuasalama akoupaw laanpi
a zuipaw tuh muihbia athua cih.
Pachia bya miakaw tuh akyh;
amaw kya a rekuh hae paw hanlan
aning tuh khawriaphua nynh thua.
Pachia bya miakaw tuh akyh;
amaw kya a rekuh hae paw hanlan
aning tuh khawriaphua nynh thua.
Dingnaw nynh laanding
a zuipaw kha a thungkhaw,
thuasalama hoyleinaw nynh
misei hae kha a khulia hae.
Miding tuh ae lanpaw
phe zaw lan a hoi,
thuasalama ccungccaw
hoylei hae paw tuh
zungzae mih vuelaw.
Pawccecize Bawipaw nynh tuh
hawnaw kha a pya hae,
nynaw te thaethyanaw tuh
a khalang kyate nynh yn thua.
Miding hae hanlan
hawnaw hoypaw kha a ccakhungpya hae;
ccaenaw um lei lante
a cceih hae paw hanlan aning tuh
khawriaphua nynh thua.
Byading laanpi kha phang rin zah
alungzipaw a ccungccaw hae laanpi kha
a khynsahpya hae.
Mihawpaw nynh tuh
vawsawnaw kha muih zah
a retawku; thuasalama tuanaw
a zyapaw nynh tuh ccianua zah,
tuh-e vawsawnaw tuh a teing.
Rhawtuknaw nin hanlan
marang kha paccyn athua vae,
thuasalama taenaw tuh
Bawipaw kya-e nynh thua.
Na thinlung kha hoyte raeringtua,
pawccecize tuin kyate nynh
hiinnaw tuidy yn phyh.
A presença protetora
O Senhor prometeu estar conosco e nunca nos desampara. Ele é como sombra à nossa direita e fortaleza em todo o tempo.
Nae thawsae sah lah, nae rawthung sah; rih nan oh lah, thyngkuh nan oh, pawccecize nanning ryte a cceihpaw tuh Bawipaw nae Pachia nynh thua; nanning kha ae cciataw lan khyh oh zah ae vua lan khyh oh," a cipya hae.
Zungzae hiinpaw Pachia tuh
na umnaw hmin nynh thua,
nang bawm khylan
zungzae tynpaw kuihbaw a um.
Te na rhaw hae kha na malang te
sakhia hae zah, "Roh oh!" a ci.
Benjamin kong kha:
"Bawipaw nynh a sungsahpaw tuh
amaw kyakhe khyndadyh lan a um,
Ahangpaw Pachia nynh
amaw kha ninlang thungkhaw zah,
a raw te a raw laku khe
a umsah," cite a ho.
Nang kha rawsete
raepaw zunghe tuh
ccungkia lan khyh,
byapiazung kya
nang kaethenawpaw bya miakaw kha
a seinaw na langsakuh kho cih.
E tuh Bawipaw ryalahtu hae kya-e
rho thua zah, ka kyate a mue hae paw
thyaaccounaw nynh thua, cite
Bawipaw nynh a ci.
Atynpaw thinlung a hoi hae paw nynh
nang kha ae doliaku hae keiccuze
daenaw na pya hae.
Nae kum tang zah nae sang apaw cia heize
kae tuh nae Pachia ka thua zah
kae do-oih cih oh.
Kae raekuh vae oh zah, kae do-oih cih oh,
kae bawm cih oh zah kae khum cih oh.
Pavaw nynh a taw kha
thungkhaw khylan a bu luki
a zou bungthung hawte,
vaaw Bawipaw nynh
Jerusalem kha a thungkhaw cih;
Jerusalem kha a thungkhaw cih zah
a luesah cih, a haang cih zah a khum cih.
hoynaw rae kha ccangkuh oh lah,
dingnaw kha ccung oh,
tuaasahkunaw a teing hae paw kha khum oh,
ngawraw hae kha thungkhaw oh,
nomae hae kha pankhaw oh," a ci.
Nanning nynh lungthote
kaw na ngae oh zetuh
ram kyate apoupaw
uccaw hoypaw kha na ae cih oh;
thuasalama nanning nynh
kaw-eite nae dou oh zetuh,
thaloi rhaw te na chih cih oh;
pawccecize Bawipaw nynh a ho vae.
Bawipaw nynh nae hanlan rhaw ae tukpah cih oh; nanning nynh daebabi lan na um cih oh," a cipya hae.
