Raiva
A raiva é uma emoção humana que a Bíblia trata com seriedade. Irar-se não é pecado em si, mas a ira descontrolada destrói relacionamentos e abre porta para o mal.
Controlar a ira
A Bíblia nos exorta a ser tardios para irar-se. A resposta branda desvia o furor, e o que se controla é mais forte que um guerreiro.
Otie Ne Ɔyɛ
Me nuanom adɔfo, monhyɛ eyinom nsow: monyɛ ntɛm ntie, monyɛ nyaa nkasa na monyɛ nyaa mfa abufuw;
Mmuae pa sianka abufuwhyew,
nanso asɛm a ano yɛ den hwanyan abufuw mu.
Onipa a ɔwɔ abodwokyɛre wɔ ntease a mu dɔ,
na nea ne bo fu ntɛm no da agyimisɛm adi.
Ɔkwasea da abufuw nyinaa adi,
nanso onyansafo hyɛ ne ho so.
Nkwaseafo bo nkyɛ fuw,
nanso mmadwemma bu wɔn ani gu animka so.
Irar-se sem pecar
Paulo ensina: irai-vos, mas não pequeis. Não deixe o sol se pôr sobre a vossa ira, para não dar lugar ao diabo.
Sɛ mo bo fuw a, monnyɛ bɔne. Mommma owia nkɔtɔ mo abufuw so. Mma ɔbonsam kwan.
Ɛyɛ onipa anuonyam sɛ ɔbɛkwati akasakasa,
nanso ogyimifo biara pɛ ntɔkwaw.
Ahantan de ntɔkwaw nko ara na ɛba,
na wohu nyansa wɔ wɔn a wotie afotu mu.
Amor e perdão acima da raiva
O amor cobre multidão de pecados. A Bíblia nos chama a não alimentar rancor, mas a perdoar e amar, vencendo a raiva com compaixão.
Ɔtan kanyan mpaapaemu,
nanso ɔdɔ kata mfomso nyinaa so.
Ɔdɔ wɔ boasetɔ na ne tirim yɛ mmerɛw; ɔdɔ nyɛ ahoɔyaw anaa ɛnkyerɛ ne ho anaa onni ahomaso su. Ɔdɔ mmu ɔbra bɔne; ɔnyɛ pɛsɛmenkominya; ne bo nhaw no; ɔmfa bɔne nhyɛ ne mu.
" ‘Ntan wo nua. Ka obiara a ɔyɛ bɔne anim; mma ɔbɔnefo mfa ne ho nni. Sɛ woyɛ saa a, wo nso wudi ho fɔ saa ara.
" ‘Ntɔ were. Nnya obi ho menasepɔw; na mmom, dɔ wo yɔnko sɛ wo ho, na mene Awurade.
Ɔtoaa so se, "Nea efi onipa mu ba no na egu ne ho fi. Afei nea efi nnipa koma mu ba no, ɛde aguamammɔ, korɔn, awudi, ayefasɛm, amumɔyɛ, asisi, ahohwi, anibere, abususɛm, ahantan ne nkwaseasɛm ba. Saa nnebɔne yi nyinaa fi onipa mu na ɛba, na ɛno na egu onipa ho fi a ɛmma ɔmfata Onyankopɔn anim."
Me nuanom, monhwɛ yiye na mo mu bi annya koma bɔne a ɔrennye Onyankopɔn nni a ɛbɛma watwe ne ho afi Onyankopɔn teasefo no ho.
"Sɛ ɔbarima gyaa ne yere
na ɔbea no kɔware ɔbarima foforo a,
ɛsɛ sɛ ɔbarima no san kɔ ɔbea no nkyɛn ana?
Ɛremma asase no ho ngu fi koraa ana?
Nanso wo ne adɔfo bebree abɔ aguaman,
na mprempren de wobɛsan aba me nkyɛn ana?"
Awurade na ose.
"Ma wʼani so hwɛ nkoko no so.
Baabi wɔ hɔ a wɔntoo wo mmonnaa da ana?
Wotenaa kwankyɛn twɛn adɔfo,
wotenaa sɛ mmoahwɛfo a wodi atutena wɔ nweatam so.
Woagu asase no ho fi,
wode wʼaguamammɔ ne wʼamumɔyɛ na ayɛ.
Enti wɔatwe obosu asan,
na asusowbere su antɔ.
Nanso wʼanim ayɛ sɛ oguamanfo a ɔmfɛre hwee;
wʼani nwu hwee.
Nnansa yi ara, woamfrɛ me se:
‘Mʼagya, me mmabunmmere mu adamfo,
wo bo befuw biribiara ana?
Wʼabufuwhyew no bɛkɔ so daa ana?’
Sɛɛ na wokasa,
nanso woyɛ bɔne nyinaa sɛnea wutumi."
