Proximidade
Deus é próximo dos que o buscam. Ele não é um Deus distante, mas presente, íntimo e acessível a todo o que o invoca com sinceridade de coração.
Buscar a presença de Deus
A Bíblia nos exorta a buscar a face do Senhor continuamente. Quem se aproxima dele encontra plenitude de alegria e delícias perpétuas.
Iwuuk anyen ise Abọọñ ye adudu amọ;
iyem iso amọ afịd-afịd ini.
Iwuuk anyen ise Abọọñ ye adudu amọ;
iyem iso amọ afịd-afịd ini.
Yem Abọọñ ke ini akemeke adikịt anye;
koot anye ke ini anye akpereke.
Ñkpọ keed ke ami mbeeñe Abọọñ,
kpa ado kpọd ke ñyem:
nte yak ndʌñ ke ufọk Abọọñ
ke afịd ayio uwem mmi,
nọ nse uyai Abọọñ
ñnyʌñ ñyem anye ke tembịd amọ.
Usen keed ke ekwere mfo
afọn akan tọsịn usen ke itie mfen;
ami ñkpaama adido akpeme usʌñ ke ufọk Abasi mmi
ñkan adidʌñ ke atayad mbon ibak.
Afo amenam ami ndiọọñọ usʌñ uwem;
afo ayañyọhọ miin ye inemesịd ke iso mfo,
ye mme nsi-nsi inem ñkpọ ke ubọk nnasia mfo.
Deus está perto
O Senhor está perto dos que o invocam, dos quebrantados de coração e dos que clamam por socorro. Sua presença nos sustenta.
Mme ndinen awo eseeme, ndin Abọọñ akop ammọ;
anye anyaaña ammọ asio ke afịd mfịna ammọ.
Abọọñ akpere mbon ake esịd abʌññọke
anyʌñ anyaaña mbon ake sịbidịd ammọ anuahake.
Yak afịd awo ekịt ke emenie ifuuro-ifuuro uwem. Abọọñ a-akpere.
Ado idahami, ke Krais Yisọs, e-enam ndufo e-ekedaaha nsan-nsan esaña ekpere ke iyiib Krais.
Ke akpanikọ mfọn ye ima mfo eyaeñkeene miin
ke afịd ayio uwem mmi,
ndin ami ñyaadʌñ ke ufọk Abọọñ
ke nsi-nsi.
A presença que nunca abandona
Deus promete nunca nos deixar. Ele permanece fiel, está conosco em todo tempo e envia o Espírito para habitar em nossos corações.
Ami ndiikpọññọ ndufo nte nditọ akpa; ami ñyaadi ibịne ndufo.
Yak Abọọñ Abasi ñnyịn aba ye ñnyịn kpa naña anye akeba ye mme ete ñnyịn; yak anye akuukpọñ akuunyʌñ afre anyen ibaña ñnyịn.
Ado ke akwa mbọm mfo afo ukusoboke ammọ, ukunyʌññọ ukpọñ ammọ, sia afo ado Abasi mfọn ye mbọm.
Ndin, yak Abọọñ emem ke idem amọ inọ ndufo emem ke afịd ini ye ke afịd usʌñ. Yak Abọọñ aba ye afịd ndufo.
Ke akpatre, nditọeka mmi ke Krais, idaara! Yak udọñ ndufo ado adikappa mfọn mma, ikpañ utọñ ke ebeeñe mmi, inie esịd keed, idʌñ emem-emem. Ndin Abasi ima ye emem ayaaba ye ndufo.
Ñnyịn idiọọñọ ke ñnyịn imidʌñ ke anye, ke anye ñko adʌñ ke idem ñnyịn, ke anye adinọọ ñnyịn Sịbidịd amọ.
Akenam awo ndomokeed ikịtte Abasi, ibọhọke ukweeñe Ayịn keed, a-anye ke idem amọ adooho Abasi anyʌñ aba ke ataa eti ndaha ewuana ye Ete, a-anam nọ ediọọñọ anye.
Moses akeba do ye Abọọñ ke uweemeayio aba ye akonayio aba, inyʌññọ ita uyo me inwọñ mmọọñ. Ndin anye amaawet ke itiadñwed mme ikọ edioomo, a-adooho mme Mbed Duob.