Bawipaw tuh ahoy,
vawsaw tung ccyh lya
khynnaw hmin nynh thua;
amaw kya a rekuh hae paw kha
thungkhaw hae zah,
Promessas de cuidado
Deus garante que nem um fio de cabelo cairá sem sua permissão. Ele deseja que vivamos em paz, confiança e segurança total nele.
Rithya sa ning kha phuapia pia kheit lang zua khyh hae tou? Tuh-e rithya sa kheit sanmah nae Paaw kaw leite laekhu lang ccah lan khyh. Nae lu kya-e nae sangrua kha heize marya ria athua. Tukeiccuze rih nan oh, nanning tuh rithya patae laeze nae phutehua.
Na zyn oh ze sawsang te na ngia oh paw miakaw kha na mue cih oh," a cipya hae.
Ka min keiccuze ccungccaw balyn nynh ae hua cih oh. Thuasalama nae lu kya-e nae sangrua ccangkheit sanmah zo lan khyh. Na ngaesangnaw oh liate nae hiinnaw kha na mue oh.
Phuabu, Sohrae te Thaloi
Jesu nynh zuitu hae kha, "Phuabu, sohrae, phanah phuku leite kae saw lya oh kha, hankhakheit na ho na bou oh paw um tou?" cite a khia hae. Minmin nynh, "Um khyh, ccangkheit san um khyh," a ci hae.
Jesu Khri kya Pachia Sungsahnaw
Tuhteze hynh-e uccaw hae kong hynh pawtemou ah ho cih oh? Pachia tuh aening kalan a pan ze, hum nynh mou oun rawse kho cih?
Tukeiccuze,
"Bawipaw tuh
kae yn bawmtu thua zah
ka rih lan khyh.
Ccungccaw nynh
pawmou yn cyih kho cih?"
cite rawhoyte ah ho kho cih oh.
Tukeiccuze Pachia rynaw kha zui oh. Satan kha dou oh lah, nanning kha ae ccuetaw cih oh.
Tukeiccuze ming hae nynh a i hae hawte ih nan oh sih, aening tuh raeringkuh oh sih lah, hawrarih lan um oh sih.
Fidelidade e aliança
Deus é fiel à sua aliança. Ele protege cada promessa que faz e guarda os seus como a menina dos seus olhos.
Thuasalama Bawipaw tuh a lungzipaw nynh thua; aning nynh thawzung ae pya cih oh zah ccungccaw hoyleipaw kyate ae thungkhaw cih oh.
Aening nynh a kawbya hae kha ah zui oh zah a lungrythuapaw ryalaw hae kha ah law oh keiccuze ah ngiaku oh paw miakaw kha amaw kyate ah mue oh.
Pachia kya aening rawhoynaw ah hoi oh paw tuh e hynh nynh thua: Aening nynh amaw rynaw thyhte ccangkhakheit kha ah ngiaku oh ze, Pachia nynh oun thaepya. Aening nynh ah ngiaku oh paw miakaw kha aning nynh oun thaepya cipaw ah ny oh ze, amaw kalan ah ngiaku oh paw kha ah mue oh cipaw ah ny oh.
Humhung zemah Pachia kyate a puipaw tuh sei khyh cipaw ah ny oh. Pachia kyate a puipaw tuh amaw te amaw rinkuh zah, Satan nynh ty kho khyh.
Atu te laephi kya ka um vae lan khyh, thuasalama minmin tuh laephi kya nynh a um hae, kae tuh namaw kalan kae cceih cih. Athyaapaw Apang, aening tuh ccangkheit ah thua hawte, nae pyapaw ccungccaw hae nynh ccangkheit athua nawlan hae minmin kha na min te khynsah hae. Nae pyapaw ccungccaw hae ryte ka um lya tuh minmin kha na min te ka khynsah hae; azo lanpaw ccungccapaw holeite, nae pyapaw ccungccaw hae kha ka khynsah hae zah, lu kheit sanmah zo khyh hae, tuh-e tuh Ccathyaa accing nawlan nynh thua.
Minmin hynh laephi kyate na law ccaw hae cite kae ngia khyh, thuasalama ahoy leipaw kyate na khynsah ccaw hae cite nynh kae ngia.
Bawipaw laelan
hummou Pachia athua?
aening Pachia laelan
hummou lungpi athua?
tukeiccuze atu tuh na ryalahtu innbyn hynh namaw malang zungzae tyn sah cite hythuapya khylan na lungrythua sah; pawccecize pou Bawipaw PACHIA, na ho vae hawte na ryalahtu inn tuh na hythuanaw khate zungzae hythuaccou vae sah," a ci.