Israel A Onni Nokware
Ɔhene Yosia adedi bere so no, Awurade ka kyerɛɛ me se, "Woahu nea Israel a onni nokware no ayɛ? Wakɔ nkoko nyinaa so ne dua a adennan biara ase akɔsɛe aware wɔ hɔ. Misusuwii sɛ anka wayɛ eyinom nyinaa akyi no, ɔbɛsan aba me nkyɛn nanso wamma, na ne nuabea Yuda a ɔno nso nka nokware no hui. Memaa Israel a onni nokware no awaregyae nhoma na mepam no esiane nʼawaresɛe abrabɔ nti. Nanso mihuu sɛ ne nuabea Yuda a onni nokware no ansuro; ɔno nso kɔbɔɔ aguaman bra. Esiane sɛ Israel aguamammɔ anyɛ no asɛnhia nti, ɔde fi kaa asase no na ɔne abo ne nnua bɔɔ aguaman. Eyinom nyinaa akyi no, ne nuabea Yuda amfi ne koma nyinaa mu ansan amma me nkyɛn, ɔyɛ de kyerɛɛ kɛkɛ," sɛnea Awurade se ni.
Awurade ka kyerɛɛ me se, "Israel a onni nokware no teɛ sen Yuda okontomponi no. Kɔ, fa wʼani kyerɛ atifi fam kɔka saa nsɛm yi kyerɛ wɔn:
" ‘San wʼakyi, Israel a onni nokware,’ Sɛɛ na Awurade se,
‘Meremmuna nkyerɛ wo bio,
efisɛ meyɛ mmɔborɔhunufo,’ sɛɛ na Awurade se,
‘Me bo remfuw afebɔɔ.
Gye wo afɔdi to mu,
woatew Awurade, wo Nyankopɔn anim atua,
woakyekyɛ wʼadɔe mu ama ananafo anyame
wɔ dua biara a adennan ase,
na woanyɛ osetie amma me,’ "
sɛnea Awurade se ni.
"Monsan mo akyi, mo akyirisanfo," sɛnea Awurade se ni, "efisɛ meyɛ mo kunu. Meyi wo; ɔbaako befi kurow mu na baanu afi abusuakuw mu, na mede mo aba Sion. Afei mɛma mo nguanhwɛfo a wɔda me koma so, wɔn a wɔde nimdeɛ ne ntease bɛkyerɛ mo ɔkwan. Saa nna no mu, sɛ mo dɔɔso bebree wɔ asase no so a," Awurade na ose, "nnipa renka bio se, ‘Awurade apam adaka no.’ Ɛremma wɔn adwene mu anaa wɔrenkae da; wɔn kɔn rennɔ na wɔrenyɛ foforo nso. Saa bere no wɔbɛfrɛ Yerusalem Awurade Ahengua, na amanaman nyinaa behyia wɔ Yerusalem abɛkamfo Awurade din. Na wɔrenni wɔn koma bɔne a ɛma wɔyɛ asoɔden no akyi bio. Saa nna no mu, Yuda fi bɛka Israelfi ho, na wɔabɔ mu afi atifi fam asase bi so aba asase a mede maa mo agyanom sɛ agyapade no so.
"Mʼankasa mekae se,
‘Anka ɛbɛyɛ me anigye sɛ mɛyɛ mo sɛ mma
na mama mo asase a eye,
agyapade a edi mu ma ɔman biara.’
Misusuwii sɛ mobɛfrɛ me ‘Agya’
na monnan mo ho mfi mʼakyi.
Nanso te sɛ ɔbea a onni ne kunu nokware no,
saa ara na moanni me nokware, Israelfi,"
sɛnea Awurade se ni.
Wɔte osu bi wɔ nkoko no so,
ɛyɛ Israelfo agyaadwotwa ne nkotosrɛ,
efisɛ wɔakyeakyea wɔn akwan
na wɔn werɛ afi Awurade, wɔn Nyankopɔn.
"Monsan mmra, ɔyera mma;
mɛsa mo akyirisan yare no."
"Yiw, yɛbɛba wo nkyɛn,
efisɛ wo ne Awurade, yɛn Nyankopɔn no.
Ampa, ahoni huuyɛ wɔ nkoko
ne mmepɔw so no yɛ nnaadaa;
nokware Awurade yɛn Nyankopɔn mu
na Israel nkwagye wɔ.
Efi yɛn mmofraase, anyame huhuw adi
yɛn agyanom nsa ano adwuma so aba,
wɔn nguankuw ne anantwi,
wɔn mmabarima ne wɔn mmabea.
Momma yɛmfa yɛn aniwu nneda fam
na yɛn ahohora nkata yɛn so.
Yɛayɛ bɔne atia Awurade yɛn Nyankopɔn,
yɛn ne yɛn agyanom;
efi yɛn mmofraase besi nnɛ
yɛanyɛ osetie amma Awurade, yɛn Nyankopɔn no."