Ikọk mbon udọñọ e-ebaaha do, inyʌñ ikwọrọ inọ ammọ ibo, ‘Abioubọọñ Abasi i-ikpere ndufo idem.’
Sịbidịd Abasi amaadidoro Asaria ayịn Oded ke idem. Anye amaawuọ akaa akesoobo ye Asa anyʌñ abo anye, "Kpañ utọñ nnọ miin, Asa ye afịd Yuda ye Benyamin. Abọọñ ada ye ndufo ke ini ndufo edaaha ye anye. Adieke ndufo eyemme anye, ndufo eyaekịt anye, ado adieke ndufo esịnne anye, anye ayaisịn ndufo. Sia ke anyan ini Isrel ikinieghe anam akpanikọ Abasi, inieghe aku se inọ item inyʌññọ inie mbed. Ado ke ini mfịna ammọ emaetịmme ebịne Abọọñ, Abasi Isrel, enyʌñ eyem anye, ndin ammọ emaekịt anye. Ke mme usen ado ikifọnnọ awo adika isañ, sia afịd mme andidʌñ ke isọñ ekeba ke ekamba ndutịme. Idịd keed amaadakka ada anwana ye mfen ndin abio keed ye mfen, sia Abasi akenam ammọ enie mme nsio-nsio mfịna. Ado amaado ndufo, isọñ idem ikiinyʌñ iduọọk idodanyen, sia eyaebọ utịb utom ndufo."
Ke ini Asa akekoppo mme ikọ ami ye prọfesi Asaria ayịn Oded a-akedooho prọfed, anye amaasọñ esịd. Anye amaasioño mme mbubiam abasi ubọk awo afep ke afịd isọñ Yuda ye ke Benyamin ye ke mme abio a-anye akebọọhọ ke mme abod Ifrem. Anye amaatịmme adiọñ akpokoro uwa Abọọñ a-akebaaha ke nsakiso atekke tembịd Abọọñ.
Akem anye amaabon esob afịd Yuda ye Benyamin ye mbon Ifrem, Manase ye Simiọn e-ekedʌññọ ke atu ammọ, sia ataa uwak emaeto ke Isrel edi ke ini ammọ ekekịtte ke Abọọñ Abasi amọ amaaba ye anye.
Ammọ ekebono ke Yeruselem ke ayọhọ afiọñ ita ke isua ukara Asa ayọhọ duob mme ition. Ke ini ado ammọ emaewa iwuod enañ ikie itiaba (700) ye edọñ ye ebod tọsịn itiaba (7,000) eto ñkpọ mbịme ammọ ekebenne enyọñọ edi Abọọñ. Ammọ emaedʌk edioomo adiyem iso Abọọñ, Abasi mme eteete ammọ, ke afịd esịd ye ukpọñ ammọ. Afịd mbon ake imiidiiyemme iso Abọọñ, Abasi Isrel, eyaewot ammọ, me ado etək me ekamba, awodeen me awonwaan. Ammọ emaeta unwọñọ enọ Abọọñ ke uyio keed, ye ñkpo ye mme adukpoñ ye mme nnʌk. Afịd Yuda emaedaara ebaña unwọñọ ado sia ammọ ekenwọñọke ke afịd esịd. Ammọ emaesịn itọñ eyem anye, ndin ammọ emaenyʌñ ekịt anye. Ke ntoro Abọọñ amaanọ ammọ nduọkadudu ke afịd usʌñ.
Adidem Asa amaadooro ekaeka amọ Maaka ke itie amọ nte eka abọọñ, sia anye amaabot mbubiam ñkpọ anọ edat ekpono ndem Asera. Asa amaakpịkke, aboom anye anyʌñ afọp anye ke Abedeñ Kidrọn. Akpesʌkado anye imiikisịññeke mme ñkoñ-ñkoñ itie ke Isrel, esịd Asa amaasọọñọ ada ke adikpono Abọọñ ke afịd ayio uwem amọ. Anye amaakoono mme silfa ye kold ye mme ñkpoduoho ufọk ake anye ye ete amọ ekediọññọ asaña-asaña ebono adidọñ ke tembịd Abasi.
Ekọñ ikibaaha aba tutu asịm isua ukara Asa ayọhọ edịb mme duob mme ition.