David nynh Damaskas khua e Siria hae kyakhe rhawviatu hae kha a nung hae; Siria hae tuh David rya a lahtu lang tang hae zah ngunto a pya hae. Bawipaw nynh David kha a ccianaw takyh kya taenaw a pya.
na ccianaw takyh kya na kya ka um zah, na rhaw hae balyn kha na malang te ka vua hae; laephi vawlan e alesaepaw ccungccaw hae min hawte alesaepaw min kha kae raepah cih.
Ka phungbya hae kha na zui cih oh zah ka phungzae hae kha tynkaring lan na zui cih oh. Tuhteze tuh ram lungkhu khyndadyh lan na um cih oh.
Tuipayn keiccuze ahysuepaw balyn hynh papin buachih vae lan khyh, te laephi ro khylan tuipayn hynh mazi bua ynkuh vae lan khyh, nanning kya ka byakin kha ka tynsah," a ci.
Bawipaw PACHIA nynh a paccynpaw kha
a ryalahtu profeh hae kya
a langsakuh leite,
pawpaw sanmah cyih khyh.
Provisão diária
Deus satisfaz os desejos do coração dos seus filhos. Ele abençoa, renova as forças e sustenta dia após dia quem nele confia.
Pou Bawipaw , na thawccinaw kha
yn kang nan;
atynpaw na sungsahnaw te
na lungzinaw nynh
zungzae yn khynsah sah.
Na phupaw kha
Bawipaw kya nung lah,
nang kha ae bawm cih;
miding kha shungnaw
kharouh pya boi lan khyh.
Thuasalama na thungnaw kha
hlaw te ka sah cih;
awkhua takaw khe atynpaw
na sungsahnaw kha hlaw te
ka siakhae cih.
Pawccecize nang tuh ka rhawlungrua
na thua vae zah,
ka vawsaw ccyh lya
ka khynnaw nynh na thua.
Thuasalama siapharan tuh Pachia kya
a lungpaw cih;
Pachia min te bya a kinkuh hae paw tuh
mih lungtua cih,
pawccecize mihyn hae khalang tuh
myhsah athua cih.
Pachia kalan hlawsah oh,
amaw min kha thehoysahnaw hlawsah oh;
maeking vawlan a ccikuhpaw kha
hlawsahpah oh,
a min tuh Bawipaw nynh thua,
amaw malang nae lungtua sah.
Ngawraw hae paaw thua zah,
nomae hae kha
a thungkhaw hae paw tuh
a beikinnthyaa kya a umpaw
Pachia nynh thua.
Nin takyh aening phupaw oun phupahpaw
Bawipaw tuh thehoyte um sah;
Pachia tuh aening khumnaw nynh thua.
Kae tuh Izip ram kyate ae poukhae oh paw
Bawipaw nae Pachia nynh ka thua.
Nae khalang kha haehae aw oh lah,
kae baw cih oh.
Pawccecize Bawipaw Pachia tuh
khuanin thua zah
thungkhawtu mah athua;
aning nynh maehoynaw te
sawtuanaw kha yn pya.
Hmerarih lante ryalah hae paw kha
Bawipaw nynh ahoypaw uccaw
pya leite um khyh hae.
Bawipaw nynh hoyleipaw
a hua hae paw kha a sungsah hae;
alungzipaw a ccungccaw hae
hiinnaw kha a rin hae;
minmin kha ccungccaw hoylei
hae paw kuih kyate a luesah hae.
Bawipaw nynh bawmtu
hoi lei hae paw kha a thungkhaw hae;
he yn dothatheih vae hae ze,
aning nynh yn khum.
Bawipaw tuh ka tungvaw
myarya ahoy keiccuze
Pou ka muisaw, ngaengante umtua.
Bawipaw nynh ka hiinnaw kha
chinaw kyate thuasah,
ka mit kha mitphi luanaw kyate thuasah,
ka ccu kha thykunaw kyate thuasah
yn luesah vae.
A hiin hae paw ram kyakhe
Bawipaw malang cciate ka hiin.
Nang tuh ka rekunaw hmin te
ka khawriaphua nynh na thua;
na bya kha ka ngaehoi.
Inn kya Pachia Hythuanaw
Bawipaw nynh inn kha
a sak khyh lanze,
inn saktu hae ryalaw tuh
alakawpaw nynh thua,
Bawipaw nynh khuapi kha
rhawviapya khyh lanze,
khua rhawviatu hae nynh
rhawvia hae paw tuh alakawpaw nynh thua.
Tuin kyakhe David ki kikheit kha
ka toihsah cih; chitui thuh athuapaw
ka ccungccaw hanlan maeekhua kha
ka paccyn vae.
A rhaw hae kha thethya
ka ccousah cih hae,
thuasalama a bawilukhung tuh
a tungvaw khe a aw cih.
Bawipaw nynh ka hanlan
a paccynpaw kha a ccingsah cih.
Pou Bawipaw , atynpaw
na sungsahnaw tuh zungzae atyn.
Na kuih ryalawnaw kha vua nan.
Na kuih kha na daw zah,
ahiinpaw ahysuepaw miakaw
mih rynaw kha na ccingsahpya hae.
aning tuh tuaasahkunaw
a ing hae paw hanlan
dingnaw a raepaw nynh thua;
mih vuelaw hae paw kha
looh a pya hae.
Bawipaw nynh thongccah
hae paw kha a luesah hae;
Bawipaw nynh mitmoh hae kha
ngaw a muihsah hae.
a nyaasah hae paw kha a hangthung hae;
Bawipaw nynh miding hae kha
a sungsah hae.
Bawipaw nynh mikhia hae kha a rin hae;
ngawraw hae te nomae hae kha a bawm hae,
thuasalama ccungccaw hoylei hae
laanpi kha a ropya hae.
Ka huekuh cih zah daebabi lan
ka ihtheih cih;
pawccecize pou Bawipaw ,
nang rou nynh khyndadyh lan
nae umsah.
Satan lingnaw kha na dou kho nawlan oh Pachia kya-e rhawtuk-uccaw kha abalyn mawte lawkuh oh.
Satan lingnaw kha na dou kho nawlan oh Pachia kya-e rhawtuk-uccaw kha abalyn mawte lawkuh oh. Pawccecize aening tuh chii te saw a hoipaw rhaw te ah doukuh khyh oh, thuasalama uktu hae, kawhoitu hae, hynh-e she mohnaw kya-e laephi uktu hae, vaawlang umpaw ahoy leipaw muisaw hae ryte nynh ah douku oh.
Pachia Uccaw Luade Nan
Ccungccaw nynh Pachia uccaw kha a luade cih tou? Thuasalama nanning nynh ka uccaw kha nae luade oh! Nanning nynh, "Pawcitemou nang kha kae luade?" na ci oh. Pumhaw pumkheit thuasah, pyapaw uccaw hae thuasah nae luade oh! Nanning nynh ka uccaw kha nae luade oh keiccuze minphuin pynpi te nanning kha thyalaw na thua oh! Pumhaw pumkheit kha abalynte sisuainn lungkhu lang oun thuakhae oh, tuhteze nynh ka inn kya looh a um cih, te nanning hanlan vaaw thuakaw kha hungte paepae leikuhpaw hythuanaw kha kae bunua oh tah, kae bunua khyh oh tah, yn syntawtua oh, cite vaaw Bawipaw nynh a ci.
Minmin te ka mua po voilu lan umpaw hmin hae kha hythua ka pya cih hae; accyh thyhte khuaa ka rawsah cih zah, tuh-e khuaa tuh hythuanaw khuaa athua cih.
Pawccecize hawnaw nynh
a pyapaw khynnaw tuh phua nynh
a pyapaw khynnaw te nynh aloku;
nynaw a hoipaw tuh hawnaw hoi zah,
hawnaw nynh hiinnaw kha a pya,
tuh-e tuh nynaw athanenawpaw nynh thua.
Tuhawte thehoypaw a phytu hae tuh thehoypaw liate mih vuekuakuh cih hae cite Bawipaw nynh kaw a pya vae.
Pawccecize phua eih rynaw tuh hoyleinaw phuin balyn kya-e atharuipi nynh thua. Ccungccaw abang nynh phua eih a ry hae keiccuze zynnaw kyate a cceihsei vae hae, te mimaw te mimaw kha ngaethyanaw pataepi khate a thuingku hae.
Thawbang hae paw kha
mih vue ka sosah cih hae zah,
thawthang hae paw balyn kha
thawzung ka pyathui cih hae, a ci.
Tuh-e keiccu nynh hynh-e vawsawnaw hae hynh ka teing. Tuhzemah ka maethah khyh. Pawccecize hum nynh ka zyn cipaw kha ka ny, amaw kalan ka appaw uccaw kha tuh-e Nin kyacia a khynsah kho cipaw ka ny.